صوبائی وزیر خواجہ سلمان رفیق کی زیرصدارت انسٹی آف پبلک ہیلتھ میں اہم اجلاس منعقد ہوا.اجلاس میں ایڈیشنل آئی جی سپیشل برانچ ڈاکٹرعثمان انور،ڈائریکٹرسی ڈی سی ڈاکٹرشاہدحسین مگسی،ڈپٹی سیکرٹری ورٹیکل پراگرامزسیدہ رملہ،آئی پی ایچ سے ڈاکٹررزاق انجم اور پی آئی ٹی بی کے افسران نے شرکت کی۔صوبائی وزیر خواجہ سلمان رفیق نے اجلاس کے دوران صوبہ بھرمیں ڈینگی کی صورتحال کا جائزہ لیا۔

وزیراعلیٰ پنجاب حمزہ شہباز شریف کا عیدالاضحیٰ پر بڑا فیصلہ

ایڈیشنل آئی جی سپیشل برانچ ڈاکٹرعثمان انور،ڈاکٹرشاہدحسین مگسی اور پی آئی ٹی بی کے افسران نے صوبائی وزیر خواجہ سلمان رفیق کو ڈینگی کی اوورآل صورتحال بارے بریفنگ دی۔

صوبائی وزیر خواجہ سلمان رفیق نے کہا کہ انسدادای سرگرمیو ں میں کوتاہی برتنے والے متعلقہ محکمہ جات کو آخری وارننگ دی جارہی ہے، وقت ڈینگی کاانتظارکرنے کا نہیں بلکہ قابوپانے کیلئے پیشگی اقدامات اٹھانے کا ہے، وزیراعلی پنجاب حمزہ شہبازکی ہدایت کے مطابق ڈینگی کی صورتحال پرقابوپانے کیلئے اقدامات کررہے ہیں۔ڈینگی کے رپورٹ ہونے والے ہرکیس کو رسپونس کیاجارہاہے۔خواجہ سلمان رفیق۔

عید الاضحی،سکیورٹی پلان فائنل،صفائی کے لیے کنٹرول روم قائم

خواجہ سلمان رفیق نے کہا کہ تمام متعلقہ محکمہ جات ڈینگی کے ڈیش بورڈ کو مسلسل مانیٹرکریں، محکمہ صحت کی ٹیموں کوگھروں کی سرویلنس کیلئے مزیدمتحرک کیاجارہاہے،ڈینگی کی انسدادای سرگرمیوں بارے تھرڈپارٹی ویلی ڈیشن کروائی جارہی ہے، پنجاب کے سرکاری ہسپتالوں میں ڈینگی کے زیر علاج مریضوں میں سے کوئی بھی تشویشناک حالت میں نہیں ہے، جنوری سے ابھی تک پنجاب میں ڈینگی کے باعث کوئی ہلاکت رپورٹ نہیں ہوئی ہے، پنجاب کے سرکاری ہسپتالوں میں ڈینگی کے مریضوں کیلئے 4202بسترمختص کئے گئے ہیں۔

خواجہ سلمان رفیق کا کہنا تھا کہ محکمہ صحت کے ساتھ ساتھ عوام بھی اپنے گھروں کی صفائی ستھرائی کویقینی بناکرڈینگی کے خاتمہ کیلئے کرداراداکریں،ہمیں لاہورمیں ڈینگی کے پھیلاؤ کو روکنے کیلئے تمام ترتوانائیاں استعمال کرنی ہوں گی،تمام ڈپٹی کمشنرزڈینگی عملہ کی آئی آرایس اورفوگنگ کی تربیت دوبارہ کروائیں۔

صوبائی وزیر خواجہ سلمان رفیق کی زیر صدارت محکمہ سپیشلائزڈہیلتھ کئیراینڈمیڈیکل ایجوکیشن میں پنجاب ہیومن آرگن ٹرانسپلانٹیشن اتھارٹی کی مانیٹرنگ اتھارٹی کاانیسواں اجلاس منعقد ہوا.اجلاس میں ڈاکٹرمرتضی، ڈاکٹرغیاث الدین طیب، ڈاکٹرشاہدملک، چیئرمین پنجاب ہیلتھ کئیرکمیشن ثاقب عزیز اور وڈیو لنک کانفرنس کے ذریعے ڈین پی کے ایل آئی ڈاکٹر فیصل ڈار نے شرکت کی۔صوبائی وزیر خواجہ سلمان رفیق نے اجلاس کے دوران نئے ڈائریکٹر جنرل کی تعیناتی اورادارہ کی کارکردگی کا جائزہ لیا۔

حمزہ شہباز سے نیدرلینڈ کے سفیرکی ملاقات،زراعت سمیت کئی شعبوں میں تعاون پر اتفاق

صوبائی وزیر خواجہ سلمان رفیق نے کہا کہ پنجاب کی عوام کو ریلیف دینے کیلئے پنجاب ہیومن آرگن ٹرانسپلانٹیشن اتھارٹی کو مزیدفعال بنائیں گے۔ اجلاس کے دوران پنجاب ہیومن آرگن ٹرانسپلانٹیشن اتھارٹی کے نئے ڈائریکٹرجنرل کی تعیناتی کیلئے بھی اقدامات کاجائزہ لیاگیا۔ کسی دوسرے انسان کی جان بچانے کیلئے اپنے جسم کا حصہ عطیہ کرنابہت بڑا صدقہ جاریہ ہوتاہے۔ پنجاب میں انسانی اعضاء کی خریدوفروخت کے مکروہ دھندے میں ملوث عناصرکے خلاف سخت کارروائی عمل میں لانی چاہئے۔

عام آدمی کوریلیف دینا تحریک انصاف کو پسند نہیں آیا،عطاء اللہ تارڑ

خواجہ سلمان رفیق کا کہنا تھا کہ پنجاب ہیومن آرگن ٹرانسپلانٹیشن اتھارٹی کو عوام کیلئے سود مند بنائیں گے
،وزیراعلی پنجاب حمزہ شہباز کی ہدایت کے مطابق پنجاب ہیومن آرگن ٹرانسپلانٹیشن اتھارٹی میں اصلاحات لائیں گے۔ پنجاب میں انسانی اعضاء کی خریدوفروخت میں ملوث عناصر کے خلاف قانون سخت کرنے کی سفارش کی جائے گی۔

وزیر ریلوے سعد رفیق کا عید الاضحیٰ پر ریل مسافروں کو تحفہ

علاوہ ازیں سیکرٹری صحت نے کہا کہ تمام شہری خاص طور پر کورونا کی مکمل احتیاط کو یقینی بنائیں، ہم صرف ویکسی نیشن اوراحتیاط کے ذریعے ہی کورونا وائرس کے پھیلاؤ کو روک سکتے ہیں، گزشتہ 24 گھنٹوں کے دوران صوبہ بھر سے کورونا کیسز 73 نئے کیسز سامنے آئے ہیں، صوبہ بھر میں کورونا کے کیسز کی کل تعداد 508,993ہو چکی ہے، اب تک صوبہ بھر میں493,695 مریض علاج کے بعد مکمل صحت یاب ہو کر اپنے گھروں کو واپس جاچکے ہیں،صوبہ بھر میں کورونا کے باعث 1 ہلاکت لاہور سے رپورٹ ہوئی، صوبہ بھر میں کورونا کے باعث اموات کی کل 13,575 تعداد ہو چکی ہے،گزشتہ 24 گھنٹوں کے دوران کورونا کے 5553 تشخیصی ٹیسٹ کئے گئے ہیں۔

سیکرٹری صحت نے بتایا کہ صوبہ بھر میں کورونا کےاب تک مجموعی طور پر 11,496,450 تشخیصی ٹیسٹ کئے جاچکے ہیں، گزشتہ 24 گھنٹوں کے دوران لاہورسے کورونا کے 59 جبکہ راولپنڈی سے 9 کیسز رپورٹ ہوئے ہیں، گزشتہ 24 گھنٹوں کے دوران ڈیرہ غازی خان سے 2 جبکہ ساہیوال، بہاولپور اور ملتان سے 1ایک کیس رپورٹ ہوا، گزشتہ چوبیس گھنٹوں کے دوران صوبہ بھر کے تمام شہروں میں کورونا کے مثبت کیسز کی مجموعی شرح 1.3 فیصد ریکارڈ کی گئی ہے، گزشتہ چوبیس گھنٹوں کے دوران لاہور میں کرونا وائرس کے مثبت کیسز کی شرح 3.2 فیصد، راولپنڈی میں 0.9 ریکارڈ کی گئی ہے، ڈیرہ غازی خان میں 2.3، بہاولپور سے 1.2 اور ساہیوال میں 1.1 فیصد شرح ریکارڈ کی گئی ۔

سیکرٹری صحت نے کہا کہ شہری کورونا کے خلاف خصوصی حفاظتی تدابیر اختیار کرکے خود کو محفوظ بنائیں، سماجی فاصلے اور ماسک کے استعمال کوہرصورت یقینی بنائیں، 12 سال سے زائد عمر کے تمام شہری کورونا وائرس سے بچاؤ کی ویکسین لازمی اور فوری لگوائیں، ریچ ایوری ڈورویکسی نیشن مہم کے چوتھے مرحلے کا آغاز کردیا گیا ہے کوویکسن لگائی گئی ہے، عوام کسی بھی قسم کی رہنمائی یا شکایات کے لئے1033 پر رابطہ کرسکتے ہیں۔

صوبائی وزیرخواجہ سلمان رفیق نے ڈینگی کی صورتحال کا جائزہ لینے کیلئے ہنگامی اجلاس طلب کرلیا۔اجلاس پنجاب ہیلتھ انشی ایٹومینجمنٹ کمپنی میں منعقدہوا۔اجلاس میں ڈائریکٹر سی ڈی سی ڈاکٹرشاہد حسین
مگسی،ڈاکٹرعامر،آئی پی ایچ سے افسران اور وڈیولنک کانفرنس کے ذریعے جویریہ حیات اور منیب احمد نے شرکت کی۔ صوبائی وزیرخواجہ سلمان رفیق نے اجلاس کے دوران پنجاب بھرمیں ڈینگی کی صورتحال کا تفصیلی جائزہ لیا۔ ڈائریکٹر سی ڈی سی ڈاکٹرشاہدحسین مگسی نے صوبائی وزیر خواجہ سلمان رفیق کو اجلاس کے دوران ڈینگی کی صورتحال کی تفصیلات سے آگاہ کیا۔

صوبائی وزیر خواجہ سلمان رفیق نے کہا کہ صوبہ بھرمیں ڈینگی کی صورتحال کومسلسل مانیٹرکررہے ہیں۔پنجاب میں گزشتہ چوبیس گھنٹوں کے دوران ابھی تک ڈینگی کے 6کیسزرپورٹ ہوئے ہیں۔ پنجاب میں گزشتہ چوبیس گھنٹوں کے دوران رپورٹ ہونے والے 6مریضوں کا تعلق ضلع لاہورسے ہے۔ پنجاب بھرسے ابھی ڈینگی کے166کیسزرپورٹ ہوچکے ہیں۔

خواجہ سلمان رفیق کا کہنا تھا کہ لاہورسے ابھی تک ڈینگی کے 84کیسزرپورٹ ہوچکے ہیں۔ ابھی تک راولپنڈی سے 14،فیصل آباد سے 12اور شیخوپورہ سے ڈینگی کے 7 مریض سامنے آچکے ہیں۔ پنجاب کے مختلف سرکاری ہسپتالوں میں ڈینگی کے 14مریض داخل ہیں۔ لاہورکے مختلف سرکاری ہسپتالوں میں ڈینگی کے7مریض زیرعلاج ہیں۔ پنجاب کے سرکاری ہسپتالوں میں ڈینگی کے زیر علاج مریضوں میں سے کوئی بھی تشویشناک حالت میں نہیں ہے۔

صوبائی وزیر خواجہ سلمان رفیق نے کہا کہ جنوری سے ابھی تک پنجاب میں ڈینگی کے باعث کوئی ہلاکت رپورٹ نہیں ہوئی ہے۔ پنجاب کے سرکاری ہسپتالوں میں ڈینگی کے مریضوں کیلئے 4202بسترمختص کئے گئے ہیں۔ پنجاب کے سرکاری ہسپتالوں کے 14بستروں پر ڈینگی کے مریض زیرعلاج ہیں۔ پنجاب کے سرکاری ہسپتالوں میں ڈینگی کے داخل مریضوں میں سے 2سسپیکٹڈ،4پروب ایبل اور8کنفرم ہیں۔ پنجاب میں ڈینگی کے رپورٹ ہونے والے کیسزسے متعلق علاقہ جات میں سرویلنس سخت کرنے کی ہدایت کردی گئی ہے۔ فیلڈ سٹاف کے ساتھ خود جا کرہاٹ سپاٹس پرانسدادی سرگرمیوں کی نگرانی کروں گا۔

خواجہ سلمان رفیق نے کہا کہ محکمہ صحت کے تمام افسران کو ڈینگی کی صورتحال بارے الرٹ کررہاہوں،محکمہ صحت کے ساتھ ساتھ عوام بھی اپنے گھروں کی صفائی ستھرائی کویقینی بنا کرڈینگی کے خاتمہ کیلئے کردارادا کریں۔ ہمیں لاہورمیں ڈینگی کے پھیلاؤ کو روکنے کیلئے تمام ترتوانائیاں استعمال کرنی ہوں گی۔گزشتہ روزپنجاب بھرمیں عوام میں ڈینگی سے متعلق آگاہی پھیلانے کیلئے اینٹی ڈینگی ڈے منایاگیاہے۔

صوبائی وزیر خواجہ سلمان رفیق اچانک ٹی ایچ کیو ہسپتال سمن آبادلاہور پہنچ گئے۔ صوبائی وزیرنے ٹی ایچ کیوہسپتال سمن آباد میں ایمرجنسی، سٹورروم، مائنرآپریشن تھیٹرزسمیت مختلف شعبہ جات کاتفصیلی دورہ کیا۔خواجہ سلمان رفیق نے ٹی ایچ کیوہسپتال سمن آباد میں ڈاکٹرزکی حاضری، مریضوں کو ادویات کی فراہمی، صفائی ستھرائی کے انتظامات اور ایمرجنسی سروسزکاجائزہ لیا۔ایم ایس ٹی ایچ کیوہسپتال سمن آباد نے صوبائی وزیرخواجہ سلمان رفیق کوبریفنگ دی۔

پانچ روزہ انسداد پولیو مہم آج سے شروع

صوبائی وزیرخواجہ سلمان رفیق نے مریضوں کی عیادت کی اورطبی سہولیات بارے تفصیلات حاصل کیں۔اس موقع پرخواجہ سلمان رفیق نے کہا کہ وزیراعلی پنجاب حمزہ شہباز کی ہدایت کے مطابق مختلف سرکاری ہسپتالوں کادورہ کرکے طبی سہولیات کاجائزہ لیاجارہاہے۔ پنجاب کے کسی بھی سرکاری ہسپتال میں آنے والے مریضوں کوکوئی پریشانی نہ ہو۔ ہمیں پنجاب کے سرکاری ہسپتالوں میں مریضوں کوصاف ستھراماحول فراہم کرناہے۔

خواجہ سلمان رفیق کا کہنا تھا کہ پنجاب کی عوام کو صحت کی بہترسہولیات فراہم کرنا ہماری اولین ترجیحات میں شامل ہے۔ پنجاب کے سرکاری ہسپتالوں میں صفائی ستھرائی کے مناسب انتظامات کویقینی بنایاجارہاہے۔ وزیراعظم شہبازشریف عوام کوصحت کے شعبہ میں سہولت فراہم کرناچاہتے ہیں۔ پنجاب کی عوام کوصحت کی بہترسہولیات فراہم کرناہماری اولین ذمہ داری ہے۔ مسلم لیگ ن کی حکومت عوام کاپیسہ عوام پرخرچ کرنے پرمکمل یقین رکھتی ہے۔

قبل ازیں صوبائی وزیر خواجہ سلمان رفیق کی زیر صدارت محکمہ پرائمری اینڈ سیکنڈری ہیلتھ کئیرمیں اہم اجلاس منعقد ہوا،اجلاس میں ایڈیشنل سیکرٹری ٹیکنیکل ڈاکٹرعاصم الطاف،چیف پلاننگ آفیسر عبدالحق بھٹی،ایڈیشنل سیکرٹری ڈویلپمنٹ،ڈاکٹرمختاراعوان،ڈاکٹر شاہد حسین مگسی،پی آئی ٹی بی ودیگرافسران نے شرکت کی۔ صوبائی وزیر خواجہ سلمان رفیق نے اجلاس کے دوران صوبہ بھرمیں کورونا،ڈینگی اور ترقیاتی منصوبوں کا تفصیلی جائزہ لیا۔ متعلقہ افسران نے صوبائی وزیر خواجہ سلمان رفیق کو کورونا،ڈینگی اور ترقیاتی منصوبوں بارے بریفنگ دی۔

صوبائی وزیرخواجہ سلمان رفیق نے کہا کہ پنجاب میں کورونااور ڈینگی کی صورتحال کو مسلسل مانیٹرکیاجارہاہے۔پنجاب میں کوروناوائرس کی ٹیسٹنگ میں اضافہ کردیاگیاہے۔ صوبائی وزیر نے پنجاب کے سرکاری ہسپتالوں کو کوروناکے مریضوں کو صحت کی بہترسہولیات فراہم کرنے کی ہدایت کی گئی ہے۔

خواجہ سلمان رفیق کا کہنا تھا کہ پنجاب کی عوام سے ویکسی نیشن مکمل کروانے کی اپیل کرتے ہیں۔ پنجاب کی عوام سے کوروناایس اوپیزپرسخی سے عملدرآمدکرنے کی اپیل کرتے ہیں۔ پنجاب کے تمام اضلاع کی یونین کونسلزمیں ڈینگی کی انسدادی کارروائیاں تیزکردی گئی ہیں۔ پنجاب کے تمام کمشنرزاور ڈپٹی کمشنرز ڈینگی کی انسدادی کارروائیوں
کومانیٹرکررہے ہیں۔ پنجاب کے سرکاری ہسپتالوں میں جاری ترقیاتی منصوبوں کو جلدمکمل کرنے کی ہدایت کی گئی ہے۔ پنجاب کے سرکاری ہسپتالوں کی اپ گریڈیشن پر تیزی سے کام جاری ہے۔

پنجاب کے سات اضلاع میں انسداد پولیو مہم کا آغاز27جون سے ہوگا۔لاہور، راولپنڈی، فیصل آباد، ڈی جی خان، بہاولپور، لیہ، میانوالی میں انسد ادپولیو مہم تین جولائی تک جاری رہے گی۔

مہم کے دوران پانچ سال تک کی عمر کے50لاکھ81ہزار بچوں کو ویکسیئن کے قطرے پلانے کا ہدف مقرر کیا گیا ہے۔ 39ہزارسے زائد پولیو ورکرز خدمات سر انجام دیں گے۔

صوبائی وزیر خواجہ سلمان رفیق اورچیف سیکرٹری کامران علی افضل کی زیر صدارت سول سیکرٹریٹ میں اجلاس منعقد کیا گیا اجلاس میں انسداد پولیو مہم کے انتظامات کا جائزہ لیا گیا ،اجلاس میں صوبائی وزیر خواجہ سلمان رفیق نے ہدانت کی کہ انسداد پولیو مہم کو بھرپور انداز میں کامیاب بنایا جائے.

اس موقع پرصوبائی وزیر خواجہ سلمان رفیق نے کہا کہ بچوں کی صحت اور محفوظ مستقبل کیلئے ملک کو پولیو فری بنانا ہوگا۔ پولیو کے مکمل خاتمے کیلئے سب کو ملکرقومی جذبے کیساتھ کام جاری رکھنے کی ضرورت ہے۔

چیف سیکرٹیری کا کہنا تھا کہ اضلاع میں ڈپٹی کمشنرز انسداد پولیو مہم کی خود نگرانی کریں،ڈینگی اور کوویڈ سے متعلق آگاہی بڑھانے کیلئے گھر گھر جانیوالی پولیو ٹیمیں اہم کردار ادا کر سکتی ہیں۔ پولیو ٹیمیں لوگوں کو ڈینگی اور کوویڈ سے متعلق احتیاطی تدابیر سے لازمی طور پر آگاہ کریں۔ سیکرٹری پرائمری ہیلتھ نے اجلاس کو بریفنگ دی۔بریفنگ میں بتایا گیا کہ مئی میں مکمل کی جانیوالی انسداد پولیو مہم میں کوریج کا تناسب 101فیصد رہا، مقررہ ہدف 2کروڑ19لاکھ کے مقابلے میں 2کروڑ21لاکھ بچوں کو پولیو ویکسئن کے قطرے پلائے گئے۔ اکتوبر2020 سے پنجاب میں پولیو کا کوئی کیس رپورٹ نہیں ہوا۔

اجلاس میں سپیشل سیکرٹری ہیلتھ، پولیو کے خاتمے کیلئے کام کرنے والے بین الاقوامی اداروں کے نمائندوں اور متعلقہ حکام نے شرکت کی۔تمام ڈویژنل کمشنرز اور ڈپٹی کمشنرز ویڈیو لنک کے ذریعے شریک ہوئے۔

علاوہ ازیں صوبائی وزیر خواجہ سلمان رفیق اچانک ڈسٹرکٹ ہیڈکوارٹرزہسپتال ننکانہ پہنچ گئے۔ صوبائی وزیرنے ڈی ایچ کیوہسپتال ننکانہ میں ایمرجنسی، سٹورروم، مائنرآپریشن تھیٹرزسمیت مختلف شعبہ جات کاتفصیلی دورہ کیا۔ خواجہ سلمان رفیق نے ڈی ایچ کیو ہسپتال ننکانہ میں ڈاکٹرزکی حاضری، مریضوں کو ادویات کی فراہمی، صفائی ستھرائی کے انتظامات اور ایمرجنسی سروسزکاجائزہ لیا۔

سی ای اوہیلتھ ڈاکٹراظہرامین اورایم ایس ڈاکٹرقیصرنے صوبائی وزیرخواجہ سلمان رفیق کوبریفنگ دی۔صوبائی وزیرخواجہ سلمان رفیق نے مریضوں کی عیادت کی اورطبی سہولیات بارے تفصیلات حاصل کیں۔

صوبائی وزیرخواجہ سلمان رفیق نے کہا کہ وزیراعلی پنجاب حمزہ شہباز کی ہدایت کے مطابق مختلف سرکاری ہسپتالوں کادورہ کرکے طبی سہولیات کاجائزہ لیاجارہاہے۔ پنجاب کے کسی بھی سرکاری ہسپتال میں آنے والے مریضوں کوکوئی پریشانی نہ ہو۔ ریاست پنجاب کے سرکاری ہسپتالوں میں مریضوں کو اربوں روپوں کی مفت ادویات فراہم کررہی ہے۔ ہمیں پنجاب کے سرکاری ہسپتالوں میں مریضوں کوصاف ستھراماحول فراہم کرناہے۔

خواجہ سلمان رفیق کا کہنا تھا کہ پنجاب کی عوام کو صحت کی بہترسہولیات فراہم کرنا ہماری اولین ترجیحات میں شامل ہے۔ پنجاب کے سرکاری ہسپتالوں میں صفائی ستھرائی کے مناسب انتظامات کویقینی بنایاجارہاہے۔ وزیراعظم شہبازشریف عوام کوصحت کے شعبہ میں سہولت فراہم کرناچاہتے ہیں۔ پنجاب کی عوام کوصحت کی بہترسہولیات فراہم کرناہماری اولین ذمہ داری ہے۔

صوبائی وزیر خواجہ سلمان رفیق نے کوروناوائرس کے کیسزمیں اضافہ ہونے پرتمام افسران کو الرٹ کردیا۔ خواجہ سلمان رفیق کی زیر صدارت محکمہ پرائمری اینڈ سیکنڈری ہیلتھ کئیرمیں ہنگامی اجلاس منعقد ہوا.اجلاس میں سیکرٹری صحت پنجاب علی جان خان،ایڈیشنل سیکرٹری ٹیکنیکل ڈاکٹرعاصم الطاف،ڈاکٹرمختاراعوان،ڈاکٹرشاہدحسین مگسی،خالدشریف ودیگرافسران نے شرکت کی۔صوبائی وزیرخواجہ سلمان رفیق نے اجلاس کے دوران صوبہ بھرمیں کوروناوائرس کی صورتحال کا تفصیلی جائزہ لیا۔

متعلقہ افسران نے صوبائی وزیر خواجہ سلمان رفیق کو صوبہ بھرمیں کوروناوائرس کی صورتحال بارے تفصیلی بریفنگ دی۔صوبائی وزیرخواجہ سلمان رفیق نے کہا کہ کوروناوائرس کے کیسزکی مثبت شرح میں اضافے کے باعث تمام افسران کو الرٹ کردیاہے۔پنجاب میں کوروناوائرس کی صورتحال کا تفصیلی مانیٹرکیاجارہاہے۔ پنجاب میں کوروناوائرس کی ٹیسٹنگ کی صلاحیت کو بڑھایاجارہاہے۔

یونیورسل ہیلتھ انشورنس پروگرام کے تحت زیادہ سہولیات فراہم کرنے کا فیصلہ

خواجہ سلمان رفیق کا کہنا تھا کہ عوام سے کوروناوائرس سے بچاؤ کیلئے حفاظتی تدابیرسختی سے اپنائیں۔ شہری دفاتراور بازاروں میں سختی سے ماسک کی پابندی کو یقینی بنائیں۔ پنجاب کے تمام سرکاری ہسپتالوں کے ہیلتھ کئیرورکرزکی کوروناویکسین کویقینی بنایاجائے۔ پنجاب میں سی ایگ میں شامل ایکسپرٹس سے مشاورت جاری ہے۔عوام سے کوروناویکسین لازمی لگوانے کی اپیل کرتے ہیں۔

قبل ازیں صوبائی وزیر خواجہ سلمان رفیق نے علامہ اقبال میڈیکل کالج میں ڈینگی بخارکی کلینیکل مینجمنٹ کے عنوان پرمنعفدہ تربیتی سیشن میں بطورمہمان خصوصی شرکت کی.پرنسپل علامہ اقبال میڈیکل کالج پروفیسرڈاکٹرعارف تجمل اورایم ایس جناح ہسپتال ڈاکٹرتحسین نے صوبائی وزیرخواجہ سلمان رفیق کااستقبال کیااورپھولوں کاگلدستہ پیش کیا۔
اس موقع پر ڈاکٹر محمد ثاقب عزیز ، سی ای او پنجاب ہیلتھ کیئر کمیشن ، ڈاکٹر مشتاق احمد ، ڈایریکٹر پنجاب ہیلتھ کیئر کمیشن ، ڈاکٹر انور جنجوعہ ، ڈایریکٹر پنجاب ہیلتھ کیئر کمیشن، ڈاکٹر فاروق عدیل ایڈیشنل ڈائریکٹر پنجاب ہیلتھ کیئر کمیشن جبکہ پنجاب ہیلتھ انیشییٹو مینجمنٹ کمپنی کے سی ای او ڈاکٹر علی رزاق، حسنات احمد اورطلباء وطالبات کی کثیرتعداد شامل تھی۔

صوبائی وزیرخواجہ سلمان رفیق نے اجلاس کی صدارت کرتے ہوئے کہا کہ معاشرے میں ڈینگی سے متعلق تربیتی سیشنزاور آگاہی سیمیناربڑی اہمیت کے حامل ہیں۔ ڈینگی سے قیمتی جانیں بچانے کیلئے حفاظتی اقدامات اٹھانے کایہی صحیح وقت ہے۔ محکمہ صحت پنجاب ڈینگی کی روک تھام کیلئے بنیادی اقدامات اٹھارہاہے۔ محکمہ صحت کے ساتھ ساتھ عوام کوبھی احتیاطی تدابیراپناکراپناکرداراداکرناہوگا۔ خواجہ سلمان رفیق نےتمام کمشنرزاورڈپٹی کمشنرزکوڈینگی کی انسدادی سرگرمیوں کی خودنگرانی کرنے کی ہدایت کی.انہوں نے کہا کہ شہری اپنے گھروں اوردکانوں میں بارش کاپانی بالکل کھڑانہ ہونے دیں۔ ڈینگی سے متعلق تربیتی سیشن منعقدکروانے پرذمہ داران کوشاباش دیتے ہیں۔ معاشرے میں ڈینگی سے متعلق آگاہی پھیلانے کیلئے مزیدتربیتی سیشنزمنعقدکئے جائیں گے۔

علاوہ ازیں صوبائی وزیر خواجہ سلمان رفیق سندس فاونڈیشن گئے جہاں وزیر صحت نے کرکٹر بورڈ کے چیئرمین رمیز راجہ اور،پاکستانی کرکٹرز حسن علی اور امام الحق کا استقبال کیا .کرکٹرز نے تھیلیسیمیا اور ہیمو فیلیا میں مبتلا بچوں کی عیادت کی.کرکٹرز نے بچوں میں تحائف تقسیم کئے.اپنے ہیروز کو دیکھ کر بچوں کی خوشی دیدنی تھی،کرکٹرز نے بچوں کے ساتھ تصاویر بھی بنوائیں.

رفیق کا کہنا تھا کہ میری خوش قسمتی ہے کہ منو بھائی کے ساتھ بھی کام کرنے کا موقع ملا۔آج قومی ہیروز کو سندس فائونڈیشن میں دیکھ کر بہت خوشی ہو رہی ہے۔ خواجہ سلمان رفیق نے کرکٹرز سے درخواست کی کہ فنڈز ریزنگ کے لئے آ گے آ ئیں۔ ہر ماہ ایسے بچوں کے درمیان ضرور آ ئیں تاکہ انکا حوصلہ بڑھے۔

صوبائی وزیر خواجہ سلمان رفیق اور سیکرٹری صحت علی جان خان اچانک پنجاب انسٹی ٹیوٹ آف کارڈیالوجی پہنچ گئے.سی ای او پنجاب انسٹی ٹیوٹ آف کارڈیالوجی ڈاکٹربلال نے صوبائی وزیراور سیکرٹری صحت کا استقبال کیا۔صوبائی وزیر خواجہ سلمان رفیق نے مختلف وارڈزکادورہ کرکے مریضوں کی عیادت کی اور طبی سہولیات کاجائزہ لیا۔اس موقع پر دیگر ڈاکٹرصاحبان بھی موجود تھے۔

پنجاب انسٹی ٹیوٹ آف کارڈیالوجی میں مریضوں نے طبی سہولیات بارے اظہاراطمینان کیا۔
سی ای او پی آئی سی ڈاکٹر بلال نے صوبائی وزیر خواجہ سلمان رفیق اور سیکرٹری صحت علی جان کو طبی سہولیات کے بارے میں بریفنگ دی۔ صوبائی وزیر خواجہ سلمان رفیق نے کہا کہ پنجاب انسٹی ٹیوٹ آف کارڈیالوجی میں دل کے مریضوں کو صحت کی بہترسہولیات فراہم کی جارہی ہیں۔ پنجاب کے سرکاری ہسپتالوں میں آنے والے مریضوں کیلئے آسانیاں پیداکررہے ہیں۔ یونیورسل ہیلتھ انشورنس کے ذریعے عوام کو سرکاری ہسپتالوں سے زیادہ سے زیادہ سہولت فراہم کریں گے۔

خواجہ سلمان رفیق کا کہنا تھا کہ وزیراعلی پنجاب حمزہ شہبازکی ہدایت کے مطابق سرکاری ہسپتالوں کا دورہ کرکے طبی سہولیات کاجائزہ لیاجارہاہے۔ پنجاب انسٹی ٹیوٹ آف کارڈیالوجی میں مریضوں کے بہترعلاج کو یقینی بنایاجارہاہے۔

قبل ازیں صوبائی وزیر خواجہ سلمان رفیق نے گرجاچوک پی ایس اوپٹرول پمپ پرمنعقدہ تقریب میں بطورمہمان خصوصی شرکت کی۔اس موقع پررکن پنجاب اسمبلی میاں نصیراحمداورپی ایس اوکے افسراننی شریک تھے۔

صوبائی وزیرخواجہ سلمان رفیق نے کہا کہ پی ایس اوکی جانب سے الیکٹروٹیکنالوجی خوش آئندہے۔ پی ایس اوکی کامیابی کیلئے نیک تمناؤں کااظہارکرتے ہیں۔ جدیدٹیکنالوجی کے استعمال سے صارفین کوسہولت حاصل ہوتی ہے۔ وزیراعظم شہبازشریف اداروں کی مضبوطی کیلئے اہم کرداراداکررہے ہیں۔ میاں شہبازشریف اورحمزہ شہباز کی قیادت میں عوامی خدمت کاسفرجاری رہے گا۔

صوبائی وزیر خواجہ سلمان رفیق نے مختلف علاقہ جات میں ڈینگی پر قابوپانے کیلئے محکمانہ سیکرٹریزکو ذمہ داریاں سونپ دیں ،خواجہ سلمان رفیق نے سول سیکرٹریٹ میں صوبائی ڈینگی مانیٹرنگ کمیٹی کے اہم اجلاس کی صدارت کرتے ہوئے محکمانہ سیکرٹریزکو ذمہ داریاں سونپی۔ صوبائی وزیر خواجہ سلمان رفیق اور چیف سیکرٹری پنجاب کامران علی افضل اجلاس کے دوران صوبہ بھرمیں ڈینگی کی صورتحال کا تفصیلی جائزہ لیا۔ سیکرٹری صحت علی جان خان سمیت تمام کمشنرزاورڈ ی سی حضرات نے صوبائی وزیراور چیف سیکرٹری کو ڈینگی کی صورتحال کی تفصیلات سے آگاہ کیا۔اجلاس میں تمام محکمہ جات کے سیکرٹریزسمیت کمشنرزاور ڈی سی حضرات نے شرکت کی۔ چیف سیکرٹری پنجاب کامران علی افضل کی ڈینگی ایس اوپیز کی خلاف ورزی پر سخت کارروائی کی ہدایت کی

صوبائی وزیر خواجہ سلمان رفیق نے کہا کہ ڈینگی پر قابوپانا صرف محکمہ صحت نہیں بلکہ تمام متعلقہ محکمہ جات کی ذمہ داری ہے۔ ڈینگی کے ایس اوپیزکی خلاف ورزی کرنے والوں کے خلاف بلاتفریق کارروائی عمل میں لائی جائے۔ افسران ڈینگی پر قابوپانے کیلئے خودفیلڈمیں نکلیں۔ وزیراعلی پنجاب حمزہ شہباز نے عوامی نمائندگان کو بھی اپنے علاقہ جات میں ڈینگی کی انسدادی سرگرمیوں کو مانیٹرکرنے کی ہدایت کی ہے۔

خواجہ سلمان رفیق کا کہنا تھا کہ پوری کوشش ہے کہ اس سیزن میں ڈینگی کے پھیلاؤکوروکاجائے۔ ڈینگی بارے آگاہی کیلئے موئثرعوامی مہم چلائی جائے۔ محکمہ جات کے سیکرٹریزڈیش بورڈ کوخودمانیٹرکریں۔ حساس اضلاع میں ڈینگی کی انسدادی سرگرمیوں کو تیز کردیاگیاہے۔ سپیشل برانچ کی رپورٹ کے مطابق ایس اوپیز پر عملدرآمدکروائیں ڈینگی کی انسدادی سرگرمیوں کی بوگس رپورٹنگ کرنے والے افراد کے خلاف سخت قانونی کارروائی عمل میں لائی جائے۔سیکرٹری محکمہ اوقاف تمام مساجدمیں صفائی ستھرائی کے انتظامات کو یقینی بنائیں۔ ہاٹ سپاٹس پر ڈینگی لارواء کی تلفی کو لازمی یقینی بنایاجائے۔ ڈینگی پرقابوپانے کیلئے انتظامیہ کو سنجیدگی سے کام کرناہوگی۔ پنجاب بھرمیں ڈینگی ڈے منایاجائے گا۔ وزیراعلی پنجاب حمزہ شہباز جلدڈینگی کی صورتحال پر اجلاس کی صدارت کریں گے۔ تمام شعبہ ہائے زندگی سے تعلق رکھنے والے افراد کو ڈینگی پر قابوپانے کیلئے اپناکرداراداکرناہوگا۔

چیف سیکرٹری پنجاب کامران علی افضل کا کہنا تھا کہ خلاف ورزی کرنے والوں کے خلاف مقدمات درج کروائے جائیں۔ ڈینگی پرقابوپانے کیلئے یہی وقت کام کرنے کا ہے۔ڈینگی ایس اوپیز پر عملدرآمدکے سلسلہ میں خامیوں کو جلدازجلددورکیاجائے۔ شہری ڈینگی کے خاتمہ کیلئے حکومتی کوششوں کا ساتھ دیں۔چیف سیکرٹری نے اپیل کی کہ گھروں میں مچھروں کی افزائش کی جگہوں کا خاتمہ یقینی بنائیں۔ صفائی کاخیال رکھیں،گھروں کی چھتوں،دیگرجگہوں پر پانی نے جمع ہونے دیں۔چیف سیکرٹری نے محکمہ کواپریٹو زکوپرائیویٹ ہاؤسنگ سوسائٹیوں کی چیکنگ کی ہدایت کی.

صوبائی وزیر خواجہ سلمان رفیق کی زیر صدارت محکمہ پرائمری اینڈ سیکنڈری ہیلتھ کئیرمیں اہم اجلاس منعقدہوا،اجلاس میں ایڈیشنل سیکرٹری ٹیکنیکل ڈاکٹرعاصم الطاف، ڈائریکٹر ای پی آئی ڈاکٹرمختاراعوان،ڈپٹی سیکرٹری ورٹیکل پروگرامزسیدہ رملہ و دیگرافسران نے شرکت کی۔صوبائی وزیر خواجہ سلمان رفیق نے اجلاس کے دوران صوبہ بھرمیں کورونااور پولیوکی صورتحال کا تفصیلی جائزہ لیا۔ایڈیشنل سیکرٹری ڈاکٹرعاصم الطاف،ڈاکٹرمختاراعوان اور سیدہ رملہ نے اجلاس کے دوران صوبائی وزیر خواجہ سلمان رفیق کو کورونااور پولیوسے متعلق اقدامات بارے بریفنگ دی۔

صوبائی وزیرخواجہ سلمان رفیق نے کہا کہ پنجاب میں کورونااور پولیوکی صورتحال کو مسلسل مانیٹرکیاجارہاہے۔ صوبہ بھرمیں اب تک 86فیصدآبادی کو کوروناسے بچاؤ کی مکمل ویکسین لگائی جاچکی ہے۔ پنجاب کی94فیصدآبادی کو کوروناسے بچاؤ کی کم ازکم ایک ڈوزلگائی جاچکی ہے۔ پنجاب کے تمام سرکاری ہسپتالوں میں کوروناسے بچاؤ کی ویکسین لگائی جارہی ہے۔ پنجاب کے 6اضلاع میں 27جون تا3جولائی تک معصوم بچوں کو پولیو سے بچاؤ کے قطرے پلائے جائیں گے۔

خواجہ سلمان رفیق کا کہنا تھا کہ 27جون سے لاہور،فیصل آباد،راولپنڈی،لیہ،ڈیرہ غازی خان اور میانوالی کے اضلاع میں بچوں کو پولیوسے بچاؤ کے قطرے پلائے جائیں گے،انسدادپولیومہم کے دوران پنجاب کے 6اضلاع میں 45لاکھ بچوں کو پولیوسے بچاؤ کے قطرے پلائے جائیں گے۔انسدادپولیوکی آئندہ مہم کے دوران بچوں کو پولیوکے قطرے پلانے کا ہدف سوفیصد حاصل کیاجائے گا۔ کورونااورپولیوکے خاتمہ کیلئے تمام سٹیک ہولڈرزکومحنت کرناہوگی۔پاکستان کوپولیوسے پاک ملک دیکھناچاہتے ہیں۔انسدادپولیو مہم کے دوران پولیوٹیموں کو مکمل تحفظ دیاجائے گا۔

علاوہ ازیں صوبائی وزیرخواجہ سلمان رفیق نے محکمہ پرائمری اینڈ سیکنڈری ہیلتھ کئیرمیں ہنگامی اجلاس طلب کرلیا۔اجلاس میں ایڈیشنل سیکرٹری ٹیکنیکل ڈاکٹرعاصم الطاف،ڈائریکٹر سی ڈی سی ڈاکٹرشاہدحسین مگسی،ڈپٹی سیکرٹری ورٹیکل پروگرامزسیدہ رملہ اور پی آئی ٹی بی کے افسران نے شرکت کی۔ صوبائی وزیر خواجہ سلمان رفیق نے اجلاس کے دوران صوبہ بھرمیں ڈینگی کی صورتحال کا جائزہ لیا۔ایڈیشنل سیکرٹری ڈاکٹرعاصم الطاف اور پی آئی ٹی بی کے افسران نے صوبائی وزیر خواجہ سلمان رفیق کو ڈینگی کی انسدادی سرگرمیوں کی تفصیلی رپورٹ پیش کردی۔

اس موقع پر صوبائی وزیر خواجہ سلمان رفیق کا کہنا تھا کہ پنجاب میں ڈینگی کے تدارک کیلئے تمام محکمہ جات کی کارکردگی کاجائزہ لیاجارہاہے۔ ڈینگی کی انسدادی سرگرمیوں سے متعلق بوگس رپورٹنگ پرسخت ایکشن لیاجائے گا۔ پنجاب میں ڈینگی کے تدارک کیلئے تمام تروسائل بروئے کارلائے جائیں۔ ڈینگی کی انسدادی سرگرمیوں میں کسی قسم کی کوتاہی برداشت نہیں کی جائے گی۔ڈینگی کے تدارک کیلئے تمام محکمہ جات کو محنت کرنی ہوگی۔ڈینگی پرقابوپانا محکمہ صحت نہیں بلکہ تمام متعلقہ محکمہ جات کی بنیادی ذمہ داری ہے۔

صوبائی وزیر خواجہ سلمان رفیق نے کہا کہ پنجاب بھرمیں ڈینگی کی صورتحال کا تفصیلی جائزہ لیاہے۔ پاکستان میں منکی پاکس کا ایک بھی کیس رپورٹ نہیں ہواہے۔ محکمہ صحت پنجاب پولیوکے خاتمہ کیلئے تمام تروسائل بروئے کارلارہاہے۔

خواجہ سلمان رفیق کا کہنا تھا کہ آئی آرایم این سی ایچ پروگرام پیدائش سے دوسال عمرکے بچوں کو مختلف بیماریوں سے بچانے کیلئے حفاظتی اقدامات اٹھارہاہے،
پنجاب میں ہیپاٹائٹس،ٹی بی اور ایڈزکے رجسٹرڈ مریضوں کو تشخیص اورعلاج کی مفت سہولیات فراہم کی جارہی ہیں۔صوبہ بھرمیں ہیپاٹائٹس،ٹی بی اور ایڈزکے مراکزمیں اضافہ کیاجائے گا۔

انہوں نے کہا کہ صحت کے مختلف پروگرامزمیں خالی اسامیوں پر جلدبھرتی کرنے کی ہدایت کی گئی ہے۔پنجاب کی عوام کو صحت کی بہترسہولیات فراہم کرنے کی کوشش کررہے ہیں۔وزیراعظم شہبازشریف اور وزیراعلی پنجاب حمزہ شہباز کے ویژن کے مطابق صوبہ کی عوام کو صحت کے شعبہ میں ریلیف دیاجائے گا۔

خواجہ سلمان رفیق۔ کا کہنا تھا کہ پنجاب کے دوردرازکے علاقہ جات میں عوام کے پاس جاکرصحت کی بہترسہولیات کویقینی بنایاجائے گا۔ پنجاب کی عوام کو صحت کی بہترسہولیا ت فراہم کرنے کی جانب تمام ترتوجہ مرکوزکردی گئی ہے۔

صوبائی وزیرخواجہ سلمان رفیق کی زیرصدارت محکمہ پرائمری اینڈ سیکنڈری ہیلتھ کئیرمیں اہم اجلاس منعقد ہوا.اجلاس میں ایڈیشنل سیکرٹری ٹیکنیکل ڈاکٹرعاصم الطاف،ڈی جی ہیلتھ سروسزپنجاب ڈاکٹرہارون جہانگیر،ڈائریکٹر ای پی آئی ڈاکٹرمختاراعوان،ڈائریکٹر سی ڈی سی ڈاکٹرشاہدحسین مگسی،ڈپٹی مینیجر پنجاب ہیپاٹائٹس کنٹرول پروگرام ڈاکٹریداللہ ودیگرافسران نے شرکت کی۔

صوبائی وزیر خواجہ سلمان رفیق نے اجلاس کے دوران مختلف بیماریوں سے لڑنے کیلئے محکمہ صحت کے اقدامات کا تفصیلی جائزہ لیا۔ایڈیشنل سیکرٹری ڈاکٹرعاصم الطاف،ڈی جی ہیلتھ سروسزڈاکٹرہارون جہانگیراور دیگرپروگرام مینیجرزنے صوبائی وزیر کوصحت کے اقدامات کی تفصیلات سے آگاہ کیا۔

اجلاس کے دوران صوبہ بھرمیں کورونا،پولیو،ڈینگی،منکی پاکس،ہیٹ سٹروک،ملیریا،خسرہ،نمونیا،موسماتی انفلنزا،سموگ،ایڈز،کینسر،ٹی بی،ہیپاٹائٹس ودیگربیماریوں کا مقابلہ کرنے کیلئے اقدامات کا جائزہ لیاگیا۔

صوبائی وزیر خواجہ سلمان رفیق طبی سہولیات کاجائزہ لینے اچانک ڈسٹرکٹ ہیڈ کوارٹرز ہسپتال قصورپہنچ گئے۔ صوبائی وزیر نے ڈی ایچ کیوہسپتال قصورمیں ایمرجنسی اور آپریشن تھیٹرزسمیت دیگرشعبہ جات کا دورہ کرکے مریضوں کی عیادت کی۔ خواجہ سلمان رفیق نے صفائی ستھرائی سمیت ادویات کی فراہمی کا جائزہ لیا۔

ایم ایس ڈی ایچ کیوہسپتال قصور ڈاکٹرنیازاحمدنے صوبائی وزیر خواجہ سلمان رفیق کو مریضوں کو دی جانے والی طبی سہولیات کی تفصیلات سے آگاہ کیا۔ صوبائی وزیر ڈاکٹرزکی غیرحاضری پر برہم ہوگئے۔ خواجہ سلمان رفیق نے ڈاکٹرزکی حاضری سمیت دیگرمسائل حل کرنے کیلئے وارننگ دے دی۔ خواجہ سلمان رفیق نے ڈی ایچ کیوہسپتال قصور میں بجلی کی فراہمی کو یقینی بنانے اور منصوبوں کی تکمیل کیلئے لیسکواور سی اینڈڈبلیوکے افسران کو ہدایات بھی جاری کیں۔

صوبائی وزیر خواجہ سلمان رفیق کا کہنا تھا کہ ڈی ایچ کیوہسپتال قصور میں کسی مریض کو پریشانی نہیں ہونی چاہئے۔ پنجاب کے سرکاری ہسپتالوں میں صفائی ستھرائی کے انتظامات میں کسی قسم کی کوتاہی برداشت نہیں ہوگی۔ پنجاب کے سرکاری ہسپتالوں کے ایم ایس حضرات مریضوں کے بہترعلاج معالجہ کو یقینی بنائیں۔ وزیراعلی پنجاب حمزہ شہباز کی ہدایت پر صوبہ کے سرکاری ہسپتالوں میں مریضوں کو صحت کی بہترسہولیات فراہم کریں گے۔

خوا جہ سلمان رفیق نے کہا کہ پنجاب کے سرکاری ہسپتالوں میں آنے والے مریضوں کیلئے آسانیاں پیداکی جائیں۔ پنجاب کے مختلف سرکاری ہسپتالوں کے سرپرائز دورے جاری رہیں گے۔

قبل ازیں صوبائی وزیر خواجہ سلمان رفیق نے کنگ ایڈورڈمیڈیکل یونیورسٹی میں ”نرسزڈے“سیمینارمیں بطورمہمان خصوصی شرکت کی۔وائس چانسلر کنگ ایڈورڈمیڈیکل یونیورسٹی پروفیسرڈاکٹرخالدمسعود گوندل اور فیکلٹی ممبران نے صوبائی وزیر کا پھولوں کے گلدستے پیش کرکے خوش آمدید کہا۔

صوبائی وزیر خواجہ سلمان رفیق نے کنگ ایڈورڈمیڈیکل یونیورسٹی میں خواتین کیلئے خصوصی طورپربنائی گئی مسجد کادورہ بھی کیا۔اس موقع پر پرووائس چانسلر پروفیسرڈاکٹر اعجازحسین،ڈی جی نرسنگ،ایڈیشنل سیکرٹری نرسنگ ڈاکٹرقرۃ العین،رجسٹرار ڈاکٹرریاست علی،پروفیسربلقیس شبیر،پروفیسرسائرہ افضل،پروفیسرثاقب سعید،ایم ایس مئیوہسپتال ڈاکٹرمنیراحمد ملک، پروفیسرابراراشرف ودیگرتمام فیکلٹی ممبران نے بھی شرکت کی۔

صوبائی وزیر خواجہ سلمان رفیق نے کہاکہ وزیراعظم شہبازشریف اور وزیراعلی پنجاب حمزہ شہباز دن رات ملک و قوم کی خدمت کررہے ہیں۔ مثبت پالیسیوں کے تسلسل کے ثمرات عوام تک ضرورپہنچتے ہیں۔ مہذب معاشرے نفرت نہیں بلکہ یگانگت کی بنیاد پرچلتے ہیں۔ کنگ ایڈورڈ میڈیکل یونیورسٹی میں ٹیلی میڈیسن کا شعبہ بہترین خدمت کررہاہے۔

خواجہ سلمان رفیق نے کہاکہ پنجاب کے سرکاری ہسپتالوں کادورہ کرکے مریضوں کیلئے صحت کی بہتر سہولیات کو یقینی بنایاجارہاہے۔ صوبہ کے تمام نرسنگ کالجزکے معیارکو مزید بہتربنایاجائے گا۔ پنجاب کے نرسنگ کالجزمیں جدیدطرزکے آڈیٹوریم اور تھیٹرزبنائے جائیں گے۔ نرسوں کی محکمانہ تربیت کیلئے آغاخان یونیورسٹی کے ماسٹرٹرینرزسے بات ہوئی ہے۔ صوبائی وزیر خواجہ سلمان رفیق ہمیں ہسپتالوں میں مریضوں کی دن رات خدمت کرنے والی نرسوں کی عزت کرنی چاہئے۔

وزیراعلی پنجاب حمزہ شہباز صحت کے شعبہ میں بہتری لانے کیلئے تعمیری اقدامات اٹھارہے ہیں۔ صوبائی وزیر نے کہاکہ حکومت پنجاب عوام دوست بجٹ پیش کرے گی۔ ہمیں خط غربت سے نیچے زندگی بسرکرنے والے طبقے کو سہولت دینی ہے۔ محکمہ صحت نرسوں کی بہتری کیلئے دن رات محنت کررہاہے۔ خواجہ سلمان رفیق نے کہاکہ کوروناکے دوران اپنی جانوں کو نذرانہ پیش کرنے والے ڈاکٹرز،رسزاور پیرامیڈیکل سٹاف نے سنہری تاریخ رقم کی ہے۔

صوبائی وزیر نے کورونا کے دوران اپنی جان کا نذرانہ پیش کرنے والے ڈاکٹرز،نرسزاور پیرامیڈیکل سٹاف کو خراج تحسین پیش کیا۔انہوں نے کہاکہ سابق وائس چانسلر نشترمیڈیکل یونیورسٹی مرحوم پروفیسرڈاکٹرمصطفی کمال نے فرائض منصبی انجام دیتے ہوئے اپنی جان کا نذرانہ پیش کیا۔ صوبائی وزیرخواجہ سلمان رفیق نے کنگ ایڈورڈمیڈیکل یونیورسٹی کالوہا عالمی سطح پر منوانے پر وائس چانسلر پروفیسر ڈاکٹر خالد مسعود گوندل اورنرسوں کی بہتری کا سوچنے پر سابق وزیر صحت ڈاکٹریاسمین راشد کو خراج تحسین پیش کیا۔

صوبائی وزیر خواجہ سلمان رفیق نے نمایاں کارکردگی کی حامل نرسوں کواعزازی شیلڈزبھی تقسیم کیں۔وائس چانسلر کنگ ایڈورڈمیڈیکل یونیورسٹی پروفیسرڈاکٹر خالدمسعودگوندل نے کہاکہ کنگ ایڈورڈ میڈیکل یونیورسٹی سے ملحقہ سرکاری ہسپتالوں کی کارکردگی انتہائی عمدہ ہے۔ کورونا کے دوران نرسوں نے مثالی کرداراداکیا۔

پروفیسرڈاکٹرخالدمسعودگوندل نے کہاکہ کنگ ایڈیورڈمیڈیکل یونیورسٹی میں پی ایچ ڈی نرسنگ کا آغازکیاجارہاہے۔مستقبل قریب میں کنگ ایڈورڈمیڈیکل یونیورسٹی کے کیمپس میں پوسٹ گریجوایٹ نرسنگ کالج کا قیام عمل میں لایاجائے گا۔ ایڈیشنل سیکرٹری نرسنگ ڈاکٹر قرۃ العین نے کہاکہ محکمہ نرسنگ شعبہ کی بہتری کیلئے مثبت پالیسیاں لارہاہے۔ آئندہ بجٹ میں نرسنگ شعبہ کی بہتری کیلئے فنڈز میں اضافہ کی استدعاکی گئی ہے۔ ڈی جی نرسنگ نے کہاکہ محکمہ نے نرسنگ شعبہ کے مسائل ترجیحی بنیادوں پر حل کئے ہیں۔