Tag: سپریم کورٹ پرنسپل سیٹ اسلام آباد کیلئے آئندہ ہفتے کی کاز لسٹ اور ججز روسٹر جاری

سپریم کورٹ پرنسپل سیٹ اسلام آباد کیلئےآئندہ ہفتے کی کاز لسٹ اور ججز روسٹر جاری کر دیا گیا-

باغی ٹی وی : جاری روسٹر کے مطابق آئندہ ہفتے پرنسپل سیٹ پر صرف ایک بینچ مقدمات کی سماعت کرے گا،مذکوورہ بینچ چیف جسٹس گلزار احمد اور جسٹس قاضی محمد امین پر مشتمل ہوگا-

عید کی تعطیلات کے باعث پیر اور جمعہ کو مقدمات کی سماعت ہوگی،آئندہ ہفتے پرنسپل سیٹ پر معمول کے مقدمات زیر سماعت آئیں گے-

دوسری جانب سٹیٹ بینک آف پاکستان کی جانب سے عید الاضحیٰ کے ایام میں بینکوں کی تعطیلات کے حوالے سے جاری نوٹی فکیشن میں بتایا گیا ہے کہ پاکستان کے تمام نجی و سرکاری بینکس 20 جولائی بروز منگل سے 22 جولائی بروز بدھ تک بند رہے گے-

عیدالاضحیٰ سے قبل بینک پیر کے روز معمول کے مطابق صبح 9 بجے سے شام پانچ بجے تک عوام کے لیے کھلے رہیں گے تعطیلات کے بعد ملک بھر کے تمام بینکس 23 جولائی سے معمول کے مطابق کھلیں گے۔

یاد رہے کہ عید الاضحیٰ کی مناسبت سے حکومت نے 20 سے 22 جولائی تک پاکستان بھر میں سرکاری تعطیلات کا اعلان کیا ہے پاکستان سمیت دیگر ممالک میں مسلمان21 جولائی کو عیدالاضحیٰ منائیں گے جبکہ عرب ممالک میں 20 جولائی کو عید منائی جائے گی۔

حکومت کی جانب سے عید سے 1 روز قبل اور پہلے، دوسرے دن کی چھٹیاں دی گئیں ہیں جبکہ تیسرے دن سے تمام سرکاری و نجی دفاتر معمول کے مطابق کھلیں گے۔

سپریم کورٹ پرنسپل سیٹ اسلام آباد کیلئے آئندہ ہفتے کی کاز لسٹ اور ججز روسٹر جاری کر دیئے گئے-

باغی ٹی وی : تفصیلات کے مطابق آئندہ ہفتے 6 بینچ مقدمات کی سماعت کریں گے ، بینچ ایک چیف جسٹس گلزار احمد،جسٹس مظہر عالم اور جسٹس مظاہر علی اکبر نقوی پر مشتمل ہوگا-

بینچ دو میں جسٹس مشیر عالم،جسٹس سردار طارق اور جسٹس امین الدین خان شامل ہوں گے-

بینچ تین جسٹس عمر عطا بندیال،جسٹس منصور علی شاہ اور جسٹس منیب اختر پر مشتمل ہوگا-

بینچ چار میں جسٹس قاضی فائز عیسٰی اور جسٹس یحیٰی آفریدی شامل ہوں گے-

بینچ پانچ جسٹس مقبول باقر اور جسٹس قاضی محمد امین پر جبکہ بینچ چھ میں جسٹس اعجاز الاحسن اور جسٹس سجاد علی شاہ پر مشتمل ہو گا-

دوسری جانب سپریم کورٹ میں آئندہ ہفتے مختلف کیسز کی سماعت ہوگی-

اسلام آباد ہائیکورٹ کے سابق جج شوکت عزیز صدیقی کی برطرفی کیخلاف اپیل پر سماعت پیر کو ہوگی-

پیپلز پارٹی رہنما خورشید شاہ کے اہل خانہ کی ضمانت سے متعلق کیس کی سماعت بھی پیر کو ہوگی-

آصف علی زرداری اور فریال تالپور کیخلاف نیب ریفرنسز منتقلی کیس کی سماعت منگل کو ہوگی-

بھارت میں 11 پاکستانیوں کے قتل سے متعلق کیس کی سماعت جمعرات کو ہوگی-

جبکہ سپریم کورٹ میں اقلیتوں کے حقوق سے متعلق از خود نوٹس پر سماعت جمعہ کو ہوگی-