وزیر اعلیٰ مریم نواز شریف نے سپورٹس ایڈوائزری کونسل بنانے کا فیصلہ کیا ہے جس میں سابق کھلاڑی اور طلباء ممبر ہونگے۔وزیر اعلیٰ مریم نواز شریف نے پنجاب سپورٹس بورڈ کی تشکیل نو کا فیصلہ بھی کیا اور کھیلوں کے فروغ، ٹریننگ کے لئے ملکی وغیر ملکی کوچز کی خدمات حاصل کرنے کی ہدایت کی۔
وزیر اعلیٰ مریم نواز شریف کی زیر صدارت سپورٹس ڈیپارٹمنٹ کے حوالے سے اجلاس منعقد ہوا، جس میں 91 حلقوں میں ملٹی پرپز سپورٹس گراؤنڈز بنانے پر اتفاق کیا گیا۔ سپورٹس ڈیپارٹمنٹ میں پلاننگ اور دیگر ڈویلپمنٹ امور کے لئے سپیشل پلاننگ یونٹ بنے گا۔ اجلاس میں فیصلہ کیا گیا کہ گھوسٹ ملازمین کی شناخت کیلئے سپورٹس ڈیپارٹمنٹ میں بائیو میٹرک حاضری کی پابندی کو یقین بنایا جائے گا۔ وزیر اعلیٰ مریم نواز شریف نے وزیر کھیل اور سپورٹس ڈیپارٹمنٹ کی کاوشوں کو سراہا۔وزیر اعلیٰ مریم نوازشریف نے کہا کہ کھیلوں سے بہت لگاؤ ہے، زمانہ طالب علمی میں بیس بال ٹیم کی کپتان تھی۔ کھیلوں کی بحالی چاہتی ہوں اور بڑے پیمانے پر اقدامات کرنے کی ضرورت ہے۔نوجوانوں کے پاس مواقع کی کمی ہے اور نشہ کی طرف راغب ہورہے ہیں۔ نوجوان طبقے کے لئے کھیلوں کے انفراسٹرکچر کو فوری طور بحال کیا جائے۔ہاکی کے مقابلے کروائے جائیں، ہمارا قومی کھیل ہے۔ اجلاس میں انسٹیٹیوٹ آف سپورٹس سائنسز پنجاب کے قیام کی تجویز کا جائزہ لیا گیا۔مریم نواز شریف نے باسکٹ بال کو ٹیلنٹ ہنٹ پروگرام میں شامل کرنے کی ہدایت کی۔ اجلاس میں سپورٹس انڈوومنٹ فنڈ 2 ارب روپے سے قائم کیے گئے فنڈ کیلئے مزید 2 ارب روپے کی منظوری دی گئی۔ وزیر اعلیٰ پنجاب نے سپورٹس سہولیات کی حفاظت کیلئے مینٹیننس ڈیپارٹمنٹ بنانے کی ہدایت کی اور کہا کہ سپورٹس کی ترقی کیلئے جتنے پیسے چاہیے ہیں ملیں گے۔ صوبائی مشیر پرویز رشید نے کہا کہ پرائیویٹ سکولوں کے پاس جگہ کم تھی، گراؤنڈ نہ ہونے سے سکولوں سے کھیل ختم ہو گئے۔ سینئر صوبائی وزیر مریم اورنگزیب نے کہا کہ یو سی لیول پر بچوں کو کھیلوں کی سہولت ملنی چاہئے۔سیکرٹری سپورٹس نے محکمہ کی ورکنگ سے متعلق بریفنگ میں بتایا کہ نیشنل ہاکی سٹیڈیم کی ری ویمپنگ مکمل، جلد افتتاح ہوگا۔ موسم گرما کی چھٹیوں میں بچوں کیلئے سپورٹس کیمپس لگائے جائیں گے۔ سینئر صوبائی وزیر مریم اورنگزیب سابق سینیٹر پرویز رشید، صوبائی وزیراطلاعات عظمیٰ زاہد بخاری، صوبائی وزیر کھیل فیصل ایوب کھوکھر، ایم پی اے ثانیہ عاشق، سیکرٹری سپورٹس اور دیگر حکام نے شرکت کی.
وزیر اعلیٰ مریم نواز سے فارن کامن ویلتھ اینڈ ڈویلپمنٹ آفس کے وفد کی ملاقات،ہیلتھ، تعلیم اور دیگر شعبوں میں اشتراک کار پر اتفاق
وزیر اعلیٰ پنجاب مریم نواز شریف کی زیر صدارت فارن کامن ویلتھ اینڈ ڈویلپمنٹ آفس اور برطانیہ کے تعاون سے سی ایم اینی شیٹیو کے مجوزہ روڈ میپ کا جائزہ اجلاس منعقد ہوا جس میں ہیلتھ، تعلیم، سالڈ ویسٹ مینجمنٹ،موسمیاتی تغیرات، پینے کے صاف پانی کی فراہمی اور دیگر شعبوں میں اشتراک کار پر اتفاق کیا گیا۔اجلاس میں ائیر کوالٹی انڈیکس میں بہتری کے لئے پائیدار اقدامات کی ضرورت پر زور دیا گیا۔ وزیر اعلیٰ مریم نواز شریف نے سینئر صوبائی وزیر مریم اورنگزیب کوفوکل پرسن مقرر کر دیا۔ وزیر اعلیٰ مریم نوازشریف کے عوامی فلاح و بہبودکے ویژن کے مطابق اہداف کے حصول پربھی اتفاق کیا گیا۔ سروس ڈیلیوری اور گڈ گورننس کے اشاریے کی مانیٹرنگ کا فیصلہ کیا گیا۔ وزیر اعلیٰ پنجاب نے وفد کا خیر مقدم کیا اور پائیدار اقدامات کے لئے اشتراک کار کے جذبے کو سراہا۔ وزیر اعلیٰ مریم نواز شریف نے کہا کہ فارن کامن ویلتھ اینڈ ڈویلپمنٹ آفس کے ساتھ کام کرکے خوشی ہو گی۔صاف پانی، ویسٹ مینجمنٹ، ہیلتھ، ایجوکیشن سیکٹر میں بہت بہتری لانے کی ضرورت ہے۔ زیادہ وقت پائیدار ترقی کے ماڈل کی منصوبہ بندی پر صرف ہورہا ہے اورایک بھی دیہی صحت مراکز تسلی بخش نہیں۔ وزیر اعلیٰ مریم نواز شریف نے کہا کہ موبائل ہیلتھ یونٹس، کلینک آن وہیلز پروگرام لا رہے ہیں۔ ایف سی ڈی اوکے تعاون سے تعلیم اور صحت کے شعبہ میں نمایاں بہتری آئے گی۔ پنجاب میں ویسٹ مینجمنٹ کے نظام میں دیہات کو نظر انداز کیا گیا ہے۔ انہوں نے کہا کہ صوبے میں کوڑا اکٹھا کرنے کا مناسب سسٹم نہیں اور لینڈ فِل سائیٹس کی کمی ہے۔پورے صوبے کیلئے مئوثر اور پائیدار ویسٹ مینجمنٹ کا نظام لا رہے ہیں۔ترقی کے شارٹ ٹرم، میڈیم ٹرم اور لانگ ٹرم منصوبوں پر کام کر رہے ہیں۔وزیر اعلیٰ نے کہا کہ سموگ کے سدباب پرکام کرنے کی بہت ضرورت ہے۔ ماحولیاتی تحفظ کیلئے حکومت اقدامات کر رہی ہے۔ ماحول میں بہتری کے مطلوبہ نتائج حاصل کرنے میں وقت لگے۔پی ایم یو کو ری سٹرکچر کیا جائیگا۔ مانیٹرنگ کا مناسب نظام ہو گا تو منصوبوں کے مطلوبہ نتائج حاصل ہوں گے۔ مریم نواز شریف نے کہا کہ سوشو اکنامک رجسٹری پروگرام سے تمام آبادی کا ڈیٹا اکٹھا کیا جائے گا۔ سیکنڈری اور پرائمری سکولوں کے طلباء کیلئے فری کھانے کا پروگرام لا رہے ہیں۔ تعلیم کی کوالٹی اور ٹیچرز کی ٹریننگ پر کام کر رہے ہیں۔ وفد کو بریفنگ میں بتایا گیا کہ مستند ڈیٹا کی موجودگی میں بہتر انداز میں پراجیکٹ کو چلایا جا سکے گا۔ 2018 ء تک متعدد سکولوں میں بجلی، صاف پانی، واش رومز کی سہولیات فراہم کی گئیں۔ تعلیم، صحت اور سوشل پروٹیکشن کی سروس ڈیلیوری بہتر کرنے پر توجہ مرکوز ہے۔ بریفنگ میں بتایا گیا کہ ماحولیاتی تحفظ، ریونیو میں اضافہ سمیت دیگر سیکٹرز پر مزید کام کرنے کی ضرورت ہے۔ وفد نے یقین دہانی کرائی کہ گندم، مکئی اور گنے کی پیداوار میں اضافے کیلئے تعاون کریں گے۔ لوکل گورنمنٹ ریونیومیں 50 فیصد اضافے کے لئے اقدامات کے ضرورت ہے۔سکولوں میں بچوں کی انرولمنٹ بڑھانے، کوالٹی ایجوکیشن اور انفراسٹرکچر کی بہتری کیلئے مل کر کام کرنے پر اتفاق کیا گیا۔ سینئر صوبائی وزیر مریم اورنگزیب،صوبائی مشیرپرویز رشید، صوبائی وزیر سکول ایجوکیشن رانا سکندر حیات، صوبائی وزیرسپیشلائزڈ ہیلتھ کیئر اینڈ میڈیکل ایجوکیشن خواجہ سلمان رفیق،صو بائی وزیر پرائمری اینڈ سیکنڈری ہیلتھ کیئر خواجہ عمران نذیر، ایم پی اے ثانیہ عاشق،چیئرمین پی اینڈ ڈی، سیکرٹریزخزانہ،سپیشلائزڈ ہیلتھ کیئر، پرائمری اینڈ سیکنڈری ہیلتھ کیئر، سکولز یجوکیشن،پاپولیشن، جنگلات، توانائی، ماحولیات،ڈی جی پی ڈی ایم اے،سی ای او پی بی آئی ٹی،برطانیہ ہائی کمیشن سے زو ویئر – پولیٹیکل کونسلر،میٹ کلینسی – سینئر گورننس ایڈوائزر،نوید عزیز – سینئررسپونسیبل آفیسر ایس این جی پروگرام، کلارا اسٹرینڈوج – پنجاب میں برطانوی نمائندہ، مجیب خان -پروجیکٹ ڈائریکٹر ایس این جی،بلال راؤ – ڈیلیوری ایسوسی ایٹس اور دیگر حکام نے شرکت کی.
وزیراعلیٰ پنجاب اپنے بچوں کو کس کام سے منع کرتی ہیں؟ خود ہی بتا دیا
مریم نواز کا کوٹ لکھپت جیل کا دورہ، قیدی خواتین کے ساتھ روزہ افطار کیا
عوام کا حق ان کی دہلیز پر پہنچانا ہمارا فرض ہے، کسی پر احسان نہیں،مریم نواز
مریم نواز کا ”نیا پاکستان“ نامی ایک اکاؤنٹ کیخلاف قانونی کارروائی کا حکم
طلبہ کو نصابی کتابوں کی فراہمی میں تاخیر پر وزیر اعلیٰ مریم نواز کا اظہار برہمی
میرے قتل کی سپاری دی گئی ،شواہد موجود ہیں،شیر افضل مروت کا مریم نواز پر سنگین الزام
مجھے اپنی جماعت میں جگہ بنانے کیلئے بارہ برس بہت زیادہ محنت کرنا پڑی،مریم نواز
پاکستانیوں کو خادم مل گیا،وزیر اعلیٰ پنجاب مریم نواز شریف
عالمی یوم جنگلات ،پنجاب کی تاریخ کی سب سے بڑی شجرکاری مہم 2024 شروع
