آنجہانی بالی وڈ اداکار سوشانت سنگھ راجپوت کی آل انڈیا انسٹیٹیوٹ آف میڈیکل سائنسز کے ڈاکٹر وں کی جانب سے تشکیل دی گئی حتمی رپورٹ پر کے بعد ڈاکٹر سدھیر گپتا کی آڈیو ٹیپ لیک ہونے کے بعد سوشانت کے خاندانی وکیل اور خاندان نے نئی فرانزک رپورٹ کا مطالبہ کر دیا-
باغی ٹی وی : بھارتی خبر رساں ادارے ٹائمز آف انڈیا کی رپورٹ کے مطابق آل انڈیا انسٹی ٹیوٹ آف میڈیکل سائنسز (ایمز) کے فرانزک میڈیکل بورڈ نے اپنی رپورٹ میں سوشانت سنگھ راجپوت کی موت کے قتل کے زاویے کو مسترد کرنے کے بعد ڈاکٹر سدھیر گپتا کی ایک لیک آڈیو ٹیپ تک رسائی حاصل کی ہے جہاں انہوں نے دعوی کیا ہے کہ مرحوم اداکار کو قتل کیا گیا تھا۔
سوشانت سنگھ راجپوت کی خود کشی پر دوبارہ نئے سرے سے پوسٹ مارٹم رپورٹ مرتب کرنے والے ڈاکٹر سدھیر گپتا کی بھارتی میڈیا پر وائرل پرانی آڈیو میں اُن کا کہنا تھا کہ اُنہیں سوشانت سنگھ کی تصاویر دیکھ کر خودکشی کے بجائےسوشانت کی موت 200 فیصد قتل معلوم ہو رہی ہے۔
ٹائمز آف انڈیا نے اپنی رپورٹ میں ٹائمز ناؤ کا حوالہ دیتے ہوئے لکھا کہایک لیک آڈیو ٹیپ میں ایمز کے سربراہ ڈاکٹر گپتا نے دعوی کیا ہے کہ سوشانت خودکشی سے نہیں مرا تھا بلکہ ان کا قتل کیا گیا تھا۔ اطلاعات کے مطابق انہوں نے یہ بیان سوشانت کی فانی نعش کی تصاویر کو دیکھنے کے بعد دیا تھا۔ سوشانت کے اہل خانہ اب نئی فرانزک تحقیقات کا مطالبہ کر رہے ہیں۔
بھارتی میڈیا کے مطابق آل انڈیا انسٹیٹیوٹ آف میڈیکل سائنسز کے سربراہ ڈاکٹر سدھیر کی جانب سے سی بی آئی میں جمع کروائی گئی رپورٹ میں قتل کا مفروضہ مسترد کرتے ہوئے کہا گیا ہے کہ سوشانت سنگھ راجپوت کی موت ایک خود کشی تھی۔
سدھیر گپتا کے بیان پر بھارتی میڈیا اور سوشانت سنگھ کے خاندانی وکیل ویکاس سنگھ کی جانب سے سوالات اٹھا دیئے گئے ہیں ۔
Highly perturbed with AIIMS report. Going to request CBI Director to constitute a fresh Forensic team . How could AIIMS team give a conclusive report in the absence of the body,that too on such shoddy post mortem done by Cooper hospital wherein time of death also not mentioned .
— Vikas Singh (@vikassinghSrAdv) October 4, 2020
سوشانت سنگھ راجپوت کے وکیل نے سماجی رابطے کی ویب سائٹ ٹوئٹر پر اپنے ایک ٹوئٹ میں ایمز کی رپورٹ کی پر سوالات اٹھاتے ہوئے کہا ہے کہ ایمز کی حتمی رپورٹ سے متعلق بہت پریشان ہیں سی بی آئی ڈائریکٹر کو ایک نئی فارنزک ٹیم تشکیل دینے کی درخواست کرنے جارہے ہیں ایمز کی ٹیم سوشانت کی نعش کی عدم موجودگی میں حتمی رپورٹ کیسے دے سکتی ہے۔
انہوں نے اپنے ٹوئٹ میں ایک ہسپتال کی رپورٹ کو غیر تسلی بخش قرار دیتے ہوئے مزید کہا ہے کہ وہ بھی کوپر ہسپتال کے ذریعہ ایسے ناقص پوسٹ مارٹم رپورٹ پر جس میں موت کے وقت کا بھی ذکر نہیں کیا گیا۔
واضح رہے کہ سوشانت سنگھ راجپوت کی حتمی رپوٹ سے متعلق گزشتہ ماہ بھارتی تحقیقاتی ادارے سینٹرل بیورو آف انویسٹیگیشن کی جانب سے انکشاف کیا گیا تھا کہ آنجہانی ہیرو سوشانت سنگھ راجپوت کی نئی پوسٹ مارٹم رپورٹ میں زہر کے شواہد نہیں ملے ہیں-