انٹرنیشنل کرکٹ کونسل (آئی سی سی) نے سری لنکا کے خلاف پہلے ون ڈے میچ میں سلو اوور ریٹ کے باعث پاکستان ٹیم پر میچ فیس کا 20 فیصد جرمانہ عائد کر دیا۔
آئی سی سی کے اعلامیے کے مطابق 11 نومبر کو راولپنڈی میں کھیلے گئے میچ میں شاہین شاہ آفریدی کی قیادت میں پاکستان ٹیم مقررہ وقت میں 4 اوورز کم کرانے میں ناکام رہی۔آئی سی سی انٹرنیشنل پینل آف میچ ریفریز کے رکن علی نقوی نے آرٹیکل 2.22 کے تحت جرمانہ عائد کیا، جس کے مطابق ہر اوور کم ہونے پر میچ فیس کا 5 فیصد جرمانہ کیا جاتا ہے۔اعلامیے میں کہا گیا کہ شاہین شاہ آفریدی نے اپنی غلطی تسلیم کرتے ہوئے تجویز کردہ سزا قبول کر لی، جس کے باعث باضابطہ سماعت کی ضرورت نہیں پڑی۔
میدان میں موجود امپائرز ایلکس وارف، آصف یعقوب، تھرڈ امپائر شرف الدولہ ابن شاہد اور فورتھ امپائر راشد ریاض نے اس جرمانے کی سفارش کی
ترکی کا بھارت کو بڑا دھچکا۔ اپاچی ہیلی کاپٹروں پر مشتمل کارگو طیارے کو فضائی حدود استعمال کرنے کی اجازت نہ دی