Tag: سینئر صحافی

سکھر کے صحافی جان محمد مہر کے قاتلوں کی گرفتاری کے لئے پی ایف یو جے نے آج ملک گیر احتجاج کی کال دے رکھی ہے

پاکستان کے تمام بڑے شہروں میں صحافی جان محمد مہر کے قتل کے واقعہ کے خلاف احتجاج کیا جائے گا پی ایف یو جے نے وفاقی و صوبائی حکومت، قانون نافذ کرنے والے اداروں اور پولیس حکام کو متنبہ کیا ہے کہ جان محمد مہر کے قاتلوں کو جلد گرفتار کیا جائے وگرنہ احتجاج کا دائرہ کار مزید وسیع کیا جائے گا

سندھ کے شہر سکھر میں قتل ہونے والے صحافی جان محمد مہر کے قتل کیس میں نامزد دو افراد کو پولیس نے گرفتار کیا ہے،جان محمد مہر کے قتل کی تحقیقات کے لئے سات رکنی تحقیقاتی ٹیم بنائی گئی ہے تحقیقاتی ٹیم ایک ماہ میں تحقیقات مکمل کر کے رپورٹ جمع کرائے گی، پولیس حکام کے مطابق قتل کیس میں نامزد دو ملزمان کو حراست میں لیا گیا جن سے تحقیقات جاری ہے ،گزشتہ شب پولیس نے چھاپہ مار کارروائیوں کے نتیجے میں دو ملزمان کو گرفتار کیا، گرفتار ملزمان کی شناخت بخش علی عرف بخشو مہر ولد گولو،بابر مہر ولد بخش علی کے طور پر ہوئی،

واضح رہے کہ صحافی جان محمد مہر کو 14 اگست کو قتل کیا گیا تھا، قتل کا مقدمہ 11 نامزد اور تین نامعلوم ملزمان کے خلاف درج کیا گیا ،درج ایف آئی آر کے مطابق جان محمد مہر کو ٹارگٹ کیا گیا کیونکہ بااثر افراد جان محمد مہر سے ناراض تھے اور انہیں دھمکیاں بھی مل رہی تھی، پولیس نے کاروائی کے دوران 15 مشتبہ افراد کو بھی گرفتار کیا ہے

جماعت اسلامی کراچی کے امیر حافظ نعیم الرحمان کا کہنا ہے کہ سکھر میں صحافی جان محمد مہر کی شہادت قابل مذمت ہے ، ہم مطالبہ کرتے ہیں کہ جان محمد مہر کے قاتلوں کو فوری گرفتار کیا جائے ۔جان محمد مہر کا قصور یہ تھا کہ وہ کچے کے ڈاکوؤں کو رپورٹ کر رہا تھا، آج صورتحال یہ ہے کہ ڈاکو اغوا کرتے ہیں اور تاوان مانگتے ہیں، ڈاکو نہ مسلمانوں کو نہ ہندوؤں کو چھوڑتے ہیں، کچے کے ڈاکو سڑکوں پر نکل رہے، کوئی کاروائی کرنیوالا نہیں،

سکھر کے سینئر صحافی جان محمد مہر کو خراج عقیدت پیش کرنے کے لئے شمعیں روشن کی گئی، صھافیوں کا کہنا تھا کہ جان محمد مہر کے قاتلوں کو انجام تک پہنچنا چاہئے، جب تک جان محمد مہر کے قاتلوں کو سزا نہیں ملے گی چین سے نہیں بیٹھیں گے

سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار

بیوی، ساس اورسالی کی تصاویر سوشل میڈیا پر وائرل کرنے کے الزام میں گرفتارملزم نے کی ضمانت کی درخواست دائر

سپریم کورٹ کا سوشل میڈیا اور یوٹیوب پر قابل اعتراض مواد کا نوٹس،ہمارے خاندانوں کو نہیں بخشا جاتا،جسٹس قاضی امین

‏ سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

سکھر کے سینئر صحافی جان محمد مہر کو گولیاں مار دی گئی ہیں،

جان محمد مہر کے قاتلوں کی عدم گرفتاری پر صحافیوں کا احتجاجی مظاہرہ

جان محمد مہر کے قتل کے خلاف17 اگست کو ملک گیر احتجاج کا اعلان

باغی ٹی وی کی رپورٹ کے مطابق سندھ کے شہر سکھر میں افسوسناک واقعہ پیش آیا ہے، سکھر کے سینئر صحافی جان محمد مہر کو گولیاں مار دی گئی ہیں،

واقعہ گزشتہ شب پیش آیا، جان محمد مہر اپنے دفتر سے گھر جا رہے تھے کہ راستے میں نامعلوم افراد نے فائرنگ کر دی، جان محمد مہر کو زخمی حالت میں ہسپتال منتقل کیا گیا مگر وہ جانبر نہ ہو سکے اور انکی موت ہو گئی، جان محمد مہر کی موت پر لاڑکانہ پریس کلب نے تین رو زہ سوگ کا اعلان کیا ہے،

جان محمد مہر کی نماز جنازہ ادا کر دی گئی بعد ازاں مقامی قبرستان میں تدفین کی گئی، نماز جنازہ میں صحافی برادری سمیت سول سوسائٹی ، سیاسی و سماجی رہنماؤں نے بھی شرکت کی،

پولیس حکام کے مطابق نامعلوم حملہ آوروں نے جان محمد مہر پر قریب سے گولیاں چلائیں، حملہ اسوقت کیا گیا جب وہ کار میں سفر کر رہے تھے، صحافی جان محمد مہر کو سر اور آنکھوں کے قریب گولیاں لگیں،

پیپلز پارٹی کی مرکزی سیکرٹری اطلاعات شازیہ مری نے سکھر میں سینیئر صحافی جان محمد مھر کی قاتلانہ حملے میں شھادت پر گہرے دکھ کا اظہار کیا ،شازیہ مری نے دہشتگردی کی اس کی واقعے کی شدید الفاظ میں مذمت کی اورکہا کہ ملوث عناصر کو قانون کی گرفت میں لاکرسخت سے سخت سزا دی جائے۔

وزیراعلیٰ سندھ سید مراد علی شاہ نے سکھر کے سینئر صحافی جان محمد مہر کی قاتلانہ حملے میں شہادت پر گہرے دکھ کا اظہار کیا ،وزیر اعلیٰ سندھ سید مراد علی شاہ نے آئی جی سندھ کو جان محمد کے قاتلوں کو گرفتار کرنے کی ہدایت دی ،وزیر اعلیٰ سندھ سید مراد علی شاہ نے جان محمد مہر کے بلند درجات اور ورثا کے صبر کے لیے دعا کی

کرونا لاک ڈاؤن، رات میں بچوں نے کیا کام شروع کر دیا؟ والدین ہوئے پریشان

لاک ڈاؤن ہے تو کیا ہوا،شادی نہیں رک سکتی، دولہا دلہن نے ماسک پہن کے کر لی شادی

سابق اہلیہ کی غیراخلاقی تصاویر سوشل میڈیا پر اپ لوڈ کرنے والے ملزم پر کب ہو گی فردجرم عائد؟

‏سوشل میڈیا پرغلط خبریں پھیلانا اورانکو بلاتصدیق فارورڈ کرنا جرم ہے، آصف اقبال سائبر ونگ ایف آئی اے

سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار

بیوی، ساس اورسالی کی تصاویر سوشل میڈیا پر وائرل کرنے کے الزام میں گرفتارملزم نے کی ضمانت کی درخواست دائر

سپریم کورٹ کا سوشل میڈیا اور یوٹیوب پر قابل اعتراض مواد کا نوٹس،ہمارے خاندانوں کو نہیں بخشا جاتا،جسٹس قاضی امین

‏ سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

‎سندھ جرنلسٹس اینڈ ادر میڈیا پریکٹشنرز کمیشن نے آئی جی سندھ غلام نبی میمن سے سکھر میں سینئر صحافی جان محمد مہر کے قتل کے واقے کی تفصیلی رپورٹ طلب کرلی ہے کمیشن کی ایگزیکٹو کمیٹی کا ہنگامی اجلاس چیئرمین جسٹس ریٹائرڈ رشید اے رضوی کی صدرات میں ہوا۔ اجلاس کے ٹی این کے سینئر صحافی جان محمد مہر کو سکھر میں نامعلوم افراد کی جانب سے فائرنگ کرکے قتل کیے جانے کے واقعے پر کراچی یونین آف جرنلسٹس کی درخواست پر ایک نکاتی ایجنڈے پر طلب کیا گیا تھا اجلاس میں کمیشن کے رکن، کراچی یونین آف جرنلسٹس کے صدر فہیم صدیقی، ہیومن رائٹس کمیشن آف پاکستان کے پروفیسر ڈاکٹر توصیف احمد خان اور سی پی این ای کے ڈاکٹر جبار خٹک نے شرکت کی اجلاس میں جان محمد مہر کے قتل کے واقعے کو صوبے میں پولیس اور دیگر قانون نافذ کرنے والے اداروں کی ناکامی قرار دیا گیا کمیشن کے چیئرمین جسٹس رشید اے رضوی نے واقعے پر برہمی کا اظہار کرتے ہوئے آئی جی سندھ کو حکم دیا ہے کہ جان محمد مہر کے قاتلوں کو فوری گرفتار کرکے رپورٹ کمیشن میں پیش کی جائے۔ کے یو جے کے صدر فہیم صدیقی نے کمیشن کے اجلاس میں کہا کہ یہ سندھ حکومت کی ناکامی ہے کہ وہ صوبے میں صحافیوں کے خلاف تواتر سے پیش آنے والے سنگین واقعات کو روکنے میں ناکام ہے ابھی مراد علی شاہ بطور وزیراعلی سندھ موجود ہیں انہیں جاتے جاتے اس واقعے کو ایک مثال بناتے ہوئے قاتلوں کی گرفتاری کو یقینی بنانا چاہیے۔ کمیشن میں ایچ آر سی پی کے نمائندے پروفیسر توصیف احمد خان کا کہنا تھا کہ سندھ میں انسانی حقوق کی سنگین خلاف ورزیاں جاری ہیں آج اگر نگراں وزیراعلی پر اتفاق ہوجاتا ہے تو آنے والے نگران وزیراعلی کو سب سے پہلے اس واقعے کا نوٹس لینا چاہیے اور کمیشن میں اس کی رپورٹ بھجوانی چاہیے سی پی این ای کے نمائندے جبار خٹک نے کے ٹی این سے وابستہ سینئر صحافی جان محمد مہر کے قتل کے واقعے کو صحافیوں کے ساتھ روا رکھے جانے والے سلوک کا تسلسل قرار دیا جبار خٹک نے کمیشن کے اجلاس میں زور دیا کہ جان محمد مہر کے قاتلوں کی گرفتاری کے لیے پولیس کو 24 گھنٹے کا وقت دیا جائے۔