Tag: سہولیات

لاہور ایئر پورٹ پر مسافروں کو سہولیات دینے کے دعوے جھوٹے نکلے، مسافروں کے لئے ایک کاؤنٹر،مسافر خوار ہونے لگے

وفاقی وزیر داخلہ محسن نقوی کے احکامات بھی ہوا میں اڑا دیئے گئے،لاہور ایئر پورٹ پر مسافروں کے لئے سہولیات کے حوالہ سے ایک ویڈیو سامنے آئی ہے جس میں ایک مسافر جو لاہور ایئر پورٹ پر ہیں وہ ویڈیو میں کہتے ہیں کہ 5 کاؤنٹر ہیں لیکن جب اندر آتے ہیں تو ایک ہی کاؤنٹر ہے، دو چار ہزار بندہ جو ایئر پورٹ پر آ رہا ہے وہ کہیں اور نہیں جا سکتا، اس نے اسی کاؤنٹر پر ہی آنا ہے، شہریوں کا ایک کاؤنٹر ہونے کی وجہ سے وقت ضائع ہوتا ہے، ویڈیو میں دیکھا جا سکتا ہے کہ ایئر پورٹ پر مسافروں کی لائنیں لگی ہوئی ہیں جوامیگریشن کے لئے کاؤنٹر پر کھڑے ہیں.

لاہور ایئر پورٹ پر مسافروں کے لئے امیگریشن کاؤنٹر بڑھانے کا شہریوں نے مطالبہ کیا اور کہا کہ حکام کو چاہئے کہ کاؤنٹر میں اضافہ کیا جائے،تا کہ مسافروں کا وقت ضائع نہ ہو ،

واضح رہے کہ رواں برس ماہ مئی میں وفاقی وزیرداخلہ محسن نقوی اور وزیر ایوی ایشن خواجہ آصف نے لاہورائیرپورٹ کا دورہ کیا تھا ،اس دوران وفاقی وزرا نے لاہور ائیرپورٹ پر مسافروں کے لیے موجود سہولتوں پر عدم اطمینان کا اظہار کیا تھا، وفاقی وزرا نے متعلقہ حکام کو مسافروں کیلئے سہولیات بڑھانےکیلئے ضروری ہدایات دی تھیں،زیرداخلہ محسن نقوی نے بیرون ملک آمد اور روانگی ٹرمینل پر امیگریشن کےکاؤنٹرز میں اضافے کا حکم دیتے ہوئے کہا کہ مسافروں کو انتظار سے بچانے کیلئے فوری امیگریشن کاؤنٹرز بڑھائے جائیں

وزیر داخلہ اور وزیر ایوی ایشن کے ایئر پورٹ کے دورے کو چار ماہ گزر گئے ابھی تک حکام نے ایئر پورٹ پر مسافروں کو سہولیات نہیں دیں، جس کی وجہ سے مسافروں کو پریشانی کا سامنا کرناپڑتا ہے.

وزیرداخلہ محسن نقوی کا ضرار شہید روڈ کینٹ کے نادرا سنٹر کا دورہ

پاسپورٹ آفس کی دیواریں بھی پیسے مانگتی ہیں،شہریوں کی وزیر داخلہ سے شکایت

بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو

بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا

بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

سماعت سے محروم بچوں کے لئے بڑی خوشخبری

پولیس وردی پہننے پر وزیراعلیٰ پنجاب کیخلاف مقدمہ کی درخواست

جیل میں قید قیدیوں نے عمران خان کو ملنے والی سہولیات کا مطالبہ کر دیا ،کہا جو سہولیات عمران خان کو جیل میں دی گئی ہیں وہ ہمیں بھی دی جائیں، قیدیوں نے آئی جی جیل کو خط لکھ دیا ہے

پنجاب کی جیلوں میں قید قیدیوں کی جانب سے آئی جی جیل خانہ جات کو خط لکھا گیا ہے جس میں کہا گیا ہے کہ جو سہولیات عمران خان کو دی گئی ہیں،ہمیں بھی عمران خان کو اڈیالہ جیل میں حاصل مراعات جیسی سہولیات فراہم کی جائیں،جیل قوانین کے مطابق اعلیٰ درجے کےقیدیوں کو ایک ہفتے میں 2ملاقاتوں کی اجازت ہے، اسلام آباد ہائیکورٹ کی جانب سے حکم کے بعد بانی پی ٹی آئی کو ملاقات کی سہولت دی،عمران خان کو ایک دن میں 6سے زائد ملاقاتیں کرنے کی اجازت دی گئی ہے،عمران خان کو جیل میں ایکسائز کرنے کیلئے مخصوص سائیکل بھی فراہم کی گئی ہے،عمران خان کو جیل میں مراعات کی فراہمی قیدیوں کیساتھ امتیازی سلوک کی واضح مثال ہے،عمران خان کو آن لائن میٹنگ کی بھی سہولت حاصل ہے جو کہ جیل قوانین کی خلاف ورزی ہے،جو سہولیات عمران خان کو دی گئی ہیں وہ دوسرے قیدیوں‌کو کیوں نہیں فراہم کی جا رہیں، ہمیں بھی دی جائیں اور امتیازی سلوک کا خاتمہ کیا جائے.

عمران خان سے ملاقات،جیل حکام ،وکلا کو میکنزم بنانے کی ہدایت

 بنی گالہ میں سارے سودے ہوتے تھے کہا گیا میرا تحفہ میری مرضی

عمران خان جیل میں شاہانہ زندگی گزار رہے ہیں، وفاقی وزیر اطلاعات

عمران خان سے ملاقات نہ کرانے پر توہین عدالت کی درخواست، نوٹس جاری

اب بتا رہا ہوں پاکستان میں سری لنکا والا کام ہونے جا رہا ، کوئی ڈیل کی بات نہیں ہو رہی، عمران خان

 اڈیالہ جیل راولپنڈی، میانوالی،اٹک اور ڈی آئی خان کی جیلوں میں حفاظتی انتظامات مزید مؤثر 

سکیورٹی اہلکار اب عمران خان کی ملاقاتوں کے دوران ہونے والی گفتگونہیں سن سکیں گے

سیاسی معاملات اندرونی معاملہ ،مداخلت نہیں کرتے، عمران خان کے خط پر آئی ایم ایف کا ردعمل

عمران خان اور بشریٰ بی بی کی ملاقات سے متعلق سپرنٹنڈنٹ جیل آرڈر پاس کرے۔ اسلام آباد ہائی کورٹ

واضح رہے کہ عمران خان گرفتار ہیں اور اڈیالہ جیل میں قید ہیں،عمران خان کو توشہ خانہ کیس میں سزا سنائے جانے کے بعد زمان پارک سے گرفتار کیا گیا تھا، عمران خان کو پہلے اٹک جیل پھر اڈیالہ منتقل کیا گیا تھا، توشہ خانہ کیس کی سزا عدالت نے معطل کر دی ہے تا ہم سائفر کیس اور دوران عدت نکاح کیس میں بھی عدالت نے عمران خان کو سزا سنا رکھی ہے جس کے خلاف اپیلیں زیر سماعت ہیں.

سابق چیئرمین پی ٹی آئی عمران خان کو 7 سیلز پر مشتمل سیکیورٹی وارڈ میں رکھا گیا ہے، جس میں سے 2 سیل سابق چیئرمین پی ٹی آئی کے زیر استعمال ہیں، باقی کے 5 سیل سیکورٹی کی وجوہات کی بنا پر بند رکھے گئے ہیں، ان سیلز کے صحن کو سابق چیئرمین پی ٹی آئی چہل قدمی کے لیے استعمال کرتے ہیں، بانی تحریک انصاف کے سیل تک رسائی بہت محدود ہے، کوئی بھی شخص بغیر اجازت وہاں تک نہیں پہنچ سکتا، سابق چیئرمین پی ٹی آئی کے وارڈ کی حفاظت کے لیے پیشہ ور تربیت یافتہ افراد معمور ہیں، اڈیالہ جیل میں 10 قیدیوں پر ایک اہلکار تعینات ہے، جبکہ سابق چیئرمین پی ٹی آئی کی سیکورٹی کے لیے 15 اہلکار تعینات ہیں، جن میں دو سیکیورٹی افسران بھی شامل ہیں، 3 اہلکار سابق وزیراعظم عمران کی سیکیورٹی کیلئے لگائے گئے سی سی ٹی وی کیمروں پر مامور ہیں۔ چیئرمین پی ٹی آئی کی سیکورٹی پر ماہانہ 12 لاکھ روپے کا خرچ آتا ہے، جبکہ کیمروں پر 5 لاکھ روپے کا خرچ آیاہے، سابق چیئرمین پی ٹی آئی کے کھانے کے لیے اسپیشل قواعد و ضوابط تشکیل دیے گئے ہیں، صحت افزا کھانا مہیا کیا جاتا ہے جوکہ ایک اسپیشل کچن میں بنتا ہے،بانی تحریک انصاف کا کھانا اسسٹنٹ سپرنٹنڈنٹ جیل کی نگرانی میں تیار کیا جاتا ہےانہیں کھانا فراہم کرنے سے قبل ایک میڈیکل افسر یا ڈپٹی سپرنٹنڈنٹ جیل اس کا معائنہ کرتا ہے، جیل کے میڈیکل افسر کے علاوہ راولپنڈی کے ایک ہسپتال کے 6 میڈیکل افسران بھی سابق چیئرمین پی ٹی آئی کے میڈیکل ٹریٹمنٹ کیلئے تعینات ہیں، راولپنڈی کے ایک دوسرے ہسپتال کے اسپیشلسٹ کی ٹیم جیل کا ہفتہ وار دورہ بھی کرتی ہے ، اسپیشلسٹ کی ٹیم ضرورت پڑنے پر عمران خان کا چیک اپ کرتی ہے،عمران خان کو جیل میں ورزش کے لیے مشین اوردیگر اشیا فراہم کی گئی ہیں، ملاقات کے لئے آنے والوں کے حوالے سے ب بھی اہم قوائد وضوابط بنائےگئےہیں، عمران خان کے جیل ٹرائل کے دوران، ایک جامع سیکورٹی پلان پر عملدرآمد کیا جاتا ہےاڈیالہ جیل کی حفاظت کے لیےپولیس، رینجرزسمیت مختلف محکمے فرضی مشقیں بھی کرتے ہیں اڈیالہ جیل کی جانب جانے والے روڈ پر پولیس کی اضافی نفری تعینات ہے، جبکہ جیل کے ارد گرد رینجرز اور ایلیٹ فورس کے اہلکار گشت بھی کرتے ہیں۔

پاکستان تحریک انصاف کے صدر چوہدری پرویز الہٰی نے جیل میں سہولیات کی فراہمی کے لیے لاہور ہائیکورٹ میں درخواست دائر کردی۔

سابق وزیراعلیٰ پنجاب چوہدری پرویز الہٰی کی جانب سے دائر درخواست میں نگراں پنجاب حکومت، ایڈیشنل چیف سیکرٹری ہوم، آئی جی جیل خانہ جات اور جیل سپرنٹنڈنٹ کو فریق بنایا گیا ہے،درخواست میں مؤقف اختیار کیا گیا کہ درخواست گزار کی عمر 78 سال ہے جو دل کے عارضے میں مبتلا ہے، طبی مسائل کے باوجود گھر کا کھانا نہیں دیا جا رہا، جیل حکام نے سہولیات کی فراہمی کا یقین دلایا تھا، مگر جیل میں ائر کنڈیشنڈ سمیت کوئی سہولت مہیا نہیں کیا جا رہی۔

درخواست میں استدعا کی گئی کہ عدالت جیل میں سہولیات کی فراہمی کے احکامات جاری کرے اور سہولیات کی فراہمی کے جائزہ کے لیے کمیشن تشکیل دے، کمیشن کو جیل میں ہفتہ وار دورہ کرکے رپورٹ پیش کرنے کا حکم دیا جائے۔

پاکستان کی خاطر بھرپور توانائی کے ساتھ میدان میں اتریں گے،بابر اعظم

یاد رہے کہ چوہدری پرویز الہیٰ کے خلاف پنجاب اسمبلی میں غیرقانونی بھرتیوں کا کیس چل رہا ہے اور اسی کیس میں وہ گرفتار ہیں۔ سابق وزیراعلیٰ اب تک چیئرمین پی ٹی آئی کے ساتھ کھڑے ہیں جبکہ تحریک انصاف کے دیگر اہم رہنما پارٹی چھوڑ چکے ہیں تاہم اب پرویز الہیٰ سے متعلق بھی دعوے کیے جارہے ہیں کہ وہ واپس مسلم لیگ (ق) میں چلے جائیں گے۔

طیاروں سے پرندے ٹکرانے کے واقعات میں مسلسل اضافہ

صوبائی وزیر خواجہ سلمان رفیق طبی سہولیات کاجائزہ لینے اچانک ڈسٹرکٹ ہیڈ کوارٹرز ہسپتال قصورپہنچ گئے۔ صوبائی وزیر نے ڈی ایچ کیوہسپتال قصورمیں ایمرجنسی اور آپریشن تھیٹرزسمیت دیگرشعبہ جات کا دورہ کرکے مریضوں کی عیادت کی۔ خواجہ سلمان رفیق نے صفائی ستھرائی سمیت ادویات کی فراہمی کا جائزہ لیا۔

ایم ایس ڈی ایچ کیوہسپتال قصور ڈاکٹرنیازاحمدنے صوبائی وزیر خواجہ سلمان رفیق کو مریضوں کو دی جانے والی طبی سہولیات کی تفصیلات سے آگاہ کیا۔ صوبائی وزیر ڈاکٹرزکی غیرحاضری پر برہم ہوگئے۔ خواجہ سلمان رفیق نے ڈاکٹرزکی حاضری سمیت دیگرمسائل حل کرنے کیلئے وارننگ دے دی۔ خواجہ سلمان رفیق نے ڈی ایچ کیوہسپتال قصور میں بجلی کی فراہمی کو یقینی بنانے اور منصوبوں کی تکمیل کیلئے لیسکواور سی اینڈڈبلیوکے افسران کو ہدایات بھی جاری کیں۔

صوبائی وزیر خواجہ سلمان رفیق کا کہنا تھا کہ ڈی ایچ کیوہسپتال قصور میں کسی مریض کو پریشانی نہیں ہونی چاہئے۔ پنجاب کے سرکاری ہسپتالوں میں صفائی ستھرائی کے انتظامات میں کسی قسم کی کوتاہی برداشت نہیں ہوگی۔ پنجاب کے سرکاری ہسپتالوں کے ایم ایس حضرات مریضوں کے بہترعلاج معالجہ کو یقینی بنائیں۔ وزیراعلی پنجاب حمزہ شہباز کی ہدایت پر صوبہ کے سرکاری ہسپتالوں میں مریضوں کو صحت کی بہترسہولیات فراہم کریں گے۔

خوا جہ سلمان رفیق نے کہا کہ پنجاب کے سرکاری ہسپتالوں میں آنے والے مریضوں کیلئے آسانیاں پیداکی جائیں۔ پنجاب کے مختلف سرکاری ہسپتالوں کے سرپرائز دورے جاری رہیں گے۔

قبل ازیں صوبائی وزیر خواجہ سلمان رفیق نے کنگ ایڈورڈمیڈیکل یونیورسٹی میں ”نرسزڈے“سیمینارمیں بطورمہمان خصوصی شرکت کی۔وائس چانسلر کنگ ایڈورڈمیڈیکل یونیورسٹی پروفیسرڈاکٹرخالدمسعود گوندل اور فیکلٹی ممبران نے صوبائی وزیر کا پھولوں کے گلدستے پیش کرکے خوش آمدید کہا۔

صوبائی وزیر خواجہ سلمان رفیق نے کنگ ایڈورڈمیڈیکل یونیورسٹی میں خواتین کیلئے خصوصی طورپربنائی گئی مسجد کادورہ بھی کیا۔اس موقع پر پرووائس چانسلر پروفیسرڈاکٹر اعجازحسین،ڈی جی نرسنگ،ایڈیشنل سیکرٹری نرسنگ ڈاکٹرقرۃ العین،رجسٹرار ڈاکٹرریاست علی،پروفیسربلقیس شبیر،پروفیسرسائرہ افضل،پروفیسرثاقب سعید،ایم ایس مئیوہسپتال ڈاکٹرمنیراحمد ملک، پروفیسرابراراشرف ودیگرتمام فیکلٹی ممبران نے بھی شرکت کی۔

صوبائی وزیر خواجہ سلمان رفیق نے کہاکہ وزیراعظم شہبازشریف اور وزیراعلی پنجاب حمزہ شہباز دن رات ملک و قوم کی خدمت کررہے ہیں۔ مثبت پالیسیوں کے تسلسل کے ثمرات عوام تک ضرورپہنچتے ہیں۔ مہذب معاشرے نفرت نہیں بلکہ یگانگت کی بنیاد پرچلتے ہیں۔ کنگ ایڈورڈ میڈیکل یونیورسٹی میں ٹیلی میڈیسن کا شعبہ بہترین خدمت کررہاہے۔

خواجہ سلمان رفیق نے کہاکہ پنجاب کے سرکاری ہسپتالوں کادورہ کرکے مریضوں کیلئے صحت کی بہتر سہولیات کو یقینی بنایاجارہاہے۔ صوبہ کے تمام نرسنگ کالجزکے معیارکو مزید بہتربنایاجائے گا۔ پنجاب کے نرسنگ کالجزمیں جدیدطرزکے آڈیٹوریم اور تھیٹرزبنائے جائیں گے۔ نرسوں کی محکمانہ تربیت کیلئے آغاخان یونیورسٹی کے ماسٹرٹرینرزسے بات ہوئی ہے۔ صوبائی وزیر خواجہ سلمان رفیق ہمیں ہسپتالوں میں مریضوں کی دن رات خدمت کرنے والی نرسوں کی عزت کرنی چاہئے۔

وزیراعلی پنجاب حمزہ شہباز صحت کے شعبہ میں بہتری لانے کیلئے تعمیری اقدامات اٹھارہے ہیں۔ صوبائی وزیر نے کہاکہ حکومت پنجاب عوام دوست بجٹ پیش کرے گی۔ ہمیں خط غربت سے نیچے زندگی بسرکرنے والے طبقے کو سہولت دینی ہے۔ محکمہ صحت نرسوں کی بہتری کیلئے دن رات محنت کررہاہے۔ خواجہ سلمان رفیق نے کہاکہ کوروناکے دوران اپنی جانوں کو نذرانہ پیش کرنے والے ڈاکٹرز،رسزاور پیرامیڈیکل سٹاف نے سنہری تاریخ رقم کی ہے۔

صوبائی وزیر نے کورونا کے دوران اپنی جان کا نذرانہ پیش کرنے والے ڈاکٹرز،نرسزاور پیرامیڈیکل سٹاف کو خراج تحسین پیش کیا۔انہوں نے کہاکہ سابق وائس چانسلر نشترمیڈیکل یونیورسٹی مرحوم پروفیسرڈاکٹرمصطفی کمال نے فرائض منصبی انجام دیتے ہوئے اپنی جان کا نذرانہ پیش کیا۔ صوبائی وزیرخواجہ سلمان رفیق نے کنگ ایڈورڈمیڈیکل یونیورسٹی کالوہا عالمی سطح پر منوانے پر وائس چانسلر پروفیسر ڈاکٹر خالد مسعود گوندل اورنرسوں کی بہتری کا سوچنے پر سابق وزیر صحت ڈاکٹریاسمین راشد کو خراج تحسین پیش کیا۔

صوبائی وزیر خواجہ سلمان رفیق نے نمایاں کارکردگی کی حامل نرسوں کواعزازی شیلڈزبھی تقسیم کیں۔وائس چانسلر کنگ ایڈورڈمیڈیکل یونیورسٹی پروفیسرڈاکٹر خالدمسعودگوندل نے کہاکہ کنگ ایڈورڈ میڈیکل یونیورسٹی سے ملحقہ سرکاری ہسپتالوں کی کارکردگی انتہائی عمدہ ہے۔ کورونا کے دوران نرسوں نے مثالی کرداراداکیا۔

پروفیسرڈاکٹرخالدمسعودگوندل نے کہاکہ کنگ ایڈیورڈمیڈیکل یونیورسٹی میں پی ایچ ڈی نرسنگ کا آغازکیاجارہاہے۔مستقبل قریب میں کنگ ایڈورڈمیڈیکل یونیورسٹی کے کیمپس میں پوسٹ گریجوایٹ نرسنگ کالج کا قیام عمل میں لایاجائے گا۔ ایڈیشنل سیکرٹری نرسنگ ڈاکٹر قرۃ العین نے کہاکہ محکمہ نرسنگ شعبہ کی بہتری کیلئے مثبت پالیسیاں لارہاہے۔ آئندہ بجٹ میں نرسنگ شعبہ کی بہتری کیلئے فنڈز میں اضافہ کی استدعاکی گئی ہے۔ ڈی جی نرسنگ نے کہاکہ محکمہ نے نرسنگ شعبہ کے مسائل ترجیحی بنیادوں پر حل کئے ہیں۔