Tag: سید نور

سید نور جو کہ نئے کام کرنے والوں کی بہت زیادہ حوصلہ افزائی کرتے رہتے ہیں انہوں نے اپنے ایک حالیہ انٹرویو میں کہا ہے کہ میں اچھے سکرپٹ کا منتظر ہوں جیسے ہی مجھے اچھا سکرپٹ ملا میں نئے فنکاروں کے ساتھ کام کروں گا ۔ ایک سوال کے جواب میں سید نور نے کہا کہ ماہرہ خان اور فواد خان بہت اچھا کام کررہے ہیں اور عوام انہیں پسند بھی کرتی ہے میں ان کے ساتھ کام کرنا چاہتا ہوں میں کسی اچھے سکرپٹ کا منتظر ہوں جیسے میرے پاس اچھا سکرپٹ آیا میں ان کے پاس حاضر ہوجاﺅں گا۔ یہ دونوں ہمارے ملک کے بڑے سٹار ز ہیں عوام ان کو پسند کرتی

ہے۔ انہوں نے ابھی تک جتنا بھی کام کیا معیاری ہے اور سب سے بڑی اور اہم بات یہ ہے کہ عوام انہیں پسند کرتی ہے۔ ایک سوال کے جواب میں سید نور نے کہا کہ میں اس چکر میں نہیں پڑتا کہ فلمیں ڈرامہ لگتی ہیں یا نہیں ، جس فلم کو عوام پسند کرے وہ سپر ہٹ ہے بس اس پہ دوسری کوئی بات نہیں ہونی چاہیے۔ وقت بدل چکا ہے ہمیں لوگوں کے مزاج کے مطابق کام کرنا ہو گا۔ ہم نے اپنے دور کے حساب سے بہترین کام کیا اب جو وقت کے تقاضے ہیں ان کے مطابق کام کریں گے اس میں کوئی حرج بھی نہیں ہے۔

سید نور کہتے ہیں کہ فلم پرڈیوسر ایسوسی ایشن ہمیشہ سے ہی بہت زیادہ متحرک رہی ہے اس ایسوسی ایشن کو بڑے بڑے لوگوں نے سنبھالا اور بہت کام کیا. ابھی جو باڈی منتخب ہوئی ہے اس کے دعوے بھی اچھے ہیں امید ہے کہ یہ باڈی بھی اچھا کام کریگی اور فلم انڈسٹری کے مسائل کا حل تلاش کریگی. سید نور نے مزید کہا کہ فلم پرڈیوسر ایسوسی ایشن فلم انڈسٹری کے مسائل لیکر ایوانوں تک گئی وعدے وعید بھی ہوئے ڈسکشنز بھی ہوئیں. اب جبکہ ن لیگ کی حکومت آئی ہے اس نے فلم کو انڈسٹری کا درجہ بھی دیدیا ہے امید ہے کہ جو اعلانات کئے گئے ہیں ان

ہر عمل در آمد کیا جائیگا. سید نور نے کہا کہ سینما گھر آباد رہنے چاہیں چاہے ہالی وڈ کی فلمیں لگیں بالی وڈ یا لالی وڈ کی . جہاں تک بلال لاشاری کی فلم دا لیجنڈ آف مولا جٹ کی بات ہے تو انہوں نے جدید تقاضوں کے مطابق فلم بنائی ہے اور ہمیں بہت امید ہے کہ فلم اچھا بزنس کریگی . بڑے بجٹ کی بڑی فلم ہے جس میں‌بڑے سٹارز ہیں لوگ فلم کے منتظر ہیں.پرانی مولا جٹ پرانے دور کی تھی لیکن نئی مولا جٹ نئے دور کے مطابق ہے. بلال لاشاری نے ایسی فلم تخلیق کی ہے کہ جو پاکستان کی بین الاقوامی سطح پر بھی نمائندگی کرسکتی ہے.

پاکستان فلم پروڈیوسرز ایسوسی ایشن کی نومنتخب باڈی کی حلف برداری کی تقریب آج مقامی ہوٹل میں کی گئی . ن لیگ کے راہنما رانا مشہود تقریب کے مہمان خصوصی تھے. رانا مشہود نے نو منتخب اراکین سے حلف لیا اور اس کے بعد ایوارڈز کی تقسیم کی گئی. اس تقریب میں شوبز سے جڑے ستاروں نے شرکت کی جس میں‌شان شاہد ،افتخار ٹھاکر، سید نور ، نشو بیگم ، حسن عسکری ، مسعود بٹ و دیگر شامل تھے. اس موقع پر سب نے اپنے اپنے خیالات کا اظہار کیا اور امید ظاہر کی کہ نئی منتخب باڈی فلم انڈسٹری اور اس سے جڑے لوگوں‌ کے مسائل حل کرنے اور کروانے میں اہم

کردار ادا کریگی. اداکار نشو بیگم نے بھی اس موقع پر کہا کہ ہمیں‌امیدیں کہ یہ نئی منتخب باڈی دیرینہ مسائل کو حل کریگی اور گورنمنٹ کی توجہ انڈسٹری کے مسائل کی طرف دلوائے. حسن عسکری نے کہا کہ فلم پرڈیوسر ایسوسی ایشن کو بہت زیادہ متحرک ہونا چاہیے تاکہ کچھ نہیں تو لاہور کی فلم انڈسٹری کو لگے تالے تو کھلیں. انہوں نے مزید یہ بھی کہا کہ ہمیں نئے لوگوں کی بھی ضرورت ہے جو فلمیں لکھیں اور بنائیں، نئے اور پرانے لوگوں کو مل کر کام کرنا چاہیے تاکہ فلمی صنعت کو فائدہ پہنچ سکے. ہم سب کا فرض ہے کہ ہم سب مل کر کام کریں اور فلم انڈسٹری کو درپیش مسائل کو ہائی لائٹ کریں اور فلم پرڈیوسر ایسوسی ایشن سے مطالبہ کریں کہ ان مسائل کو حل کروایا جائے.

ڈائریکٹر سید نور پہلی بار کھل کر بات کی ہے اپنی اور صائمہ نور کی شادی کی. انہوں نے ایک ٹی وی انٹرویو میں کہا ہے کہ فلم گھونگھٹ کے دوران میری صائمہ نور کے ساتھ محبت پروان چڑھی اور پنجابی فلم چوڑیاں کی ریلیز کے بعد ہم نے شادی کر لی لیکن اس شادی کو سات آٹھ سال خفیہ رکھنا پڑا. انہوں نے کہا کہ جب میری اہلیہ رخسانہ نور کو پتہ چلا تو وہ خفا ہوئیں لیکن پھر بعد میں مان گئیں اور رخسانہ ہی وہ پہلی انسان تھیں جنہوں نے ہم دونوں کی اس شادی کو قبول کیا تھا. سید نور نے مزید کہا کہ جب میری اور صائمہ کی شادی ہوئی تو بہت سارے لوگوں نے باقاعدہ پیشن گوئیاں کیں کہ یہ شادی چند مہینوں میں ختم ہوجائیگی لیکن ایسا نہ ہو سکا کیونکہ ہماری محبت سچی تھی. بلکہ ہم دونوں کی فیملیوں نے اس شادی کو ختم کروانے کی بہت کوشش کی. سید نور نے یہ بھی

کہا کہ رخسانہ اور صائمہ کا آپس میں ایک اچھا تعلق تھا. پھر ایسا بھی ہواکہ ہماری طلاق کی جھوٹی خبریں‌چلائیں گئیں یقینا جھوٹی تھیں لیکن ہم دونوں نے ایک دوسرے کا ساتھ نہیں چھوڑا. انہوں نے کہا کہ یہ الزام بھی غلط ہے کہ میں نے صائمہ کی خاطر دوسری ہیروئنز کو نظر انداز کیا صرف صائمہ کو ہی کردار دئیے. انہوں نے ایسی باتیں کرنے والوں سے ہی سوال کر ڈالا بولے کیا جو کردار صائمہ نے کئے وہ کوئی اور اداکارہ کر سکتی تھی؟ یوں سید نور نے پہلی بار اپنی اور صائمہ کی محبت کی کہانی پر پہلی بار کھل کر بات کی.

دا لیجنڈ آف مولا جٹ کا ٹریلر دیکھ کر جہاں سب ہی بہت خوش وہیں سید نور بھی ہیں کافی خوش. انہوں نے حال ہی میں ایک انٹرویو کے دوران کہا ہے کہ وہ دا لیجنڈ آف مولا جٹ کا ٹریلر دیکھ کر بہت خوش ہوئے ہیں اور اس میں سب ہی اداکار بہت اچھے لگ رہے ہیں. سید نور نے کہا کہ فلم کا ٹریلر بتا رہا ہے کہ فلم بہت اچھی ہو گی. اس فلم میں پنجابی کا ایک ٹچ نظر آرہا ہے. بڑے بجٹ کی بڑی فلم ہے اسکی کامیابی کے لئے ہماری بہت ساری دعائیں ہیں.ایک سوال کے جواب میں انہوں نے کہا کہ میں پرانی اور نئی مولا جٹ کا مقابلہ نہیں کروں گا ہمیں فلموں کے موازنے نہیں کرنے چاہیں موازنہ بنتا ہی نہیں ہے.

پرانی مولا جٹ کا اپنا مقام تھا اس فلم کا اپنا مقام ہے اور معیار ہے. مجھے سمجھ نہیں آتی کہ کیوں پرانی فلم کا نئی فلم کے ساتھ موازنہ کیا جا رہا ہے. ایک سوال کے جواب میں سید نور نے کہا کہ اگر کردار اچھا ہو تو فنکار اچھا نبھا لیتا ہے لیکن اگر کردار ہی اچھا نہ ہو تو بڑے سے بڑا فنکار بھی اسکو اچھے سے نہیں نبھا سکتا. میری ہر فلم کے لئے دعا ہوتی ہے کہ وہ چلے کامیابی ھاصل کرے، فلمیں چلیں گی تو ہماری فلمی صنعت بھی پائوں پر کھڑی ہو گی لہذا ہم سب کا فرض ہے کہ ایک دوسرے کی فلم کو سپورٹ کریں.انہوں نے کہا کہ میری دعا ہے کہ دا لیجنڈ آف مولا جٹ دو سو کروڑ کا بزنس کرے.

سید نور پاکستان فلم انڈسٹری کے منجھے ہوئے ہدایتکار ہیں ان کے کریڈٹ پر زبردست فلمیں ہیں ان کی بنائی ہوئی فلمیں نوے کی دہائی میں فیملیز سینما جا کر دیکھا کرتی تھیں. سید نور کی فلم چوڑیاں نے ریکارڈ توڑ‌بزنس کیا پنجابی اس فلم کا ہر گیت بھی فلم جتنا ہی مقبول ہوا. فلم میں صائمہ اور معمر رانا کی جوڑی شائقین کو اپنی طرف متوجہ کرنے میں بہت کامیاب رہی. رواں برس سید نور کی فلم تیرے باجرے دی راکھی ریلیز ہوئی اس میں انہوں‌نے معروف ٹک ٹاکر جنت مرزا کو متعارف کروایا.جیسا کہ سید نور نے اپنی بہت ساری فلموں میں ہیروئنز کو

متعارف کروایا. فلم قائداعظم زندہ باد کی پرموشنز کے دوران ماہرہ خان نے سید نور کے ساتھ کام کرنے کی خواہش کا اظہار کیا اس حوالے سےحال ہی میں سید نور سے سوال ہوا تو انہوں نے کہا کہ ماہرہ خان حالیہ دور کی بہترین اداکارہ ہیں ان کے ساتھ کام کرنا فخر کی بات ہے اور میں شکر گزار ہوں کہ انہوں نے میرے کام کی تعریف کی، میرے پاس جیسے ہی کوئی اچھا سکرپٹ آئیگا میں یقینا ماہرہ خان کے ساتھ کام کرنا چاہوں گا. سید نور نے مزید کہا کہ ماہرہ خان نے ابھی تک جتنا کام کیا ہے بہت اچھا کیا ہے وہ ہیروئین میٹریل ہیں لوگ انہیں پسند کرتے ہیں لہذا ماہرہ خان کے ساتھ کام کرنا میرے لئے بھی فخر کی بات ہو گی.

معروف ہدایتکار سید نور کہتے ہیں کہ میں آج جو کچھ بھی ہوں اپنے استادوں کی وجہ سے ہوں ان سے جو کچھ سیکھا وہی میرے کام آیا، اگر میں‌ یہ کہوں کہ آج جو کچھ ہوں اپنے استادوں اور سیئنرز کی وجہ سے ہوں تو بے جا نہیں‌ہو گا. اپنے استادوں اور سینئرز سے جو کچھ سیکھا ہوتا ہے وہ ساری زندگی کام آتا ہے اس لئے بہت ضروری ہے کہ ان کی عزت کی جائے اور ان کو ہمیشہ یاد رکھا جائے.جو اپنے سئنیرز کی عزت نہیں کرتے ان کو پھل بھی ویسا ہی ملتاہے. سید نور نے مزید کہا کہ میں‌نے اپنی طرف سے اچھی فلمیں بنانے کی کوشش کی اس میں مجھے میری توقعات سے زیادہ کامیابی ملی میں نے کبھی نہیں

سوچا تھا کہ اللہ مجھے اتنی عزت سے نوازے گا اور اتنی کامیابیاں دے گا. میں نے اپنے بڑوں سے جو کچھ سیکھا وہ میں آگے منتقل کررہا ہوں ڈائریکشن ہو یا لکھنا لکھانا مجھے جو آتا ہے میں کھلے دل کے ساتھ اپنے سے جونئیرز کو سکھا رہا ہوں اور سیکھنے کےلئےویسے تو کوئی بھی عمر نہیں‌ہوتی کبھی بھی آپ کچھ بھی طے کر سکتے ہیں کہ میں نے کیا کرنا ہے لہذا سیکھنے کے لئے عمر کی قید نہیں. عمر کے کسی بھی حصے میں آپ کچھ بھی کر سکتے ہیں سیکھ سکتے ہیں. سید نور نے کہا کہ فلمی صنعت کی بحالی کے لئے جو کام ہو رہا ہے وہ زبردست ہے جس یہ سلسلہ جاری رہنا چاہیے کبھی بھی رکنا نہیں چاہیے.

سپرسٹار ماہرہ خان نے کہا ہے کہ اگر انہیں سید نور کے ساتھ کام کرنے کا موقع میسرآئیگا تو وہ یقینا کریں گی اور ان کے لئے یہ باعث فخر ہو گا کہ وہ سید نور کے ساتھ کام کریں. ماہرہ خان نے کہا کہ سید نور ہمارے ملک کے بہت بڑے ڈائریکٹر ہیں ان کے کریڈٹ پر بہت بڑی بڑی اور خوبصورت فلمیں ہیں ، میں نے ان کی بہت ساری فلمیں دیکھیں لیکن ان کی فلم مجاجن اور چوڑیاں مجھے آج تک یاد ہے کیا کمال کی انہوں‌ نے فلمیں‌ بنائیں تھیں. ماہرہ خان سے ایک سوال ہوا تو اس کے جواب میں بولیں کہ مجھے پنجابی بہت زیادہ اچھی نہیں بولنی آتی لیکن

میں‌کوشش ہی کر سکتی ہوں. فلم مولا جٹ میں بھی جو پنجابی بولی وہ بہت کوشش کے بعد بولی تھی لیکن اگر سید نور کے ساتھ اردو یا پنجابی فلم میں‌کام کرنے کا موقع ملتا ہے تو اس سے بڑھ کر اور کیا ہوسکتا ہے، وہ ہماری انڈسٹری کا سرمایہ ہیں. ماہرہ خان نے کہا کہ اگر سید نور کے پاس کوئی میرے لئے پراجیکٹ ہوا تو کیوں نہیں‌کروں گی میں ؟ اگر پنجابی پراجیکٹ ہوا تو میں کر لوں گی لیکن میں جس طرح کی پنجابی بولتی ہوں اس پہ پہلے ہی معذرت کرلیتی ہوں. ماہرہ خان نے اسی انٹرویو میں اپنی فلم مولا جٹ کا ڈائیلاگ وے مولیا سب نوں دسدے میں تیری پکی پکی مشوق آں بھی سنایا.

پنجابی فلموں کی سپر ہٹ اداکارہ صائمہ نور جو بہت کم انٹرویوز دیتی ہیں انہوں نے کہا کہ کسی کو بھی کامیابی ایکدم سے نہیں ملتی سال ہا سال لگ جاتے ہیں اپنا آپ منوانے میں۔ خوشی کی بات ہے کہ فلم انڈسٹری کو نئے چہرے لے کر چل رہے ہیں اور جولوگ بھی کام کررہے ہیں وہ بہت اچھا کررہے ہیں وقت کے ساتھ ساتھ ہی انکے کام میں نکھار آئے گا. کوئی بھی کام مسلسل کرتے رہنے سے اس میں نکھار آہی جاتا ہے اور ایسا تو کبھی بھی نہیں ہوتا کہ کوئی فلم انڈسٹری میں آئے اور اسکو پہلے ہی دن یا پہلی فلم سے کامیابی نہیں مل جاتی کامیابی حاصل کرنے کے لئے کام کے ساتھ ساتھ صبر کرنا پڑتا ہے۔صائمہ نے ماضی کے جھروکوں میں جھانکتے ہوئے کہا کہ میں نے ہمیشہ ہی بہت محنت سے کام کیا چاہے وہ بڑی سکرین ہو یا چھوٹی دل لگا کر کام کیا اور اللہ نے اسکا اجر بھی دیا میری یہ بھی خوش قسمتی ہے کہ اپنے وقت کے بہترین ہدایتکاروں کے ساتھ کام کیا ۔صائمہ کہتی ہیں کہ انہیں بہت امید ہے کہ فلم

انڈسٹری ترقی کی منازل طے کرتے ہوئے اپنے مقام کو حاصل کرلے گی۔صائمہ نور نے مزید کہا کہ میں نے ہمیشہ ایسا کام کیا کہ جو میرے پرستاروں کو پسند آئے کبھی ایسے سکرپٹ کا انتخاب نہیں کیا کہ جس پر میرے پرستار بھی افسوس کریں کہ صائمہ نور نے ایسی فلم کیوں کی۔ یاد رہے کہ صائمہ نور کی حال ہی میں فلم باجرے دی راکھی ریلیز ہوئی تھی فلم زیادہ کامیابی تو حاصل نہ کر سکی لیکن صائمہ کے روایتی انداز کو دیکھ کر ان کے پرستار خوش ضرور ہوئے۔

5ویں ملٹی میڈیا ایوارڈز کی تقریب پنجاب انسٹی ٹیوٹ آف لینگویحز اینڈ آرٹ کلجر قڈافی سٹیڈیم لاہور میں آٹھ جون کو منعقد ہونے جا رہی ہے۔تقریب میں آرٹسٹ اور سیاستدان مسرت شاہین خصوصی شرکت کریں گی ۔جبکہ ہدایتکار الطاف حسین،حسن عسکری، خالد پرویز شیخ،جاوید رضا،آغا قیصر عباس، جرار رضوی،پلاک کی ڈی جی صغری ضد،عنایت گوندل و دیگر مہمان خصوصی کے طور پرشرکت کریں گے ۔

تقریب کی میزبانی کے فرائض اسلم سیماب اور نبیجہ انجام دیں گے۔جن جن کو ایوارڈ دجائیں گے ان میں فلم تیرے باجرے دی راکھی میں مصنف و ہدایتکار سید نور، صائمہ،نغمہ،فلمساز صفدر ملک سمیت ہدایتکار مسعود بٹ،حیدر سلطان، سیف علی خان، لیلی کو فلم گوگا لاہوریا،اداکار غلام محی الدین کو لائف ٹاہم اچیومنٹ ایوارڈ،سٹیج کے شعبہ میں مضنف ڈاکٹر اجمل ملک،دیدار ملتانی، گلزار شیخ،حامد رنگیلا،موسیقار ایم ارشد،گلوکارہ شبنم مجید،حمیرا ارشد،عارف لوہار ،مکی شاہ گجراتیہ،تنویر ضدیقی،راجہ مشتاق، ٹھاکر لاہوری ،نرمل شاہ کے نام قابل ذکر ہیں۔زارا نور،سیف علی خان،دلبر منیر،سار،حیدر راج ملتانی،مہک نور،گانوں پر پرفارم کریں گے