قومی کرکٹ ٹیم کے سابق کپتان اور پاکستان سپر لیگ (پی ایس ایل) کی ٹیم کوئٹہ گلیڈی ایٹرز کے کپتان سرفراز احمد سمیت 6 لوگ براستہ بحرین ابوظہبی روانہ ہوگئے۔
بای ٹی وی : ذرائع کے مطابق پی ایس ایل سیزن 6 کے بقیہ میچز میں شرکت کیلئے ذیشان اشرف اور زید عالم سمیت لاہور سے4 کھلاڑی کراچی پہنچے جبکہ کراچی سے سرفراز احمد اور میڈیا منیجر عماد حمید ابوظہبی روانہ ہوئے۔
پاکستان میں موجود 13میں سے 6افراد کو گزشتہ روز ویزے جاری ہوئے،متعلقہ کھلاڑی اور آفیشل نجی ائیرلائن سے صبح 6 بجکر 40 منٹ پر کراچی سے روانہ ہوئے-
پی سی بی آج باقی رہ جانیوالے 7 افراد کے ویزے حاصل کرنے کی کوشش کرے گا،7افراد میں 3کرکٹرز عمر امین، آصف آفریدی اور محمد عمران بھی شامل ہیں-
واضح رہے کہ گزشتہ روز بھی فلائٹ دستیاب نہ ہونے کے سبب سرفراز احمد کی روانگی میں ایک دن کی تاخیر کی گئی تھی۔