نومتخب رکنِ سندھ اسمبلی محمد آصف موسیٰ نے آج حلف اٹھا لیا۔
کراچی: باغی ٹی وی کی رپورٹ کے مطابق محمد آصف موسیٰ پیپلز پارٹی کے ٹکٹ پر پی ایس 112 سے کامیاب ہوئے ہیں۔ محمد آصف موسیٰ نے آج حلف اٹھا لیا۔محمد آصف موسیٰ کے حلف اُٹھانے کے بعد سندھ اسمبلی میں پیپلز پارٹی کے ارکان کی تعداد 116ہو گئی۔ اس موقع پر ارکان اسمبلی نے نومتخب رکنِ کو مبارکباد پیش کی.
واضح رہے کہ سندھ اسمبلی میں پاکستان پیپلز پارٹی کو واضح اکثریت حاصل ہے.
کراچی:سندھ اسمبلی میں پی ٹی آئی اور پیپلز پارٹی کے درمیان نوک جھوک سے اسمبلی کا ماحول گرم ،اکثر ارکان ڈپٹی اسپیکر اور پی ٹی آئی کے خرم شیر زمان کے درمیان ہونے والی گفتگوسے خوش ہوتے رہے ،اطلاعات یہی ہیں کہ سندھ اسمبلی کا اجلاس تاخیر سے شروع ہونے پر ڈپٹی اسپیکر اور خرم شیرزمان کے درمیان اسی وجہ سے نوک جھونک ہوئی۔
ذرائع کے مطابق سندھ اسمبلی اجلاس میں کورم پورا نہ ہونا روایت بن گیا۔ آج بھی اجلاس شروع ہوا تو پی ٹی آئی رکن خرم شیرزمان نے کورم کی نشاندہی کردی۔ انہوں نے کہا کہ حکومتی ارکان گھوٹکی الیکشن میں مصروف ہیں، الیکشن کمیشن نوٹس لے۔
اپوزیشن لیڈر فردوس شمیم نقوی نے کہا کہ کچھ لوگوں کو پروڈکشن آرڈرز کے ذریعے لانے کیلئے اجلاس چلایا جارہا ہے۔پیپلز پارٹی کی رکن ریحانہ لغاری نے کہا کہ انہیں احساس ہے لیکن کورم پورا کرنا سب کی ذمہ داری ہے۔