Tag: سری لنکا میں سیلاب

سری لنکا میں سیلاب سے متاثرہ علاقوں میں پاک بحریہ کی امدادی کارروائیاں مسلسل جاری ہیں، جہاں مشکلات میں گھرے لوگوں تک ضروری سامان پہنچایا جا رہا ہے۔

کولمبو سے موصولہ اطلاعات کے مطابق پاک بحریہ کا جہاز پی این ایس سیف دوسرے روز بھی ریلیف آپریشن میں سرگرم رہا۔ ہیلی کاپٹر کے ذریعے زیرِ آب اور زمینی راستوں سے کٹے ہوئے علاقوں میں امدادی سامان پہنچایا جا رہا ہے۔رپورٹس کے مطابق پاک بحریہ کے ہیلی کاپٹرز نے سیلاب میں پھنسے افراد کو خوراک، ادویات اور دیگر ضروری اشیاء فراہم کیں۔ترجمان کے مطابق پاک بحریہ کا جہاز سیف آئندہ دنوں میں بھی سری لنکا میں ریلیف آپریشن جاری رکھے گا

پیٹرولیم مصنوعات سستی، نوٹیفکیشن جاری ہو گیا

کیلیفورنیا میں سالگرہ کی تقریب پر فائرنگ، 4 افراد ہلاک

انڈونیشیا اور تھائی لینڈ سیلاب، 600 سے زائد ہلاکتیں، سیکڑوں لاپتہ

وفاق کا خیبر پختونخوا میں گورنر راج پر غور، مشاورت جاری

سری لنکا میں سیلاب اور مٹی کے تودے گرنے سے ہلاکتوں کی تعداد 153 تک پہنچ گئی جبکہ 191 افراد تاحال لاپتہ ہیں۔ شدید تباہی کے پیش نظر حکومت نے ملک میں ایمرجنسی نافذ کر دی ہے۔

اے ایف پی کے مطابق سائیکلون ’ڈٹوا‘ کے باعث ہونے والی طوفانی بارشوں اور سیلاب نے بڑے پیمانے پر تباہی مچائی جس کے نتیجے میں 153 افراد جان کی بازی ہار گئے اور 191 لاپتہ ہیں۔ حکومت نے صورتحال کی سنگینی دیکھتے ہوئے بین الاقوامی مدد کی اپیل بھی کر دی ہے۔ حکام نے بتایا کہ متاثرین کی تعداد لاکھوں تک جا پہنچی ہے جبکہ ہزاروں بے گھر خاندانوں کو عارضی پناہ گاہوں میں منتقل کیا گیا ہے۔ڈیزاسٹر مینجمنٹ سینٹر کے مطابق سائیکلون ڈٹوا کے بعد 20 ہزار سے زائد گھر مکمل تباہ ہو چکے ہیں جبکہ ایک لاکھ 8 ہزار افراد کو سرکاری پناہ گاہوں میں منتقل کیا گیا ہے۔

حکام کا کہنا ہے کہ مزید 7 لاکھ 98 ہزار متاثرین فوری امداد کے محتاج ہیں۔ تباہی کی شدت دیکھتے ہوئے سری لنکا کے صدر انورا کمارا نے ہنگامی اختیارات کا استعمال کرتے ہوئے ملک بھر میں ایمرجنسی نافذ کر دی تاکہ صورتحال پر فوری قابو پایا جا سکے۔

ایئربس A320 میں سافٹ ویئر خرابی، سیکڑوں پروازیں متاثر

آئی پی ایل خیر باد، اب پی ایس ایل،سابق کپتان کا بڑا اعلان