دبئی: نیوزی لینڈ کے خلاف میچ میں سلو اوور ریٹ پر انٹرنیشنل کرکٹ کونسل (آئی سی سی) کی جانب سے پاکستان ٹیم پر جرمانہ عائد کر دیا گیا۔
باغی ٹی وی: بھارت میں جاری آئی سی سی ون ڈے ورلڈکپ کے 13 ویں ایڈیشن میں گزشتہ روز پاکستان اور نیوزی لینڈ کی ٹیمیں مدمقابل آئیں پاکستان نے ڈی ایل ایس میتھڈ کے تحت 21 رنز سے فتح اپنے نام کی،آئی سی سی کے مطابق پاکستان کرکٹ ٹیم نے نیوزی لینڈ کے خلاف مقررہ وقت تک 2 اوورز کم کرائے تھے پاکستان ٹیم کے کھلاڑیوں پر 10، 10 فیصد میچ فیس کا جرمانہ عائد کیا گیا ہے پاکستان ٹیم کے کپتان بابر اعظم نے غلطی کو تسلیم اور جرمانے کی سزا کو قبول کیا ہے۔
اسموگ کی روک تھام کیلئے پنجاب حکومت کا بھارت کو خط لکھنے کا فیصلہ
واضح رہے کہ اس سے قبل ورلڈکپ میں جنوبی افریقا کیخلاف میچ میں بھی پاکستان ٹیم پر سلو اوور ریٹ کی وجہ سے جرمانہ عائد ہوا تھاجنوبی افریقا کے میچ میں قومی کھلاڑیوں پر میچ فیس کا 20 فیصد جرمانہ لگایا گیا تھا جسے پاکستانی کپتان بابراعظم نے قبول کیا تھا۔