یہودی تخلیق کاروں ، سیاسی و سماجی کارکنوں اور مشہور شخصیات سمیت 350 سے زیادہ ربیوں نے نیویارک ٹائمز میں ایک اشتہار پر دستخط کیے ہیں جس میں انہوں نےغزہ سے فلسطینیوں کی مؤثر نسلی صفائی کے لیے ڈونلڈ ٹرمپ کی تجویز کی مذمت کی ہے، جس کیلئے انہیں اشتہار بھی دے دیا۔
باغی ٹی وی : دی گارڈین کے مطابق مذکورہ اشتہار نیویارک ٹائمز اخبار میں شائع کیا گیا ہے جس میں کہا گیا ہے کہ یہودی عوام نسلی تطہیر کو مسترد کرتے ہیں اس اشتہار میں واضح الفاظ میں کہا گیا کہ یہودی عوام کسی بھی قسم کی نسلی صفائے کو مسترد کرتے ہیں، علاوہ ازیں امریکی صدر ڈونلڈ ٹرمپ کی جانب سے فلسطینیوں کے خلاف دی جانے والی نسل کشی کی تجویز کی بھی مذمت کی گئی ہے۔
صحافی پیٹر بینارٹ نے لکھا ہے کہ ہمارے وقتوں کی بربریت یہ ہے کہ ہمیں ان انسانوں کا بالکل بھی خیال نہیں رہا جو سفید فام یا یہودی اور مسیحی یا مغرب کے باشندے نہیں ہیں جبکہ معروف فلمی ہدایتکار جوناتھن گلیزر نے کہا کہ یہودیوں کے خلاف دوسری عالمی جنگ میں ہونے والے مظالم کو آج ایک قابض قوت نے اپنے حق میں استعمال کر لیا ہے۔
جنوبی افریقہ میں دنیا کے پہلے ہم جنس پرست امام مسجد کا لرزہ خیز قتل
رپورٹ کے مطابق یہ اشتہار اسرائیل کی جانب سے غزہ کا کنٹرول سنبھالنے کی ڈونلڈ ٹرمپ کی اس تجویز کا جواب ہےاس اقدام سے 20 لاکھ فلسطینی اپنے گھر بار چھوڑنے پر مجبور ہوں گے، کیونکہ ان کے پاس کوئی دوسرا راستہ نہیں ہوگا، ٹرمپ چاہتے ہیں کہ فلسطینی عوام اردن، مصر اور دیگر عرب ممالک میں جا کر بس جائیں لیکن عرب ممالک اور دیگر اتحادیوں سمیت بہت سے لوگوں نے اس اقدا م کی سخت مخالفت کی ہے۔ ان کے خیال میں یہ نسلی صفائی کی ایک شکل ہے، جو انسانی حقوق کی سنگین خلاف ورزی ہے۔
یوکرین میں جنگ بندی کیلئےسعودی عرب میں جلد مذاکرات شروع ہونے کا امکان
مذکورہ اشتہاری مہم کے ڈائریکٹر کوڈی ایڈگرلی کا خیال ہے کہ اشتہار کا وقت کافی اہم ہے کچھ سیاسی حدود جو کبھی غیر گفت و شنید سمجھی جاتی تھیں اب تیزی سے تبدیل ہو رہی ہیں، جس کی ایک وجہ ٹرمپ اور نیتن یاہو کے درمیان نئے اتحاد کی وجہ سے ہے انہوں نے فلسطینیوں کو پیغام دیا کہ وہ اکیلے نہیں ہیں اور لوگ غزہ سے فلسطینیوں کی جبری بے دخلی کو روکنے کے لیے پوری طرح پرعزم ہیں، جسے نسلی تطہیر کے نام سے جانا جاتا ہے۔
واشنگٹن ڈی سی میں نیو سیناگوگ پروجیکٹ کے ربی یوزف برمن نے کہا کہ ٹرمپ "ایسا لگتا ہے کہ وہ اپنے ملک اور دنیا پر حکمرانی کرنے، اس کے مالک ہونے اور اس پر غلبہ پانے کا اختیار رکھنے والا خدا ہے-
سعودی عرب اور امارات سمیت 11 ملکوں سے مزید 173 پاکستانی ڈی پورٹ
ربی یوسف برمن نے کہا کہ یہودی تعلیم واضح ہے کہ ٹرمپ خدا نہیں ہے اور وہ فلسطینیوں کے موروثی وقار کو نہیں چھین سکتا اور نہ ہی جائیداد کے معاہدے کے لیے ان کی زمین چرا سکتا ہے۔ غزہ سے فلسطینیوں کو نسلی طور پر پاک کرنے کی ٹرمپ کی خواہش اخلاقی طور پر قابل نفرت ہےیہودی رہنما ٹرمپ کی نقل مکانی اور مصائب سے فائدہ اٹھانے کی کوششوں کو مسترد کرتے ہیں اور انہیں اس گھناؤنے جرم کو روکنے کے لیے اقدامات کرنا ہوں گے۔
چونکہ حماس نے 7 اکتوبر 2023 کو اسرائیل پر حملہ کیا، جس میں تقریباً 1,200 اسرائیلی ہلاک ہوئے جبکہ 251 افراد کو یرغمال بنایا، اسرائیل نے غزہ پر ایک مہلک جنگ شروع کی گزشتہ 16 مہینوں کے دوران، اسرائیلی فورسز نے کم از کم 48,200 فلسطینیوں کو شہید کیا ہے جبکہ اسرائیلی امدادی پابندیوں کی وجہ سے خوراک، طبی سامان اور ایندھن کی قلت کے درمیان تنگ پٹی میں 20 لاکھ زندہ بچ جانے والوں کو زبردستی بے گھر کیا ہے۔
مولانا فضل الرحمان کو سیکیورٹی تھریٹ،ترجمان جے یو آئی کی کےپی حکومت پر تنقید
ہفتے کے آخر میں فاکس نیوز کے بریٹ بائر کے ساتھ ایک انٹرویو میں، ٹرمپ نے کہا کہ وہ غزہ کے "مالک” ہوں گے اور کہا کہ یہ "مستقبل کے لیے رئیل اسٹیٹ کی ترقی” ہوگی، یہ پوچھے جانے پر کہ کیا فلسطینیوں کو واپسی کا حق حاصل ہوگا، سابق ریئل اسٹیٹ ڈویلپر ٹرمپ نے کہا:کہ”نہیں، وہ ایسا نہیں کریں گے،اس دوران، میں اس کا مالک ہوں گا،اسے مستقبل کے لیے ایک رئیل اسٹیٹ ڈویلپمنٹ کے طور پر سوچیں یہ زمین کا ایک خوبصورت ٹکڑا ہوگا کوئی بڑی رقم خرچ نہیں ہوئی۔”
