Tag: سیف علی خان

بالی وڈ اداکار سیف علی خان جو انٹرویوز بھی کم کم دیتے ہیں وہ سوشل میڈیا پر بھی کم ہی دکھائی دیتے ہیں . انہوں نے اپنے حالیہ انٹرویو میں بتایا ہے کہ وہ کیوں ہیں سوشل میڈیا سے دور. سیف علی خان نے کہا کہ میں‌ نے بہت کوشش کی کہ میں سوشل میڈیا پر رہوں لیکن مجھے میرے نام کا کوئی ہینڈل نہیں مل سکا میرے نام کے اتنے ہینڈلز موجود ہیں کہ کیا بتائوں . دوسرا یہ کہ سوشل میڈیا کی دنیا میں آپ کو جھوٹ بہت زیادہ بولنا پڑتا ہے ، اور خاص کر ایسا جھوٹ کہ جس میں کسی کی جھوٹی تعریف کرنی پڑے میں یہ سب نہیں کر سکتا یہ میرا مزاج ہی نہیں ہے. اس

لئے میں سوشل میڈیا سے دور رہتا ہوں . مجھے لگتا ہے کہ میں جو ہوں جہاں ہوں بالکل ٹھیک ہوں. سیف علی خان نے کہا کہ مجھے ویسے بھی سوشل میڈیا کے مزاج کی سمجھ ہی نہیں آتی اس لئے مجھے لگتا ہے کہ مجھے اس سے دور ہی رہنا چاہیے. یوں سیف علی خان نے بتا دیا کہ وہ سوشل میڈیا سے آخر دور کیوں رہتے ہیں. یاد رہے کہ سیف علی خان کی حال ہی میں فلم کرم ویدھیا ریلیز ہوئی ہے یہ فلم باکس آفس پر خاص کمال نہیں دکھا سکی اس فلم میں سیف کے ساتھ ہرتیک روشن بھی دکھائی دئیے ہیں.

بالی وڈ کی مشہور شخصیات کی شادیاں ہمیشہ سے ہی سب کی توجہ کا مرکز بنتی ہیں، بالی وڈ کی کچھ شادیاں ایسی رہی ہیں جن کا بے حد چرچا رہا. کرینہ کپور اور سیف علی خان کی شادی بھی ایسی ہی تھی جس کا بہت چرچا رہا، شادی کے بندھن میں بندھنے والی اس جوڑی کی شادی پر ان کے مداح بہت خوش تھے اکتوبر 2012 میں دونوں شادی کے بندھن میں بندھے. کرینہ اور سیف کی شادی کو دس سال کا عرصہ بیت گیا ہے. اس خوبصورت جوڑے کے دو بیٹے ہیں. کرینہ اور سیف علی خان کی شادی میں ان کے دوستوں نے بڑی تعداد میں شرکت کی. کرینہ کپور نے ایک انٹرویو میں بتایا تھا کہ ان کی شادی میں کینیا، لندن، مسقط، دبئی اور سوئٹزرلینڈ سے ان کے دوستوں نے

شرکت کی. اپنی شادی پر کرینہ کپور خان نے ایک شاندار شرارہ کا انتخاب کیا جو نسل در نسل منتقل ہوتا رہا۔ یہ اصل میں شرمیلا ٹیگور کی ساس ساجدہ سلطان کا تھا اور درحقیقت شرمیلا نے اسے 1962 میں اپنے نکاح پر پہنا تھا.یاد رہے کہ سیف علی خان اور کرینہ کپور کی ملاقات فلم ٹشن کے سیٹ پر ہوئی کام کے دوران ان کی نزدیکیاں‌بڑھیں تو دونوں نے شادی کر لی اور کرینہ کپور نے ہمیشہ کے لئے شاہد کپور کو خدا حافظ کہہ دیا .

کرینہ کپور خان کا شمار بالی وڈ کی حسین اداکارائوں میں ہوتا ہے وہ اپنی خوبصورت تصویروں سے سب کو دنگ کرنے میں کبھی ناکام نہیں ہوتیں۔ اداکارہ کو حال ہی میں عامر خان کے ساتھ لال سنگھ چڈھا میں دیکھا گیا تھا۔ اگرچہ اس فلم نے باکس آفس پر اچھا بزنس نہیں کیا لیکن ان کی اداکاری کو سراہا گیا۔ کرینہ کپور کو بیبو بھی کہا جاتا ہے بیبو نے حال ہی میں ایک انٹرویو دیا ہے اس میں انہوں نے کہا ہے کہ ان کے دونوں بیٹے تیمور علی خان اور جہانگیر علی خان بہت شرارتی ہیں۔ تیمور علی خان کے بارے میں بات کرتے ہوئے، بیبو نے طنز کیا کہ وہ اپنی عمر سے بہت آگے ہیں اور سمجھتے ہیں کہ ان کے والدین ہر وقت مصروف رہتے ہیں ان کو وقت نہیں دے پاتے انہوں نے کہا کہ میں چاہتی ہوں کہ میرے بچے یہ

سمجھیں کہ ان کے والدین انہی کی بہتر طرز زندگی کے لئے کام کررہے ہیں اس لئے ہو سکتا ہے وہ ہر وقت ان کو وقت نہ دے سکیں.کرینہ کپور نے کہا کہ میں تب سے کام پر جا رہی ہوں جب میرا بیٹا تیمور سات مہینوں کا تھا. کرینہ کپور خان نے مزید کہا کہ وہ اپنے دونوں بیٹوں کی بہترین تربیت کرنا چاہتی ہیں. انہوں نے یہ بھی انکشاف کیا کہ تیمور اپنے والد سیف علی خان کے قریب ہیں .باپ بیٹے کی جوڑی ایک ساتھ فلمیں بھی دیکھتی ہے اور تیمور اپنے باپ جیسا بننا چاہتا ہے۔

سیف علی خان نے اپنے ایک حالیہ انترویو میں کہا ہے کہ جب وہ فلم انڈسٹری میں آئے تھے تو ان کو شرمیلا ٹیگیور کا بیٹا ہونے کی وجہ سے بہت باتیں سننے کو ملیں. سیف علی خان نے کہا کہ مجھے کہا جاتا تھا کہ میں شرمیلا کی وجہ سے انڈسٹری میں آیا ہوں انہی کی وجہ سے ہی مجھے کام مل رہا ہے. مجھے اقربا پروری کا حامل اداکار کہا جاتا تھا. میرے بارے میں غلط خبریں پھیلائی جاتی تھیں، کہا جاتا تھا کہ میں بہت زیادہ شراب پیتا ہوں اور سیٹ پر شوٹنگ کے دوران بھی شراب پی کر سویا رہتا ہوں میں کام کے معاملے میں سنجیدہ نہیں ہوں. ایسے الزامات نے میرے کیرئیر کو بڑا دھچکا لگایا اور ایک وقت ایسا آیا کہ مجھے کام ملنا بند ہو گیا پرڈیوسرز مجھ سے دور بھاگنے لگے، ان کو لگتا تھا کہ اگر یہ شراب

پی کر سویا رہا تو کام کیسے مکمل ہو گا . سیف علی خان نے کہا کہ میرے بارے میں اس قسم کے الزامات نے مجھے بہت ڈیمیج کیا لیکن کچھ بھی نہ بولا. انہوں نے یہ بھی کہا کہ میرے ہاتھ سے بڑی بڑی فلموں کی آفر گئی ، کاجول کی پہلی فلم بے خودی مجھے ملی لیکن اس فلم کے پرڈیوسر کے بھی کان بھرے گئے اور مجھ سے یہ فلم چھن گئی. اس طرح سے میرا کیرئیر خراب کرنے کی کوشش کی گئی.حالانکہ یہ خبریں پرانی ہو چکی ہیں لیکن میرا ان پہ دل دکھی آج بھی ہے اسلئے بات کررہا ہوں.

اداکارہ کرینہ کپور نے اپنے ایک انٹرویو میں انکشاف کیا ہے کہ ان کے شوہر سیف علی خان اپنے والدین کو ”اماں اور ابا ”کہہ کر بلاتے ہیں.ان کو دیکھتے ہوئے ان کے بیٹے بھی ہمیں اماں اور ابا کہتے ہیں. کرینہ نے کہا کہ میرا بڑا بیٹا باقاعدہ مجھ سے دن میں دس بار پوچھتا ہے کہ اماں ابا کدھر گئے. کرینہ نے کہا کہ اگر وہ ہمیں اماں ابا کہتے ہیں کہ تو مجھے کوئی مسئلہ نہیں ہے. کرینہ کپور نے اپنے شوہر سیف علی خان کو ان کی سالگرہ کے موقع پر دنیا کا بہترین انسان قرار دیدیا ہے. انہوں نے اس موقع پر سوشل میڈیا پر کچھ تصاویر شئیر کیں اور اور انہیں اپنے انداز میں سالگرہ کی مبارکباد دی. کرینہ کی جانب سے سیف کی

تصاویر شئیر کرکے مبارکباد لکھنے کے بعد بالی وڈ کی کئی شخصیات نے اداکار کو سالگرہ کی مبارکباد دی،جن شخصیات نے سیف کو سالگرہ کی مبارکباد ان میں امریتا اروڑا، صبا پٹودی، ذہان کپور، سوفی چودھری اور انیتہ شراف اداجانیہ کے نام قابل زکر ہیں. ملائکہ اورڑا نے لکھا، ’’ہیپی برتھ ڈے سیفو۔ رتیش دیش مکھ نے لکھا، "ہیپی برتھ ڈے سیف، وہ آدمی جو آرٹ کی تاریخ، یونانی افسانہ، سنیما، ہندوستانی ثقافت پر لامتناہی بات چیت کر سکتا ہے آپ میرے ایک بہترین دوست ہیں۔” کرینہ کی اس پوسٹ کے نیچے ان کے مداحوں نے بھی اپنے پسندیدہ اداکار کو سالگرہ کی مبارکباد دی.

بالی وڈ کے اداکار سیف علی خان آج اپنی 51 ویں سالگرہ منا رہے ہیں. سیف علی خان نے مثبت اور منفی ہر قسم کے کردار کئے اور انہیں ہر روپ میں شائقین نے بے حد پیار اور محبت دیا. ان کی 51 ویں سالگرہ کے موقع پرہم ان کی پانچ بہترین فلموں کے پانچ بہترین کرداروں پر بات کریں گے. 2006 میں ریلیز ہونے والی فلم اومکارہ نے ان کی کیرئیر کی ڈگر ہی بدل ڈالی اس میں ان کے ساتھ اجے دیوگن، سیف علی خان، وویک اوبرائے، کرینہ کپور خان، کونکنا سین شرما، اور بپاشا باسو جیسے اداکاروں کی ایک بڑی سٹار کاسٹ تھی۔ وشال بھردواج کی ہدایت کاری میں بننے والی اس فلم میں سیف نے لنگڑا تیاگی کا کردار ادا کیا اور شائقین کا دل جیت لیا یہ کردار ان کے کیرئیر کا بہترین کردار سمجھا جاتا ہے اس کردار کو کرنے پر انہیں فلم فیئر ایوارڈ بھی ملا.” لال کپتان” میں ناگا سادھو کا کردار ادا کیا 2019 میں ریلیز ہوئی اس فلم میں سیف نے اپنے مداحوں کو حیران کر دیا اتنی خوبصورتی سے اس کردار کو نبھایا.فلم ” تانہاجی ” میں سیف علی خان نے ایک ولن ادے بھان سنگھ راٹھور کا کردار ادا

کیا، 2020 میں ریلیز ہوئی اس فلم کے کردار نے سیف علی خان کو مزید شہرت دی اس فلم میں ان کے ساتھ اجے دیوگن اور کاجول بھی شامل تھے .سیف علی خان کی شاندار اداکاری نے شائقین کے دل موہ لئے. سال 2000 میں ریلیز ہونے والی فلم ” کیا کہنا” میں سیف نے پریتی زنٹا اور چندرچور سنگھ کے ساتھ کام کیا یہ ایک فیملی ڈرامہ فلم تھی، فلم میں سیف علی خان نے ایک ایسے مرد کا کردار ادا کیا تھا جو پریٹی زنٹا کو اس وقت چھوڑ دیتا ہے جب اسے پتہ چلتا ہے کہ وہ شادی کے بغیر ہی حاملہ ہو گئی ہے اس فلم کی کہانی پر اُن وقتوں میں کافی تنقید ہوئی تھی لیکن سیف علی خان کے کردار کو بہت سراہا گیا تھا. ” دل چاہتا ہے” 2001 میں ریلیز ہونے والی اس فلم میں سیف علی خان نے اس لڑکے کا کردار کیا جو بہت چلبلا ہوتا ہے اور دوستوں کے ساتھ زندگی انجوائے کرنے پر یقین رکھتا ہے لیکن جب وہ گریجوایشن کر لیتا ہے تو کس طرح سے اسکی زندگی تبدیل ہوتی ہے سیف علی خان نے سمیر کے کردار کے ساتھ بھی انصاف کیا یہی وجہ ہے کہ یہ کردار آج تک لوگوں‌کو یاد ہے.

بالی وڈ کے اداکار اور چھوٹے نواب کہلائے جانے والے سیف علی خان آج 51 سال کے ہو گئے ہیں. سیف علی خان کی والدہ ایک بڑی اداکارہ تھیں لہذا ان پر ایک پریشر تو تھا جب وہ فلم انڈسٹری میں آئےلیکن سیف علی خان نے آہستہ آہستہ اپنی صلاحیتوں کا لوہا منوایا. انہوں نے 1993 میں فلم پرمپرا سے اپنے فلمی کیرئیر کا آغاز کیا. اس میں ان کی اداکاری کو نوٹس کیا گیا . سیف علی خان نے دل چاہتا ہے جیسی فلموں میں کام کرکے ثابت کیا کہ ان کی صلاحیتیں کسی سے کم نہیں‌ہیں. سیف علی خان ورسٹائل اداکار ہیں انہوں اپنے کیرئیر میں بہت سارے چیلجنگ کردار بھی کئے فلم اومکارا اس کی بڑی مثال ہے. سیف علی خان کا شمار ان اداکاروں میں ہوتا ہے جنہوں نے ہیرو کے ساتھ ساتھ ولن کے کردار بھی کئے. سیف علی خان کی

مشہور فلموں میں یہ دل لگی ، میں کھلاڑی تو اناڑی ، کچے دھاگے ، ہم ساتھ ساتھ ہیں ، کیا کہنا ، ہم تم ، پرینیتا ، سلام نمستے ، لو آج کل ، کوک ٹیل ، ریس ٹو کے نام شامل ہیں. سیف علی خان کو چھ بار فلم فئیر ملا . اس کے علاوہ انہیں‌پدما شری ایوارڈ بھی ملا. فلم ٹشن کے دوران ان کی ملاقات کرینہ کپور سے ہوئی اور اس کے بعد ان کی نزدیکیاں‌بڑھیں اور دونوں نے شادی کا فیصلہ کر لیا کرینہ اور سیف کےدو بیٹے ہیں. سیف علی خان کی کرینہ سے دوسری شادی ہے ان کی پہلی شادی امرتا سنگھ کے ساتھ ہوئی ان میں سے انکا ایک بیٹا ابراہیم اور بیٹی سارا علی خان ہے. سارا بالی وڈ میں بطور ہیروئین کام کررہی ہیں اور اپنی پہچان بنا چکی ہیں.

بالی وڈ اداکارہ کرینہ کپور جو ایک وقت میں اداکار شاہد کپور کی دیوانی تھیں کافی ود کرن میں دونوں نے جب ایک ساتھ شرکت کی تو کرینہ کا شاہد کپور کے لئے دیوانہ پن دیکھا جا سکتا تھا. لیکن فلم ٹشن کی شوٹنگ کے دوران کرینہ اور سیف علی خان کی نزدیکیاں بڑھیں تو کرینہ کپور شاہد کپور سے دور ہونے لگیں اور بہت جلد شاہد کپور سے خود کو الگ کر لیا. کرینہ کپور اور شاہد کپور کی دوستی جس مقام پر تھی اس سے تو یہی لگتا تھا کہ کرینہ شاہد کے علاوہ کسی سے شادی نہیں کریں گی لیکن کرینہ نے شاہد کو چھوڑ کر سیف علی خان سے شادی کر لی. اس شادی کے ھوالے سے کرینہ کپور کا کہنا ہے کہ مجھے سیف علی خان اچھے

لگتے تھے لیکن ان سے شادی کرنے کے لئے ھامی بھرنے میں بہت وقت لگا. میں نے سیف علی خآن کے ساتھ شادی کرنے کا فیصلہ نہایت سوچ سمجھ کر کیا. مجھے سیف علی خآن سے محبت بھی تھی ان کے پرپوز کرنے پہ خوش بھی تھی لیکن مجھے پھر بھی لگاکہ مجھے اس معاملے میں‌کسی قسم کی جلد نہیں‌کرنی چاہیے کیونکہ یہ فیصلے جلدی میں‌کسی صورت نہیں‌ہونے چاہیں. یاد رہے کہ کرینہ اور سیف کی شادی اکتوبر 2012 میں ہوئی تھی ان کے دو بیٹے ہیں ایک بیٹے کا نام تیمور اور دوسرے کا نام جہانگیر ہے.

حال ہی میں کرن جوہر کے شو میں عامر خان اور کرینہ کپور خان نے شرکت کی اس شو کے دوران جہاں بہت ساری باتیں ہوئیں وہیں کرن جوہر نے کچھ چٹکلے بھی کئے. انہوں نے کرینہ کپور خان سے کہا کہ آپ تو میرے اس شو میں متعدد مرتبہ آچکی ہیں، آپ اپنے موجودہ شوہر اور سابق شوہر دونوں کے ساتھ اس شو میں شریک ہوئیں. سابق شوہر کہتے ہی وہ رک گئے اور ظاہر کیا کہ ان کی زبان پھسل گئی . کرن جو ہر کے سابق شوہر والے کمنٹ کو کرینہ کے ساتھ بیٹھے کولیگ عامر خان نے کافی انجوائے کیا ان کی زیر لب مسکراہٹ بتا رہی تھی کہ انہوں کو یہ ہلکی پھلکی طنز اچھی لگی

ہے. یاد رہے کہ کرن جوہر کے شوہر سیف علی خان انہوں نے ایک ہی شادی کی ہے لیکن شاہد کپور ان کے سابق بوائے فرینڈ ہیں ان کے ساتھ شادی کے معاملات تک بات پہنچ چکی تھی لیکن کرینہ پھر سیف کی طرف ہوں لیں یوں شاہد کپور کا چیپٹر کلوز ہو گیا. کرن جوہر نے شو میں شاہد کپور کو سابق شوہر کہنے پر معذرت کرتے ہوئے کرینہ سے کہا کہ میری زبان پھسل گئی تھی میرا مطلب یہ تھا کہ سابق بوائے فرینڈ.
واضح رہے کہ اپنے کیریئر کے آغاز کے دوران، کرینہ کپور خان شاہد کپور کو ڈیٹ کر رہی تھیں اور دونوں اپنے تعلقات کے بارے میں کافی کھلے تھے۔ 2007 میں جب وی میٹ کی ریلیز کے بعد دونوں نے الگ الگ راستے اختیار کیے تھے۔

چھوٹے نواب سیف علی خان کا شمار بالی ووڈ کےباصلاحیت اداکاروں میں ہوتا ہے۔ انہوں نے کاک ٹیل، گو گوا گون، دل چاہتا ہے جیسی دیگر فلموں میں اپنی اداکاری کا لوہا منوایا ہے۔سیف علی خان جتنا مرضی اپنے کام میں‌مصروف رہیں لیکن اپنی فیملی کو پورا وقت دیتے ہیں وہ اکثر اپنے بچوں‌کے ساتھ وقت گزارتے ہیں. سیف علی خان نے ہمیشہ جو بھی کیا ہے وہ اس کے بارے میں‌بہت کلئیر رہے انہوں نے بڑے بڑے فنکاروں‌کے ساتھ کام کیا وہ اتنا کام کر چکے ہیں اور ان کا کام کا اتنا تجربہ ہے کہ وہ آج بہت سارے معاملات پر کھل کر بات کر سکتے ہیں.سیف علی خان مانتے ہیں‌کہ وہ جب انڈسٹری میں آئے تھے تو ان کا جو رویہ

یا طرز عمل تھا اس کے نتیجے میں ان کو ناکامی کا سامنا بھی کرنا پڑا. سیف کا خیال تھا کہ سیٹ پر بس اچھا وقت گزارنا ہے اسکے علاوہ انکو کسی چیز کی پرواہ نہیں تھی. اداکار کو جب ہرتیک روشن کے ساتھ فلم ”نہ تم جانو نہ ہم” میں کرنے کی آفر ہوئی تو انہوں نے 2001 کے ایک انٹرویو میں کچھ یہ باتیں کہیں تھیں.انہوں نے اس وقت کہا تھا کہ ہرتیک بہت بڑے سٹار ہیں جو کامیابی اور رتبہ ان کو ملا ہے وہ اتنا آسان نہیں ہوتا اور سٹار بننا ویسے بھی آسان نہیں ہوتا .اداکار نے یہ بھی کہا تھا کہ لاکھوں لوگوں کو متاثر کرنا بھی ایک بات ہوتی ہے. اداکار نے اُس وقت یہ بھی کہا کہ میں جانتا ہو‌ں کہ میک اپ وین میں مجھ سے بڑے اداکار بیٹھے ہیں اور مجھے ابھی بہت طویل سفر طے کرنا ہے. میں ہرتیک کے ساتھ کام کرنے کے حوالے سے اوکے ہوں میرا اس حوالے سے کوئی انا کا مسئلہ نہیں ہے. اس حقیقت سے انکار ممکن نہیں کہ ہرتیک آج ایک بہترین سٹار ہیں اور میں اس بہترین سٹار کے ساتھ کام کرنا چاہوں گا. یاد رہے کہ سیف علی خان آخری بار فلم بھوت پولیس میں نظر آئے تھے.اداکاراب وکرم ویدھا میں ہریتک روشن اور رادھیکا آپٹے کے ساتھ نظر آئیں گے۔ یہ فلم 30 ستمبر 2022 کو ریلیز ہو رہی ہے۔