Tag: سستی

اسلام آباد :اوگرا کا مئی کیلئے ایل پی جی کی قیمت میں کمی کا اعلان،اطلاعات کے مطابق آئل اینڈ گیس ریگولیٹری اتھارٹی (اوگرا) نے مئی کیلئے ایل پی جی کی قیمت میں کمی کا اعلان کر دیا۔

اس ضمن میں جاری نوٹی فکیشن کے مطابق ایل پی جی کی فی کلو قیمت میں 15 روپے 27 پیسے فی کلو گرام کمی کر دی گئی ہے جس کے بعد اس کی نئی قیمت 231 روپے 85 پیسے ہو گئی،

نوٹی فکیشن کے مطابق ایل پی جی کا 11.8 کلو کا گھریلو سلنڈر 180 روپے 28 پیسے سستا ہوگیا۔

نوٹی فکیشن کے مطابق گھریلو سلنڈر کی نئی قیمت 2735 روپے 83 پیسے مقرر کی گئی ہے،اپریل میں ایل پی جی کا گھریلو سلنڈر 2916 روپے 11 پیسے کا تھا۔

ادھر وفاقی حکومت نے پٹرولیم مصنوعات کی قیمتیں برقرار رکھنے کا فیصلہ نوٹیفکیشن جاری کر دیا گیا۔

تفصیلات کے مطابق حکومت نے آئندہ 15 دن کے لئے پیڑولیم منصوعات کی قیمتیں برقرار رکھنے کا فیصلہ کیا ہے۔ اگلے 15 روز کے لئے پٹرول کی فی لیٹر قیمت 149 روپے 86 پیسے، ہائی سپیڈ ڈیزل کی قیمت 144 روپے 15 پیسے، مٹی کے تیل کی قیمت 125.56 اور لائٹ ڈیزل کی قیمت 118 روپے 31 پیسے پر برقرار رہے گی۔ قیمتیں برقرار رکھنے کا نوٹیفکیشن جاری کر دیا گیا۔

اس سے قبل گزشتہ روز وزیراعظم شہباز شریف نے ملک میں پٹرولیم مصنوعات کی قیمتوں میں اضافے کی سمری مسترد کر دی تھی۔

وفاقی حکومت کا عید پر عوام کو تحفہ، پیٹرولیم مصنوعات کی قیمتیں نہ بڑھانے کا اعلان کردیا۔

وفاقی حکومت نے پیٹرولیم مصنوعات کی موجودہ قیمتیں برقرار رکھنے کا فیصلہ کیا ہے اور اس حوالے سے نوٹیفکیشن بھی جاری کردیا گیا ہے۔

وزیر اعظم نے پیٹرولیم مصنوعات کی قیمتوں میں اضافے کی اوگرا کی سمری مسترد کر دی۔

وزارت خزانہ نے پیٹرولیم مصنوعات کی قیمتوں سے متعلق اعلامیہ جاری کر دیا ہے۔

وزارت خزانہ کے مطابق پیٹرول کی قیمت 149 روپے 86 پیسے، ہائی اسپیڈ ڈیزل کی قیمت 144 روپے 15 پیسے ، مٹی کے تیل کی فی لیٹر قیمت 125 روپے 56 پیسے  اور لائٹ ڈیزل کی نئی قیمت 118 روپے 31 پیسے فی لیٹر برقرار ہے۔

قیمتوں کا اطلاق آج رات 12 بجے سے ہو گا۔

اسلام آباد:نیپرا نے بجلی 5 روپے سستی کرنے کی منظوری دے دی ،اطلاعات کے مطابق نیپرا نے بجلی پانچ روپے سستی کرنے کی منظوری دے دی ۔ فیصلے کا اطلاق لائف لائن صارفین پر نہیں ہوگا۔

حکومت کی جانب سے بجلی 5 روپے سستی کرنے کے معاملے پر نیپرا نے بجلی 5 روپے سستی کرنے کی منظوری دے دی ہے۔ نیپرا نے وزیر اعظم کے مراعاتی پیکج پر اپنا فیصلہ جاری کیا ہے۔

نیپرا نے اپنا فیصلہ وفاقی حکومت کو بھجوا دیا ہے ۔ وفاقی حکومت اس حوالے سے نوٹیفکیشن جاری کرے گی۔ وزارت توانائی کی جانب سے نیپرا میں درخواست دائر کی گئی تھی۔ فیصلے کا اطلاق لائف لائن صارفین پر نہیں ہوگا۔

فیصلے میں کہا گیا ہے کہ صارفین کو مارچ سے جون تک بجلی قیمتوں میں کمی کا ریلیف فراہم کیاجائے گا۔ حکومت بجلی صارفین کو 106 ارب روپے کی سبسڈی فراہم کرے گی۔

اسلام آباد :ادویات کی15سے 20 فیصد قیمتیں کم ہونے کا امکان ،اطلاعات کے مطابق ضمنی مالیاتی ترمیمی بل کی منظوری کی صورت میں جہاں بعض شعبہ ہوئے زندگی میں مہنگائی کا طوفان بدتمیزی آنے والا ہے وہاں کچھ یہ بھی خیال کیا جارہا ہے کہ اس سے ادویات کی قیمتوں میں بھی کمی آنے والی ہے ،

ان دعووں کی تصدیق میں وزارت خزانہ کے ترجمان مزمل اسلم نے اپنے ایک بیان میں کہا کہ منی بجٹ سے عام آدمی زیادہ متاثر نہیں ہوگا، سبزیوں، چکن، انڈے، گوشت اور آٹے پر ٹیکس نہیں لگایا گیا، ادویات کے خام مال پر ڈیوٹی لگنے سے 15سے 20 فیصد قیمتیں کم ہوجائیں گی، زیادہ تر ٹیکسزامپورٹڈ اشیا پر لگائے گئے ہیں، امپورٹڈ دودھ پر سیلزٹیکس لگایا ہے۔

بڑی گاڑیوں اور بیرون ملک ڈراموں پر ٹیکس لگایا ہے، ہم نے مقامی انڈسٹری کو تحفظ دیا ہے۔ ٹیکس ریونیو ہدف سے زیادہ اکٹھا کر رہے ہیں، منی بجٹ لانے کا مقصد ٹیکس حاصل کرنا نہیں تھا۔

مزمل اسلم کا مزید کہنا ہے کہ عالمی مارکیٹ میں مہنگائی کی شرح میں خاطرخواہ اضافہ ہوا،عالمی ادارے کے مطابق پورے سال میں عالمی سطح پرمہنگائی کا10سالہ ریکارڈ ٹوٹا، امریکا میں40 سالہ، جرمنی میں1992 کے بعد پہلی بار اور چین میں26 سال بعد مہنگائی کا ریکارڈ ٹوٹ گیا ہے۔

ایگری کلچر اور اسٹاک مارکیٹ نے تمام ریکارڈ توڑ دیئے، رواں سال آئی ٹی سیکٹر میں 4 ارب ڈالر ایکسپورٹ ہوجائے گی، مالی سال2021ء میں شرح نمو4 فیصد ریکارڈ کی گئی۔ آٹے اور چینی کی قیمتوں میں استحکام آچکا ہے، سال2022 میں چینی درآمد نہیں کرنا پڑے گی،آلو ، پیاز اور ٹماٹر کی قیمت کم ہوئی ہے،نومبر سے دسمبر تک مہنگائی بالکل نہیں بڑھی اشیائے ضروریہ کی قیمتیں بھی نیچے آنا شروع ہوگئی ہیں۔

اسلام آباد:ایل پی جی کی قیمتوں میں کمی کا اعلان:اضافہ زیادہ کمی برائے نام ،اطلاعات کے مطابق آئل اینڈ گیس ریگولیٹری اتھارٹی(اوگرا)نے جنوری کیلئے ایل پی جی کی قیمتوں میں کمی کا اعلان کر دیا ہے۔

اوگرا کی جانب سے جاری کردہ نوٹیفکیشن کے مطابق ایل پی جی کی فی کلو قیمت میں 5 روپے 90 پیسے، گھریلو سلنڈر کی قیمت میں 69 روپے 63 پیسے کمی کی گئی ہے۔

نوٹیفکیشن کے مطابق جنوی کیلئے ایل پی جی کے گھریلو سلنڈر کی قیمت 2ہزار 320 روپے مقررکی گئی ہے جبکہ دسمبر میں ایل پی جی کے گھریلو سلنڈر کی قیمت دو ہزار 390 روپے تھی۔

وفاقی وزیر برائے اطلاعات و نشریات فواد چودھری نے سماجی رابطے کی ویب سائٹ ٹوئٹر پر پیغام جاری کرتے ہوئے لکھا کہ صحت کارڈ کے بعد حکومت نے نئے سال کے تحفے کے طور پر ایل پی جی کی فی کلو قیمت میں 6روپے تک فی کلو کمی کر دی ہے، ملک کی 72 فیصد آبادی جو پائپ گیس سے محروم ہے اس کو براہ راست فائدہ ہو گا ، آئندہ سال میں توانائی اور کھانے پینے کی اشیاء کی قیمتوں میں واضح کمی دیکھنے میں آئے گی۔

قبل ازیں ملک میں مہنگائی تھم نہ سکی اور17 ہزار روپے ماہانہ کمانے والے افراد کے لیے 21.92 فیصد کی سطح پر پہنچ گئی ہے جبکہ ایک ہفتے کے دوران22 اشیائے ضروریہ کی قیتموں میں اضافہ ہوا ۔

وفاقی ادارہ شماریات کی جانب سے ہفتہ وار رپورٹ جاری کی گئی جس میں بتایا گیا کہ حالیہ ہفتے برائلر مرغی 4 روپے 25 پیسے فی کلو مہنگی ہوئی ،انڈے 2 روپے 69 پیسے فی درجن ،دال مسور 2 روپے 27 پیسے فی کلو ،اڑھائی کلو گھی کا ڈبہ 8 روپے 77 پیسے مہنگا ہوا ۔

اعدادوشمار کے مطابق اڑھائی کلو گھی کے ڈبے کی قیمت 1014 روپے 15 پیسے ہوگئی ہے ، دال چنا 1 روپے 29 پیسے فی کلو ،لہسن ایک روپے 82 پیسے فی کلو ،چینی 59 پیسے فی کلو مہنگی ،مٹن 4 روپے 53 پیسے فی کلواور بیف کی قیمت میں98 پیسے فی کلو اضافہ ہوا ۔

حالیہ ہفتے 7اشیائے ضروریہ کی قیمتوں میں کمی ہوئی ،ٹماٹر 24 روپے 68 پیسے فی کلو ،آلو 3 روپے 57 پیسے فی کلو سستے ہوئے ،سرخ مرچ کے 200 گرام پیکٹ کی قیمت میں 20 روپے 51 پیسے کمی ہوئی، ایک ہفتے کے دوران پیاز 88 پیسے فی کلو سستے ہوئے جبکہ ایل پی جی کا گھریلو سلنڈر 39 روپے 15پیسے سستا ہوا۔

اسلام آباد :فواد چوہدری نے ایسی خبر دی کہ شہروں والے گاوں جانے کےلیے تیارہوگئے،اطلاعات کے مطابق وفاقی وزیراطلاعات فواد چوہدری جو کہ سیدھی اورسچی بات کرنے کی وجہ سے اکثرموسمی طبیعت کے مالک افراد کی نظروں میں دُکھتے رہتے ہیں‌ ،آج پھرایک ایسی حقیقت بتا دی کہ جس کو جاننے کے بعد شہروں کے لوگوں نے شہرچھوڑکرگاوں میں بسیرا کرنے کی ٹھان لی ہے ،

اس حوالے سے اہل وطن کو باخبررکھتےہوئے وفاقی وزیر برائے اطلاعات فواد چوہدری نے کہا ہے کہ سستی گیس کے عادی لوگوں کو عادتیں بدلنا ہوں گی، چند سال میں گیس نہیں رہے گی۔

وفاقی وزیرکا کہنا تھاکہ عالمی منڈی میں تیل کی قیمتیں اتنی کم نہیں ہوئیں کہ یہاں اثرات آئیں،دعا کریں کہ تیل کی قیمتیں مزید کم ہو جائیں۔ان کا کہنا تھاکہ ہرسال گیس 9 فیصد کم ہورہی ہے، چند سال میں گیس نہیں رہے گی، سستی گیس کے عادی لوگوں کو عادتیں بدلنا ہوں گی۔

یاد رہے کہ چند دن پہلے جب حکومت کی طرف گیس کی فراہمی کے حوالےسے کچھ شیڈول سامنے آیا تھا تو اس وقت بھی کچھ خبریں ایسی منظرعام پرآئی تھیں کہ ہوسکتا ہے کہ گیس کی شدید لوڈشیڈنگ ہو

اس خبر کےبعد شہروں میں مقیم خاندان بہت زیادہ پریشان ہوگئے تھے ،یہ وجہ ہے کہ ان دنوں سوشل میڈیا پرایسی فضا بھی قائم ہوئی تھی جس میں ہزاروں کی تعداد میں ایسے موقف بھی سامنے آئے تھے جن میں کہا گیا تھا کہ بڑی تعداد میں لوگ سہولیات کی وجہ سے شہروں‌میں منتقل ہوئے ہیً اور اگراب یہ سہولیات ہی چھین لی جائیں یا ختم ہوجائیں توپھرشہروں میں گھمسان کے معاشرے میں رہنے کا کوئی فائدہ نہیں‌، اکثر کا کہنا تھا کہ یہ سہولیات تو اب گاوں میں بھی میسر ہے

بعض کا کہنا تھا کہ گیس ،بجلی ، تعلیم اورصحت کی سہولیات کے لیے شہروں کا رخ کیا تھا لیکن اب یہ سہولیات توگاوں میں بھی دستیاب ہیں ، اس لیے اب واپس گاوں کو ہجرت کرجانی چاہیے

ایک بڑی تعداد کا یہ بھی کہنا تھا کہ سموگ اورفضائی آلودگی نے شہری زندگی کوخطرے میں ڈال دیا ہے اورہردوسرا آدمی فضائی آلودگی کا شکار ہے اس لیے اب اگرصحت مند زندگی گزارنی ہے توواپس گاوں میں ہی چلا جانا چاہیے

آج فواد چوہدری کے ایک کڑوے سچ نے شہروں میں موجود لوگوں کواپنے فیصلوں پر نظرثانی کرنے پرمجبور کردیا ہے

یاد رہے کہ آج کابینہ اجلاس کے بعد میڈیا سے گفتگو میں فواد چوہدری کا کہنا تھاکہ ووٹنگ مشین کا معاملہ 2012 میں پیپلزپارٹی کی حکومت نے اٹھایا، 2016 میں نواز حکومت میں بھی ووٹنگ مشین پر بحث ہوئی۔

ان کا کہنا تھاکہ الیکشن کمیشن کو ای وی ایم فراہم کرنےکیلئے تیارہیں، ای وی ایم پر 4 ہزار مشینیں کوئی پرابلم نہیں، جیسے ہی الیکشن کمیشن ٹینڈرکرے گا مشینیں آجائیں گی۔

وفاقی وزیر کا کہنا تھاکہ کابینہ اجلاس میں گوادرکے معاملات پر بھی بات کی گئی، وفاقی وزیر اسد عمر اور زبیدہ جلال گوادر جائیں گے اور رپورٹ وزیراعظم کو پیش کریں گے۔