Tag: سگریٹ

قومی اسمبلی اجلاس میں وفاقی وزیر دفاع خواجہ آصف نے اظہار خیال کرتے ہوئے کہا ہے کہ جس ملک میں ہزاروں ارب روپے کی چوری آمدن میں ہو بجٹ کہاں سے پیش ہو گا۔ ہمیں اس ٹیکس چوری کا مستقل حل تلاش کرنا ہو گا۔

وزیر دفاع خواجہ آصف کا کہنا تھا کہ ایسی یونیورسٹیاں ہیں جن کے وائس چانسلرز ریٹائرڈ ہونے کے باوجود اسٹے لے کر بیٹھے ہیں۔ ان جامعات کے وائس چانسلرز ارب پتی بن گئے ہیں۔ عدلیہ اس سارے جرم میں ملوث ہے۔ 2000 سے ذیادہ ایف بی آر کے کیسز عدالتوں میں زیر التوا ہیں۔ 70 فیصد آبادی تین وقت کا کھانا نہیں کھا سکتی۔ اس ملک کی اشرافیہ کیا کیا گل نہیں کھلا رہی  امیر آدمی کے لئے کوئی قانون قاعدہ نہیں ہے۔عام آدمی جیل میں ڈال دیا جاتا ہے۔ اس ملک کا ایک ایک بال قرضوں میں جکڑا ہے۔ لوٹ مار کا بازار گرم ہے ، کوئی پوچھنے والا موجود نہیں ہے۔

تمباکو پر ہیلتھ لیوی ٹیکس – ایک جائزہ ،تحریر: راجہ ارشد

ہیلتھ لیوی ،تحریر:ڈاکٹرغلام مصطفی بڈانی

ویسے تو ہیلتھ لیوی کی منظوری 2019جون میں ہوچکی ہے

تمباکو نوشی کسی بھی شکل میں ہو، صحت کے لئے مضر ہے، 

وزیر دفاع خواجہ آصف کا کہنا تھا کہ ہماری آمدن کا ذریعہ محصولات ہیں۔ رئیل اسٹیٹ میں 500 ارب کی ٹیکس چوری کی جاتی ہے،190 کی ڈکیتی میں ملک ریاض بھی شامل ہے، آپ اس کا نام کسی چینل پر نہیں لے سکتے۔ تمباکو کی صنعت کی دو کمپنیاں 240 ارب روپے کی ٹیکس چوری کر رہی ہیں،یہ مافیا اب پارلیمنٹ میں موجود ہے، یہ ممبران اسمبلی ہیں۔ اس سال کا بجٹ موجودہ حالات میں ریلیف دینے کی کوشش ہے یہ کیسی سازش ہے کہ ہر پتھر کے نیچے سے عمران کے سہولت کار نمودار ہوتے ،

وزیر دفاع خواجہ آصف کا کہنا تھا کہ ایک شخص چند ہزار آدمیوں کو لے کر ریاست کی رٹ کو چیلنج کرتا ہے۔نو مئی کو یہاں بغاوت ہوئی۔ ایک شخص نے اقتدار چھن جانے پر ریاست کو یرغمال بنانے کی کوشش کی۔ جی ایچ کیو، کور کمانڈر ہاؤس کے باہر تمہارے اپنے وزراء کھڑے تھے۔ کرنل شیر خان کی بھارت نے عزت کی، آپ نے اس کی یادگار کی توہین کی۔ 9 مئی کو پاکستان کے خلاف کتنی شدید نفرت کا اظہار کیا گیا۔ قوم کی ملکیت دفاعی اثاثوں پر حملہ کیا گیا۔

وزیر دفاع خواجہ آصف کا کہنا تھا کہ پاکستان کو زرمبادلہ مشرق وسطیٰ کے محنت کش بھیجتے ہیں۔ جو باتیں کرتے ہیں وہ یہاں آ کر اپنی جائیدادیں بیچ کر واپس چلے جاتے ہیں۔ یورپ میں جو رہتے ہیں وہ پاکستان کے خلاف سازشیں کرتے ہیں۔ ان لوگوں نے پاکستان آنا ہی نہیں ہے، غریب مزدوروں نے پاکستان آنا ہے۔کسی نے سابق وزیر اعظم کی محبت میں زرمبادلہ بھیجنا کم نہیں کیا۔

غیرسرکاری تنظیم کرومیٹک کی طرف سے ورلڈ نو ٹوبیکو ڈے کی مناسبت سے پوسٹ کارڈ سیزن 3 مقابلوں کا کامیاب انعقاد کیا گیا۔ پاکستان بھر سے نوجوانوں نے خوبصورت ڈرائنگ کے ذریعے تمباکو اشیاء کی بڑھتی ہوئی قیمتوں کے معاشرے پر مثبت اثرات کو اجاگر کیا۔ ملک بھر سے موصول ہونے والے ڈیزائنز میں سے 3 بہترین ڈایزائن بنانے والے نوجوانوں کو نقد انعامات دیئے گے۔

اس حوالے سے اسلام آباد کے ایک نجی ہوٹل میں ایک پروقار تقریب منعقد کی گئی جس کے مہمان خصوصی وزیرمملکت فیصل کریم خان کنڈی اور وفاقی پارلیمانی سیکرٹری برائے صحت ڈاکٹر شازیہ ثوبیہ اسلم سومرو تھے، تقریب میں سول سوسائٹی کے نمائندوں، طلباء اور صحافیوں نے بھرپور شرکت کی۔ اس موقع پر کرومیٹک کے چیف ایگزیکٹیو شارق خان نے پوسٹ کارڈ مقابلوں کی اہمیت اور نتائج کے حوالے سے شرکاء کو آگاہ کیا۔ شارق خان نے کہا کہ تمباکو نوشی کا بہت تیزی سے نوجوانوں میں پھیلنا تباہ کن ہے، ہمیں اپنی نسلوں کے بہتر مستقبل اور ان کی اچھی صحت کے لئے تمباکو نوشی کے خاتمے میں اپنا کردار ادا کرنا ہوگا اور اس حوالے سے حکومت پر بھاری ذمہ داری عائد ہوتی ہے۔ شارق خان نے تمباکو مصنوعات کی قیمتوں میں حالیہ اضافے کو برقرار رکھنے کی ضرورت پر زور دیتے ہوئے کہا کہ تمباکو مصنوعات مہنگی ہونے کے دورس مثبت نتائج سامنے آ رہے ہیں،انہوں نے کہا کہ کسی دبائو کو خاطر میں لائے بغیر صحت عامہ کے مفادات اور خاص طور پر نوجوانوں کو تمباکو کے ناسور سے بچانے کے لئے تمباکو مصنوعات پر فیڈرل ایکسائز ڈیوٹی سمیت دیگر ٹیکسز کو برقرار رکھنا اور تمباکو مصنوعات کی قیتموں میں اضافہ انتہائی ضروری ہے۔ شارق خان نے موجودہ حکومت کی طرف سے رواں سال فروری میں تمباکو مصنوعات پر فیڈرل ایکسائز ڈیوٹی کے نفاذ کو سراہتے ہوئے کہا کہ اس حکومتی فیصلے سے نہ صرف حکومتی آمدنی میں خاطر خواہ اضافہ ہوا بلکہ تمباکو مصنوعات مہنگے ہونے سے تمباکو نوشی کرنے والوں کی تعداد میں بھی کمی دیکھنے کو مل رہی ہے، شارق خان نے کہا کہ تمباکو کی مصنوعات پر ٹیکس بڑھانے سے نوجوانوں میں سگریٹ نوشی کے رجحان کو روکا جا سکتا ہے، شارق خان نے کہا کہ پاکستان جیسے غریب ملک میں تمباکو کے استعمال سے صحت عامہ پر آنے والے اخراجات معاشی چیلنج سے کم نہیں کیونکہ تمباکو پر خرچ ہونے والی رقم صحت عامہ کے منصوبوں، تعلیم اور دیگر منصوبوں پر خرچ کی جا سکتی ہے۔

تقریب کے شرکاء سے گفتگو کرتے ہوئے پاکستان ٹوبیکو کنٹرول سیل کے سابق ہیڈ ڈاکٹر ضیاء الدین اسلام نے کہا کہ پاکستان میں تمباکو کے استعمال سے پھیلنے والی بیماریوں کے نتیجے میں ہرسال ایک لاکھ ستر ہزار افراد موت کے منہ میں چلے جاتے ہیں جبکہ ملکی معیشت کو ہر سال 615 بلین روپے خسارے کا سامنا کرنا پڑتا ہے، تمباکو مصنوعات کی قیمتوں میں اضافہ نہ صرف ملکی معیشت کو سہارا دے سکتا ہے بلکہ اس سے تمباکو نوشی کے ناسور کو کم کرنے میں بھی مدد مل سکتی ہے۔ ڈاکٹر ضیاء الدین اسلام نے کہا کہ پاکستان میں روزانہ 6 سے 15 سال کے 12 سو بچے تمباکو نوشی شروع کرتے ہیں اور یہ تشویشناک صورتحال تقاضا کرتی ہے کہ حکومت تمباکو نوشی کے خلاف قوانین کو مزید سخت بنائے۔ ڈاکٹر ضیاء الدین اسلام نے تمباکو کی جدید مصنوعات شیشہ، ای سگریٹ اور نکوٹین پائوچز پر بھی فوری پابندی کا مطالبہ کرتے ہوئے کہا کہ یہ تاثر دیا جاتا ہے کہ سگریٹ کے متبادل اشیاء مضرصحت نہیں مگر حقیقت یہ ہے کہ شیشہ، نکوٹین پائوچز اور ای سگریٹ بھی روایتی سگریٹ ہی کی طرح خطرناک ثابت ہورہی ہیں اور نوجوان ان کے استعمال سے گلے اور پھیپھڑوں کی بیماریوں میں مبتلا ہو رہے ہیں۔ ڈاکٹر ضیاء الدین اسلام نے حکومت پر زور دیا کہ سگریٹ کے متبادل اشیاء کی فروخت پر فوری پابندی لگا کر نوجوانوں کے مستقبل کو محفوظ بنایا جائے۔ اس موقع پر خطاب کرتے ہوئے مسلم لیگ (ن) کی سنٹرل ورکنگ کمیٹی کی ممبر آمنہ حسن شیخ نے کہا کہ نوجوان ہمارا سرمایہ ہیں، نوجوانوں کے بہتر مستقبل کے لئے ضروری ہے کہ تمباکو نوشی کے ناسور کا معاشرے سے خاتمہ کیا جائے۔ آمنہ حسن شیخ نے کہا کہ بچوں کو تمباکو نوشی سے محفوظ بنانے میں والدین کو بھی اپنی ذمہ داری ادا کرنا ہوگی۔ تقریب تقسیم انعامات کے شرکاء سے خطاب کرتے ہوئے معروف صحافی عامر رفیق بٹ نے کہا کہ تمباکو نوشی کے خاتمے میں میڈیا کے کردار سے انکار ممکن نہیں، انہوں نے اس امر کی ضرورت پر زور دیا کہ سوشل میڈیا سمیت دیگر پلیٹ فارمز پر تمباکو مصنوعات کی حوصلہ شکنی کی جائے، انہوں نے اس عزم کا اظہار کیا کہ تمباکو نوشی کے خاتمہ کے لئے نیشنل پریس کلب ہر طرح سے اپنا کردار ادا کرتا رہے گا۔ تقریب کے شرکاء سے بات چیت کرتے ہوئے وزیراعظم کے خصوصی مشیر فیصل کریم کنڈی نے پوسٹ کارڈ سیزن 3 مقابلوں میں حصہ لینے والے نوجوانوں کی صلاحیتوں کو سراہا، انہوں نے کہا کہ ملک میں روزانہ 12 سو بچوں کا سگریٹ شروع کرنا تشویش ناک بات ہے، ساتھ ہی فیصل کریم کنڈی نے اس بات پر بھی افسوس کا اظہار کیا کہ سگریٹ کے کاروبار سے وابستہ افراد مختلف طریقوں سے نوجوانوں کو سگریٹ نوشی اور تمباکو کی دیگر جدید مصنوعات کی طرف راغب کررہے ہیں جس کی روک تھام بہت ضروری ہے۔ تقریب کے شرکاء سے خطاب کرتے ہوئے وفاقی پارلیمانی سیکرٹری برائے صحت ڈاکٹر شازیہ ثوبیہ سومرو نے کرومیٹک کی طرف سے پوسٹ کارڈ سیزن 3 مقابلوں کے کامیاب انعقاد پر کرومیٹک کی پوری ٹیم کو مبارکباد دی، انہوں نے کہا کہ نوجوان کسی بھی قوم کا سرمایہ ہوتے ہیں اس لئے ان کی اچھی صحت اور عادات کے بارے میں فکرمند ہونا ایک فطری عمل ہے، انہوں نے کہا کہ سگریٹ نوشی نوجوان نسل کو دیمک کی طرح چاٹ رہی ہے جس کے خلاف نوجوانوں کو خود کھڑا ہونا ہوگا۔ ڈاکٹر شازیہ ثوبیہ سومرو نے اس عزم کا اظہار کیا کہ صحت عامہ کے حوالے سے اقدامات حکومتی ترجیحات میں شامل ہیں اور وہ نوجوانوں کو تمباکو نوشی سے محفوظ بنانے کے لئے ہرفورم پر اپنا بھرپور کردار ادا کریں گی۔

انہوں نے پوسٹ کارڈ مقابلوں میں نوجوانوں کی پاکستان بھر سے بھرپور شرکت اور اس ایونٹ کی کامیابی کو سراہتے ہوئے امید ظاہر کی کہ ایسے مقابلوں کا انعقاد تمباکو نوشی کے خلاف آگاہی فراہم کرنے کے ساتھ نوجوانوں کو اس لعنت سے محفوظ بنانے میں مددگار ثابت ہوں گے۔

” ہیلتھ لیوی کے نفاذ میں تاخیر کیوں” تحریر: افشین

تمباکو جیسی مصنوعات صحت کی خرابی اور پیداواری نقصان کا سبب بنتی ہیں

ویسے تو ہیلتھ لیوی کی منظوری 2019جون میں ہوچکی ہے

ہیلتھ لیوی ،تحریر:ڈاکٹرغلام مصطفی بڈانی

تمباکو پر ہیلتھ لیوی ٹیکس – ایک جائزہ ،تحریر: راجہ ارشد

سینیٹ کی قائمہ کمیٹی برائے منصوبہ بندی و ترقی کا اجلاس چئیرمین کمیٹی سینیٹر عطاء الرحمن کی زیرصدارت پارلیمنٹ ہاوس میں ہوا-این ایل سی حکام کی جانب سے کمیٹی کو این ایل سی کی کارکردگی اور آپریشنل مکینزم پر تفصیلی بریفنگ دی گئی-

کمیٹی اجلاس کے آغاز میں چئیرمین کمیٹی نے حالیہ طورخم سلائنڈنگ سانحے کی فوٹیج میں سیمنٹ کی بوریوں میں چینی افغانستان اسمگل کرنے کا معاملہ اٹھایا-این ایل سی حکام نے بتایا کہ اس حوالے سے ہم تردیدی پریس ریلیز جاری کرچکے ہیں جبکہ معاملے کی جانچھ کی جارہی ہے-این ایل سی حکام نے بتایا کہ 2008 میں یو این، آئی ایس اے ایف کے دور میں این ایل سی کو مزید فعال بنایا گیا-علاقائی روابط کو بڑھا کر دیگر ممالک تک رسائی حاصل کرنے کیلئے کوشش کر رہے ہیں -حکام نے بریفنگ دیتے ہوئے بتایا کہ اس وقت واہگہ، جمرود، چمن، طورخم، تافتان، خرلاچی اور غلام خان بارڈر ٹرمینلز مکمل طور پر آپریشنل ہیں جبکہ انگور اڈا،گبد،خنجراب،بادینی اور مند بارڈر ٹرمینلز کو آپریشنل کرنے کیلئے منصوبہ بندی کی جا رہی ہے-انہوں نے مزید بتایا کہ انگور اڈا اور گبد بارڈر ٹرمینلز کیلئے ایف بی آر نے پی سی-ون پراسس کر لیا ہے اور وزارت منصوبہ بندی اس کی منظوری دے گا-ان کا کہنا تھا کہ مند بارڈر ٹرمینل کیلئے 55 ایکڑ کی زمین حاصل کرنے میں مسائل سامنے آرہے ہیں جس کے حصول کیلئے کوشش کی جا رہی ہے-انہوں نے بتایا کہ خنجراب میں چین کے ساتھ کوئی بارڈر ٹرمینل فلحال آپریشنل نہیں ہے لیکن ہم نے تجویز دی ہے کہ خنجراب میں بارڈر ٹرمینل آپریشنل ہو تاکہ درآمداد/برآمداد میں اضافہ ہو-اس حوالے سے سیکریٹری وزارت منصوبہ بندی نے بتایا کہ کرونا وبا کے باعث یہ ٹرمینل بند ہوگیا تھا لیکن اب اس حوالے سے چین سے بات ہوگئی ہے-انہوں نے کہا کہ سمری وزارت کو بھجوائیں تاکہ خنجراب بارڈر ٹرمینل کو جلد آپریشنل بنا کر ٹریڈ فعال ہوسکے-

سینیٹر نزہت صادق کے سوال کے جواب میں حکام نے بتایا کہ بارڈر ٹرمینلز پر کلئیرنس میں زیادہ سے زیادہ 24-48 گھنٹے لگتے ہیں -انہوں نے بتایا کہ تافتان پر 20 اسٹیشنز جبکہ چمن پر ایک ہی اسٹیشن ہے-پاکستان میں تمام ٹرمینلز سے روزانہ 2100-2200 گاڑیاں آتی جاتی ہیں -حکام نے مزید بتایا کہ کچھ ٹرمینلز کی آپگریڈیشن کیلئے 29 ارب روپے چاہئے جس کیلئے وزارت کو سمری بھیجی ہے جس پر سیکریٹری وزارت منصوبہ بندی کا کہنا تھا کہ معاشی حالات کو مدنظر رکھتے ہوئے 29 ارب روپے بہت زیادہ ہیں اس کو کم کردیں –

سینیٹر محمد شفیق ترین کا کہنا تھا کہ این ایل سی کا کام لاجسٹک کا تھا لیکن اب دیگر بزنسز میں بھی آگئی ہے-سینیٹرز شفیق ترین اور اعجازچودھری نے پوچھا کہ این ایل سی کے وسائل اور کاروبار کتنے ہیں اور ان کا دائرہ اختیار کیا ہے-جس پر چئیرمین کمیٹی نے اگلی میٹنگ میں ڈی جی این ایل سی کو طلب کرتے ہوئے این ایل سی کے وسائل، ذرائع آمدن، اخراجات، ان کے کاروبار سے متعلق تفصیلی بریفنگ بھی طلب کرلی-قائم مقام ڈی جی این ایل سی نے بتایا کہ این ایل سی اربوں روپے کا ٹیکس دینے کے ساتھ ساتھ ملک میں ٹرانسپورٹیشن، ٹریڈکے نظام کو مزید موثر بنانے کیلئے کوشاں ہے-

حکام این ایل سی نے مزید بتایا کہ افغانستان میں موجود ہینڈلرز چھوٹے بچوں کو استعمال کرتے ہوئے ان کو تھوڑا سامان دے کر سمگل کراتے ہیں اور یہ بچے گاڑیوں کی مختلف جگہوں میں چھپے ہوتے ہیں کچھ اسی کوشش میں ہلاک بھی ہو جاتے ہیں -انہوں نے سفارش کی کہ دونوں ممالک کی معاشی حالت کو دیکھتے ہوئے پاکستان اور افغانستان دونوں اطراف سے اس کو لیگل کیا جائے کہ یہ بچے اپنے ساتھ 5-10 کلو سامان ساتھ لے جا سکتے ہوں -کمیٹی نے سفارش منظور کرتے ہوئے حکام کو کہا کہ وہ کمیٹی کو سفارشات لکھ کر دے دیں تو اس معاملے کو متعلقہ حکام اور دیگر اسٹیک ہولڈرز کے ساتھ اٹھائیں گے-کسٹم حکام نے بتایا کہ ایک دن میں یہ بچے غیر قانونی طور پر تقریبا 2 کروڑ کی سگریٹ سمگل کرتے ہیں -600-700 بچے ہوتے ہیں جن کے ہینڈلرز افغانستان میں بیٹھے ہوتے ہیں -چئیرمین کمیٹی نے یقین دہانی کرائی کہ اس معاملے کو ایف بی آر، وزارت داخلہ، وزارت خارجہ کے ساتھ اٹھائیں گے-بارڈر ٹرمینلز کا مشاہدے کرنے اور زمینی حقائق دیکھنے کیلئے کمیٹی نے طور خم پر بارڈر ٹرمینل کا دورہ کرنے کا بھی فیصلہ کیا-

تمباکو پر ہیلتھ لیوی ٹیکس – ایک جائزہ ،تحریر: راجہ ارشد

ہیلتھ لیوی ،تحریر:ڈاکٹرغلام مصطفی بڈانی

ویسے تو ہیلتھ لیوی کی منظوری 2019جون میں ہوچکی ہے

تمباکو جیسی مصنوعات صحت کی خرابی اور پیداواری نقصان کا سبب بنتی ہیں

” ہیلتھ لیوی کے نفاذ میں تاخیر کیوں” تحریر: افشین