امریکی ریاست کیلیفورنیا میں سمندری طوفان نے تباہی مچا دی، شدید بارشوں کے بعد سیلابی صورتحال پیدا ہو گئی۔

باغی ٹی وی: غیر ملکی خبر رساں ایجنسی کے مطابق میکسیکو سے ٹکرانے والا سمندری طوفان ہلیری لاس اینجلس سے تقریباً 10 میل جنوب مشرق میں ہے اور سمندری طوفان کے زیراثر کیلیفورنیا، نیو اڈا میں 10 انچ تک شدید بارشوں کا امکان ہے لاس اینجلس میں انتظامیہ کی جانب سےسیلا ب کا انتباہ جاری کرتے ہوئے شہریوں کو گھروں میں رہنے کی ہدایت کی گئی ہے جبکہ کیلیفورنیا کے گورنر نے 12 کاؤنٹیز میں ایمرجنسی نافذ کر دی ہے۔

امریکی ریاست کیلیفورنیا میں تیز آندھی نے درختوں اور بجلی کے تاروں کو گرا دیا، 40 لاکھ کی آبادی والی ریاست کے سب سے بڑے شہر لاس اینجلس میں 25 ہزار گھر وں کی بجلی منقطع ہو گئی ،جبکہ موسلادھار بارش کےباعث سڑکیں، گاڑیاں اور دکانیں زیر آب آگئیں، ریاست کے بہت سے اسکولوں میں چھٹیاں کااعلان کر دیاگیا، اور حکام نے عوام کو ساحلوں سے دور رہنے کی تنبیہ کی ہے۔

شمالی کوریا کا ایک اور کروز میزائل کا تجربہ

میکسیکو کی سول پروٹیکشن ایجنسی نے بتایا کہ ایک بپھری ہوئی ندی میں گاڑی بہہ جانے سے اس میں سوار شخص کی موت ہوگئی، ساتھ ہی باہا کیلیفورنیا میں لینڈ سلائیڈنگ اور سڑکوں کی بندش کی وارننگ بھی دی میکسیکو کی فوج نے طوفان سے متاثرہ ایک ہزار 725 افراد کو پناہ دینے والی 35 پناہ گاہیں کھولی ہیں۔

این ایچ سی نے کہا کہ اوریگون اور ایڈاہو کے کچھ علاقوں میں بھی شدید بارش اور ممکنہ طور پر سیلاب آنے کی توقع ہے اور جنوب مشرقی کیلیفورنیا، مغربی ایریزونا، جنوبی نیواڈا اور جنوب مغربی یوٹاہ میں طوفان کا امکان ہے۔

قرض واپس نہ کرنے پربھارتی بینک کاسنی دیول کا گھر نیلام کرنے کا فیصلہ

کیلیفورنیا کے گورنر آفس آف ایمرجنسی سروسز کی ڈائریکٹر نینسی وارڈ نے کہا کہ ہیلری ایک دہائی سے زیادہ عرصے میں ریاست میں آنے والے بدترین طوفانوں میں سے ایک ہو سکتا ہےایک پریس کانفرنس کرتے ہوئے انہوں نے کہا کہ ’کوئی غلطی نہ کریں، یہ ایک بہت، بہت خطرناک اور شدید طوفان ہے۔‘

میکسیکو کی حکومت نے طوفان سے سب سے زیادہ متاثر ہونے والی ریاستوں میں تقریباً 19 ہزار فوجیوں کو تعینات کیا ہے جب کہ وفاقی الیکٹرک یوٹیلیٹی نے کسی بھی بندش سے نمٹنے کے لیے 800 کارکنان اور سیکڑوں گاڑیاں بھیجی ہیں میکسیکو میں ہر سال بحرالکاہل اور بحر اوقیانوس کے ساحلوں سے سمندری طوفان ٹکراتے ہیں، اگرچہ طوفان بعض اوقات کیلیفورنیا کو متاثر کرتے ہیں لیکن ان کا ریاست کو زیادہ شدت سے متاثر کرنا شاذ و نادر ہی ہوتا ہے-

بھارت میں 45 پاکستانی ہندو گرفتار

اس سے قبل جنوبی کیلیفورنیا کے قصبے اوجائی کے قریب 5.1 شدت کا زلزلہ آیا تھا، تاہم فوری طور پر نقصان یا جانی نقصان کی کوئی اطلاع نہیں ملی۔

واضح رہے کہ سمندری طوفان ہلیری گزشتہ روز میکسیکو کے ساحل سے ٹکرایا تھا طوفان ہلیری کے سبب گزشتہ روز امریکہ آنے جانے والی ایک ہزار سے زائد پروازیں منسوخ کردی گئی تھیں،سائنسدانوں نے خبردار کیا ہے کہ موسمیاتی تبدیلیوں کے ساتھ جیسے جیسے دنیا گرم ہوتی جارہی ہے طوفان زیادہ طاقتور ہوتے جارہے ہیں۔

جاپان جی سی سی وزراء خارجہ اجلاس میں شریک ہوگا

سمندری طوفان خانون جنوبی کوریا کے جنوبی ساحلی شہر بوسن سے ٹکرا گیا۔

باغی ٹی وی: غیرملکی میڈیا کے مطابق طوفان کے زیرِ اثر طوفانی ہواؤں کے ساتھ موسلادھار بارش کی وجہ سے سمندر میں طغیانی آگئی طوفان کی وجہ سےجنوبی کوریا میں 330 پروازیں منسوخ جبکہ 10 ہزار سے زائد افراد کو محفوظ مقام پر منتقل کردیا گیا ہے،طوفان خانون اس سے پہلے جاپان کے دارالحکومت ٹوکیو اور جنوب مغربی ریجن کیوشو میں بھی تباہی مچا چکا ہے-

سعودی عرب کے سفارتخانے کا تہران میں سات سال بعد دوبارہ کام کا آغاز

صبح کے وقت مین لینڈ پر آنے والے طوفان سے جنوبی علاقوں میں پہلے ہی ایک فٹ سے زیادہ بارش ہو چکی ہے۔ ہنگامی کارکن دوپہر تک سیلاب اور لینڈ سلائیڈنگ کی بڑھتی ہوئی اطلاعات کا جواب دے رہے تھے 10 ہزار سے زیادہ لوگ، جن میں زیادہ تر جنوبی ساحلی علاقوں میں تھے، اپنے گھروں سے نقل مکانی پر مجبور ہوئے اور توقع کی جا رہی تھی کہ شدید بارشوں کے جاری رہنے اور ندیوں اور ندیوں میں اضافے کے باعث یہ تعداد بڑھے گی وزارت داخلہ اور حفاظت کے مطابق، ابھی تک طوفان سے کسی کی موت یا زخمی ہونے کی اطلاع نہیں ہے۔

اٹلی میں تارکین وطن کی کشتی ڈوبنے سے 41 افراد جانبحق

روس میں سمندری طوفان کے دوران کیمپ کے مقام پر درخت گرگئے، مختلف حادثات میں 10 افراد ہلاک اور 76 افراد زخمی ہوگئے۔

باغی ٹی وی: روس کے دارالحکومت ماسکو سے 600 کلو میٹر دور وسطی علاقوں میں طوفانی ہوائیں اور موسلادھار بارش سے نظام زندگی مفلوج ہو کر رہ گیا مختلف حادثات میں تین بچوں سمیت دس افراد ہلاک اور 76 زخمی ہوگئے، طوفانی ہواؤں کے باعث درخت جڑوں سے اکھڑ گئے، کئی گاڑیاں دب گئیں۔

بجلی کے تار گرنے سے ایک لاکھ افراد بجلی سے محروم ہوئے، پچاس سے زائد عمارتوں کو بھی نقصان پہنچا یوشکر اولا شہر کے میئر ییوگینی مسلوف نے کہا کہ طوفان کی وجہ سے ماری ایل میں ہلاکتیں ہوئیں اور شہری زخمی ہوئے ماری ایل دریائے وولگا کے شمالی کنارے کے ساتھ ایک علاقہ ہے ، اور یوشکر اولا اس کا سب سے بڑا شہر ہے۔

سعودی عرب کی باجوڑ خودکش دھماکے کی شدید مذمت

ہنگامی صورتحال کی وزارت کا کہنا ہے کہ تقریبا 100 امدادی کارکنوں نے یالچک جھیل کے قریب ایک کیمپ سائٹ سے ملبہ صاف کیا وزارت نے بتایا کہ طوفان کے وقت سینکڑوں افراد یالچک جھیل کے کنارے کیمپ لگائے ہوئے تھے، متاثرہ افراد سیر و تفریح کے لئے آئے تھے۔

ہنگامی صورتحال کی وزارت نے لوگوں پر زور دیا کہ وہ درختوں، غیر مستحکم عمارتوں، دیہی علاقوں میں چہل قدمی اور تیراکی سے گریز کریں وزارت کی طرف سے پوسٹ کی گئی تصاویر میں گرے ہوئے درختوں کے پاس بری طرح تباہ شدہ کاریں اور خیمے دکھائی دے رہے ہیں جب طوفان آیا تو کئی سو لوگوں نے جھیل کے کنارے ڈیرے ڈالے تھے۔

خلیج عرب؛ آراش گیس فیلڈ پر اپنے حقوق حاصل کرنے کی کوشش. ایرانی وزیر

سمندری طوفان ڈوکسوری کی چین میں تباہ کاریوں کی زد میں دارالحکومت بیجنگ بھی آگیا۔

باغی ٹی وی:فوجیان کے بندرگاہی شہر میں ساڑھے سات لاکھ سے زیادہ افراد متاثر ہوئے۔ ایک لاکھ بیس ہزار لوگوں کو محفوظ مقامات پر منتقل کیا گیافلڈ کنٹرول ڈیپارٹمنٹ کے مطابق شمالی چین میں دو لاکھ تیس ہزار سے زائد ریسکیو اہلکار امدادی کارروائیوں میں مصروف ہیں۔

چین کے سرکاری نشریاتی ادارے سی سی ٹی وی کے حوالے سے بتایا گیا کہ طوفان فوجیان صوبے کے ساحل پر پہنچنے کے بعد 175 کلومیٹر فی گھنٹہ (110 میل فی گھنٹہ) کی رفتار سے ہوا کی رفتار ریکارڈ کی گئی چین کے موسمیاتی آبزرویٹری نے رہائشیوں کو ممکنہ خطرے اور املاک کی تباہی کے خدشات کے سبب انتہائی شدید ’ریڈ الرٹ‘ جاری کردیا۔

یورپین ائیر لائنز کو پاکستان کی فضائی حدود سے متعلق نئی ہدایات جاری

خبر رساں ایجنسی کے مطابق شمالی چین کے ساتھ دارالحکومت بیجنگ بھی سمندری طوفان کی زد میں آگیا بیجنگ میں مزید تین دن تک طوفانی بارشوں کی پیشگوئی کی گئی ہے سمندری طوفان سے ممکنہ طور پر ایک سو تیس ملین افراد متاثر ہوں گے سمندری طوفان کی وجہ سے کھیلوں کی تقریبات بھی معطل ہوکر رہ گئی ہیں۔ پارکوں اور سیاحتی مقامات کو بند کردیا گیا۔

کینیڈا میں چھوٹا طیارہ گرکر تباہ ،6 افراد ہلاک

تائیوان کے ایک بڑے شہر زیامین میں شدید موسم کے سبب ایک بس اسٹیشن کی چھت اڑ گئی توقع ہے کہ طاقتور طوفان ڈوکسوری وسطی چین کے اوپر شمال مغربی سمت میں بڑھتا رہے گا تاہم اس کی شدت بتدریج کمزور ہوتی جا رہی ہے قبل ازیں ژنہوا نے رپورٹ کیا تھا کہ طوفان کی سطح کی ہوائیں ہفتے کی صبح 8 بجے تک تائیوان، فوجیان، ژیجیانگ اور گوانگ ڈونگ کے ساحلی علاقوں کو متاثر کریں گی چین کے قومی موسمیاتی مرکز نے بھی ملک کے وسیع حصوں میں بارش اور طوفان کے لیے اورنج الرٹ کی تجدید کی ۔

ورلڈ کپ 2023،ٹکٹوں کی آن لائن فروخت کب سے شروع ہو گی؟

طوفان ڈوکسوری نے بدھ کے روز شمالی فلپائن میں درختوں اور بجلی کے کھمبوں کو گرا دیا جس کے نتیجے میں بڑے پیمانے پر بجلی منقع ہو گئی جبکہ یہ طوفان لینڈ سلائیڈنگ اور سیلاب کا باعث بنا، فلپائن میں ہلاکتوں کی تعداد 13 ہو گئی ہے جب کہ مزید 21 لاپتا ہیں-

انگلینڈ کے فاسٹ بولراسٹیورٹ براڈ کا ریٹائرمنٹ کا اعلان

اپنے کتے کے ساتھ تین ماہ تک کھلے سمندر میں پھنسے آسٹریلوی شخص کو بچا لیا گیا، جو کچی مچھلی اور بارش کے پانی کی خوراک پر زندہ رہا۔

باغی ٹی وی : آسٹریلوی ملاح بحر الکاہل میں 3 ماہ تک پھنسا رہا اور اس دوران بارش کا پانی پینے اور کچی مچھلی کھانے کی بدولت زندہ رہنے میں کامیاب رہا،ٹم شیڈاک اور اس کے کتے بیلا نے اپریل میں میکسیکو کے بندرگاہی شہر لا پاز سے سفر کیا اور فرانسیسی پولینیشیا میں ڈاک کرنے سے پہلے 6 ہزار کلومیٹر کا سفر طے کرنے کا منصوبہ بنایا تھا تاہم جلد ہی ٹِم نے اس وقت خود کو بحر الکاہل میں پھنسے ہوئے پایا جب بڑی لہروں نے کشتی کو نقصان پہنچایا اور اس کے مواصلاتی آلات کو بھی ناکارہ کر دیا۔

شیڈاک اپریل میں میکسیکو میں لا پاز سے نکلا اور 5000 کلومیٹر سے زیادہ دور فرانسیسی پولینیشیا پہنچنے کی کوشش کر رہا تھا، جب اس کی کشتی طوفان سے تباہ ہو گئی،اس واقعے کے بعد ملاح اور ان کا کتا وسیع بحر الکاہل میں بے یارو مدد گار موجود رہا اور سمندر کی منھ زور لہریں انھیں بہاتی رہیں اور جب آخرکار وہ دو ماہ بعد میکسیکو کے ساحل پر پہنچے تو وہ کمزور ہو چکے تھے اور ان کی داڑھی بھی بڑھی ہوئی تھی۔ان کو 12 جولائی کو ایک ہیلی کاپٹر نے ان کی سمندر میں موجودگی کی بابت آگاہ کیا تھا جس کے بعد ایک میکسیکن بحری ٹرالر (مچھلیوں کا شکار کرنے والا بحری جہاز) نے انھیں ریسکیو کیا تھا۔

سعودی عرب میں موسلا دھار بارشیں، صحرائی اور پہاڑی وادیاں پانی سے بھر گئیں

An Australian sailor and his dog have been rescued off the coast of Mexico after spending three months at sea. @LaurenTomasi #9News pic.twitter.com/HDipZfsgzf

— 9News Melbourne (@9NewsMelb) July 15, 2023

ریسکیو کیے جانے کے بعد انھیں مسکراتا اور بازو پر بلڈ پریشر چیک کرنے کا آلہ لگائے دیکھا جا سکتا ہے۔ صحت کی صورتحال کے پیش نظر وہ کم مقدار میں کھانا کھا سکتے ہیں انھیں ریسکیو کرنے والا بحری ٹرالر اب میکسیکو کی جانب واپس آ رہا ہے جہاں ٹم شیڈوک کے طبی ٹیسٹ کیے جائیں گے اور اگر ضرورت ہوئی تو انھیں مزید علاج کی سہولیات فراہم کی جائیں گی بحری جہاز پر موجود ایک ڈاکٹر نے میڈیا کو بتایا کہ اُن کی صحت مستحکم ہے۔

ساحل پر سمندر سے بہہ کر آنیوالا پراسرار دھاتی سلنڈرمعمہ بن گیا

دوسری جانب 51 سالہ ٹِم شیڈوک نے نیوز ایجنسی کو بتایا کہ وہ بہت کم کھانا کھانے اور پانی پینے کے باوجود بہت اچھا محسوس کر رہے ہیں شیڈوک نے کہا کہ میں سمندر میں بہت مشکل آزمائش سے گزرا ہوں مجھے صرف آرام اور اچھی خوراک کی ضرورت ہے کیونکہ میں اتنے عرصے سے سمندر میں اکیلا رہا ہوں۔

ورجن گیلیکٹک نے اپنی پہلی خلائی سیاحتی پرواز کا اعلان کر دیا

سمندری طوفان بپر جوائے نے بھارتی ریاست گجرات کے ساحلی علاقوں میں تباہی مچادی جبکہ مختلف حادثات میں دو افراد جاں بحق ہوگئے۔

باغی ٹی وی : سمندری طوفان بپر جوائے جمعرات کی رات بھارتی گجرات سے ٹکرایا تھابپر جوائے سے گجرات کے متاثرہ علاقوں میں سیلابی صورتحال ہے، پانی سڑکوں پرموجود ہے جب کہ بجلی کے سیکڑوں کھمبےگرنے سے بجلی کانظام درہم برہم ہوچکا ہے اور 15 سو دیہات بجلی سے محروم ہیں۔

متاثرہ علاقوں میں صاف پانی کی فراہمی معطل ہے، تاہم7 سو سے زیادہ مکانات کو نقصان پہنچا ہے،مختلف حادثات میں 2 افراد ہلاک، 20 سے زائد زخمی ہوئےساحلی اضلاع سے لوگوں کے انخلا کی وجہ سے زیادہ جانی نقصان نہیں ہوا، ساحلی اضلاع سے ایک لاکھ سے زائد افراد کا انخلا کرا لیا گیا تھا۔

سعودی وزیر خارجہ کی تہران میں ایرانی صدر سے ملاقات

امریکی وزیر خارجہ 2 روزہ دورے پر چین پہنچ گئے

بیرون ملک چین کے خفیہ "تھانے”

دوسری جانب پاکستان میں سمندری طوفان بپر جوائے کا خطرہ ٹل گیا ہے، طوفان کے خطرے کے پیش نظر کیٹی بندر، بدین اور سجاول کے ساحلی علاقوں سے نقل مکانی کرنے والے لوگوں کی گھروں کو واپسی شروع ہوگئی ہے، متاثرین نے اپنے گھروں کی تعمیر دوبارہ شروع کردی اسسٹنٹ کمشنر ٹھٹھہ کے مطابق کیٹی بندر میں زندگی معمول پر آنا شروع ہوگئی ہے-

دوسری جانب سجاول میں سمندری طوفان ختم ہونے کے بعد لوگ اپنے گھروں کو واپس آ گئےدیہاتوں اور گھروں میں کاروبارِ زندگی معمول پر آنے لگا خواتین کھانا پکانے، بچے کھیل کود اورمرد کاشت کاری میں مصروف ہیں سجاول، جاتی، چوہڑ جمالی، شاہ بندر اور کھارو چھان میں موسم معتدل ہے۔

علاوہ ازیں بدین کے ساحلی مرکز زیرو پوائنٹ پر ماہی گیروں کی سرگرمیاں دوبارہ شروع ہو گئیں ماہی گیر اپنی کشتیوں کی مرمت اور کشتیوں سے پانی نکالنے میں مصروف ہیں جبکہ کئی ماہی گیر کھلے سمندر میں شکار کے لیے بھی روانہ ہو رہے ہیں۔

دنیا بھر میں مہنگائی کے اعداد و شمار جاری، پاکستان میں مہنگائی کی شرح میں …

ڈپٹی کمشنر بدین نے کہا ہے کہ آج زیرو پوائنٹ کے ماہی گیروں کو ان کے گھر راشن پہنچائیں گے ماہی گیروں کی بستی میں7 ہزار سے زائد افراد میں آج راشن تقسیم کیا جائے گا۔