ایف بی آر نے مارچ 2025 کے سیلز ٹیکس اور فیڈرل ایکسائز ریٹرن جمع کرانے کی آخری تاریخ میں 25 اپریل 2025 تک توسیع کر دی ہے۔
ایف بی آر کی جانب سے جاری کردہ سرکلر کے مطابق، اس سے قبل مارچ 2025 کے لیے ریٹرن جمع کرانے کی آخری تاریخ 18 اپریل مقرر تھی، جسے اب بڑھا کر 25 اپریل کر دیا گیا ہے۔ایف بی آر کے سرکلر میں واضح کیا گیا ہے کہ اس توسیع کا اطلاق صرف ان ٹیکس دہندگان پر ہوگا جنہوں نے واجب الادا سیلز ٹیکس مقررہ تاریخ تک جمع کروا دیا ہو۔اسی طرح، فروری 2025 کی ٹیکس مدت کے لیے ریٹرن جمع کرانے کی تاریخ میں بھی توسیع کی گئی ہے، جو ابتدائی طور پر 18 مارچ تھی، بعدازاں 13 اپریل تک بڑھائی گئی، اور اب اسے بھی 25 اپریل تک کر دیا گیا ہے۔
دوسری جانب ایف بی آر نے چیف کمشنرز ان لینڈ ریونیو اور دیگر متعلقہ دفاتر کو ہدایت جاری کر دی ہے کہ اس ضمن میں ٹیکس دہندگان کو بروقت آگاہ کیا جائے تاکہ وہ اپنی ریٹرنز جمع کرانے میں کسی قسم کی دقت کا شکار نہ ہوں۔
شدید گرمی، کراچی میں شیڈول نیشنل گیمز ملتوی
اسحاق ڈار کا دورہ افغانستان، اچھی پیش رفت ہے.کاظمی
پنجاب حکومت کے بڑے پیمانے پر اسسٹنٹ کمشنرز کے تقرروتبادلے
ٍکراچی، گھر میں گیس لیکیج دھماکا، ملازمہ جاں بحق، 3 افراد زخمی