Tag: سعودی ولی عہد شہزادہ محمد بن سلمان

وزیرِ اعظم شہباز شریف نے سعودی ولی عہد شہزادہ محمد بن سلمان سے قصر الیمامہ میں ملاقات کی، جہاں ان کا شاہی پروٹوکول کے ساتھ استقبال کیا گیا۔ سعودی مسلح افواج کے دستوں نے وزیرِ اعظم کو گارڈ آف آنر بھی پیش کیا۔

اعلامیے کے مطابق ملاقات میں مشرقِ وسطیٰ کی صورتِ حال، مسئلہ فلسطین اور دیگر اہم امور پر تبادلۂ خیال کیا گیا۔ دونوں رہنماؤں نے پاک سعودی تعلقات کو مزید فروغ دینے اور تعاون بڑھانے پر اتفاق کیا۔ اس موقع پر قطر پر اسرائیلی حملے کی ایک بار پھر مذمت بھی کی گئی۔سعودی ولی عہد نے کہا کہ مشرقِ وسطیٰ کے امن کے لیے مسئلہ فلسطین کا حل ناگزیر ہے۔ وزیرِ اعظم شہباز شریف نے یقین دلایا کہ پاکستان ہمیشہ مسئلہ فلسطین پر دو ٹوک مؤقف اختیار کرتا آیا ہے اور سعودی عرب کے ساتھ کھڑا ہے۔

ملاقات میں فیلڈ مارشل سید عاصم منیر، نائب وزیرِ اعظم و وزیرِ خارجہ اسحاق ڈار، وزیرِ دفاع خواجہ آصف، وزیرِ خزانہ محمد اورنگزیب، وزیرِ موسمیاتی تبدیلی مصدق ملک اور معاونِ خصوصی سید طارق فاطمی بھی شریک تھے۔

سعودی عرب آمد پر شاندار استقبال

وزیرِ اعظم شہباز شریف سعودی ولی عہد کی دعوت پر ریاض پہنچے۔ ان کے طیارے کو سعودی فضائیہ کے ایف-15 لڑاکا طیاروں نے سعودی حدود میں داخل ہوتے ہی حصار میں لے کر خوش آمدید کہا۔ایئرپورٹ پر ریاض کے نائب گورنر نے استقبال کیا جبکہ پاکستان میں سعودی سفیر نواف بن سعید المالکی اور پاکستانی سفیر احمد فاروق بھی موجود تھے۔

ریاض آمد پر شہر بھر میں سبز ہلالی پرچم لہرائے گئے، وزیرِ اعظم کو 21 توپوں کی سلامی دی گئی اور سعودی افواج کے چاق و چوبند دستے نے سلامی پیش کی۔

مشعال حسین ملک کا کشمیری رہنما پروفیسر عبدالغنی بٹ کو شاندار خراجِ عقیدت

دوحہ میں عرب و اسلامی ممالک کے ہنگامی سربراہی اجلاس کے موقع پر وزیراعظم پاکستان شہباز شریف نے سعودی ولی عہد شہزادہ محمد بن سلمان سے اہم ملاقات کی۔

اس موقع پر چیف آف آرمی اسٹاف فیلڈ مارشل سید عاصم منیر اور وزیر خارجہ اسحاق ڈار بھی موجود تھے۔ملاقات میں اسرائیلی جارحیت کے بعد کی صورتحال، باہمی تعلقات اور مسلم امہ کے اجتماعی مؤقف پر تفصیلی تبادلہ خیال کیا گیا۔ وزیراعظم شہباز شریف نے اسرائیلی مظالم کی شدید مذمت کرتے ہوئے فلسطینی عوام کے ساتھ مکمل یکجہتی کا اظہار کیا۔وزیراعظم نے حرمین شریفین سے اپنی گہری عقیدت کا اظہار کرتے ہوئے سعودی عرب کی علاقائی سلامتی و خودمختاری کی مکمل حمایت کی یقین دہانی کرائی۔

سعودی ولی عہد محمد بن سلمان نے پاکستان کی حمایت پر شکریہ ادا کیا اور وزیراعظم کے متوقع دورۂ ریاض کا ذکر کرتے ہوئے کہا کہ وہ پاکستان کے ساتھ تعلقات کو مزید فروغ دینے کے خواہاں ہیں۔اس ملاقات میں نہ صرف خطے کی تازہ صورتحال پر بات چیت ہوئی بلکہ دونوں ممالک نے دوطرفہ تعلقات کو مزید وسعت دینے کے عزم کا بھی اعادہ کیا۔

وزیراعظم کی اردن کے شاہ عبداللہ سے ملاقات

وزیراعظم شہباز شریف کی دوحہ میں عرب اسلامی سربراہ کانفرنس اردن کے شاہ عبداللہ دوم سے ملاقات ہوئی۔ اعلامیہ کے مطابق وزیراعظم شہباز شریف نے قطر پر اسرائیلی جارحیت کی شدید مذمت کی، اس موقع پر اسرائیلی اقدام کو خطے میں امن کی کوششوں کو سبوتاژ کرنے کی کوشش قرار دیا گیا۔ وزیراعظم ہاؤس کے اعلامیہ کے مطابق پاکستان اور اردن نے اسرائیلی اقدامات کے خلاف مسلم دنیا کے اتحاد پر زور دیا۔ اعلامیہ کے مطابق دونوں رہنماؤں نے خطے میں امن اور استحکام کے لیے قریبی مشاورت پر اتفاق کیا۔

دوحہ میں اسرائیل کا حملہ بہت بڑی جارحیت تھی،امیر قطر