سری لنکا کی حکومت نے سرکاری ملازمین کو پھل اور سبزیاں اگانے کے لیے ہفتے میں ایک دن کی اضافی چھٹی دینے کا فیصلہ کیا ہے۔

باغی ٹی وی : برطانوی خبررساں ادارے بی بی سی کے مطابق بدترین معاشی بحران کا سامنا کرنے والے ملک سری لنکا میں حکومت نے اس تجویز کی باقاعدہ منظوری دی جس کے تحت سرکاری ملازمین کو اگلے تین ماہ تک ہرہفتے میں ایک دن اضافی چھٹی دی جائے گی۔

سری لنکا کی حکومت کی جانب سے کہا گیا ہے کہ اس فیصلے کا مقصد سرکاری ملازمین کو اس طرف راغب کرنا ہے کہ اس چھٹی کا استعمال کرتےہوئےوہ اپنےخاندان کی غذائی ضروریات کو پورا کرنےکےلیے سبزیاں اورپھل اگائیں اسکےساتھ ساتھ ہی پیٹرولیم مصنوعات کی قلت کی وجہ سے دفاتر پہنچنے میں مشکلات کا سامنا کرتے ملازمین کی مشکلات بھی کم کی جا سکیں گی۔

آن لائن پورٹل پر حکومت کی جانب سے جاری بیان میں کہا گیا ہے کہ یہ مناسب سمجھا گیا کہ سرکاری ملازمین کو ہفتے میں ایک اضافی چھٹی دی جائے اور ان کو درکار سہولیات دی جائیں تاکہ وہ زرعی سرگرمیوں کے ذریعے اپنے گھر کے باغیچے میں یا پھر کسی اور مناسب جگہ پر مستقبل میں خوارک کی قلت کے خطرے کے پیش نظر کام کر سکیں۔

واضح رہے کہ دو کروڑ بیس لاکھ آبادی والے ملک سری لنکا میں تقریباً دس لاکھ افراد سرکاری ملازمین ہیں اضافی چھٹی جمعے کے دن دی جائے گی یہ فیصلہ ملک میں خوراک کی قلت کے خطرے کے پیش نظر کیا گیا ہے-

یہ فیصلہ ایسے وقت میں کیا گیا ہے جب سری لنکا اپنی 70 برس کی تاریخ میں بدترین معاشی بحران کا سامنا کر رہا ہے۔زرمبادلہ ذخائر میں کمی کی وجہ سے سری لنکا کو خوراک، تیل اور ادویات جیسی ضروری اشیا کی درآمد میں مشکلات کا سامنا ہے۔

بی بی سی کے مطابق امریکہ کی جانب سے سری لنکا کی مدد کرنے کا اعلان بھی کیا گیا دوسری جانب سری لنکا کی حکومت اس وقت معاشی امدادی پیکج کے لیے آئی ایم ایف سے مذاکرات میں مصروف ہے اور آئی ایم ایف کا وفد آئندہ سوموار کو کولمبو پہنچنے والا ہے۔

ملکی وے کہکشاں میں ایک آزادانہ گشت کرتا ہوا بلیک ہول دریافت

برطانوی حکومت اخراجات میں کمی لانے کے لیے 90 ہزار سرکاری ملازمین کو ملازمت سے فارغ کرنے پر غور کر رہی ہے-

باغی ٹی وی : ” دی گارجئین” کے مطابق اس سلسلے میں برطانیہ کے وزیراعظم بورس جانسن نے اپنی کابینہ کے وزرا کو خصوصی ہدایات جاری کر دی ہیں بورس جانسن نے وزرا سے کہا ہے کہ وہ مختلف محکموں سے ملازمین کی تعداد میں کمی لائیں۔

بورس جانسن کا کہنا کہ ملازمین کی تعداد میں کمی سے حکومتی اخراجات میں واضح کمی آئے گی اور اس سے بچنے والا پیسہ عوام کی فلاح و بہبہود کے لیے خرچ کیا جائے گا۔

برطانوی وزیراعظم نے کابینہ سے کہا ہے کہ وہ ملازمین کی تعداد میں کمی لانے کیلئے تجاویز ایک ماہ میں پیش کریں سرکاری اخراجات میں کمی لا کر معیارِ زندگی کی بڑھتی قیمتوں کو کم کیا جا سکتا ہے۔

بورس جانسن نے کہا کہ ٹیکس دہندگان سے وصول کیا گیا ہر پائونڈ ترجیحی طور پر عوام پر خرچ کرنا ضروری ہے۔

عمران خان کے آئی ایم ایف سے کئے گئے معاہدے پر عملدرآمد کے پابند ہیں،مفتاح اسماعیل

” دی گارجئین ” کے مطابق انہوں نے ڈیلی میل کو بتایا کہ میں زندگی گزارنے کی لاگت کو کم کرنے کے لیے حکومت کی لاگت میں کمی کرنی ہوگی انہوں نے مستقبل میں ٹیکسوں میں کٹوتیوں کا اشارہ دیتے ہوئے تجویز کیا کہ سرکاری ملازمین کی تعداد کو کم کرنے سے بچائے گئے اربوں سے ایسے اقدامات کو فنڈ دینے میں مدد مل سکتی ہے۔

انہوں نے کہا کہ حکومت ٹیکس دہندگان سے ہر پاؤنڈ پہلے سے نکالتی ہے وہ رقم ہے جسے وہ اپنی ترجیحات، اپنی زندگیوں پر خرچ کر سکتے ہیں۔

جانسن نے وزراء کو حکم دیا کہ وہ آنے والے سالوں میں 2016 کے سرکاری ملازمین کی تعداد واپس کریں، عملہ تقریباً 25 فیصد بڑھ کر 475,000 کل وقتی مساوی ملازمتوں تک پہنچ گیا ہے وزراء کے پاس ایک ماہ کا وقت ہوگا کہ وہ اپنے محکموں میں اس کو کیسے حاصل کریں گے اس کے لیے تجاویز پیش کریں۔

صورت حال انتہائی خطرناک ہوتی جا رہی ہے،اسد عمر

ایک حکومتی ترجمان نے کہا کہ وزیراعظم اور وزراء واضح ہیں کہ سول سروس عوام کے لیے ایک شاندار کام کرتی ہے اور حکومت کی ترجیحات میں پیشرفت کو آگے بڑھاتی ہے لیکن جب ملک بھر میں لوگوں اور کاروباری اداروں کو بڑھتے ہوئے اخراجات کا سامنا ہے، عوام بجا طور پر توقع کرتے ہیں کہ ان کی حکومت مثال کے طور پر رہنمائی کرے گی اور ہر ممکن حد تک مؤثر طریقے سے چلائے گی۔

عمران خان کی فول پروف سیکیورٹی دی جائے،شہباز گل نے سیکرٹری داخلہ کو خط لکھ دیا

افغانستان میں طالبان نے بغیر داڑھی والے سرکاری ملازمین کیلئے نئی ہدایات جاری کردی ہیں۔

باغی ٹی وی :غیر ملکی خبر رساں ایجنسی کے مطابق طالبان کی وزارت امر بالمعروف و نہی عن المنکر کی جانب سے تمام سرکاری محکموں میں ملازمین کیلئے نئی ہدایات جاری کی گئی ہیں جس میں تمام ملازمین کو داڑھی نہ منڈوانے اور مقامی لباس پہننا لازمی قرار دیا گیا ہے اور متنبہ کیا گیا ہے کہ ڈریس کوڈ کی خلاف ورزی پر نوکری سے نکالا بھی جا سکتا ہے۔

بھارتی بحرین میں بھی باز نہ آئے، حجاب پہنے خاتون کو ریسٹورینٹ میں داخل ہونے سے روک دیا

سرکاری ملازمین کو اوّل وقت میں نماز کی ادائیگی اور دراڑھی نہ منڈوانے کے حکم کے ساتھ ساتھ یہ بھی ہدایت کی گئی ہے کہ وہ مقامی لباس پہنیں جس میں لمبی ڈھیلی قمیص، ٹخنوں سے اونچی شلوار اور سر پر ٹوپی یا پگڑی شامل ہے۔

ہدایات نامے میں کہا گیا ہے کہ حکومتی نمائندے سرکاری دفاتر کے داخلی حصوں پر موجود ہیں جنہیں ملازمین پر نظر رکھنے اور نئے قوانین پر عمل دارآمد یقنی بنانے کیلئے تعینات کیا گیا ہے بغیر داڑھی والے سرکاری ملازمین کو تنبیہ کے ساتھ گھر بھیج دیا گیا ہے۔ ملازمین کو خبردار کیا گیا ہے کہ اگر ان ہدایات پر عمل نہیں کیا گیا تو نوکری سے برطرف کردیا جائے گا۔

امریکا میں موجود افغان سفارتخانے اور قونصلیٹ بند ہو گئے

عالمی میڈیا کے نمائندے نے سرکاری ملازمین کے لیے ان پابندیوں کے بارے میں عوامی اخلاقیات کی وزارت کے ترجمان سے رابطہ کیا گیا تاہم کوئی جواب نہیں دیا گیا۔

خیال رہے کہ پچھلے ہفتے طالبان نے سیکنڈری اسکولوں کو کھولنے کا حکم پہلے ہی دن واپس لیتے ہوئے تاحکم ثانی اسکول بند کردیئے تھے جب کہ کسی مرد سرپرست کے بغیر بیرون ملک جانے والی خواتین کو پرواز سے روک دیا گیا تھا۔

طالبان نے لڑکیوں کے تعلیمی ادارے کھولنے کا حکم واپس لے لیا