Baaghi TV

Tag: سلمان خان

  • سوشل میڈیا پر سلمان خان اور اداکارہ پوجا ہیگڈے کے درمیان گہرے تعلقات کے چرچے

    سوشل میڈیا پر سلمان خان اور اداکارہ پوجا ہیگڈے کے درمیان گہرے تعلقات کے چرچے

    ممبئی: سوشل میڈیا صارفین نے بالی ووڈ سُپر اسٹار سلمان خان اور اداکارہ پوجا ہیگڈے کے درمیان گہرے تعلقات کا انکشاف کیا ہے۔

    باغی ٹی وی : بھارتی میڈیا اور سوشل میڈیا صارفین کا دعویٰ ہے کہ سپر اسٹار سلمان خان اپنی آنے والی فلم کسی کا بھائی کسی کی جان میں کام کرنے والی اداکارہ پوجا ہیگڈے کو ڈیٹ کر رہے ہیں اور ان کے ساتھ کافی وقت بھی گزارتے ہیں ۔


    اس بات کا انکشاف بالی ووڈ انڈسٹری پر تجزیہ پیش کرنے والے ٹوئٹر صارف عمیر سندھو نے اپنی ٹوئٹ میں کیا لکھا کہ ’تازہ خبر، بالی وڈ میں ایک نئی جوڑی کا اضافہ، سلمان خان پوجا ہیگڈےکو ڈیٹ کررہے ہیں سلمان کےپروڈکشن ہاؤس نے اداکارہ کو 2 فلموں میں بھی سائن کرلیا ہے۔

    عمیر سندھو نے کہا کہ سلمان کے قریبی ذرائع کے مطابق ان دنوں بھائی جان اور پوجا کافی وقت ساتھ گزار رہے ہیں‘۔

    تاہم کئی سوشل میڈیا صارفین نے اسے افواہ قرار دیتے ہوئے کہا ہے کہ پوچا ہیج اور سلمان خان کے درمیان عمر کا ایک بڑا فرق ہے وہ سلمان سے 24 سال چھوٹی ہیں اس لئے ایسا ممکن نہیں کہ وہ انہیں ڈیٹ کریں۔


    اس سے قبل ماضی میں سلمان خان ایشوریا رائے اور کترینہ کیف سمیت کئی اداکاراؤں کو ڈیٹ کرچکے ہیں لیکن وہ کسی سے شادی نہیں کر سکے-

  • سلمان خان کو”بھائی جان” کیوں کہا جاتا ہے ان کا یہ نام کیسے پڑا؟

    سلمان خان کو”بھائی جان” کیوں کہا جاتا ہے ان کا یہ نام کیسے پڑا؟

    بالی ووڈ کے دبنگ اداکار اور سُپر اسٹار سلمان خان بھارت سمیت دنیا بھر میں افراد "بھائی جان” کے نام سے بھی جانتے ہیں۔

    باغی ٹی وی : سلو میاں کے چاہنے والے یہ تو جانتے ان کے پسندیدہ اداکار کو بھائی جان کہا جاتا ہے آہستہ آہستہ پتہ ہی نہیں چلا کہ کب سلمان خان پورے ملک کے بھائی بن گئے لیکن اس کے پیچھے بھی ایک پوری کہانی ہے کہ کس طرح آہستہ آہستہ لوگوں نے سلمان خان کو ان کے نام کے بجائے بھائی جان کے نام سے پکارنا پسند کیا لیکن بہت ہی کم لوگ یہ جانتے ہیں کہ سلمان خان کو بھائی جان کیوں کہا جاتا ہے اور ان کا یہ نام کیسے پڑا؟-

    بہترین اداکارائوں کی فہرست بتاتے بتاتے سیف اپنی اہلیہ کرینہ کا نام لینا بھول گئے

    سلمان خان نے حال ہی میں ایک انٹرویو کے دوران اس راز سے خود پردہ اٹھایا بتایا کہ ایک وقت تھا جب مجھے صرف سہیل خان بھائی جان پکارتے تھے یہ اس لیے تھا کہ میں ان سے عمر میں بڑا تھا۔

    انہوں نے بتایا کہ جب پاپا رازی نے سہیل خان کو مجھے بھائی جان پکارتے سنا تو پھر فلم انڈسٹری کے دیگر افراد نے بھی انہیں اسی نام سے پکارنا شروع کر دیا اور پھر رفتہ رفتہ بھائی جان کا نام مشہور ہو گیا۔

    کیا دا لیجنڈ‌ آف مولا جٹ بھارت میں بھی ریلیز ہوگی؟‌

    جب سلمان خان بھارت میں بھائی کے نام سے مشہور ہو گئے تو پھر لوگ فلموں میں ان کی باڈی کے بارے میں باتیں کرنے لگے اور طویل عرصے تک انہیں فلموں میں ان کی باڈی کی وجہ سے پسند کیا جانے لگا۔

    اور پھر بہت سے ایسے واقعات رونما ہوئے جیسے سلمان خان کا فوٹو گرافرز پر غصہ کرنا، کسی کا موبائل فون چھیننا، سلمان خان جب بھی میڈیا یا عوام کے سامنے آتے تو غصیلے موڈ میں نظر آتے جس کے بعد ان کی فلم کی مناسبت سے ہی ان کا نام بھی دبنگ اور سلطان پڑگیا۔

    ماہرہ خان نے بتا دیا کہ وہ شاہ رخ کے ساتھ کونسا سین دوبارہ کرنا چاہیں گی

  • پریم واپس آئیگا ، سلمان خان نے سورج برجاتیا کے ساتھ نئی فلم کا اعلان کردیا

    پریم واپس آئیگا ، سلمان خان نے سورج برجاتیا کے ساتھ نئی فلم کا اعلان کردیا

    سلمان خان اور سورج برجاتیا نے کئی سپر ہٹ فلموں میں کام کیا، فلمساز نے سلمان خان کو پریم بنا دیا . سلمان نے پہلی بار میں نے پیار کیا (1989) میں کام کیا فلم رومانوی تھی جس میں بھاگیہ شری نے بھی مرکزی کردار ادا کیا تھا۔سلمان خان کو اس فلم کی کامیابی نے راتوں رات سپر سٹار بنا دیا . سلماں خان اور سورج برجاتیہ کی جوڑی نے ایک بار پھر ہم آپ کے ہیں کون (1994) ہم ساتھ ساتھ ہیں (1999)، اور پریم رتن دھن پایو میں کام کیا ہر بار انہیں مداحوں کی جانب سے سراہا گیا. شائقین ان دونوں کی جوڑی سے ایکبار پھر کسی سپر ہٹ فلم کا انتظار کررہے ہیں. سلمان خان کے مداحوں کے لئے ایک خوشخبری ہے کہ دونوں ایک ساتھ پھر سے کام کررہے ہیں. فلم اونچائی کی سکریننگ کے دوران سورج برجاتیہ اور

    سلمان خان نے تصدیق کہ ہم دونوں بہت جلد ایک نئے پراجیکٹ پر کام شروع کرنے جا رہے ہیں. سورج سے پوچھا گیا کہ کیا وہ اپنی آنے والی فلم میں سلمان کی پریم سیریز کے کرداروں کا نیا ورژن بنانے کے بارے میں سوچتے ہیں؟ اس پر فلم ساز نے کہا "پریم واپس آئے گا” فلم کا نام ہو گا پریم کی شادی . یاد رہے کہ سلمان خان کسی کا بھائی کسی کی جان میں جلوہ گر ہوں گے جو کہ 2023 کی عید ریلیز ہو گی.

  • بھاگیہ شری اور بھومیکا چاولہ سلمان خان کی فلم کسی کا بھائی کسی کی جان میں اہم کردار کریں گی

    بھاگیہ شری اور بھومیکا چاولہ سلمان خان کی فلم کسی کا بھائی کسی کی جان میں اہم کردار کریں گی

    سلمان خان کی فلم ”کسی کا بھائی کسی کی جان” ایک ایسی فلم بن چکی ہے کہ جس کا بہت زیادہ انتظار کیا جا رہا ہے. فرحان سمجی کی ہدایت کاری میں بننے والی اس فلم میں پوجا ہیگڑے، شہناز گل اور وینکٹیش اہم کردار ادا کررہے ہیں جبکہ رام چرن کا ایک کیمیو بھی ہے۔ کسی کا بھائی کسی کی جان 2023 کی عید پر ریلیز ہونے والی ہے۔ اس بات کا اعلان سلمان خان نے انسٹاگرام پر کیا۔ ایک پوسٹر کے ساتھ اداکار نے لکھا، "ٹائیگر 3 اب دیوالی 2023 پر اور کسی کا بھائی کسی کی جان عید 2023 پر۔ آئیے #KBKJ اور #Tiger3 کے ساتھ عید دیوالی منائیں۔کہا جا رہا ہے کہ اس فلم میں سلمان اپنی ماضی کے ساتھی اداکاروں بھاگیہ شری اور بھومیکا چاولہ کے ساتھ ایک بار پھر دکھائی دیں گے، یہ دونوں اداکارائیں

    فلم میں اہم کردار ادا کررہی ہیں .کسی کا بھائی کسی کی جان نام پہلے کبھی عید کبھی دیوالی تھا بعد ازاں تبدیل دیا گیا . واضح رہے کہ بھاگیہ شری نے سلمان خان کے ساتھ 1989 میں فلم میں نے پیار کیا میں کام کیا تھا جس کے ہدایت کار سورج برجاتیا تھے۔ جب کہ سلمان اور بھومیکا نے 2003 میں فلم تیرے نام میں ایک ساتھ کام کیا تھا۔ سلمان نے 26 اگست کو فلم انڈسٹری میں 34 سال مکمل کیے اور اپنی اگلی فلم کسی کا بھائی کسی کی جان کی ایک جھلک شیئر کرکے اپنے مداحوں کا شکریہ ادا کیا۔

  • دیشا پٹانی کی یاداشت کیوں چلی گئی تھی؟

    دیشا پٹانی کی یاداشت کیوں چلی گئی تھی؟

    بالی وڈ اداکارہ دیشا پٹانی جو کہ نوجوان نسل کی نمائندہ فنکارہ ہیں . کم عرصے میں انہوں نے اپنا نام اور مقام بنایا ہے. اداکارہ نے اپنے حالیہ انٹرویو میں انکشاف کیا ہے کہ ان کی ایک بار یاداشت چلی گئی تھی. تفصیلات شئیر کرتے ہوئے اداکارہ نے کہا کہ 2019 میں‌میری اور سلمان خان کی ایک فلم بھارت ریلیز ہوئی تھی اس فلم کی شوٹنگ کے دوران میرے ساتھ ایک حادثہ ہوا اوراسکے نتیجے میں میری یاداشت چلی گئی تھی. مجھے اپنی یاداشت بحال کرنے کےلئے باقاعدہ علاج کروانا پڑا چھ ماہ کے مسلسل علاج کے بعد میری یاداشت مکمل طورپر بحال ہوئی تھی. حادثہ کیسے پیش آیا اس پر بات کرتے ہوئے اداکارہ نے کہاکہ میرے کردار کی ڈیمانڈ کے مطابق مجھے جمناسٹک

    کرنا تھا اور میں کرتب دکھا رہی تھی اسی دوران میں نے پیچھے مڑ کر دیکھا تو میں گر گئی اور مجھے زبردست چوٹیں آئیں . اداکارہ نے کہا کہ میں تب سے بہت زیادہ محتاط ہوں اور جب میری شوٹنگ نہ ہو میں خود کو مصروف رکھتی ہوں. وہ ایک بھیانک تجربہ تھا جسے میں‌یاد بھی نہیں کرنا چاہتی تھی .یاد رہے کہ دیشا پٹانی کو سلمان خان کے ساتھ بھی خاصا سراہا جاتا ہے .دیشا پٹانی کم مگر معیاری کام کرنے کر ترجیح دیتی ہیں .

  • سلمان خان اوردوسرے اداکاروں نے پٹھان کی تیاری کے دوران جم کے مشورے دئیے شاہ رخ خان کا انکشاف

    سلمان خان اوردوسرے اداکاروں نے پٹھان کی تیاری کے دوران جم کے مشورے دئیے شاہ رخ خان کا انکشاف

    شاہ رخ خان نے گزشتہ روز اپنی 57 ویں سالگرہ منائی، بالی وڈ کے بادشاہ کے نام سے مشہور ہونے والے اس اداکار نے فلم دیوانہ سے فلم انڈسٹری میں قدم رکھا اور پھر پیچھے مڑ کر کبھی نہ دیکھا. شاہ رخ خان نے حالیہ انٹرویو میں بتایا ہے کہ انہوں نے کس طرح کورونا وائرس وبائی امراض کے دوران اپنے ورزش کے معمولات کو منظم کیا اور اس وقت وہ فلم پٹھان کی تیاری کر رہے تھے۔ شاہ رخ نے کہا کہ وہ نہیں جانتے تھے کہ اپنے جم سیشن کے دوران کیا کرنا ہے۔ انہوں نے بتایا کہ وہ صبح اُٹھ کر میں 45 منٹ کے لیے جم جاتے وہاں کورونا کی وجہ سے کوئی ٹرینر نہیں آتا تھا تو پھر وہ ورزش کے معمولات گوگل کرتے اور بڑے ستاروں، سلمان بھائی، ٹائیگر شراف اور ہریتک روشن سے پوچھتے کہ کیا کریں اور وہ انہیں مشورے دیتے. یاد رہے کہ شاہ رخ

    خان نے اپنی سالگرہ کے موقع پر منت کے بیرونی حصے کی بالکونی میں آکر اپنے مداحوں کو ہاتھ ہلایا اور انہوں نے سوشل میڈیا پر اپنے مداحوں کا سالگرہ کی مبارکباد دینے کےلئے شکریہ ادا کیا. شاہ رخ خان کی پٹھان کے علاوہ فلم ڈنکی اور جوان بھی 2022 میں ریلیز ہونے جا رہی ہے.ڈنکی میں ان کے ساتھ تاپسی پنوکام کررہی ہیں. شاہ رخ خان کی 2022 میں تین فلمیں ریلیز ہو رہی ہیں ان سب فلموں کا بے چینی سے انتظار کیا جا رہا ہے.

  • سورج برجاتیہ نے سلمان خان کو خاندانی آدمی کہہ دیا

    سورج برجاتیہ نے سلمان خان کو خاندانی آدمی کہہ دیا

    سلمان خان اور سورج برجاتیا کی جوڑی نے ہمیشہ ہی بالی وڈ کو بلاک بسٹر فلمیں دی ہیں. فلم میں نے پیار کیا سے لے کر پریم رتن دھن پایو تک، ان کی دوستی حیرت انگیز رہی ہے۔ یہ کہنا غلط نہیں ہو گا کہ ان دونوں کا رشتہ فلموں سے بھی آگے نکل گیا ہے۔ سورج اپنی آنے والی فلم اونچائی کی ریلیز کے لیے پوری طرح تیار ہیں اس میں پرینیتی چوپڑا، امیتابھ بچن، انوپم کھیر، بومن ایرانی اور دیگر اہم کردار ادا کر رہے ہیں۔ اپنے حالیہ انٹرویو میں سورج برجاتیہ نے سلمان خان کے ساتھ اپنے تعلقات کے بارے میں بات کی۔ سورج برجاتیا نے کہا کہ سلمان خان ایک خاندانی آدمی ہیں۔ سلمان نے کم مگر ہمیشہ ہی معیاری کام کیا ہے، سلمان خان اپنے بھائیوں اور بہنوں سے پیار کرتا ہے اور اپنے والدین کی بہت عزت کرتا ہے

    ۔ برجاتیا کہتے ہیں، ”میں نے ان سے زیادہ عزت دار خاندانی کسی کو نہیں دیکھا”۔ سورج برجاتیا نے انکشاف کیا کہ جب وہ سلمان خان کے لیے فلم لکھ رہے تھے تو ان کے اندر کی آواز نے ان سے اونچائی بنانے کو کہا۔ جب سلمان کو اس بات کا علم ہوا تو انہوں نے ہدایت کار سے کہا کہ یہ ان کا انداز نہیں ہے۔ لیکن جب انہیں معلوم ہوا کہ ڈائریکٹر کے اندر کی آواز بہت مضبوط ہے تو انہوں نے اس کی حوصلہ افزائی کی۔انہوں نے مزید کہا کہ سلمان خان نے حال ہی میں ٹریلر دیکھا اور مجھے بتایا کہ اسے بہت پسند آیا ہے انہوں نے کہا کہ ہمارا رشتہ فلم سازی سے بالاتر ہے.

  • سلمان خان کی سکیورٹی میں مزید اضافہ

    سلمان خان کی سکیورٹی میں مزید اضافہ

    ممبئی: پولیس کی جانب سے بالی ووڈ اداکار سلمان خان کی سکیورٹی میں مزید اضافہ کر دیا گیا ہے-

    باغی ٹی وی: بھارتی میڈیا کی رپورٹ کے مطابق دھمکی آمیز خط موصول ہونے کے معاملے پر خدشات کے پیشِ نظر ایک مرتبہ پھر سلمان خان کی سکیورٹی میں اضافہ کر دیا گیا ہے۔

    کمال آر خان نے سلمان خان سے معافی مانگ لی

    رپورٹس کے مطابق سلمان خان کو اب تک ممبئی پولیس نے پولیس تحفظ فراہم کیا تھا تاہم اب اداکار کو Y+ سکیورٹی کور دیا جائے گا اس کا مطلب ہے کہ اُن کے ساتھ ہر وقت چار مسلح سکیورٹی اہلکار موجود ہوں گے۔


    سلمان خان کے پاس سیکیورٹی کے لیے کل 11 اہلکار ہوں گے، جن میں ایک یا دو کمانڈوز بھی شامل ہیں۔ ان میں سے پانچ ان کی رہائش گاہ پر تعینات ہوں گے (ایک کمانڈو، چار کانسٹیبل) اور تین پرسنل سیکیورٹی آفیسرز (پی ایس او) ان کے ساتھ رہیں گےپرسنل سیکیورٹی آفیسرز کو تین شفٹوں میں تعینات کیا جاتا ہے (یعنی ایک وقت میں تفویض کردہ شخص کے ساتھ ایک پی ایس او)

    یاد رہے کہ سلمان اور ان کے والد سلیم خان کورواں سال جون میں لارنس بشنوئی گینگ کی جانب سے دھمکی آمیز خط موصول ہوا تھا جس میں سلمان اور سلیم کو ’موسے والا‘ جیسا حال کرنے کی دھمکی دی گئی تھی۔

    سدھو موسے والا پنجابی گلوکار تھے جنہیں اس سال کے شروع میں پنجاب میں قتل کر دیا گیا تھا۔ ممبئی پولیس نے سدھو کے قتل میں ملوث لارنس بشنوئی کے گینگ سے متعدد غنڈوں کو گرفتار کیا تھا-

    ساجد خان کو سلمان خان بچا رہے ہیں شرلین چوپڑہ کا الزام

    اداکار کے حفاظتی اقدامات میں اب تک باقاعدہ پولیس تحفظ شامل تھااس کیس میں نئی ​​پیش رفت اس وقت ہوئی جب گزشتہ چند ماہ میں ممبئی، پنجاب اوردہلی میں ہونے والی تحقیقات میں یہ بات سامنےآئی کہ گینگسٹر بشنوئی اور گولڈی برار نےممبئی میں خان کوقتل کرنے کا منصوبہ بنایا تھا۔ رپورٹس میں بتایا گیا ہے کہ اس کی دو بار کوشش کی گئی تھی – ایک بار 2017 میں ان کی سالگرہ کی تقریب کے دوران ان کے باندرہ کے گھر کے باہر اور ایک بار 2018 میں اس کے پنول فارم ہاؤس پر۔

    علاوہ ازیں بالی ووڈ نگری کے دو مشہور اداکار اکشے کمار اور انوپم کھیر کو بھی اب ممبئی پولیس کی جانب سے سکیورٹی فراہم کی جارہی ہے کمار اور کھیر کو X زمرہ کی سیکیورٹی دی جائے گی، جس کا مطلب ہے کہ ہر وقت انہیں دو مسلح اہلکار تفویض کیے جائیں گے۔ کوئی کمانڈوز فراہم نہیں کیا جائے گا اضافی احتیاط کی قیمت مشہور شخصیات برداشت کریں گی۔

    اکشے کمار کو کس چیز کا ہے بے حد افسوس ؟

  • کمال آر خان نے سلمان خان سے معافی مانگ لی

    کمال آر خان نے سلمان خان سے معافی مانگ لی

    ممبئی: بھارت کے معروف فلمی ناقد کمال آر خان المعروف کے آر کے نے سلمان خان سے معافی مانگ لی۔

    باغی ٹی وی : کمال آر خان نے سماجی رابطے کی ویب سائٹ ٹویٹر پر بالی ووڈ سپر اسٹار سلمان خان پر الزام لگایا تھا کہ اس کی گرفتاری کے پیچھے اداکار کا ہاتھ تھا۔

    اکشے کمار کو کس چیز کا ہے بے حد افسوس ؟


    تاہم اب کے آر کے نے ٹوئٹر پر ہی سُپر اسٹار سلمان خان سے معاف مانگ لی ہے اور کہا کہ میں تمام میڈیا کو بتانا چاہتا ہوں کہ میری گرفتاری کے پیچھے سلمان خان کا ہاتھ نہیں تھا جیسا کہ میں نے سوچا تھا۔ پیچے سے کوئی اور کھیل کر گیا-

    کے آر کے نے سلمان خان کو ٹیگ کرتے ہوئے لکھا کہ بھائی جان مجھے آپ کی غلط فہمی کے لیے بہت افسوس ہے۔ اور اگر میں نے آپ کو کسی بھی طرح سے تکلیف پہنچائی ہے تو میں معذرت خواہ ہوں۔ میں رضاکارانہ طور پر آپ کی فلموں کا جائزہ نہ لینے کا فیصلہ کرتا ہوں۔

    ساجد خان کو سلمان خان بچا رہے ہیں شرلین چوپڑہ کا الزام


    کے آر کے نے لکھا کہ بہت سے لوگ اب بھی سمجھتے ہیں کہ میری گرفتاری کے پیچھے کرن جوہر کا ہاتھ تھا۔ اور میں پھر کہتا ہوں کہ ان اطلاعات میں کوئی صداقت نہیں کہ اس کی گرفتاری میں فلمساز کرن جوہر کا کوئی کردار ہے۔

    2021 میں سلمان خان نے کے آر کے خلاف ہتک عزت کا ایک کیس دائر کیا تھا کیوں کے کمال خان نے اداکار کے خلاف سوشل میڈیا پر کرپشن کے الزامات لگائے تھے۔

    بھارتی اداکار سوشانت سنگھ راجپوت کی موت پر بھی کے آر کے نے متنازعہ ٹویٹس کی تھیں اور فلم انڈسٹری کے کچھ افراد کو اداکار کی موت کا ذمہ دار ٹھہرایا تھا کمال آر خان کو ممبئی پولیس نے اکتوبر میں گرفتار کیا تھا۔

    کرن جوہر نے دا لیجنڈ آف مولا جٹ دیکھی، سینما میں بیٹھے کی تصاویر وائرل

  • ساجد خان کو سلمان خان بچا رہے ہیں شرلین چوپڑہ کا الزام

    ساجد خان کو سلمان خان بچا رہے ہیں شرلین چوپڑہ کا الزام

    بھارتی فلمساز ساجد خان جو کہ ان دونوں بگ باس کے گھر میں ہیں لیکن ان کو شو سے نکالے جانے کا مطالبہ دن بہ دن زور پکڑتا جا رہا ہے تاہم بگ باس کی انتظامیہ اس موڈ میں نظر نہیں آرہی کہ وہ ساجد خان کو گھر سے نکالیں. شرلین چوپڑہ جنہوں نے چند دن قبل ساجد خان کے خلاف جنسی ہراسانی کی شکایت جوہو پولیس اسٹیشن میں درج کروای تھی وہ ہیں بہت غصے میں. تاہم اداکارہ نے پولیس میں جا کر اپنا بیان بھی ریکارڈ‌کروا دیا ہے لیکن ان کا کہنا ہےکہ پولیس ان کے ساتھ بالکل بھی تعاون نہیں‌کر رہی. انہوں نے ساتھ ہی ساتھ سلمان خان کو بھی لے لیا ہے آڑھے ہاتھوں ان کا کہنا ہےکہ ساجد خان سلمان خان کا قریبی دوست ہے جس کی وجہ سے وہ اسے بچانے کی کوشش کررہے ہیں اور سلمان

    خان اسے مکمل تحفظ دے رہے ہیں. شرلین نے کہا کہ جب تک سلمان خان ان کا ساتھ دیتے رہیں گے ساجد خان کی طرف کوئی نہیں‌بڑھ سکتا. اداکار کو ایسے نہیں کرنا چاہیے. جس نے جو جرم کیا ہے اسکو جوابدہ ہونا چاہیے اور بگ باس کی انتظامیہ کو بھی ایسے شخص کو اپنے گھر میں‌نہیں رکھنا چاہیے جس پر جنسی ہراسانی کے الزامات ہیں. یاد رہے کہ ساجد خان پر جنسی ہراسانی کا الزام صرف شرلین چوپڑہ نے نہیں لگایا بلکہ سونی چوپڑا، آہانہ کمرا اور مندانہ کریمی بھی ایسی شکایات درج کروا چکی ہیں.