Tag: سلمان خان

ممبئی میں ہندو انتہا پسند تنظیم راشٹریہ سویم سیوک سنگھ (آر ایس ایس) کے 100 سال کے سفر سے متعلق منعقدہ تقریب اس وقت سوشل میڈیا پر بحث کا باعث بن گئی جب بالی ووڈ کے دو سپر اسٹارز نظر آئے اور ان کی ویڈیو وائرل ہوئی۔

بھارتی میڈیا کی رپورٹ کے مطابق آر ایس ایس کا یہ پروگرام ‘سنگھ کے 100 سالہ سفر: نئے افق’ کے عنوان سے دو روزہ لیکچر سیریز کا حصہ ہے جو آر ایس ایس کی 100 سالہ تقریبات کے تحت منعقد کی جا رہی ہے اور اس کا مقصد سخت گیر تنظیم کے طویل سفر پر غور کرنا اور مستقبل کے حوالے سے اس کے وژن کو اجاگر کرنا ہے۔

سوشل میڈیا پر گردش کرنے والی ویڈیوز میں سلمان خان اور رنبیر کپور کو ایک ایسے اجتماع میں شرکت کرتے ہوئے دیکھا گیا جہاں انہیں دیکھنے کی توقع نہیں کی جا رہی تھی، یہ مناظر تیزی سے وائرل ہو گئے اور سوشل میڈیا پلیٹ فارمز پر نئی بحث چھڑ گئی، ویڈیو صرف اس وجہ سے توجہ کا مرکز نہیں بنی کہ وہاں بڑے ستارے موجود تھے بلکہ تقریب کی نوعیت نے بھی سب کی توجہ کھینچ لی کہ آخر ایسی کیا وجہ تھی کہ ان بڑے ستاروں کو ایک ہی مقام پر اکٹھا کر دیا ہے۔

سلمان خان کی جانب سے 7 فروری کو آر ایس ایس کی ویکھان مالا تقریب میں شرکت پر حیرت کا اظہار کیا گیا جبکہ اجتماع میں 900 سے زائد مشہور شخصیات، سائنس دانوں، صنعت کاروں، فن کاروں اور مختلف شعبوں سے تعلق رکھنے والے بااثر افراد نے شرکت کی،رنبیر کپور بھی اس تقریب میں فلم ساز سبھاش گھائے اور سینٹرل بورڈ آف فلم سرٹیفکیشن (سی بی ایف سی) کے چیئرمین پرسون جوشی کے ساتھ موجود تھے ۔

بھارتی میڈیا نے بتایا کہ دو روزہ پروگرام کا آغاز 7 فروری کو ہوا اور یہ 8 فروری کو ممبئی کے نہرو سینٹر آڈیٹوریم میں اختتام پذیر ہوگا، اس میں آر ایس ایس کے سینئر رہنماؤں سمیت دیگر شخصیات شریک ہوں گی اور وہ سماجی، ثقافتی اور قومی موضوعات پر عوام سے خطاب کریں گی آر ایس ایس کے سربراہ موہن بھاگو ت نے بھی پروگرام میں خطاب کیا اور اپنی تنظیم کی ترجیحات سے آگاہ کیا۔

واضح رہے کہ سلمان خان حب الوطنی پر مبنی ریلیز ہونے والی فلم ‘بیٹل آف گالوان’ میں مرکزی کردار ادا کرنے جا رہے ہیں، جس کے ہدایت کاری اپوروا لکھیا ہیں اور رپورٹ کے مطابق یہ فلم 17 اپریل 2026 کو ریلیز ہوگی،جبکہ رنبیر کپور نیتیش تیواری کی فلم رامائن پارٹ ون میں بھگوان رام کا کردار ادا کرتے نظر آئیں گے، جو دیوالی 2026 کے موقع پر ریلیز کرنے کے منصوبے سے آگاہ کیا گیا ہے، اس علاوہ سنجے لیلا بھنسالی کی فلم لو اینڈ وار میں بھی جلوہ گر ہوں گے، جو 2026 میں ہی سینما گھروں کی زینت بننے کا امکان ہے۔

بالی ووڈ کے سپر اسٹار سلمان خان 60 برس کے ہوگئے انہوں نے اپنی سالگرہ قریبی دوستوں اور اہلِ خانہ کے ساتھ پنویل فارم ہاؤس میں منائی۔

تقریب میں سلمان خان کے خاندان کے افراد کے علاوہ فلم اور کھیل کی دنیا سے تعلق رکھنے والی کئی معروف شخصیات شریک ہوئیں وائرل ہونے والی ایک ویڈیو میں دیکھا گیا کہ سلمان خان نے کیک کاٹنے کے لیے اپنے والد سلیم خان کو مدعو کیا، جبکہ ان کے بھائی سہیل خان بھی ان کے ساتھ موجود تھے۔

سالگرمیں کرشمہ کپور، ادیتیا رائے کپور، جینیلیا دیش مکھ، راکول پریت سنگھ، ہما قریشی، ایم ایس دھونی، سنگیتا بجلانی، میکا سنگھ، منیش پال، پراگیا جیسوال اور ذیشان صدیقی سمیت کئی نامور شخصیات نے شرکت کی،اگرچہ جشن زیادہ تر نجی رکھا گیا تھا، تاہم سلمان خان نے فارم ہاؤس کے باہر موجود میڈیا اور مداحوں کو مایوس نہیں کیا وہ خود باہر آئے، پاپارازی اور فینز سے ملاقات کی اور مزید کیک کاٹےاس موقع پر پاپارازی نے ان کے لیے سالگرہ کا گانا بھی گایا-

لاہور میں تین دن کے لیے بسنت منانے کی اجازت

سالگرہ کے موقع پر گفتگو کرتے ہوئے سلمان خان کا کہنا تھا کہ 60 برس کی عمر انہیں کسی طور پریشان نہیں کرتی ان کے مطابق آج وہ جو کچھ کر رہے ہیں، وہ ان کی 20، 30 یا 40 کی دہائی سے بھی بہتر ہے کیونکہ اب ان کے پاس توانائی، جوش اور تجربہ تینوں موجود ہیں، جو ان کے نزدیک بہترین امتزاج ہے۔

سلمان خان جلد ہدایتکار اپوروا لکھیا کی فلم ’بیٹل آف گلوان‘ میں جلوہ گر ہوں گے، جو 2020 میں گلوان ویلی میں پیش آنے والے بھار تی اور چینی فوجیوں کے واقعے پر مبنی ہے ،جس کا ٹیزر جاری کر دیا گیا ہے،سالگرہ کے موقع پر سامنے آنے والے اس ٹیزر نے ریلیز کے ساتھ ہی سوشل میڈیا پر دھوم مچا دی، جبکہ فلم کی ریلیز تاریخ کا اعلان بھی اسی ٹیزر کے ذریعے کر دیا گیا۔

سابق گورنر اسٹیٹ بینک شمشاد اختر چل بسیں

اپوروا لکھیا کی ہدایت کاری میں بننے والی یہ فلم سلمان خان کے اپنے پروڈکشن ہاؤس کے بینر تلے تیار کی جا رہی ہے، جس میں وہ مرکزی کردار ادا کر رہے ہیں اس سے قبل شوٹنگ کے دوران کی ایک جھلک سلمان خان خود انسٹاگرام پر شیئر کر چکے تھے، تاہم اب پہلی بار فلم کے انداز اور کہانی کی سمت کا باقاعدہ اندازہ ٹیزر کے ذریعے سامنے آیا ہے۔

ٹیزر میں سلمان خان ایک ہندوستانی فوجی افسر کے کردار میں نظر آتے ہیں، جو اب تک کے ان کے کیریئر کے سب سے طاقتور کرداروں میں شمار کیا جارہا ہے ٹیزر کی عکس بندی اس انداز میں کی گئی ہے کہ سلمان خان کی نظریں براہِ راست ناظرین سے مکالمہ کرتی محسوس ہوتی ہیں، جبکہ ان کی اسکرین پریزنس اور گہرے اثر چھوڑنے والے ڈائیلاگ ماحول کو سنجیدگی اور شدت سے بھر دیتے ہیں۔

پختون ثقافت ہمیشہ عزت، وقار اور انسانی حرمت کی علمبردار رہی ہے،گورنر خیبر پختونخوا

خصوصاً ڈائیلاگ "موت سے کیا ڈرنا”نے شائقین کی توجہ اپنی جانب کھینچ لی ہے، جبکہ ٹیزر کی ابتدا بھی چند مختصر مگر مؤثر مکالموں سے کی گئی ہے، جو فلم کے سنجیدہ اور جذباتی مزاج کی واضح عکاسی کرتے ہیں،’بیٹل آف گلوان‘ کو خود سلمان خان نے پروڈیوس کیا ہے اور یہ فلم 17 اپریل 2026 کو سینما گھروں کی زینت بنے گی۔ ٹیزر کے بعد یہ فلم باضابطہ طور پر 2026 کی سب سے زیادہ انتظار کی جانے والی فلموں کی فہرست میں شامل ہو چکی ہے۔

بالی ووڈ سُپر اسٹار سلمان خان نے رئیلٹی شو بگ باس 19 کیلئے معاوضے میں بڑی کمی کر دی-

بھارتی میڈیا رپورٹس کے مطابق بگ باس 19 اگست میں نشر ہونے جا رہا ہے اور اس سیزن میں بھی سلمان خان ایک بار پھر میزبانی کرتے نظر آئیں گے، یہ سیزن اب تک کا سب سے طویل ہو سکتا ہے، جو تقریباً 5 ماہ پر محیط ہوگا، تاہم اس کی تصدیق ابھی نہیں ہوئی،سلمان خان نے بگ باس 19 کی میزبانی کیلئے اپنا معاوضہ کم کر دیا ہے۔

انڈین ایکسپریس کی رپورٹ میں کہا گیا ہے کہ سلمان خان 15 ہفتوں کی میزبانی کے عوض تقریباً 120 سے 150 کروڑ بھارتی روپے معاوضہ وصول کریں گےیہ معاوضہ پچھلے سیزنز کے مقابلے میں خاصی کم ہے سلمان خان نے اس سے قبل بگ باس کی میزبانی کیلئے 250 کروڑ بھارتی روپے تک معاوضہ وصول کیا ہے جبکہ بگ باس 17 میں ان کی فیس 200 کروڑ روپے کے قریب تھی۔

اس سے قبل بھارتی میڈیا رپورٹس میں کہا گیا تھا کہ سلمان خان پہلے 3 ماہ تک شو کی میزبانی کریں گے، جبکہ ہدایتکار فرح خان، کرن جوہر اور انیل کپور آخری 2 ماہ کے لیے شو کی میزبانی سنبھال سکتے ہیں۔

بالی ووڈ کے سلان سلمان خان کا سنگین بیماریوں میں مبتلا ہونے کا انکشاف سامنے آیا ہے، جس کے باعث وہ شادی نہیں کرر ہے۔

سلمان خان نے ’’دی گریٹ انڈین کپل شو‘‘ میں اپنی سنگین بیماریوں کا تذکرہ کرکے مداحوں کو حیران و پریشان کردیا سلمان خان نے شو کے دوران انکشاف کیا کہ کئی خطرناک بیماریوں میں مبتلا ہونے کے باوجود اپنا کام جاری رکھے ہوئے ہیں،سلمان خان نے جن بیماریوں کے نام لیے یہ بہت خطرناک اور جان لیوا ہیں-

شو کے میزبان کپل شرما نے سلمان خان نے ان کی شادی نہ کرنے سے متعلق سوال پوچھا تھا جس پر سلمان خان نے جواب دیا کہ ’’ہم روز ہڈیاں تڑوا رہے ہیں، پسلیاں ٹوٹ چکی ہیں، ٹریجمنل نیورالجیا کے ساتھ کام کررہے ہیں، دماغ میں انیورزم ہے، اس کے باوجود کام کررہے ہیں، اے وی مالفارمیشن بھی ہے، پھر بھی چل رہے ہیں‘‘۔

واضح رہے کہ ٹریجمنل نیورالجیا ایک دائمی اعصابی بیماری ہے، جسے ’’سوسائیڈ ڈیزیز‘‘ بھی کہا جاتا ہے کیونکہ اس میں مریض کے چہرے میں شدید درد کے جھٹکے محسوس ہوتے ہیں جو اسے خودکشی کی طرف مائل کرسکتے ہیں جبکہ برین انیورزم دماغ میں کسی خون کی نالی کے کمزور ہونے کی وجہ سے پیدا ہونے والا ابھار ہوتا ہے، جو کہ عام طور پر خاموشی سے بڑھتا ہے اور جب پھٹتا ہے تو دماغ میں خطرناک حد تک خون بہنے کا باعث بن سکتا ہے جسے ’’ہیمرجک اسٹروک‘‘ کہتے ہیں، اے وی مالفارمیشن ایک نایاب بیماری ہے جس میں دماغ یا ریڑھ کی ہڈی میں شریانیں اور رگیں غیر معمولی انداز میں جڑ کر الجھ جاتی ہیں اس بیماری کے باعث خون کے معمول کا بہاؤ متاثر ہوتا ہے اور بیہوشی، جھنجھناہٹ کا احساس، سر درد یا دماغی خلل جیسی سنگین طبی پیچیدگیوں کا سامنا کرنا پڑتا ہے۔

بھارتی سپر اسٹار سلمان خان کے پاکستان کے حق میں بولنے کی پرانی ویڈیو سوشل میڈیا پر وائرل ہوگئی۔

سلمان خان کی یہ پرانی ویڈیو ایسے وقت میں سوشل میڈیا پر گردش کر رہی ہے جب بھارت پاکستان پر پہلگام واقعے کا الزام عائد کرتے ہوئے پاکستان پر بزدلانہ حملے کر رہا ہے بھارت کے پاک سرزمین کیخلاف آپریشن سندور کا پاک آرمی نے آپریشن بنیان المرصوص سے منہ توڑ جواب دیا ہے جس کے بعد دونوں ممالک میں سیز فائر معاہدہ ہوگیا ہے۔

اس ویڈیو میں سلمان خان دہشتگردی کے الزامات پر پاکستان کے حق میں بات کرتے نظر آ رہے ہیں ویڈیو میں سلمان خان کہتے ہیں کہ پاکستان خود دہشتگردی کا شکار ہے اور وہاں کی صورتحال ان کے کنٹرول میں نہیں، لہٰذا کسی واقعے کے فوراً بعد ایک دوسرے پر الزام لگانا مناسب نہیں۔

سلمان نے کہا کہ بھارت کو بھی دہشتگردی جیسے مسائل کا سامنا ہے، اس لیے دونوں ممالک کو چاہیے کہ مل کر اس خطرے کا خاتمہ کریں اسلام کسی صورت دہشتگردی کی تعلیم نہیں دیتا، نہ قرآن اور نہ ہی احادیث میں کسی بے گناہ کو قتل کرنے کی اجازت دی گئی ہے۔

واضح رہے کہ بھارت اور پاکستان کے درمیان حالیہ کشیدگی اور جنگ کے بعد دونوں ممالک سیز فائر پر رضامند ہوگئے ہیں سلمان خان نے سیز فائر پر ایک شکرگزاری کا پیغام بھی شیئر کیا تھا، جسے بعد میں ڈیلیٹ کر دیا گیا البتہ حالیہ جنگ کے دوران سلمان خان نے پاکستان مخالف کوئی ردعمل نہیں دیا اور خاموشی اختیار کی جس پر بھارت میں انہیں تنقید کا سامنا ہے۔

ممبئی: بالی وڈ کے دبنگ سپر اسٹار سلمان خان کے بارے میں ماہرین نجوم کی متضاد مگر چونکا دینے والی پیشگوئیوں نے مداحوں کو تشویش میں مبتلا کر دیا ہے۔

سلمان خان کے حوالے سے بھارتی نجومی گیتانجلی سکسینا کی حالیہ پیشگوئی نے مداحوں کو تشویش میں مبتلا کر دیا ہے نجومی گیتانجلی سکسینا کا کہنا ہے کہ سال 2025 پیشہ ورانہ لحاظ سے سلمان خان کے لیے زیادہ خوش آئند نہیں ہے ان کے مطابق اس سال باقی مہینوں میں سلمان کو کسی بھی نئی فلم کی ریلیز سے گریز کرنا چاہیے اگرچہ ان کی جان کو اس برس کوئی براہِ راست خطرہ نہیں، لیکن ستمبر اور اکتوبر کے مہینوں میں انہیں خاصی احتیاط برتنے کا مشورہ دیا گیا ہے۔

گیتانجلی کے مطابق انہی کے قریبی افراد، چاہے وہ سیکورٹی گارڈ ہوں یا گھریلو ملازمین، ممکن ہے نادانستہ طور پر ایسی معلومات افشا کر بیٹھیں جو بشنوئی گینگ جیسے عناصر کے ہاتھ لگ سکتی ہیں رواں برس کوئی بڑا نقصان متوقع نہیں، لیکن 2026 کا سال سلمان کے لیے خاص طور پر حساس ہو سکتا ہے اپریل 2026 کے بعد مکمل احتیاط کی ضرورت ہوگی، کیونکہ ممکن ہے سلمان خان کسی حادثے یا بڑ ی طبی آزمائش کا شکار ہو جائیں بہتر ہوگا اگر وہ مارچ تک تمام کام نمٹا کر بقیہ سال کے لیے بریک لے لیں۔

دارالعلوم حقانیہ اور بنوں کینٹ حملوں میں ملوث نیٹ ورک کا سراغ لگا لیا، آئی جی کے پی

ایک اور معروف ماہرِ نجوم سشیل کمار سنگھ نے چند ہفتے قبل ایک اور چونکا دینے والی پیشگوئی کی تھی انہوں نے دعویٰ کیا کہ سلمان خان اور شاہ رخ خان دونوں کی زندگی ایک جیسےخطرات کی زد میں ہےاور یہ دونوں سُپر اسٹار ممکنہ طور پر ایک ہی سال دنیا سے رخصت ہو سکتے ہیں ،سلمان خان کو جلد ہی ایک ایسی بیماری کی تشخیص ہو سکتی ہے جس کا نام لینا بھی لوگوں کو گوارا نہیں یہ بیماری لاعلاج ہوگی اور رفتہ رفتہ سلمان خان کی صحت کو شدید متاثر کرے گی۔

تاہم دونوں نجومیوں کی آراء میں ایک بنیادی فرق نمایاں ہے، جہاں گیتانجلی سکسینا سلمان کی حفاظت اور بچاؤ کی امید دلاتی ہیں، وہیں سشیل کمار کی پیشگوئی زیادہ سخت اور مایوس کن دکھائی دیتی ہے،سلمان خان فی الحال بشنوئی گینگ کی جانب سے خطرات، فلم ’سکندر‘ کی مایوس کن کارکردگی، اور اب ان نجومی پیشگوئیوں کے سائے میں ایک مشکل وقت سے گزر رہے ہیں، مداحوں کی نظریں اب نہ صر ف اُن کے آئندہ فلمی منصوبوں پر ہیں بلکہ اُن کی خیروعافیت کے لیے بھی دعائیں جاری ہیں۔

سیستان میں 8پاکستانیوں کا قتل،پاکستان میں ایرانی سفارتخانے کا بیان سامنے آگیا

ممبئی: بالی وڈ دبنگ اسٹار سلمان خان کی نئی ریلیز ہونے والی فلم سکندر کو باکس آفس پر کمائی میں مشکلات کا سامنا ہے۔

باغی ٹی وی : بھارتی میڈیا کے مطابق سلمان خان کی فلم”سکندر” نے تیسرے دن فلم نے صرف 19.5 کروڑ روپے کمائے، جو کہ ریلیز کے پہلے دن کی کمائی کے مقابلے میں نمایاں کم تھے، فلم نے اتوار کو ریلیز ہونے کے بعد پہلے دن 26 کروڑ روپے کا بزنس کیا تھا۔

عید کے دن فلم نے کچھ بہتری دکھائی اور 29 کروڑ روپے کمائے، لیکن اس کے بعد کے دنوں میں کمائی میں تیزی سے کمی آئی، 3 دنوں میں فلم کی مجموعی کمائی 74.5 کروڑ روپے رہی،جبکہ فلم کا بجٹ 200 کروڑ روپے تھا، جس کے مقابلے میں ابتدائی کلیکشن توقعات سے کم ہے۔

38 سالہ خاتون آشنا کے ہاتھوں قتل، ملزم گرفتار

ماہرین کے مطابق سکندر کی ابتدائی کمائی مایوس کن رہی، خاص طور پر پشپا 2 کے مقابلے میں، فلم کی کہانی اور سلمان خان کے ایکشن پیکڈ کردار نے مداحوں کو کچھ حد تک متاثر تو کیا، لیکن مجموعی طور پر یہ فلم باکس آفس پر غیر معمولی کامیابی حاصل نہیں کر سکی۔

دوسری جانب الو ارجن کی فلم پشپا 2 نے سکندر کو باکس آفس پر سخت ٹف ٹائم دیا ہے، پشپا 2 کے ہندی ورژن نے تیسرے دن ہی 73.5 کروڑ روپے کا بزنس کیا، جبکہ فلم کی تین دنوں کی مجموعی کمائی 200.7 کروڑ روپے تک پہنچ گئی۔

ایشوریہ رائے اور ابھیشیک بچن کا بیٹی کے ہمراہ”کجرا رے” پر رقص