سوڈان کیلئے پاکستان کے نامزد سفیر میر بہروز ریکی بلوچ نے چیئرمین سینیٹ محمد صادق سنجرانی سے ملاقات کی-
باغی ٹی وی: تفصیلات کے مطابق ملاقات میں پاکستان اور سوڈان کے درمیان دوطرفہ تعلقات پر تبادلہ خیال کیا گیا چیئرمین سینیٹ کی میر بہروز ریکی بلوچ کو بطور سفیر نامزدگی پر مبارک باد دی-
پیپلزپارٹی ڈیل کی سیاست پر یقین نہیں کرتی،جیالے تیاری پکڑیں، کٹھ پتلی کے خلاف اب وار کا وقت آگیا…
چیئرمین سینیٹ محمد صادق سنجرانی نے کہا کہ امید ہے کہ نامزد سفیر پاکستان اور سوڈان کے درمیان دو طرفہ معاشی تعلقات کو مزید مضبوط بنانے کے لیے بھر پور کوششیں کریں گے پاکستان، سوڈان کے ساتھ اپنے تعلقات کو قدر کی نگاہ سے دیکھتا ہے اور انہیں مزید مضبوط بنانا چاہتا ہے-
چیئرمین سینیٹ نے سیاست، تجارت، معیشت اور ثقافت سمیت باہمی مفادات کے تمام شعبوں میں سوڈان کے ساتھ تعلقات کو مزید تقویت دینے کی ضرورت پر زوردیا اور کہا کہ دونوں ممالک کے درمیان اعلی سطح دوروں، پارلیمانی وفود کے تبادلوں اور وزارتی رابطوں کی ضرورت ہے۔
انتخابات میں شکست کے بعد رولز آف بزنس میں ترامیم بدنیتی ہے،اکرم درانی
چیئرمین سینیٹ نے کہا کہ دونوں ممالک کے مابین تجارتی اور معاشی تعلقات کو فروغ دینے کے علاوہ سوڈان میں پاکستانی تیار شدہ مصنوعات،ادوایات کی برآمدات بڑھانے کیلئے اقدامات کئے جائیں پاکستان میں سیاحت کے فروغ اورسوڈان کے ساتھ ثقافتی روابط کو تقویت دینے کے لئے بھی کوششیں تیز کی جائیں-
ملاقات میں سینیٹرز نصیب اللہ بازئی، محمد اکرم ، مہر تاج روغانی ، لال دین اور سیکریٹری سینیٹ محمد قاسم صمد خان بھی موجود تھے-