Tag: سنی تحریک

صدر پاکستان سنی تحریک محمد ثروت اعجاز قادری نے کہا ہے کہ عالمی برادری مظلوم فلسطینیوں کے قتل عام اور اسرائیلی جارحیت کو روکنے کے لیے اقدامات کرے۔

باغی ٹی وی کی رپورٹ کے مطابق محمد ثروت اعجاز قادری نے ایوان صدر میں آل پارٹیز کانفرنس میں شرکت کے بعد کراچی واپسی پر ایئرپورٹ پر میڈیا سے گفتگو کرتے ہوئے کہا کہ جس طرح ملک بھر میں یوم فلسطین منایا گیا ہے اسی حوالے سے ایوان صدر میں مظلوم فلسطینیوں سے اظہار یکجیتی کے لیے اے پی سی کا انعقاد کیا گیا تھا۔تمام مذہبی اور سیاسی جماعتوں نے متفقہ طور پر فلسطینیوں کی بھرپور حمایت کا اعلان کیا۔اسرائیلی جارحیت کی اب مذمت کرنے سے کام نہیں چلے گا۔تمام اسلامی مملکت کے سربراہان کو فلسطین کا مسئلہ حل کرنے کے لیے کھل کر سامنے آنا پڑے گا۔کھلی دہشت گردی کر کر ہزاروں فلسطینیوں کو شہید کر دیا ہے۔لاکھوں بچے خواتین بزرگ جوان فلسطینی زخمی حالت میں ہیں۔علاج معالجے کی وہاں کوئی سہولت نہیں ہے۔نہ ہی کوئی امداد پہنچانے کا ذریعہ ہے۔امدادی کیمپوں پر بھی اسرائیل زمینی اور فضائی حملے کر کے زخمیوں کو مزید زخمی کر رہا ہے۔ثروت اعجاز قادری کا مزید کہنا تھا کہ شام لبنان اور ترکی جس طرح شہید فلسطینیوں کے بچوں کی پرورش کے لیے آگے بڑھے ہیں اسی طرح پاکستانی حکومت کو بھی اس کار خیر میں حصہ لینا چاہیے۔یہ وقت مظلوم فلسطینیوں کے زخموں پر مرہم رکھنے کا ہے۔تمام اسلام دشمن عناصر اب کھل کر اسرائیل کی حمایت کر رہے ہیں اور اسے ہر طرح کی امداد بھی پہنچا رہے ہیں۔افرین ہیں مظلوم اور نیت فلسطینیوں پر کہ وہ پھر بھی اپنے موقف پر ڈٹے ہوئے ہیں۔تمام مسلم ممالک کو اب اگے بڑھ کر اسرائیل کے ہاتھ کو روکنا ہوگا۔اسرائیل باتوں سے نہیں منہ توڑ جواب دینے سے ہی خاموش ہوگا۔

اسلام آباد ہائی کورٹ میں آئینی ترمیم کے ڈرافٹ کی سماعت کل ہوگی

سنی تحریک کے مرکزی صدر محمد ثروت اعجاز قادری کا کہنا ہے کہ حکمران ملک کی تعمیر و ترقی کے لیے اقدامات کریں۔ملک کے حالات بس سے بدتر ہوتے جا رہے ہیں۔

مرکز اہلسنت پاکستان سنی تحریک سے جاری بیان میں محمد ثروت اعجاز قادری کا کہنا تھا کہ پاکستان میں انڈسٹریاں بند ہو رہی ہیں فصلیں بارش اور سیلاب سے تباہ ہو گئی ہیں۔قوم حکمرانوں کی طرف پر امید نظروں سے دیکھ رہی ہے کے آئی ایم ایف سے ملنے والا فنڈ قوم کے فلاؤ بہبود پر ہی خرچ ہوگا۔ملک کی معیشت حکمرانوں کی باتوں اور تقریروں سے نہیں چل سکتی عملی اقدامات کرنے ہوں گے۔معاشی حالات اس حد تک خراب ہو چکے ہیں کہ سرمایہ دار طبقہ ہو یا ملازمت پیشہ ہر کسی کے سر پر خطرے کی گھنٹی بج رہی ہے۔ثروت اعجاز قادری نے اپنے جاری بیان میں مزید کہا کہ آئی ایم سے ملنے والے فنڈ سے حکومت عوام کے لیے روزگار کے مواقع پیدا کرے جب ملک میں چھوٹی چھوٹی انڈسٹریاں لگیں گی تو عوام کو روزگار کے مواقع بھی ملیں گے اور افراط زر کی کمی بھی پوری ہوگی۔

معاہدے پر عمل نہ کرکے حکومت نے وعدہ خلافی کی، محمد حسین محنتی

انکا کہنا تھا کہ بیرونی سرمایہ کاروں کو مدعو کیا جائے تاکہ ملک کے حالات میں بہتری آئے۔ملک دشمن عناصر قوم کو افواؤں کے ذریعے پریشان کیے ہوئے ہیں آج یہ حکومت جائے گی تو کل وہ حکومت آئے گی۔ملک کے اندرونی حالات کو بہتر کرنے کے لیے اس طرح کی افواہیں پھیلانے والوں کے خلاف بھرپور ایکشن ہونا چاہیے۔پاکستان کو اس وقت بیرونی طاقتوں سے کم ملک کے اندر سازشیں کرنے والوں سے زیادہ خطرات لاحق ہیں۔تمام سیاسی و مذہبی قوتوں کو ایک پلیٹ فارم پر جمع ہو کر اپنے مفادات کو بالائے طاقت رکھ کر ملک اور قوم کے مفادات کے لیے کام کرنا ہوگا۔#

ایم کیو ایم اور سنی تحریک نے شہر قائد کی بہتری کیلئے مل کر کام کرنے پر اتفاق کیا ہے

باغی ٹی وی کی رپورٹ کے مطابق ایم کیو ایم پاکستان کے سینئر رہنما و رکن مرکزی کمیٹی انیس قائم خانی نے سی او سی انچارج و رکن مرکزی کمیٹی فرقان اطیب کے ہمراہ قادری ہاؤس میں سنی تحریک کے سربراہ ثروت اعجاز قادری و دیگر رہنماؤں سے ملاقات کی۔ ملاقات میں شہر قائد کی بہتری کیلئے مل کر کام کرنے پر اتفاق کیا گیا۔ نیز امن و امان کی صورتحال بہتر بنانے کیلئے فرقہ وارانہ ہم آہنگی کو مزید فروغ دینے کیلئے بھی بات چیت کی گئی۔

آپریشن گولڈ سمتھ، اسرائیلی اخبار نے عمران خان کا "حقیقی چہرہ” دکھا دیا

واضح رہے ان دنوں ایم کیو ایم شہر کراچی میں اپنا کھویا مقام دوبارہ حاصل کرنے کے لیے خاصی فعال ہے اسی سلسلے میں عوامی رابطہ مہم اور شہریوں کے مسائل حل کرنے میں پیش پیش ہے.

سربراہ پاکستان سنی تحریک محمد شاداب رضا نقشبندی نے کہا ہے کہ آئین وقانون کی بالادستی اور فوری انصاف کی فراہمی کو یقینی بنایا جائے.

باغی ٹی وی کی رپورٹ کے مطابق لیاقت آباد ڈاکخانہ تاریخی عظیم الشان میلاد ریلی کے شرکاء سے خطاب کرتے ہوئے محمد شاداب رضا نقشبندی کا کہنا تھا کہ نبی کریم ﷺ کا ذکر اللہ وحدہ لاشریک نے بلند کیامسلمانوں کے دلوں سے حب رسول کوئی طاقت ختم نہیں کرسکتی ،نبی کریم ﷺ کی شان میں ہرزہ سرائی کرنیوالوں کا انجام دنیا اور آخرت میں عبرتناک ہے ،ختم نبوت ﷺ ہمارا ریڈ زون ہے اس کے تحفظ کیلئے کسی قربانی سے دریغ نہیں کرینگے ،خاتم النبیین ﷺ کی توہین کرنے والوں کو سزا کی بجائے بیرون ملک بھیج دیا جاتا ہے ،عدالتوں کے توہین مذہب فیصلوں پر عمل درآمد نہ ہونے پر عوام میں مایوسی پائی جارہی ہے ،ملک میں عدالتوں نے سزا یافتہ گستاخی کرنیوالوں کو آج تک پھانسی دے کر عبرت کا نشان نہیں بنایا ،سلمان رشدی ،آسیہ ملعونہ اور ایسے کئی گستاخ رسول ہیں جنہیں منطقی انجام تک پہنچانے کی بجائے بیرون ممالک بھیج دیا گیا ،ہیومن رائٹس کی تنظیموں نے سلمان رشدی اور آسیہ ملعونہ اور پاکستانی شہریوں کو شہید کرنیوالے ریمنڈ ڈیوس کو قانونی طور پر منطقی انجام تک پہنچانے کیلئے آواز کیوں بلند نہیں کی ،گستاخ رسول کی فوری گرفتاری کیلئے سندھ پولیس کی پیشہ وارانہ صلاحیتوں کو سہراتے ہیں ،پولیس سے مقابلہ کرنے والے گستاخ رسول کا ہلاک ہوناجو بویا یہ اس کا انجام ہے ،تاجدار ختم نبوت ﷺ کا میلاد تاقیامت مناتے رہینگے ،اسلام وملک دشمن دہشتگرد ہمیں میلادمصطفی ﷺ منانے سے کسی طور بھی نہیں روک سکتے ،قادیانیوں کی سوشل میڈیا پر اسلام دشمن سرگرمیوں کو روکنے کیلئے اقدامات کئے جائیں ،شعائر اسلام کی توہین کرنیوالوں کو آئین کے مطابق سزائیں دی جائیں.

پاسپورٹ بنوانے والوں کے لیے خوشخبری آ گئی

اس موقع پر نائب سربراہ محمد شاہد غوری ،نائب سربراہ بلال عباس قادری نے بھی خطاب کیا جبکہ اس موقع پر مرکزی رہنما فہیم الدین شیخ ،محمد آفتاب قادری ،علامہ محمود قادری ،صاحبزادہ احمد رضا ،کراچی امیر محمد فرقان قادری ،نائب امیر فرحان راجپوت ،نائب امیر عارف منصوری اور کراچی رابطہ کمیٹی کے ارکان وعلماء کرام بھی موجود تھے ۔شاداب رضا نقشبندی کا کہنا تھا کہ ملک کو دہشتگردی کے خاتمے کیلئے ملک کے قومی اداروں کے ساتھ کھڑے ہیں ،ملک کو معاشی طور پر مستحکم اور پائیدار امن کیلئے اپنا کردار ادا کرتے رہینگے ،عید میلاد النبی ﷺ کے جلسے وجلوس اور میلاد ریلیوں کی سیکیورٹی کیلئے بہترین انتظامات کرنے پر آئی جی سندھ ،ڈی جی رینجرز،ایڈیشنل آئی جی کراچی ،کمشنر کراچی ،ڈپٹی کمشنرز کراچی ودیگر افسران کو خراج تحسین پیش کرتے ہیں ۔

پاکستان سنی تحریک میں اختلافات یا کچھ اور، مرکزی کابینہ نے سنی تحریک کے سربراہ کو نااہل قرار دے کر عہدے سے ہٹا دیا

اس ضمن میں سنی تحریک کے ترجمان فہیم شیخ نے پریس کانفرنس کی جس میں انکا کہنا تھا کہ ثروت اعجاز قادری نااہل ہیں، انکو مرکزی کابینہ سے فارغ کیا گیا ہے، انکی بنیادی رکنیت بھی ختم کر دی گئی ہے ثروت اعجازقادری تنظیمی شرعی امور کے خلاف پائے گئے ہیں ،انکے خلاف شکایات تھیں جنکی دس ماہ سے تحقیقات جاری تھیں، ایک کمیٹی نے دس ماہ شکایات پر تحقیقات کے بعد رپورٹ پیش کی جس کے بعد سنی تحریک کے سربراہ ثروت اعجاز قادری کو عہدے سے ہٹا دیا گیا ہے، سنی تحریک کے نئے سربراہ کا اعلان آج جمعہ کو متوقع ہے،