بھارتی فلمساز سنجے گپتا نے دعویٰ کیا ہے کہ دبئی دنیا کا منشیات کا مرکز ہے-
بھارتی فلمساز نے ایک پوڈ کاسٹ میں دبئی میں منشیات کی اسمگلنگ کے بارے بات کرتے ہوئے دعویٰ کیا کہ دبئی دنیا بھر کے منشیات کے بڑے سوداگروں (ڈرگ لارڈز) کے لیے جنت ہے وہ اپنے آبائی ممالک میں تو سکون سے نہیں رہ سکتے، لیکن دبئی میں وہ شاندار گھروں اور مہنگی گاڑیوں کے ساتھ رہائش پذیر ہیں اور ان کے بچے بہترین اسکولوں میں تعلیم حاصل کر رہے ہیں۔
سنجے گپتا نے مزید کہا کہ منشیات ڈیلرز دبئی میں سپر مارکیٹوں اور شاپنگ مالز میں گھومتے پھرتے اور ایک عام زندگی گزارتے ہیں یہاں صرف دولت کی اہمیت ہے،کوئی سوال نہیں پوچھا جاتا کہ کون کیا کررہاہے اور اس کا ذریعہ آمدن کیا ہے پیسہ کہاں اور کن ذرائع سے آ رہا ہے،بس دولت کی ریل پیل ہے۔ ہر طرف سے دولت دبئی کا رخ کر رہی ہے اور یہاں بھی یہی کچھ ہوا ہے۔
انہوں نے مزید کہا کہ آپ سوچو نا 80 اور 90 کی دہائی میں ممبئی سے کتنا پیسہ گیا دبئی میں، وہ اس رقم کا کیا کریں گے؟ پیسہ تو دبئی میں ہی جانا ہ وہ چاہے کسی بھی شکل میں ہو پیسہ تو وہی دبئی کے بینک میں جارہا ہےآپ دبئی کا سونا خرید رہے ہیں،آپ دبئی میں پراپرٹی خرید رہے ہیں تو پیسہ ہر شک میں دبئی میں ہی جارہا ہے-
