سابق گورنر سندھ ڈاکٹر عشرت العباد متحرک ہو گئے ہیں، انہوں نے پاکستان آکر سیاست میں دوبارہ فعال ہونے کا فیصلہ کر لیا ہے
سابق گورنر سندھ ڈاکٹر عشرت العباد نے شہر قائد کراچی میں سینیئر صحافیوں سے ویڈیو لنک پر گفتگو کی ہے جس میں ان کا کہنا تھا کہ یں نے سیاست میں فعال ہونے کا فیصلہ کیا ہے میرے پاس دو آپشن ہیں یا تماشائی بن جاؤں یا کچھ کروں اب میں نے کچھ کرنے کا حتمی فیصلہ کیا ہے، کب اور کیا کرنا ہے؟ اس بارے میں جلد اپنی حکمت عملی کا اعلان کردوں گا شاہد خاقان عباسی اور مفتاح اسماعیل سے میری ملاقات ہوئی ہے تاہم اس طرح کی ملاقاتیں ہوتی رہتی ہیں،ان سے نئی سیاسی جماعت کے حوالے سے کوئی بات چیت نہیں ہوئی،
ڈاکٹر عشرت العباد کا صحافیوں سے گفتگو میں مزید کہنا تھا کہ میری نئی حکمت عملی میں ایم کیوایم یا اسٹیبلشمنٹ پر بالکل انحصار نہیں مجھ پر پاکستان آنے پر کوئی پابندی نہیں، ایم کیوایم کے دوست مجھ سے خوفزدہ رہے جس کے سبب آنے سے گریز کیا ، میں نے کبھی اسٹیبلشمنٹ کے لیے کام نہیں کیا، پی ایس پی بنانے جیسا بے وقوفانہ مشورہ نہیں دے سکتا میں نے دوستوں کو ایم کیوایم میں رہتے ہوئے سیاست کا مشورہ دیا تھا مگر کچھ لوگوں نے بات نہ مانی ،شہر قائد کراچی میں ترقیاتی کاموں کی ابتر صورتحال کی ذمہ دار پیپلزپارٹی سے زیادہ کراچی کی حاکمیت کے دعویدار ہیں میں نے زرداری صاحب سے کراچی کے لیے کئی ترقیاتی منصوبے مکمل کرائے، انہوں نے 2016 میں پارٹی میں شمولیت کی دعوت بھی دی تھی
سابق گورنر سندھ عشرت العباد نے جماعت اسلامی کے سابق سٹی ناظم نعمت اللہ خان مرحوم کے کاموں کی تعریف کی اور کہا کہ "نعمت اللہ خان بہت اچھے انسان تھے، انہوں نے شہر کے لیے اچھے کام کیے ہیں”۔
ڈاکٹر عشرت العباد کا مزید کہنا تھا کہ جو لوگ حکومت میں ہیں ان کا اخلاقی جواز کمزور ہے اور قانونی حیثیت چیلنج ہے خالد مقبول صدیقی، فاروق ستار سے ملاقات رہتی ہے ، گورنر سندھ کامران ٹیسوری اچھا کام کر رہے ہیں ، پاکستان میں سیاسی عدم استحکام کی وجہ سے عالمی سطح پر ساکھ متاثر ہو رہی ہے جس کی وجہ سے غیرملکی سرمایہ کار پاکستان آنے سے گریز کررہے ہیں، وہ جلد سندھ میں یورپین سرمایہ کاری لانے پر کام کر رہے ہیں۔متحدہ کے جو لوگ پاکستان گئے ان کو پریشانی ہوئی،بابر غوری گئے تو گرفتار کرادیا گیا کہ ان کی وجہ سے ہمارا پروجیکٹ خراب ہوجائے گا جبکہ بابر غوری اپنی والدہ کی بیماری کی وجہ سے گئے تھے ،پی ٹی آئی کو جذباتی حمایت حاصل ہے، پی ٹی آئی کی حکومتی کارکردگی اچھی نہیں رہی،ایک ضمنی الیکشن میں بہت تناؤ تھا، پی ٹی آئی نے جناح گراؤنڈ میں جلسے کا اعلان کیا، خطرناک صورتحال ہوگئی میں نے عمران خان کو فون کیا جس پر عمران خان نے میرا مشورہ مان لیا،سابق گورنر سندھ عشرت العباد کا مزید کہنا تھا کہ 12 مئی کے بعد انتہائی کشید ہ حالات میں سیاسی استحکام بڑا مشکل مرحلہ تھا۔ 12 مئی کے واقعہ کو روکنے کی بھرپور کوششیں کیں مگر روک نہ سکا ، اس کے بعد 25 سے 27 مئی کو ایک ہڑتال کی کال دی گئی تھی اس دوران معلوم ہوا کہ فضل الرحمان اور قاضی حسین آرہے ہیں پھر میں اسفندیار ولی کے پاس چلا گیا میری کوششوں سے ہڑتال مؤخر ہوگئی، مجھے اطمینان ہے کہ اس معاملے پر شہر میں ایک بڑا خون خرابہ ہونے سے بچالیا تھا، اس وقت ملک غیر معمولی حالات سے گزر رہا ہے، محب وطن سیاستدانوں کو آگے بڑھنا چاہیے ،سینیئر سیاستدان آگے بڑھ کر ملکی سیاسی تناؤ کے خاتمے میں اپنا کردار ادا کریں
جنس معلوم کرنے کیلئے حاملہ بیوی کا پیٹ چاک کرنے والے شوہر کو عمرقید
بھارت میں مرد ٹیچر نے الیکشن ڈیوٹی سے بچنے کیلئے خود کو ’حاملہ‘ قرار دیدیا
سفاک شوہر نے حاملہ بیوی اور کمسن بیٹی کو جان سے مار دیا
بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے
سماعت سے محروم بچوں کے لئے بڑی خوشخبری
سماعت سے محروم بچوں کے والدین گھبرائیں مت،آپ کا بچہ یقینا سنے گا
چلڈرن ہسپتال کا کوکلیئر امپلانٹ کے تمام اخراجات برداشت کرنے کافیصلہ،ڈاکٹر جاوید اکرم
سوتیلے باپ نے لڑکی کے ساتھ کی زیادتی، ماںنے جرم چھپانے کیلیے کیا تشدد
کم عمر لڑکیوں کے ساتھ زیادتی کے شوقین جعلی عامل کو عدالت نے سنائی سزا
کاروبار کے لئے پیسے نہ لانے پر بہو کو کیا گیا قتل
16 خواتین کو نازیبا و فحش ویڈیو ،تصاویر بھیج کر بلیک میل کرنے والا گرفتار
