وفاقی وزیر مذہبی امور سینیٹر طلحہٰ محمود نے کہا ہے کہ حج انتظامات کے حوالے سے مطمئن نہیں ہوں۔
باغی ٹی وی: اسلام آباد میں پریس کانفرنس کرتے ہوئے سینیٹر طلحہٰ محمود نے کہا کہ سنا تھا کہ رمضان المبارک میں حج انتظامات مکمل کرلئے جاتے ہیں لیکن وزارت سنبھالنے کے بعد معلوم ہوا کہ انتظامات تو بلکل نہیں ہوئے تھےمجھے انتظامات کے سلسلے میں ہنگامی طور پر سعودی عرب جانا پڑگیا تھا۔ ابھی تک انتظامات کے حوالے سے میں مطمئن نہیں ہوں، ہوسکتا ہے مجھے دوبارہ سعودی عرب جانا پڑے۔
افغان طالبان نےخواتین پر پابندیوں کیخلاف سلامتی کونسل کی قرار داد مسترد کردی
انھوں نے کہا کہ اب حج آپریشن شروع ہوچکا ہے، 20 یا 21 تاریخ کو پہلی حج فلائیٹ روانہ ہوجائے گی، میں آئیڈیل حج تو نہیں کراسکتا لیکن مشکلات میں کمی ضرور لاؤں گا۔ پرائیویٹ حج ٹور آپریٹرز عازمین کے ساتھ کئے گئے وعدے پورے کریں وعدے پورے نہ کرنے والوں پر جرمانہ بھی عائد کیا جائے گا۔
صوبہ بلوچستان میں زلزلے کے جھٹکے
وفاقی وزیر نے مزید کہا کہ پی آئی اے والوں سےمیٹنگ کی، بڑی بڑی داستانیں سننےکو مل رہی ہیں، اس ملک میں فراڈ، دھوکے اور جھوٹ والی پالیسیوں سے کوئی ترقی نہیں ہونی، پریکٹیکل اور قابل عمل درست پالیسیاں بنانے کی ضرورت ہے ملک میں ہر نعمت موجود ہے اور وسائل بھی بہت ہیں لیکن پھر بھی پاکستان بدحالی کا شکار کیسے ہوگیا۔ آج جو بھی ادارہ حکومت کے ہاتھ میں ہے اس کا بہت برا حال ہے۔
