کراچی کے علاقے گلشن حدید میں اسکول میں خواتین کی نازیبا ویڈیوز بننے کے کیس میں اہم پیش رفت ہوئی ہے، پولیس نے چار ماہ سے مفرور ملزم کاشف شاہ کو گرفتار کرلیا ہے۔
باغی ٹی وی : تفتیشی پولیس کا کہنا ہے کہ کاشف شاہ کا نام کیس میں شامل کیا گیا تھا، ملزم گرفتاری سے بچنے کے لیے مفرور ہو گیا تھا، ملزم کاشف شاہ مرکزی ملزم عرفان میمن کا برادر نسبتی ہےکاشف شاہ نے سی سی ٹی وی مکینک کے ساتھ مل کر خواتین کی ویڈیوز وائرل کی تھیں۔
پولیس نے ملزم سے تفتیش شرورع کردی ہے، مرکزی ملزم عرفان نے اعتراف کیا تھا کہ کاشف نے ویڈیو وائرل کی تھیں، تھانہ اسٹیل ٹاؤن میں ملزم عرفان میمن پر مقدمہ درج کیا گیا تھا۔
مخصوص نشستوں پر حلف نہ لینے کا معاملہ، اسپیکر اور ڈپٹی اسپیکر صوبائی اسمبلی کو …
واضح رہے کہ چند ماہ قبل سوشل میڈیا پر کچھ ویڈیوز وائرل ہوئی تھیں ، جس کے بعد تحقیقا ت کیں تو کراچی کی تاریخ میں نازیبا ویڈیوز کا ایک بڑا اسکینڈل بے نقاب ہوا تھا،سوشل میڈیا پر وائرل ہونے والی ان نازیبا ویڈیوز کی تحقیقات پولیس کو اسکول کے ایک پرنسپل تک لے گئی تھیں، اور گلشن حدید کے ایک نجی اسکول کے پرنسپل عرفان غفور کی گرفتاری عمل میں آئی تھی، جس کے بعد اب اس کے مفرور ساتھی کو بھی گرفتار کرلیا گیا۔