Tag: سٹیٹ بینک آف پاکستان

واشنگٹن:بھارتی نژاد گیتا گوپی ناتھ آئی ایم ایف کی ڈپٹی منیجنگ ڈائریکٹرتعینات:پاکستان کومحتاط رہنے کی ضرورت
،اطلاعات کے مطابق بھارتی نژاد گیتا گوپی ناتھ کوعالمی مالیاتی ادارے آئی ایم ایف کا ڈپٹی منیجنگ ڈائریکٹر(اول ) تعینات کردیا گیا ہے ۔وہ آئندہ برس کے آغاز میں جیوفری ایکاموتو کی سبکدوشی پر عہدے کا چارج سنبھالیں گی۔

گیتا گوپی ناتھ اس وقت آئی ایم ایف کی چیف اکانومسٹ کی حیثیت فرائض انجام دے رہی ہیں ۔انہیں جنوری 2022 میں ہارورڈ یونیورسٹی میں اپنی تدریسی ذمے داریاں سنبھالنے واپس جانا تھا تاہم اب انہوں نے آئی ایم ایف کے ساتھ بطور ڈپٹی منیجنگ ڈائریکٹر (اول ) کے طور پر کام کرنے کا فیصلہ کیا ہے۔

آئی ایم ایف کی منیجنگ ڈائریکٹر کرسٹینا جارجیوا کا کہنا ہے کہ انہیں خوشی ہے کہ گیتا نے آئی ایم ایف میں رہنے کا فیصلہ کیا ہے اور وہ ڈپٹی منیجنگ ڈائریکٹر (اول) کی ذمے داری سنبھالنے پرآمادہ ہوگئی ہیں۔

کرسٹینا جارجیوا نے مزید کہا خاص طور پر یہ دیکھتے ہوئے کہ کرونا نے ہمارے رکن ممالک کو درپیش میکرو اکنامک چیلنجز کے پیمانے اور دائرہ کار میں اضافہ کیا ہے، میں سمجھتی ہوں کہ عالمی سطح پر معروف میکرو اکنامسٹ میں شمار کی جانے والی گیتا گپتا کے پاس بالکل وہی مہارت ہے جس کی ہمیں ڈپٹی منیجنگ ڈائریکٹر (اول) کے کردار کے لیے ضرورت ہے۔عالمی سطح کی میکرواکنامسٹ ہونے کے ساتھ ساتھ فنڈ میں بطور چیف اکنامسٹ کئی سال کا تجربہ انہیں منفرد طور پر اہل بناتا ہے اور وہ صحیح وقت پر صحیح شخص ہیں۔

بھارتی نژاد گیتا گوپی ناتھ نے اپنے ٹوئٹر ہینڈل پر اپنی نامزدگی کی خبر شیئر کرتے ہوئے لکھا کہ مجھے آئی ایم ایف کی ڈپٹی منیجنگ ڈائریکٹر (اول)بننے کا اعزاز حاصل ہورہا ہے۔فنڈز کا کام کبھی وبا کے دور سے زیادہ اہم نہیں رہا۔رکن ممالک کو درپیش چیلنجز کے مقابلے میں مدد فراہم کرنے کیلیے میں اپنے ساتھیوں کے ساتھ کام کرنے کی منتظر ہوں۔

دوسری طرف آئی ایم ایف نے پاکستان میں ریاستی خزانے کا مکمل کنٹرول حاصل کر لیا ہے – حکومت پاکستان اب ریاستی خزانے سے کسی بھی قسم کے قرضے بغیر مناسب عمل اور دستاویزات کے نہیں لے سکے گی۔ کاغذی کرنسی پرنٹ نہیں کر سکتے جیسا کہ ماضی میں ہو رہا تھا۔

اسٹیٹ بینک آف پاکستان کو اب گورنر اسٹیٹ بینک باقر رضا کی کمان سنبھالنے والی ایک خاتون بھارتی ڈپٹی منیجنگ ڈائریکٹر گیتا گوپی ناتھ کا سامنا کرنا پڑے گا جو کہ بھارتی مفادات کے تحفظ کی ضامن ہیں‌