Tag: سولر پینل

وفاقی وزیر خزانہ محمد اورنگزیب نے کہا ہے کہ حکومت نے طویل مشاورت کے بعد درآمدی سولر پینلز کے پرزہ جات پر تجویز کردہ 18 فیصد ٹیکس کو کم کر کے 10 فیصد کرنے کا فیصلہ کیا ہے۔

سینیٹ اجلاس میں خطاب کرتے ہوئے محمد اورنگزیب نے کہا کہ برآمد شدہ سولرز کے پرزہ جات پر 18 فیصد سیلز ٹیکس عائد کرنے کا فیصلہ مقامی صنعت کو فروغ دینے اور مسابقتی ماحول قائم کرنے کے لیے کیا گیا تھا دونوں ایوانوں میں تفصیلی غور و غوض اور اراکان پارلیمنٹ کی تجاویز پر حکومت نے لچک کا مظاہرہ کر تے ہوئے ٹیکس کو کم کرنے کا فیصلہ کیا ہے، اس ٹیکس کا اطلاق صرف 46 فیصد درآمدی پرزہ جات پر ہوگا جب کہ امپورٹڈ سولر پینلز کی پلیٹوں پر صرف 4.6 فیصد سیلز ٹیکس لاگو ہوگا، درآمدی سولر پینلز کی مجوزہ 10 فیصد جی ایس ٹی کے نفاذ سے قبل ہی بعض عناصر کی جانب سے ذخیرہ اندوزی اور منافع خوری میں ملوث ہونے کی اطلاعات موصول ہو رہی ہیں، ان عناصر کو وارننگ دیتا ہوں کہ ان کے خلاف جلد قانون کے مطابق کارروائی کی جائے گی۔

انہوں نے کہا کہ پچھلے مالی سال میں وفاقی حکومت نے کوئی منی بجٹ متعارف نہیں کروایا، ہم نے مالی نظم و ضبط کو کنٹرول کیا، افراط زر پر قابو پایا، کرنٹ اکاؤ نٹ میں نمایاں بہتری اور زرمبادلہ کے ذخائر میں اضافہ کیا ان تمام اقدامات کا مقصد پاکستان کو اقتصادی غیر یقینی کی دلدل سے نکال کر پائیدار ترقی کی راہ پر گا مزن کرنا ہے، حکومت نے اپنے مالی نظم و ضبط کو برقرار رکھتے ہوئے مالی سال 26-2025 کے بجٹ میں عوامی فلاح کے لیے بھرپور اقدامات کیے ہیں۔

محمد اورنگزیب نے کہا کہ آئندہ برس کے لیے وفاقی حکومت کے اخراجات میں صرف 1.9 فیصد اضافہ ہوا ہے، گزشتہ برسوں کے دوران 10، 12 اور 13 فیصد تک وفاقی اخراجات میں اضافے ہوتے رہے ہیں کم اور متوسط آمدن والے افراد قومی معیشت میں اہم کردار ادا کرتے ہیں، ہم تسلیم کرتے ہیں کہ یہ طبقہ ٹیکس بھی دیتا ہے اور مہنگائی بھی جھیلتا ہے، تنخواہ دار ملازمین پر عائد انکم ٹیکس میں کمی کی تجویز پہلے سے ہی بجٹ تجاویز کا حصہ ہے۔

انہوں نے کہا کہ وزیر اعظم شہباز شریف کی خصوصی ہدایت پر 6 سے 12 لاکھ تک سالانہ کمانے والے افراد پر انکم ٹیکس کی شرح 2.5 فیصد سے کم کر کے ایک فیصد کر دی ہے ، ریاست اس طبقے کو بوجھ تلے دبانا نہیں چاہتی، سرکاری ملازمین کی مشکلات کا ادراک کرتے ہوئے 10 فیصد اور ریٹائرڈ ملازمین کی پنشنز میں 7 فیصد اضافہ کیا گیا ہے، بے نظیر انکم سپورٹ پروگرام کا بجٹ 592 ارب روپے سے بڑھا کر 716 روپے کیا،بےنظیر انکم سپورٹ پروگرام کے تحت مالی معاو نت کا دائرہ وسیع کرنا اس حکومتی عزم کا عکاس ہے کہ معاشرے میں کمزور افراد، بیواؤں، یتیم اور خصوصی افراد کو بھی معاشی تحفظ حاصل ہو، اس اقدام سے تقر یبًا ایک کروڑ خاندانوں کو مالی مدد حاصل ہوگی۔

محمد اورنگزیب نے کہا کہ ایف بی آر افسران کے اختیارات کے حوالے سے تجاویز پر وزیراعظم کی ہدایت پر مزید وضاحت شامل کی ہے تاکہ افسران کی جانب سے اختیارات کے ناجائز استعمال کا خطرہ نہ رہےسینیٹ کی کمیٹی برائے خزانہ اور محصولات کی سفارشات حکومت کو موصول ہو چکی ہیں، امید ہے گزشتہ برس کی طرح امسال بھی قائمہ کمیٹی کی 50 فیصد سے زائد سفارشات کو فنانس بل کا حصہ بنایا جائے گاقومی اسمبلی کی قائمہ کمیٹی برائے خزانہ کے ساتھ بھی مشاورت جاری ہے جس کی تکمیل کے بعد ہم فنانس بل کی حتمی شکل تک پہنچ جائیں گے حکومت کی کوشش ایک جامع، ہمہ گیر اور پائیدار ترقی کا حصول ہے جس میں تمام پاکستانیوں کو ترقی کرنے کا حق حاصل ہو۔

اسلام آباد: وفاقی حکومت نے سولر پینل پر عائد سیلز ٹیکس میں کمی کا اعلان کردیا۔

نائب وزیراعظم اور وزیر خارجہ سینیٹر اسحاق ڈارنے کہا کہ سولرسسٹم کیلئے46فیصد مال درآمد کیا جاتا ہے، سولرپینل پر 18 فیصد ٹیکس کو 10 فیصد پر لانے کا فیصلہ ہوا ہے سینیٹ میں اظہار خیال کرتے ہوئے انہوں نے کہا کہ پاکستان کی معیشت دن بدن مستحکم ہورہی ہے، حکومت نے بجٹ کے حوالے سے بعض تجاویز پرنظرثانی کی ہے۔

اسحاق ڈار نے کہا کہ ڈیجیٹل ٹیکس کےحوالےسےغلط فہمی پائی جاتی تھی، ڈیجیٹل سروسز کے حوالے سے سیلز ٹیکس صوبوں کاحق ہوگا چاروں صوبوں میں پی آئی ڈی سی ایل منصوبے مکمل کرےگی، پی ڈبلیوڈی کا متبادل پی آئی ڈی سیل ایل ہے، آئی ایم ایف سے ریونیو نقصانات پر قابو پانے سے متعلق بات جاری ہے۔

نائب وزیر اعظم نے کہا کہ سولرسسٹم کیلئے46فیصد مال درآمد کیا جاتا ہے، سولرپینل پر18فیصدٹیکس کو10فیصدپرلانے کافیصلہ ہوا ہے سندھ کی یونیورسٹیزکیلئے فنڈز بڑھانے کا فیصلہ ہواہے، ہم سب نے ملکر ملک کو آگے لے کر جانا ہے بجٹ کے حوالے سےاتحادیوں سےمشاورت جاری ہے، گزشتہ روزاتحادیوں سے بجٹ پر6 سے زائدنشستیں کیں کل دو درجن سے زائد او آئی سی ممالک نے ایک بیان جاری کیا ہے، ان تمام ممالک نے اسرائیل کے ایران پر حملے کی مذمت کی ہے یہ بیان ان تمام ممالک کی جانب سے مشترکہ طور پر سامنے آیا ہے۔

اسلام آباد (محمد اویس) سینیٹ کی قائمہ کمیٹی برائے موسمیاتی تبدیلی میں انکشاف ہوا ہے کہ اس مالی سال چین سے 12ہزار میگاواٹ کے سولر پینل کی درآمد متوقع ہے جبکہ گذشتہ مالی سال 5ہزار میگاواٹ کے سولر پینل درآمد ہوئے ہیں۔پاکستان میں درآمدی کوئلے کی کھپت کم جبکہ مقامی کوئلے کی کھپت میں اضافہ ہوا ہے ۔ کمیٹی نے سینیٹر شہادت اعوان کے بل پر وزارت موسمیاتی تبدیلی کے حکام کو سینیٹر کے ساتھ مشاورت کرنے کی ہدایت کردی،راول ڈیم میں پانی کی آلودگی کے معاملے پر سیکرٹری ایریگیشن پنجاب،اور وزارت منصوبہ بندی کے حکام کو اگلے اجلاس میں طلب کرلیا گیا ۔وزیراعظم کی کواڈینیٹر رومینہ خورشید عالم نے بتایا کہ کوپ 29کے لیے حکومت نے فنڈز کی منظوری دے دی ہے ۔

سینیٹ کی قائمہ کمیٹی برائے موسمیاتی تبدیلی کا اجلاس چیئرپرسن سینیٹر شیری رحمان کی زیر صدارت پارلیمنٹ ہاوس میں ہوا ۔اجلاس میں بشرہ انجم بٹ،شاہ زیب درانی اور شہادت اعوان،جبکہ ان لائن قرۃ العین مری اور تاج حیدر نے شرکت کی ۔اجلاس میں بل کے محرک شہادت اعوان نے پاکستان ٹریڈ کنٹرول آف وائلڈ فونا اینڈ فلورہ ترمیمی بل 2024 پیش کرتے ہوئے کہاکہ جو پودےلگائے جائیں وہ انسانوں کے لیے خطرناک نہ ہو۔اسلام آباد میں جنگلی شہتوت انسانی صحت کے لیے خطرناک ہے اس لیےیہ بل لے کرآیا ہوں۔حکام نے بتایا کہ یہ قانون عالمی معائدوں کے بعد بنایا گیا ہے ۔ یہ چیزیں ڈالیں گے تو کنونشن میں یہ چیزیں نہیں ہیں ۔ جو سپیزیز پاکستان درآمد کرنے سے پہلے دیکھتے ہیں کہ اس سے پاکستان میں مقامی سپیزیز کو نقصان تو نہیں ہوگا ۔ درآمد ہونے والے پودے کو تو ہمیں تحقیق کرتے ہیں مگر برآمد ہونے والے پودوں کے بارے میں درآمدمی ملک کی ذمہ داری ہے کہ ان کے ملک میں نقصان تو نہیں ہوگا۔شیری رحمان نے کہا کہ پاکستان میں بازاروں میں جائیں وہ جانور لائے جارہے ہیں جو پاکستان کے قانون کی بھی خلاف ورزی ہے۔چیئرپرسن نے سیکرٹری اور کوارڈینیٹر دونوں کے کمیٹی میں عدم شرکت پر شدید برہمی کا اظہار کرتے ہوئے کہاکہ اہم قانون سازی ہورہی ہے اور دونوں کمیٹی میں موجود نہیں ہیں ۔آج وفاقی سیکرٹری کو کمیٹی میں ہونا چاہیے تھا مجھے جانور درآمد کے حوالے سے تحفظات ہیں

کچھ دیر بعد وزیراعظم کی کوارڈینیٹر رومینہ خورشید عالم کمیٹی میں پہنچ گئیں۔حکام نے بتایا کہ ہم جانوروں کی درآمد کو نہیں روک رہے ہیں تو پیتوجن (حشرات )کو کس طرح روک سکتے ہیں ۔شاہ زیب درانی نے کہاکہ صرف انسان کے لیے خطرناک جانوروں یا پودوں کی درآمد پر پابندی کے بجائے ماحول کے لیے خطرناک جانوروں اور پودوں کی درآمد پر پابندی ہونی چاہیے ۔حکام نے کہاکہ قانون میں کوئی سقم نہیں ہے قانون کے عمل درامد کروانے میں مسائل ہیں راولپنڈی میں جو جانور ہیں وہ سمگل ہوکر پاکستان آئے ہیں ۔ کمیٹی نے وزارت کو شہادت اعون کے ساتھ مل کر بل پر مشاورت کرنے کی ہدایت کردی ۔

چیئرمین سی ڈی اے نے کہاکہ سیوریج ٹریٹمنٹ پلانٹ کے لیے ہم نے ٹینڈر دے دیا ہے فنڈنگ وزارت منصوبہ بندی نے کرنی ہے اس لیے اگلے اجلاس میں وزارت منصوبہ بندی کو بلایا جائے راول ڈیم پنجاب حکومت کی ملکیت ہے ۔کمیٹی نے راول ڈیم ایجنڈے پر پنجاب ایریگیشن سیکرٹری اور وزارت منصوبہ بندی کے حکام کو اگلے اجلاس میں بلانے کی ہدایت کردی

کمیٹی میں نیشنل ڈیٹرمنٹ کنٹریبوشن پر بحث کی گئی ۔چیئرپرسن نے کہا کہ این ڈی سی کا مطلب ہے کہ ہر ملک نے اپنی آلودگی(زہریلی گیسوں کا اخراج)کم کرنی ہے ۔ آلودگی کم ہونے کے بجائے بڑ رہی ہے پیسے ابھی بھی فاصل فیول کے منصوبوں کو دیا جارہاہے،چئیر پرسن کمیٹی نے کہاکہ بین الاقوامی دنیا نے جو ہم سے وعدے کیے وہ کہاں ہیں، پاکستان کو ری نیو ایبل انرجی کی طرف جانا ہوگا، حکام وزارت موسمیاتی تبدیلی نے بتایا کہ 2030 تک 60٪ انرجی ری نیو ایبل ہوگی، ملک میں 2030 تک 30٪ ای وہیکلز ہونگے،لوکل سطح کے کوئلہ کو فروغ دیں گے، 2018 سے 2023 تک 4652 میگا واٹ ایڈ کیے، 68 فیصد اس میں ری نیو ایبل انرجی ہے،چین سے 12 ہزار میگاواٹ کے سولر پینل پاکستان آنے کی امید ہے ۔گذشتہ سال 5ہزار میگاواٹ کے سولر پینل درآمد ہوئے تھے ۔چیئرپرسن کمیٹی نے کہاکہ بھارت نے 19 سولر پارک بنا لیے ہیں، مارے پاس ایک قائد اعظم سولر پارک ہے

آئینی ترامیم میں کیا ہے؟مسودہ باغی ٹی وی نے حاصل کر لیا

عمران خان نے اشارہ کیا تو بنگلہ دیش کو بھول جاؤ گے،بیرسٹر گوہر کی دھمکی

ہوسکتا ہے جنرل فیض حمید اندر یہ گانا گا رہے ہوں کہ آ جا بالما تیرا انتظار ہے، خواجہ آصف

بل پیش کرنے سے پہلے کابینہ سے منظوری لازمی ہے،بیرسٹر گوہر

وفاقی حکومت کا علیحدہ آئینی عدالت کے قیام کا منصوبہ

پارلیمنٹ کو کوئی بھی آئینی ترمیم کرنے کا اختیار ہے،احسن بھون

لاہور:پاکستان کوکلئیر ویلفیئر آرگنائزیشن کا پہلا باضابطہ اجلاس،اہم فیصلے کئے گئے

پیدائشی سماعت سے محروم بچوں کے کامیاب آپریشن کے بعد”پاکستان زندہ باد” کے نعرے

گوجرانوالہ:وفاقی وزیرتوانائی انجینئرخرم دستگیر نے پریس کانفرنس کرتے ہوئے کہا ہے کہ پاکستان نے سولرپینل کی تیاری کیلئے خام مال کوڈیوٹی فری کیا،

وفاقی وزیرخرم دستگیر کا کہنا تھا کہ گزشتہ برس ملک میں بدترین سیلاب آیا،سیلاب سے پاکستان کو 30 ارب ڈالرکا نقصان ہوا ،روس یوکرین جنگ سے عالمی سطح پرتوانائی مہنگی ہوئی موجودہ حکومت نے مشکلات کے باوجود اچھا بجٹ پیش کیا ہے، پی ٹی آئی نے اپنے دورمیں سی پیک کومکمل طورپر مفلوج کیا،گزشتہ حکومت نے پاکستان میں نکلنے والے کوئلے سے استفادہ نہیں کیا،پی ٹی آئی نے ملک کی خارجہ پالیسی میں بدترین بگاڑ پیدا کیا،پاکستان کے قرضے میں پی ٹی آئی نے 90 فیصد اضافہ کیا،پی ٹی آئی نے اپنے دورمیں سولرپینل پر 17 فیصد ٹیکس عائد کیا تھا،

وفاقی وزیرخرم دستگیر کا کہنا تھا کہ 2019 میں آئی ایم ایف سے اس وقت کی حکومت نے بھیانک سودا کیا پھر بھیانک طریقے سے 2021 اسے میں توڑا، یکم جولائی سے سولر پینل کے خام مال کی امپورٹ مفت ہوجائے گی تھراب خواب نہیں حقیقت ہے ہم اب وہاں سے بجلی پیدا کررہے ہیں، نیوکلیئرسے بھی بجلی پیدا کر رہے ہیں بجلی کی قیمت میں کوئی اضافہ نہیں کیا گیا ہم نے اسے روکا ہوا ہے بجلی کی ترسیل میں بہت بڑی پیش رفت ہوئی ہے

جی ایچ کیو حملے میں پی ٹی آئی خواتین رہنماوں کا کردار,تحریک انصاف کی صوبائی رکن فرح کی آڈیو سامنے آئی ہے،

جناح ہاؤس لاہور میں ہونیوالے شرپسندوں کے حملے کے بارے میں اہم انکشافات

سیاسی مفادات کے لئے ملک کونقصان نہیں پہنچانا چاہئے

غیر ملکی سفارت خانوں نے اپنے شہریوں کو محتاط رہنے کی ہدایت کر دی 

جناح ہاؤس میں سب سے پہلے داخل ہونے والا دہشتگرد عمران محبوب اسلام آباد سے گرفتار 

وزیرِ اعظم شہباز شریف نے بلوچستان بالخصوص گوادر میں بجلی کے مسائل کے حل کیلئے بڑا اقدام اٹھا لیا

وزیرِ اعظم شہباز شریف کی زیرِ صدارت بلوچستان میں بجلی کی ٹرانسمیشن لائنز پر پیش رفت کا جائزہ اجلاس ہوا، اجلاس میں وفاقی وزراء احسن اقبال، انجنئیر خرم دستگیر، ڈی جی ایف ڈبلیو او میجر جنرل کمال اظفر اور متعلقہ اعلی حکام نےشرکت کی،اجلاس کو جیوانی، گوادر، پسنی، اورماڑا، پنجگور اور اور ایران کے درمیان بجلی کی ٹرانسمیشن لائنز کی تعمیر پر تفصیلی بریفنگ دی گئی.

اجلاس کو بتایا گیا کہ ٹرانسمیشن لائنز کے حوالے سے قلیل مدتی اور طویل مدتی منصوبوں کا اجراء کیا جا رہا ہے. چھ ماہ کے اندر حکومت گوادر کو ایران سے مزید 100 میگاواٹ بجلی فراہم کر سکے گی. اس سے بجلی کی مجموعی فراہمی 260 میگاواٹ جبکہ کھپت 236 میگاواٹ ہوگی. مزید یہ کہ خضدار پنجگور ٹرانسمیشن لائن کی دسمبر 2022 میں تکمیل کے بعد 90 میگاواٹ کا سسٹم میں مزید اضافہ ہوگا. اس منصوبے پر بھی کام تیزی سے جاری ہے. اسکے علاوہ حب اورماڑا ٹرانسمیشن لائن کی فیضیبلٹی تیاری کے مراحل میں ہے. اس ٹرامیشن لائن کی تکمیل کے بعد مزید 200 میگاواٹ سسٹم کو فراہم کر دیا جائے گا. وزیرِ اعظم شہباز شریف نے منصوبوں میں شفافیت لانے کی بھی ہدایت کی،

وزیرِ اعظم شہباز شریف نے گوادر میں گھریلو صارفین کو سولر پینل فراہم کرنے کا فیصلہ کیا ہے، وزیراعظم شہباز شریف کا کہنا تھا کہ گھریلو صارفین کو سولر پینلز کی فراہمی وفاقی حکومت کا گوادر کے لوگوں کو تحفہ ہو گا. اس حوالے سے 10 دن کے اندر لائحہ عمل پیش کیا جائے. وزیراعظم شہباز شریف نے ہدایت کی کہ گوادر میں بجلی کی فراہمی کیلئے فوری طور پر آف گرڈ نظام کا بھی جامع لائحہ عمل بنایا جائے.گوادر میں آف شور اور آن شور ونڈ پاور منصوبوں کیلئے بھی حکمتِ عملی بنائی جائے. جنوبی بلوچستان میں ٹرانسمیشن لائنز کے کام میں تیزی لا کے اسے رواں سال دسمبر میں مکمل کیا جائے.منصوبوں کی تکمیل میں دیر کسی قدر قابلِ قبول نہیں.متعلقہ محکمے یقینی بنائیں کہ طویل مدتی منصوبوں میں بھی وقت اور لاگت میں جس قدر ہو سکے کمی لائی جائے. حکومت کی ذمہ داری ہوتی ہے کہ وہ عوام کے پیسے کی بچت کرے اور اسکا صحیح استعمال یقینی بنائے. گوادر بندرگاہ کو دنیا کی جدید ترین بندرگاہ بنانے کیلئے بلاتعطل بجلی کی فراہمی یقینی بنائی جائے گی. گوادر کے لوگوں کو بنیادی سہولیات کی فراہمی تک چین سے نہیں بیٹھیں گے.

گوادر،غیر قانونی ماہی گیری بارے اجلاس میں ہوا بڑا فیصلہ

 بلاول بھٹو نے گوادر میں چینی شہریوں پر دہشت گرد حملے کی مذمت کی ہے

وزیراعظم کے دورہ گوادر سے قبل چیئرمین سی پیلک اتھارٹی کا خصوصی پیغام