Tag: سلمان خان

بالی وڈ کے دبنگ خان جو کہ ڈائریکٹر ایٹلی کی فلمی گرافی سے بہت متاثر ہیں وہ ان کے کام کی تعریف کرتے نظر آتے ہیں . سلمان خان ایٹلی کے ساتھ کام کرنے کے خواہشمند ہیں اور اب کہا جا رہا ہے کہ وہ ان کے ساتھ ایک نیا پراجیکٹ کرنے جا رہے ہیں. ایٹلی نوجوان تامل ہدایت کارہیں جنہوں نے اپنے کیریئر میں اب تک صرف بلاک بسٹر فلمیں دی ہیں کہا جارہا ہے کہ وہ بھی سلمان خان کے ساتھ کام کرنے کے لئے بےتاب ہیں. اطلاعات یہ ہیں‌کہ دونوں نے ایک پراجیکٹ لاک کر لیا ہے اور جلد ہی اس پر کام شروع کریں گے. یاد رہے کہ ایٹلی شاہ رخ خان کی فلم جوان سے اپنا

بالی وڈ میں ڈیبیو کررہے ہیں، فلم کی پہلی جھلک دیکھ کر شائقین نے اسے بہت پسند کیا اور سلمان خان تو تعریفوں کے پل ہی باندھ دئیے تھے، یہ فلم جون 2023 میں سینما گھروں میں نمائش کے لیے پیش کی جائے گی۔ سلمان خان جو کہ ڈینگی میں مبتلا ہو گئے تھے اب صحتیاب ہو کر بگ باس کی میزبانی دوبارہ کرنے کے لئے تیار ہیں ان کی غیر موجودگی میں کرن جوہر نے شو کو سنبھالا تھا. دوسری طرف دیکھنا یہ ہےکہ ڈائریکٹر ایٹلی کے ساتھ یہ دونوں کونسا نیا پراجیکٹ کرنے جا رہے ہیں اور وہ پراجیکٹ کیسا ہوگا کیونکہ ابھی تک ایٹلی نے جتنے بھی پراجیکٹس کئے ہیں ان میں اپنے کام سے سب کو حیران کر دیا ہے.

بالی وڈ کے اداکار سلمان خان کو جب سے ڈینگی ہوا ہے تب سے وہ کافی محتاظ ہو گئے ہیں، حال ہی میں برہان ممبئی میونسپل کارپوریشن (بی ایم سی) نے اتوار کو مچھروں کی افزائش کے ممکنہ مقامات کا پتہ لگانے کے لیے باندرہ کے گلیکسی اپارٹمنٹس میں بالی وڈ اداکار سلمان خان کی رہائش گاہ کا معائنہ کیا۔ یہ معائنہ سلمان خان میں ڈینگی کی تشخیص کے ایک دن بعد کیا گیا تھا۔ اس گروپ نے باندرہ میں اسی سڑک کے ساتھ واقع چھ دیگر عمارتوں کے ساتھ شاندار اپارٹمنٹ کی چھان بین کی۔ بی ایم سی کے کیڑے مار ادویات کے محکمے کے افسر راجندر نارنگریکرکا کہنا ہے کہ گلیکسی کے احاطے میں دو جگہوں پر ڈینگی لاروا دیکھا گیا لیکن خان کے گھر سے کوئی لاروا نہیں ملا۔انہوں نے مزید کہا کہ بی ایم سی مچھروں کے خطرے پر کہکشاں سوسائٹی کو نوٹس نہیں بھیجتی بلکہ اگر ان کے گھر میں لاروا پایا جاتا ہے تو ہم اسے گھر کے مالکان کو بھیج دیتے ہیں۔ انہوں‌نے یہ بھی کہا کہ شہری ادارہ مطلوبہ کارروائی کی بنیاد پر تین طرح کے نوٹس جاری کرتا ہے۔ پہلی قسم میں، ہم رہائشیوں کو مطلع کرتے ہیں کہ مچھروں

کی افزائش کے مقامات (ان کے گھروں میں) ہیں، جنہیں انہیں ایک ہفتے کے اندر ختم کرنے کی ضرورت ہے۔ ہم ان لوگوں کے خلاف قانونی کارروائی شروع کرتے ہیں جو تعمیل نہیں کرتے ہیں۔ دوسری قسم میں، اگر سوسائٹی کے پانی کے ٹینک میں افزائش کے مقامات پائے جاتے ہیں تو نوٹس بھیجے جاتے ہیں۔ تیسری صورت میں سرکاری لفظ ان لوگوں کے لیے آگے بڑھایا جاتا ہے جو غیر قانونی بورویل کی کھدائی کرتے ہیں یا پانی کا چشمہ بناتے ہیں۔
واضح رہے کہ اس ہفتے کے شروع میں سلمان خان کو ڈینگی ہو گیا تھا۔ اس وجہ سے انہوں نے اپنے جاری پراجیکٹس بشمول رئیلٹی شو بگ باس کی شوٹنگ سے مختصر وقفہ لیا۔

بالی وڈ کے دبنگ سلمان خان جو کہ ڈینگی میں مبتلا ہو گئے تھے وہ اب صحیتاب ہو گئے ہیں. ڈینگی میں مبتلا ہونے کے بعد سلمان خان نے اپنی کام کے حوالے سے تمام شوٹنگز کو ملتوی کر دیا تھا. یہاں تک کہ بگ باس میں ان کی جگہ کرن جوہر دیکھے گئے ہیں. سلمان خان کے مداح پوری دنیا میں‌پائے جاتےہیں اپنے پسندیدہ اداکار کے ڈینگی میں‌مبتلا ہونے کی خبر سننے کے بعد ان کے مداح خاصے پریشان تھے لیکن ان کے لئے خوشخبری ہے کہ سلمان خان اب صحیتابی کی طرف بڑھ رہے ہیں اور بہت جلد وہ اپنی تمام تر شوٹنگز دوبارہ شروع کر دیں گے. بتایا جا رہا

ہے کہ سلمان خان نے طبیعت میں‌بہتری کے بعد اپنے بہنوئی کی سالگرہ میں شرکت کی ہے وہاں ان کے مداح ان کو دیکھ کر خوش ہوئے اور ان سے جب پوچھا کہ طبیعت کیسی ہے تو انہوں نے کہا کہ میں‌اب بالکل ٹھیک ہوں. یاد رہے کہ سلمان خان کے بہنوئی اتل اگنی ہوتری ہیں اور وہ بھی نوے کی دہائی میں بالی وڈ‌ میں آئے. گوکہ اتل اتنے بڑے سٹار نہیں‌بن سکے لیکن انہوں نے کافی مشہور فلموں میں‌کام کیا، اتل کی شادی سلمان خان کی بہن الویرا سے شادی ہوئی تھی. بتایا جا رہا ہےکہ سلمان خان جلد ہی بگ باس کے سیٹ پر بھی پہنچ جائیں گے.

بالی وڈ‌کی خوبصورت اداکارہ بھاگیہ شری نے اپنے ایک حالیہ انٹرویو میں کہا ہے کہ فلم میں نے پیار کیا کے دوران ایک سین ایسا کرنا پڑا کہ جس کو کرنے کا سن کر میں رو پڑی. بھاگیہ شری نے کہا کہ اس فلم کے ڈائریکٹر سورج برجاتیہ نے مجھے کہا کہ مجھے سلمان خان کے ساتھ گلے ملنے کا ایک سین کرنا ہے، میں‌یہ سن کر رو پڑی سلمان خان پریشان ہو گیا اور بولا رونا کس بات کا تو میں نے کہا کہ میں ایسا سین نہیں‌کر سکتی. سورج برجاتیہ کافی دیر تک سمجھاتے رہے اور میری آنکھوں سے آنسو بہتے رہے. آخر میں انہوں نے کہا کہ ٹھیک ہے تم اگر یہ سین

نہیں‌کر سکی توہم کچھ اور دیکھ لیں گے لیکن تم کوشش تو کرو. یوں سلمان خان اور سورج برجاتیہ کے کہنے پر میں وہ سین ٹرائی کیا اور ہو گیا. بھاگیہ شری نے کہا کہ حالانکہ میرا اس وقت بوائے فرینڈ بھی تھا لیکن میں ایسی چیزوں میں نہیں پڑی تھی. بھاگیہ شری نے کہا کہ فلم میں نے پیار کیا کہ فورا بعد میں جس سے پیار کرتی تھی اس کےساتھ شادی کے بندھن میں بندھ گئی لیکن یہ فلم ہمیشہ میرے دل کے قریب رہی ہے. مجھے یاد ہے کہ میں‌یہ فلم نہیں کرنا چاہتی تھی اپنے والدین اور سورج برجاتیہ کے کہنے پر کی.

سلمان خان اور کترینہ کیف کی فلم ٹائیگر 3 جس کی ریلیز کی تاریخ بار بار تبدیل ہوتی آرہی ہے ، اب اس کی ریلیز کی حتمی تاریخ کا اعلان کر دیا گیا ہے. اب فلم اگلے سال دیوالی کے موقع پر ریلیز ہوگی. فلم کی مرکزی کاسٹ نے اپنے اپنے سوشل میڈیا پر جا کر ٹائیگر تھری کی ریلیز کی ڈیٹ کا اعلان کیا اور ساتھ میں تصویریں بھی شئیر کیں. ٹائیگر 3 کو بینڈ باجا بارات کے ڈائریکٹر منیش شرما نے ڈائریکٹ کیا ہے اور اسے ہندی کے علاوہ مزید دو زبانوں یعنی تامل اور تیلگو میں ریلیز کیا جائے گا۔

سلمان خان نے سوشل میڈیا پر ٹائیگر تھری کے ریلیز ہونے کی تاریخ کا اعلان کیا اور ساتھ ہی ہی ایک تصویر بھی شئیر کی اس تصویر میں سلمان خان کی آنکھیں اور آدھا چہرہ نظر آرہا ہے جو ماسک سے ڈھکا ہوا ہے جیسے ہی سلمان نے پوسٹر شیئر کیا اور ریلیز کا اعلان کیاتو مداحوں نے کمنٹ سیکشن میں ایموجیز چھوڑنے کے علاوہ کمنٹس کرنا شروع کردئیے،. زیادہ تر صارفین نے لکھا کہ ہم آپ کی فلم کی ریلیز کا بےچینی سے انتظار کررہے ہیں ،بعض صارفین نے سلمان خان اور کترینہ کیف کو ایک ساتھ دیکھنے کی بے چینی کا اظہار کیا.کترینہ کیف نے بھی اپنے سوشل میڈیا اکائونٹ پر فلم کی ریلیز کا اعلان کیا اور تصویر شئیر کی.

بالی وڈ اداکار سلمان خان کا پانویل میں 100 ایکڑ کا فارم ہے اس کے ھوالے سے کیتن ککڑ نامی آدمی نے سوشل میڈیا پر ایک پوسٹ کے زریعے کہا تھا کہ اس جگہ پر سلمان خان اور ان کے اہل خانہ غیر قانونی سرگرمیوں میں مصروف رہتے ہیں اور ساتھ ہی ساتھ اس فارم ہائوس کے کچھ حصے کے غیر قانونی ہونے کا دعوی کر دیا. سلمان خان اس الزام کے بعد کیتن ککڑ کے خلاف عدالت میں چلے گئے اور ان پر ہتک عزت کا دعوی دائر کر دیا اور کہا کہ جو بھی انہوں نے میرےاور میری فیملی کے خلاف پوسٹ میں کہا ہے وہ جھوٹ اور غلط ہے. کہا جا رہا ہے کہ ممبئی ہائیکورٹ نے سیشن عدالت کے فیصلے کے خلاف بالی وڈ اداکار سلمان خان کی درخواست پر فیصلہ محفوظ کرلیا ہے تاہم فیصلہ کب سنایا جائیگا اس کی تاریخ

ابھی سامنے نہیں آئی. یاد رہے کہ سلمان خان اپنے پورے کیرئیر میں کسی نہ کسی تنائو کا شکار رہے ہیں، رواں برس وہ سدھو موسے والا کے قتل کے بعد بھی مسائل کا شکار رہے ان کواور ان کے والد کو قتل کی دھمکیاں موصول ہوئیں دوسری طرف سلمان خان کا شمار بالی وڈ کے سب سے زیادہ پسند کئے جانے والے اداکاروں میں ہوتا ہے. سلمان خان آج کل بگ باس 16 کی میزبانی کے فرائض بھی انجام دے رہے ہیں.

بالی وڈ اداکار رتیش دیش مکھ نے حال ہی میں اپنی ڈائریکشن میں بننے والی مراٹھی فلم وید کی شوٹنگ مکمل کی ہے. فلم کے سیٹ پر سلمان خان کے ساتھ رتیش دیش مکھ نے چند تصاویر بھی شئیر کیں جنہیں ان کے مداحوں نے بہت سراہا. سلمان خان رتیش دیش مکھ کی پہلی ڈائریکٹوریل فلم وید میں ایک مختصر کردار ادا کررہے ہیں. رتیش دیش مکھ نے اپنے ڈائریکشن کے تجربے کو شئیر کرتے ہوئے انٹرویو میں بتایا ہے کہ فلم کی ڈائریکشن کا تجربہ بہت اچھا رہا ہے میں کئی برسوں سے فلم کی ڈائریکشن کا سوچ رہا تھا لیکن اداکاری میں کافی مصروف تھا جس کی وجہ سے اس کام کو کرنے کی ہمت ہی نہیں ہو رہی تھی لیکن پچھلے تین چار برسوں سے میں نے سینجیدگی سے

سوچنا شروع کر دیا تھا کہ مجھے اب ڈائریکشن کرنی ہے . رتیش نے کہا کہ اس فلم میں‌، میں نے خود بھی کام کیا ہے اور میں پہلے بھی مراٹھی فلموں میں کام کر چکا ہوں. رتیش دیشمکھ نے اس پر بھی بات کی کہ کس طرح سے مراٹھی فلموں کو ہندی سنیما سے سخت مقابلے کا سامنا کرنا پڑتا ہے۔انہوں نے مزید کہا کہ مراٹھی فلموں کی جانب شائقین کی دلچپسی بڑھانے کے لئے ہمیں کچھ عوامل ہر کام کرنے کی ضرورت ہے.یاد رہے کہ رتیش دیش مکھ نے جنیلیا سے شادی کی اور اب ان کی اہلیہ فلموں‌میں واپسی بھی کررہی ہیں.

پاکستان کے نجی چینل پر چلنے والا ایک رئیلٹی شو جس کا نام تماشا گھر تھا وہ اختتام پذیر ہوا ہے اس شو کی میزبانی اداکار عدنان صدیقی نے کی. عدنان صدیقی کی میزبانی کے اس انداز نے شائقین کو خوب محظوظ کیا. اس شو میں میزبان عدنان صدیقی گھر کے اندر جاتے اور پارٹیسپینٹس کو کھانا کھلانے کے علاوہ ان کے مسائل سن کر ان کو حل بھی کرتے تھے. اب جبکہ بگ باس 16 شروع ہو چکا ہے اس میں عدنان صدیقی کے گھر کے اندر آنے جانے پارٹیسیپینٹس کے مسائل سننے کے انداز کو اپنایا گیا ہے. سلمان خان بالکل عدنان صدیقی کی طرح گھر میں گئے وہاں پارٹیسپینٹس سے بات چیت کی اور ان کے مسائل بھی سنے. یہ قسط آن ائیر جانے کے بعد سوشل میڈیا نے طرح طرح کے تبصرے کئے گئے اور کہا کہ بگ باس نے پاکستانی

شو تماشا گھر کے اس سیگمنٹ کو کاپی کیا ہے اور سلمان خان نے عدنان صدیقی کا انداز اپنایا ہے. یہاں تک کہ عدنان صدیقی نے بھی سوشل میڈیا پر ایک پوسٹ لگا کر لکھا کہ میں صرف یہ کہوں گا کہ میں اپنا معاملہ اللہ پر چھوڑتا ہوں. عدنان صدیقی کے فینز اس چیز کو عدنان صدیقی کی جیت کہہ رہے ہیں اور کہہ رہے ہیں کہ یہ خوشی کی بات ہے کہ تماشا گھر کو انڈیا میں اتنے غور سے دیکھا گیا کہ ایک پورا سیگمنٹ ہی چرا لیا.