بالی وڈ سُپراسٹارسلمان خان نے بھی بھارت میں جاری ’کسانوں‘ کے احتجاج خاموشی توڑ دی-
باغی ٹی وی : بھارت میں گزشتہ کئی ماہ سے کسان ذرعی قوانین کے خلاف احتجاجی مظاہرے کررہے ہیں۔ لیکن مودی حکومت ان کے مطالبات ماننے پر تیار نہیں۔ الٹا مودی حکومت مظاہرے اور احتجاج کرنے پر اپنے ہی کسانوں پر تشدد کررہی ہے۔
کسانوں کے احتجاج پر ابھی تک پوری بالی وڈ انڈسٹری خاموش تھی، لیکن انٹرنیشنل گلوکارہ ریحانہ کے بھارتی کسانوں کے حق میں کیے جانے والے ایک ٹوئٹ نے جیسے بھارتی کسانوں کے احتجاج میں نہ صرف جان ڈال دی بلکہ سوئی ہوئی بالی ووڈ انڈسٹری کو بھی جگادیا۔ اور اب اس احتجاج نے عالمی سطح پربھی توجہ حاصل کرلی ہے اور نامور بھارت شخصیات بھی اب کسانوں کی حمایت اور مخالفت میں سامنے آگئے ہیں۔
کرکٹر، اداکاروں سمیت نامور شخصیات کسانوں کے حق اور مخالفت میں ٹوئٹس کر رہے ہیں تاہم اداکار سلمان خان نے بھی کسانوں کے احتجاج پر خاموشی توڑ دی ہے۔
بھارتی میڈیا رپورٹس کے مطابق سلمان خان نے ایک تقریب میں شرکت کی جہاں صحافیوں کی جانب سے ان سے کسان احتجاج پر سوالات کیے گئے تاہم وہ جواب دینے سے کتراتے رہے۔
اس حوالے سے مسلسل سوالات پر سلمان خان نے کافی سوچ بچار کے بعد جواب دیا کہ ’ہر ایک کے ساتھ صحیح چیز ہونی چاہیے-