پاکستان تحریک انصاف سندھ کے اراکین نے استعفی دے دیا
پی ٹی آئی کے پارلیمانی لیڈر خرم شیر زمان کو تمام اراکین کے استعفی موصول ہو گئے،پی ٹی آئی کے پارلیمانی لیڈر خرم شیرزمان نئ استعفی موصول ہونے کی تصدیق کی اور کہا کہ سندھ اسمبلی میں موجود تمام چھبیس اراکین نے اپنے استعفی جمع کروادیے ہیں۔ چیئرمین عمران خان کی کال پر اراکین نے استعفی دئیے۔ قائد حزب اختلاف حلیم عادل شیخ بھی صورتحال سے آگاہ ہیں۔ قائد جب حکم دیں گے استعفی سندھ اسمبلی میں جمع کروادیں گےیہ نشست عمران خان کی امانت ہے، ووٹ عمران خان کا تھا اور رہے گا۔
دوسری جانب پی ٹی أئی کی سینئر لیڈرشپ کا اجلاس آج ہورہا ہے، اجلاس میں پنجاب اور خیبر پختونخواہ اسمبلی تحلیل کرنے ،سندھ اور بلوچستان اسمبلی سے مستعفیٓ ہونے کی تاریخ پر غور کیا جا رہا ہے، اجلاس میں شاہ محمود قریشی، پرویز خٹک، وزیراعلیٰ کے پی محمود خان سمیت پارٹی کی دیگر قیادت شریک ہے،
خیال رہے کہ ’آزادی مارچ‘ کے جلسے سے خطاب میں سابق وزیراعظم عمران خان نے صوبائی اسمبلیاں چھوڑنے کا اعلان کیا تھا۔ عمران خان نے صوبائی حکومتوں سے باہر نکلنے کی تاریخ تو نہیں دی تھی، لیکن کہا تھا کہ وہ تمام وزرائے اعلیٰ اور پارلیمانی پارٹیوں سے مشاورت شروع کر رہے ہیں اور جلد ہی اسمبلیوں سے نکلنے کا حتمی اعلان کریں گے۔
