سکھر:سندھ:ہائی کورٹ نے تعلیمی اداروں کے سامنے دھرنا دینے یا احتجاج کرنے پر پابندی عائد کردی ،اطلاعات کے مطابق آج ایک اہم سماعت میں سندھ ہائی کورٹ سکھر بینچ نے تعلیمی اداروں کے سامنے دھرنا دینے یا احتجاج کرنے پر پابندی لگادی ہے ، عدالت نے اس فیصلے پرسختی سے عمل کرنے کی بھی ہدایات جاری کردیں‌

سکھر سے آمدہ اطلاعات میں بتایا گیا ہے کہ ہائی کورٹ نے گھوٹکی ٹیکنیکل کالج کے ملازمین اور انتظامیہ کی جانب سے دائر کردہ پٹیشنز کی سماعت کی۔ہائی کورٹ میں ہونے والی اس سماعت میں سندھ حکومت کی طرف سے ڈی آئی جی سکھر اور محکمہ تعلیم کے حکام سماعت پرعدالت میں پیش ہوئے۔

ہائی کورٹ میں کیس کی سماعت کے دوران کالج انتظامیہ نے عدالت میں کالج کے سامنے دیئے گئے دھرنے کی تصاویر پیش کردیں۔اس موقع پر سندھ ہائی کورٹ کے سکھربینج کی عدالت نے دھرنے کےدوران کالج کے مرکزی دروازے کوبند کرنے پر برہمی کا اظہار کیا۔

یہ بھی معلوم ہوا ہے کہ اس دوران جسٹس ظفر احمد راجپوت اور جسٹس شمس الدین عباسی پر مشتمل ڈویژنل بینچ نے فیصلہ سنایا۔عدالت نے سختی سے ہدایت کی کہ کسی بھی تعلیمی ادارے کو بند کرنے اور تعلیم کو متاثر کرنے کی اجازت نہیں دی جائے گی۔عدالت نے کہا کہ اگر ملازمین کی برطرفی کا معاملہ ہے تو وہ قانونی راستہ اختیار کریں۔

عدالت نے حکم دیا کہ کسی کو بھی تعلیم کو متاثر کرنے کی اجازت نہیں دی جائے گی اورانتظامیہ اس پابندی پرسختی سےعمل درآمد کرائے۔ڈی آئی جی جاوید جسکانی نے عدالت کو احکامات پر عمل کرانے کی یقین دہانی کرادی۔

دوسری طرف عوام الناس نے سندھ ہائی کورٹ کے اس فیصلے کو بہت سراہا ہے اور کہا ہے کہ اس فیصلے سے تعلیمی اداروں میں احتجاج کی روش میں کمی آئے گی اورمعاشرے میں اس سے بہتری آئے گی

جامشورو:سندھ کے ضلع جامشورو کےتعلقہ کوٹری میں زوردار دھماکےمیں ایک شخص جاں بحق ہوگیا ۔ تفصیلات کے مطابق کوٹری میں زوردار دھماکہ ہوگیا ہے جس کی آواز دور دور تک سنی گئی ہے جبکہ دھماکے میں ایک شخص جاں بحق بھی ہوگیا ہے۔

دھماکے کی جگہ پولیس، رینجرز پہنچ گئی اور بم ڈسپوزل اسکواڈ بھی طلب کر لی گئی ہے۔

کوٹری پولیس کا کہنا ہے کہ دھماکہ ڈپٹی کمشنر جامشورو کی آفیس کے سامنے ہوا ہے۔
انچارج بم ڈسپوزل اسکواڈ نے کہا کہ دھماکہ کس نوعیت کا ہے اور کتنا مواد استعمال ہوا ہے اس کا تعین کیا جارہا ہے۔

اپ ڈیٹ جاری ہے

وفاقی وزیر ہوابازی خواجہ سعد رفیق نےکراچی ائیرپورٹ اور سول ایوایشن ہیڈ کوارٹر کا دورہ کیا ،وفاقی وزیر نے کراچی ائیرپورٹ کی آپریشن میں توسیع اور سہولیات کی اپ گریڈیشن کا جائزہ لیا اور فیصلے کئے.وفاقی وزیر خواجہ سعد رفیق کو سول ایوی ایشن حکام کی جانب سے بریفنگ دی گئی.

اس موقع پر وفاقی وزیر نے مسافروں کی سہولت کی خاطر تمام اداروں کو یکساں چیکنگ کرنے کی ہدایت کی. خواجہ سعد رفیق نے سکھر ائیرپورٹ کو بین القوامی پروازوں کے موافق اپ گریڈ کرنے کی بھی ہدایت کی.

خواجہ سعد رفیق نے کہا کہ پی آئی اے کو کراچی تا سکھر تا اسلام آباد کے شیڈول کو مسافروں کی سہولت کی خاطر تبدیل کیا جائے،انہوں نے کہا کہ تمام ائیرپورٹ پراجیکٹس کوکمرشل بنیادوں پر تیار و مکمل کرنے کیا جائے.

قبل ازیں سول ایوی ایشن کے ملازمین نے ڈی جی سول ایوی ایشن کے خلاف ہیڈکوارٹر میں احتجاج کیا ،ملازمین کی جانب سے ڈی جی سی اے اے کے خلاف نعرہ بازی بھی کی. ملازمین کے احتجاج کے باعث وفاقی وزیر برائے ایوی ایشن خواجہ سعد رفیق سی اے اے ہیڈکوارٹر نہ پہنچ سکے.

ڈی جی سی اے اے، ایڈیشنل ڈی جی اور ڈپٹی ڈی جی اور تمام ڈائریکٹرز دفاتر چھوڑ کر ریلوے ہیڈ کوارٹر پہنچ گئے،ریلوے ہیڈکواٹر میں سی اے اے کے افسران وزیر ہوابازی و ریلوے کو شیڈول کی بریفنگ دی.زرائع کے مطابق سی اے اے کے ملازمین کی جانب سے بطور احتجاج فلائٹ آپریشنز معطل کرنے پر غورکیا جا رہا ہے.