راولپنڈی پولیس کا پتنگ بازی و ہوائی فائرنگ کی روک تھام کے لئے پلان بنایا گیا۔ پلان کے مطابق2500 کے قریب پولیس افسران ڈیوٹی سرانجام دیں گے۔
پولیس کا کہنا ہے کہ 135پولیس ٹیمیں ،30 ڈولفن سکواڈ،35 محافظ سکواڈ، 10ایلیٹ سیکشن تعینات، 280چھتوں پر بھی پولیس اہلکار تعینات کیے گئے ہیں،
پتنگ بازوں کی سرچنگ اور ویڈیو مانیٹرنگ کے لیے ڈرون و دیگر کیمرے استعمال کئے جائینگے، پتنگ بازی و ہوائی فائرنگ میں ملوث افراد کے خلاف قانونی کاروائی کی جاۓ گی۔جس چھت سے پتنگ بازی ہوئی اس کے مالک اور گھر کے سربراہ کے خلاف بھی قانونی کاروائی ہو سکتی ہے۔ پتنگ بازی جان لیوا کھیل ہے اس سے اجتناب کریں۔
راولپنڈی پولیس پتنگ بازی و پتنگ فروشی کے خلاف کریک ڈاؤن جاری رکھے ہوئے ہے، شہری بھی اپنی ذمہ داری ادا کریں ۔
Tag: سختی
چھت سے پتنگ بازی ہوئی اس کے مالک اور گھر کے سربراہ کے خلاف بھی قانونی کاروائی
حج کے لئے کورونا پروٹوکول پر سختی سے عملدرآمد!
نورالحق قادری کا کہنا ہے کہ وہ پاکستانی حاجیوں کیلئے شرائط میں نرمی پر سعودی حکام سے بات کریں گے.
وفاقی وزیر برائے مذہبی امور نور الحق قادری نے کہا ہے کہ سعودی عرب نے حج 2021ء کے سلسلے میں پاکستان کے ساتھ ابھی تک مفاہمتی یادداشت پر دستخط نہیں کیے، پاکستانی حاجیوں کیلئے شرائط میں نرمی پر سعودی حکام سے بات چیت کریں گے۔
اپنے ایک بیان میں انہوں نے کہا کہ سعودی عرب کو حج پر آنے والوں کیلئے قواعد وضوابط بنانے سے پہلے کورونا کی صورتحال واضح ہونے کا انتظار کرنا چاہیے۔ انہوں نے کہا کہ حکومت حج کے دوران لوگوں کو پیش آنے والے مسائل سے بخوبی واقف ہے، اس حوالے سے سعودی حکومت سے مسلسل رابطے میں ہیں۔
نور الحق قادری نے کہا کہ گزشتہ برس بھی کورونا وائرس کی وجہ سے صرف 10 ہزار افراد کو حج کرنے کی اجازت دی گئی تھی۔ سعودی حکومت کورونا وائرس کے صورتحال کی سخت نگرانی اور تمام ممالک سے اعدادوشمار جمع کر رہی ہے، صورتحال بہتر ہونے پر سعودی حکومت پاکستان کو فوری آگاہ کرے گی۔
ان کا کہنا تھا کہ اس حوالے سے پاکستان اور سعودی حکومت کے درمیان امور پر تبادلہ خیال ہو چکا ہے، صورتحال بہتر ہونے پر حج انتظامات کو حتمی شکل دیدی جائے گی۔ وفاقی وزیر نے مزید کہا کہ حکومت پاکستان سے حج 2021ء میں شرکت کرنے والے عازمین کی تعداد نہیں بتا سکتے، اس کیلئے سعودی حکومت کے حتمی فیصلے کا انتظار ہے۔
ایک سوال کے جواب میں انہوں نے کہا کہ سعودی عرب کی حکومت نے یہ واضح کر دیا ہے کہ حج کے دوران کورونا پروٹوکول پر سختی سے عملدرآمد کروایا جائے گا، حکومت پاکستان حج پر جانے والوں کو کورونا ویکسین فراہم کرے گی، میڈیا حاجیوں کیلئے خصوصی آگاہی مہم چلائے۔
لاک ڈاؤن سخت سڑکیں سنسان
قصور
شہر بھر میں کرفیو کا منظر پاک آرمی کی جانب سے ناجائز گھومنے پھرنے والوں کو تنبیہہ
تفصیلات کے مطابق قصور میں کل کرونا کا پہلا کیس سامنے آنے کے بعد لاک ڈاؤن میں شدید سختی کر دی گئی ہے شہر کے داخلی و خارجی راستوں کے علاوہ شہر بھر میں گشت بھی جاری ہے ناجائز گھومنے پھرنے والوں کو تنبیہہ کی جارہی ہے کہ دوبارہ بلا ضرورت گھر سے مت نکلیں ورنہ مقدمہ درج کروایا جائیگا اس کے علاوہ لوگوں میں ماسک بھی تقسیم کئے جا رہے ہیں آج سختی کے بعد سڑکیں بلکل ویران ہیں اور بڑی حد تک لوگ گھروں میں ہیں جس سے کرونا سے بچنے میں مدد ملے گی
لوگ باز نا آئے سختی کی ضرورت
قصور کی تحصیل چونیاں کے گلی محلوں اور مین بازاروں میں لوگ ٹولیوں کی صورت میں بیٹھے نظر آتے ہیں وہ بھی بغیر ماسک پہنے اور حفاظتی تدابیر کے بغیر اسسٹنٹ کمشنر چونیاں .ایس ایچ او تھانہ سٹی اور دیگر ذمہ داران سےاپیل ہے کہ شہر میں دن میں ایک دو بار ضرور گشت کریں تاکہ عوام گھروں میں رہیں اور اس وبائی کورونا کی وباء سے محفوظ رہ سکے ریاست اپنی ذمہ داری احسن طریقے سے ادا کر رہی ہے مگر عوام اس انتہائی نازک معاملے کو مذاق کے طور پر دیکھ رہی ہے
شہریوں کا کہنا ہے کہ تھوڑی سی سختی سے اگر بڑے سانحے سے محفوظ رہ سکتے ہیں تو ہمیں یہ سختی کرنی چاہیے
