Tag: سمیع ابراہیم

اسلام آباد:پیمرا نے عمران خان کے حالیہ ٹی وی انٹرویو کا متنازع مواد نشر کرنے پر پابندی لگادی،اطلاعات کے مطابق پاکستان الیکٹرانک میڈیا ریگولیٹری اتھارٹی (پیمرا) نے چیرمین تحریک انصاف عمران خان کے حالیہ ٹی وی انٹرویو کا متنازع مواد نشر کرنے پر پابندی لگادی۔

اس حوالے سے یہ بھی معلوم ہوا ہے کہ پیمرا کا کہنا ہے کہ یہ مواد آئین کے آرٹیکل 19 کی شق 20 اے کی خلاف ورزی ہے، عمران خان کے بیان نے قومی سلامتی سنگین خطرے میں ڈالی ہے، عمران خان کے بیان نے ملک کی آزادی، خود مختاری، سالمیت کو سنگین خطرےمیں ڈالا ہے۔

پیمرا کا مزید کہنا ہے کہ عمران خان کا بیان لوگوں کے درمیان نفرت پیدا کرسکتا ہے، عمران خان کا بیان امن وامان کیلئے نقصان دہ ہے۔

نوٹیفکیشن کے مطابق عمران خان کا بیان قومی سلامتی، خودمختاری، آزادی، سالمیت اور ملکی نظریے کے خلاف تھا جس سے عوام میں نفرت آمیز جذبات ابھرنے کا خدشہ ہے۔

نوٹیفکیشن میں اس بیان کو مختلف قانونی دفعات کی خلاف ورزی قرار دیتے ہوئے سمیع ابراہیم کے پروگرام ‘تجزیہ’ کو بند کرنے کا فیصلہ سنایا ہے۔

واضح رہے کہ گزشتہ روز سمیع ابراہیم کو انٹرویو دیتے ہوئے عمران خان نے کہا تھا کہ اگر اسٹیبلشمنٹ نے اس وقت درست فیصلے نا کیے تو میں لکھ کر دیتا ہوں کہ یہ بھی تباہ ہوں گے اور فوج سب سے پہلے تباہ ہوگی، کیونکہ ملک دیوالیہ ہوجائے گا اور اگر ہم دیوالیہ ہوگئے تو پاک فوج ہِٹ ہوگی اور جب فوج ہِٹ ہوگی تو ہم سےایٹمی پروگرام چھن جائے، اگر اس وقت درست فیصلے نا ہوئے تو ملک کے تین ٹکڑے ہوسکتے ہیں۔

پنجاب سے ڈی سیٹ پی ٹی آئی کے منحرف ارکان کا سپریم کورٹ میں اپیل کا فیصلہ

خواتین پر تشدد کروانے پر عوام میں شدید غصہ پایا جاتا ہے:عمران خان

عمران خان کی سی پی این ای کے نو منتخب عہدیداران کو مبارکباد

مریم نواز کی ایک اور آڈیو لیک

اسلام آباد:موجودہ ٹولہ اسرائیل اور امریکہ کی غلامی کرے گا،اطلاعات کے مطابق سابق وزیرِ اعظم اور پاکستان تحریکِ انصاف (پی ٹی آئی) کے چئیرمین عمران خان نے نجی ٹی وی کے سینئیر ترین صحافی اور تجزیہ کار سمیع ابراہیم کی میزبانی میں جاری پروگرام “تجزیہ وِد سمیع ابراہیم” میں خصوصی شرکت کی ہے۔

پروگ میں جب ان سے سوال کیا گیا کہ لانگ مارچ والے دن جو کچھ ظالمانہ اقدامات اٹھائے گئے کیا آپ کو اس کی توقع تھی؟عمران خان کا سوال کے جواب میں کہنا تھا کہ میں توقع کر رہا تھا، لیکن جب 25 کی صبح ہم جب نکلے تو سپریم کورٹ کی ایک رولنگ آئی، جس میں کہا گیا کہ اب راستے بھی کلئیر کردو، اور جن لوگوں کو پکڑا ہوا ہے ان لوگوں کو بھی چھوڑ دو، جو ہمارا حق ہے پرامن احتجاج کا۔ جس کے بعد ہم پرسکون ہوگئے اور سمجھے کہ اب آرام سے نکل جائیں گے۔

لیکن مجھے سوچنا چاہئیے کہ ہمارا مقابلہ مافیاز کے ساتھ ہے، یہ مجرم ہیں اس قوم کے، 30 سال سے اس ملک پر ظلم کر رہے ہیں، لوٹ رہے ہیں۔انہوں نے کہا کہ مافیا اسٹائل یہ ہوتا ہے کہ یا تو وہ لوگوں کو خرید کر اپنے ساتھ ملا لیتے ہیں یا انہیں ختم کر دیتے ہیں، دہشت پھیلاتے ہیں اور جھوٹے کیسز کرتے ہیں، مار پیٹ کرتے ہیں تاکہ لوگ ان سے ڈر جائیں۔

اس دن اور اس سے ایک دن پہلے جو مافیا اسٹائل آپریش ہوا جس میں یہ گھروں میں گھس گئے، عورتوں کو خوفزدہ کیا۔ یہ ایک میجر کے گھر چلے گئے جہاں اس کی ماں اور دس سال کی بیٹی تھی۔ کونسا ملک اس طرح کی حرکتیں کرتا ہے جو انہوں نے اس رات کیں۔عدلیہ کی آزادی کی تحریک کے دوران جب مجھے ساتھ آٹھ دن کے لیے جیل میں ڈالا گیا وہاں ایسا کچھ بھی نہیں ہوا، یعنی ڈکٹیٹر شپ میں ایسی کوئی حرکت نہیں ہوئی جس ان لوگوں نے کی۔

عمران خان نے کہا کہ یہ لوگ ہیں مجرم، رانا ثنا اللہ اور شہباز شریف نے ماڈل ٹاؤن میں دن دہاڑے ٹی وی کے سامنے لوگوں کو گولیاں ماریں، 14 قتل کئے، 70 سے 80 لوگوں کو گولیاں لگیں کوئی معذور ہوا تو کسی کی کمر میں گولی لگی۔ ساڑھے تین سال میں اپنے دور میں کوشش کرتا رہا، طاہرالقادری کے میسیجز آتے تھے، لیکن اس پر اسٹے آرڈر ملا ہوا تھا۔

پنجاب سے ڈی سیٹ پی ٹی آئی کے منحرف ارکان کا سپریم کورٹ میں اپیل کا فیصلہ

خواتین پر تشدد کروانے پر عوام میں شدید غصہ پایا جاتا ہے:عمران خان

عمران خان کی سی پی این ای کے نو منتخب عہدیداران کو مبارکباد

مریم نواز کی ایک اور آڈیو لیک

اسلام آباد:کراچی:لاہور:کوئٹہ:پشاور:::سینئر صحافی سمیع ابراہیم کو ایف آئی اےکا نوٹس، صحافیوں کا بھرپور احتجاج،اطلاعات کے مطابق بول نیوز کے صدر اور سینئر صحافی سمیع ابراہیم کو ایف آئی اے کی جانب سے نوٹس جاری کیے جانے کے خلاف ملک بھر میں صحافتی تنظیموں کا بھرپور احتجاج جاری ہے۔

صحافتی برادری کی جانب سے اسلام آباد میں ہونے والے احتجاج میں صحافیوں، شہریوں اور سول سوسائٹی کے ارکان نے بڑی تعداد میں شرکت کی۔ اس موقع پر پی ایف یو جے کے صدرشہزادہ ذوالفقار اور دیگر نے مظاہرے سے خطاب کیا۔

پی ایف یو جے کے صدرکا کہنا تھا کہ سینئر صحافی سمیع ابراہیم کے خلاف ایف آئی اے کی کارروائی سچ کی آوازکو دبانے کی کوشش ہے، سمیع ابراہیم کے سوالوں کے جوابات دئیے جانے چاہیئے۔ ایف آئی اے کس قانون کے تحت سمیع ابراہیم کو ہراساں کررہی ہے۔ان کا مزید کہنا تھا کہ اگران کارروائیوں کو نہیں روکا گیا تو پھرملک بھر میں شدید احتجاج کیا جائے گا۔

اسلام آباد ہائیکورٹ جرنلسٹس ایسوسی ایشن کے صدر ثاقب بشیرکی جانب سے بھی سمیع ابراہیم کو ایف آئی اے کی جانب سے نوٹس بھیجنے کی پرزورمذمت کی گئی۔ثاقب بشیر کا کہنا تھا کہ اس سے پہلے ارشد شریف کوبھی ہراساں کرنے کی کوشش کی گئی، آزاد آوازیں دبانے کی کسی صورت اجازت نہیں دیں گے، آزادی رائے کے لیے کل بھی آوازاٹھائی آج بھی اٹھائیں گے۔

انہوں نے مطالبہ کیا کہ ایف آئی اے کو ذاتی مقاصد کے لیے استعمال کرنا بند کیا جائے اورسینئر صحافیوں کو بھیجے گئے نوٹسزفوری واپس لیے جائیں۔

لاہورپریس کلب پرہونے والے احتجاجی مظاہرے میں صدرپریس کلب اعظم چوہدری، سیکرٹری جنرل فیڈرل یونین آف جرنلسٹ کے راجا ریاض، پی یو جے کے صدرابراہیم لکی نے سمیع ابراہیم کے خلاف کارروائی کو آزادی اظہار پر پابندی قرار دیتے ہوئے اس کی پُرزور مذمت کی۔

اسلام آباد اور لاہور کے علاوہ کوٹری، سکھر، کراچی اورخیبر پختون خوا کی صحافتی تنظیموں اور پریس کلبس نے سینئر صحافی سمیع ابراہیم کو نوٹس جاری کرنے کی سخت مذمت کرتے ہوئے کہا کہ ایف آٸی اے کو لگام دی جاٸے، ہم سمیع ابراہیم کے ساتھ سیسہ پلاٸی دیوار بن کر کھڑے ہیں۔ یہ حکومتی اقدام آزادی صحافت پرکاری ضرب لگانے کے مترادف ہے۔

صحافی رہنماؤں کا کہنا تھا کہ صحافیوں کوحق وسچ بولنے سے نہیں روکا جاسکتا، آزادی صحافت کےلٸے جدوجہد جاری رہے گی۔

اسلام آباد:سمیع ابراہیم کو ایف آئی اے نے طلب کرلیا،اطلاعات کے مطابق ایف آئی اے نے اینکر سمیع ابراہیم کے خلاف پیکا ایکٹ کے تحت مقدمہ درج کرکے تفتیش کا آغار کردیا۔ وفاقی تحقیقاتی ادارے نے سمیع ابراہیم کو 13 مئی کو طلب کرلیا

اس حوالے سے ذرائع کا کہنا ہے کہ اس حوالے سے معروف تجزیہ نگار سمیع ابراہیم کو پیغام پہنچا دیا گیا کہ وہ ذاتی حیثیت سے 13 مئی کی صبح کوایف آئی اے ہیڈ کوارٹرپہنچ کراپنے خلاف لگائے گئے الزامات کا جواب دیں

دوسری طرف یہ بھی اطلاعات ہیں کہ سمیع ابراہیم کے خلاف ایف آئی اے کی طرف سے نوٹس ملنے کی اطلاعات کے بعد صحافتی حلقوں میں تشویش کی لہر دوڑ گئی ہےاورصحافتی تنظیموں کی طرف سے اس واقعہ کے خلاف احتجاج کیا گیا ہے ،

یاد رہے کہ پیکا آرڈیننس کے حوالے سے وزیراطلاعات مریم اورنگزیب نے وضاحت کی ہے کہ ایف آئی اے نے حکومت کی اجازت کے بغیر پیکا ایکٹ 2016 سے متعلق سپریم کورٹ میں پٹیشن دائر کی ہے، یہ پٹیشن فوری طور پر واپس لی جا رہی ہے۔

ٹویٹ میں مریم اورنگزیب نے کہا وزیر اعظم اور مجھے کچھ دیر پہلے معلوم ہوا کہ ایف آئی اے نے ایکٹ کے سیکشن 20 کو بحال کرانے کی پٹیشن دائر کی ہے، یہ پٹیشن فوری طور پر واپس لی جا رہی ہے