Tag: سینئر صحافی مبشر لقمان

ڈھاکا کے ایک فائیو اسٹار ہوٹل میں امریکی فوجی افسر کرنل ٹیرینس اوریول جیکسن مردہ حالت میں پائے گئے۔ بھارتی میڈیا نے دعویٰ کیا ہے کہ کرنل کو زہر دے کر قتل کیا گیا۔

سینئر صحافی مبشر لقمان نے اپنے حالیہ وی لاگ میں انکشاف کیا ہے کہ اس قتل کے پیچھے بھارتی خفیہ ایجنسی "را” اور نیشنل سکیورٹی ایڈوائزر اجیت دوول کا ہاتھ ہے۔ ان کے مطابق بھارت کی یہ "آبی دہشت گردی” اور خفیہ کارروائیاں اب اسی کے لیے وبالِ جان بنتی جا رہی ہیں۔مبشر لقمان کے مطابق بھارتی پنجاب سمیت مختلف ریاستیں بدترین سیلاب کا شکار ہیں۔ کسان اپنی فصلوں اور مال مویشیوں کے ضائع ہونے پر سخت احتجاج کر رہے ہیں اور نریندر مودی حکومت کو آبی پالیسیوں کا ذمہ دار ٹھہرا رہے ہیں۔

وی لاگ میں کہا گیا کہ شنگھائی تعاون تنظیم (ایس سی او) کے اجلاس میں مودی کو نظر انداز کیا گیا جبکہ روسی صدر ولادیمیر پیوٹن نے وزیراعظم پاکستان شہباز شریف سے ملاقات کر کے پاکستان کو تجارتی شراکت دار قرار دیا۔ یہ پیش رفت بھارت کی خارجہ پالیسی کے لیے بڑا دھچکا قرار دی جا رہی ہے۔مبشر لقمان نے مزید بتایا کہ امریکی کانگریس کی رپورٹ کے مطابق بھارتی تیل کمپنیوں نے عالمی دباؤ کے باعث روس سے تیل کی خریداری میں کمی کا فیصلہ کیا ہے۔ امریکی صدر ڈونلڈ ٹرمپ نے بھی بھارت کے ساتھ مذاکرات سے صاف انکار کرتے ہوئے کہا کہ اب بات صرف امریکی شرائط پر ہی ہوگی۔

مبشر لقمان کے مطابق بھارت کی حالیہ پالیسیوں نے نہ صرف اندرونی طور پر عوامی ناراضی بڑھا دی ہے بلکہ عالمی سطح پر بھی مودی حکومت کو شدید تنہائی کا سامنا ہے۔ پاکستان مخالف اقدامات اور "آبی جارحیت” پر مبنی حکمت عملی اب بھارت کے لیے خود ایک بڑا خطرہ بن چکی ہے۔

شی جن پنگ اور پیوٹن کے درمیان 150 سال تک زندہ رہنے کا امکان زیر بحث

پاک فضائیہ اور ترک فضائیہ کی قیادت کی ملاقات، دفاعی تعاون مزید بڑھانے پر اتفاق

نیشنل سائبر کرائم ایجنسی کی کارروائی، آن لائن جوئے میں ملوث یوٹیوبر مدثر حسن گرفتار

پاکستان میں سرمایہ کاری ،وزیراعظم کی چینی کاروباری شخصیات سے ملاقات

سینئر صحافی مبشر لقمان نے اپنے تازہ وی لاگ میں انکشاف کیا کہ پاکستان نے بھارت کو ہر محاذ پر سخت دباؤ میں ڈال دیا ہے۔ ان کے مطابق کراچی اور آزاد کشمیر سے راء کے کارندے گرفتار ہوئے جنہوں نے پاکستان کے حساس مقامات کی معلومات بھارت کو دینے کا اعتراف کیا۔

انہوں نے کہا کہ 50 سال بعد تاریخ نے پلٹا کھایا ہے۔گیلپ سروے کے مطابق 47% بنگلہ دیشی عوام بھارت کو دشمن سمجھتے ہیں۔اسحاق ڈار کے ڈھاکہ دورے کے بعد پاکستان اور بنگلہ دیش قریب آگئے ہیں۔ویزا فری انٹری، سول سرونٹس اور فوجی افسران کی تربیت، اور مونگا بندرگاہ تک رسائی جیسے معاہدے ہو چکے ہیں۔مبشر لقمان کے مطابق مئی میں پاک فضائیہ نے بھارتی رافیل طیارے مار گرائے، نیوی بغیر لڑے واپس چلی گئی۔بھارت اربوں ڈالر کا اسلحہ خرید رہا ہے مگر خوف کم نہیں ہوا۔بھارتی میڈیا اور تجزیہ کار اب اپنی ہی حکومت پر تنقید کر رہے ہیں۔

انہوں نے کہا کہ بھارت نے سیلاب کے خدشے پر پاکستان کو پیشگی اطلاع دی، جسے ماہرین نے "مجبوری” اور سندھ طاس معاہدے کی تائید قرار دیا۔ مبشر لقمان نے کہا کہ بھارت چاہ کر بھی پاکستان کا پانی نہیں روک سکتا۔کراچی میں پکڑے گئے راء نیٹ ورک نے متلی میں ٹارگٹ کلنگ کا اعتراف کیا، جسے دبئی سے فنڈنگ مل رہی تھی۔ جواب میں بھارت نے کھلے سمندر سے 15 پاکستانی ماہی گیر گرفتار کر لیے۔

مبشر لقمان کے مطابق پاکستان نے نہ صرف سفارتی سطح پر بلکہ عسکری محاذ پر بھی بھارت کو دفاعی پوزیشن پر لا کھڑا کیا ہے۔ خطے میں طاقت کا توازن اب تیزی سے اسلام آباد کے حق میں جھک رہا ہے۔

سیلاب کا خدشہ، ستلج کےقریبی علاقوں میں انخلا کی کارروائیاں شروع