بھارتی معروف گلوکار میکا سنگھ کا کہنا ہے کہ سلمان خان کے ایک مذاق نے ان کی راتوں کی نیند اڑادی تھی۔
باغی ٹی وی : بھارتی میڈیا رپورٹس کے مطابق گلوکار میکا سنگھ نے ایک شو کے دوران انکشاف کرتے ہوئے کہا کہ سلمان خان کے ایک چھوٹے سے مذاق نے ان کی راتوں کی نیند اڑادی تھی-
میکا سنگھ نے کہا کہ سلمان خان کی عادت ہے کہ وہ کسی بھی وقت کال کرلیتے ہیں چاہے رات کا ایک ہو یا 4، اسی طرح ایک رات سلمان خان نے کال کی جو میرے لیے کافی حیران کن بات تھی۔
بھارتی گلوکار نے کہا کہ میں ان دنوں سلمان خان کی ایک فلم کے لیے گانے ریکارڈ کرارہا تھا لہذا سلمان خان نے مجھے کال کرکے کہا کہ میکا جو گانا تم نے فلم کے لیے ریکارڈ کرایاتھا میں نے بھی وہی گانا ریکارڈ کرادیا ہے لہذا اب تیرا گانا تو گیا۔
میکا سنگھ نے کہا سلمان خان کی بات سن کر میں پریشان ہوگیا کیوںکہ سب جانتے ہیں اگر سلمان خان نے گانا ریکارڈ کرادیا تو پھر میرا گانا کوئی نہیں سنتا تھا لہذا مجھے پوری رات نیند نہیں آئی-
گلوکار نے کہا کہ اگلی صبح فوراً کمپوزر کو کال کی تو پتا چلا کہ سلمان خان نے میرے ساتھ مذاق کیا تھا، انہوں نے کوئی گانا ریکارڈ نہیں کرایا تھا۔