نگراں وزیر داخلہ سندھ حارث نواز کا کہنا ہے کہ جس سردار کے علاقے سے بندہ اغوا ہوگا اس سردار پر مقدمہ ہوگا اور شکار پور میں میڈیا سے گفتگو کرتے ہوئے بریگیڈئیر (ر) حارث نواز نے کہا کہ چاہے شر ہو، سندرانی ہو یا مزاری، اب سرداروں پر مقدمات ہوں گے۔
جبکہ نگراں وزیر داخلہ سندھ نے کہا کہ اگر بندہ اغوا ہوا تو تاوان بھی سردار ادا کرے گا۔ نگراں وزیر داخلہ کا مزید کہنا تھا کہ ڈکیتوں اور اغواکاروں کو کسی صورت معاف نہیں کیا جائے گا، کچے اور پکے کے علاقوں میں جرائم پیشہ افراد کے خلاف سخت کارروائی ہوگی۔
مزید یہ بھی پڑھیں؛
عمران خان کے خلاف توہین الیکشن کمیشن کیس سماعت کے لیے مقرر کردیا
پیٹرول مہنگا ہونے پر نگران وزیراعظم کو عدالت طلبی کا نوٹس
نگران وفاقی وزیر اطلاعات کا زکاء اشرف سے ملاقات
جنسی زیادتی الزامات؛ رسل برانڈ کی یو ٹیوب پر اشتہاری آمدن معطل
نیشنل ہائی ویز اینڈ موٹر وے پولیس نے جرمانوں میں اضافہ کر دیا
پرویز الہٰی کیخلاف ایک اور مقدمہ درج
انہوں نے کہا کہ مجرموں کے خلاف جو بھی ہتھیار استعمال کرنا ہے وہ استعمال کریں گے۔ علاوہ ازیں انہوں نے یہ بھی دعویٰ کیا کہ دو ماہ میں جرائم پیشہ عناصر کا خاتمہ ہو جائے گا۔ جبکہ نگراں وزیر داخلہ نے کہا کہ ہم پر کوئی سیاسی دباؤ نہیں، کسی سردار کو گرفتار کرنا پڑا تو گرفتار کریں گے، آپریشن میں پولیس کے ساتھ رینجرز اور پاک فوج بھی حصہ لے گی، جرائم پیشہ افراد کا راستہ روکنےکے لیےپنجاب پولیس سےبھی مددلی جائے گی۔