اوکاڑہ کے علاقے ماڑی پتن میں دریائے راوی پر پہلی بار تھرمل ڈرون کا استعمال کیا گیا ہے۔
ضلعی انتظامیہ کے ترجمان کے مطابق تھرمل ڈرون کو رات کی تاریکی میں دریائی علاقے کی سرچنگ اور سیلاب میں پھنسے افراد کو تلاش کرنے کے لیے استعمال کیا گیا۔اس موقع پر ممبر صوبائی اسمبلی چوہدری غلام رضا اور متعلقہ افسران بھی موجود تھے۔ڈپٹی کمشنر اوکاڑہ نے بتایا کہ تھرمل ڈرون کی مدد سے سیلاب متاثرین کو بروقت ریسکیو کرنے میں سہولت ملے گی۔
واضح رہے کہ اس سے قبل پنجاب کے مختلف اضلاع میں بارشوں اور سیلاب کے دوران جدید تھرمل امیجنگ ڈرونز کے ذریعے 800 متاثرین کی بروقت نشاندہی کر کے انہیں محفوظ مقامات پر منتقل کیا گیا۔سیف سٹی اتھارٹی کے مطابق سیالکوٹ، سرگودھا، گجرات اور جھنگ سمیت کئی متاثرہ علاقوں میں تھرمل ڈرون ٹیکنالوجی استعمال کی گئی جس سے شہریوں اور مویشیوں کی حرارت کی بنیاد پر ان کی لوکیشن کا پتا لگا کر ریسکیو آپریشن مکمل کیا گیا۔
وزیر اعلیٰ پنجاب مریم نواز نے سماجی رابطے کی ویب سائٹ ایکس پر بتایا کہ سیف سٹی اتھارٹی کی ٹیموں نے سی سی ٹی وی اور تھرمل ڈرونز کی مدد سے 800 سے زائد کیسز کو کامیابی سے کوآرڈینیٹ کیا اور ریسکیو سروسز نے فوری طور پر متاثرین کو محفوظ مقامات پر پہنچایا۔
شہباز شریف اور نریندر مودی جنگ کے بعد پہلی بار ایک ہی فورم پر
بجاش نیازی حماد اظہر کے خلاف میدان میں آگئے
اسرائیلی فضائی حملے میں حوثی وزیراعظم شہید، تصدیق ہو گئی
متاثرین کو اسکولوں میں منتقل ، ریلیف آپریشن میں کمی نہ آئے: مریم نواز