خیبرپختونخوا میں سیکیورٹی فورسز نے انٹیلی جنس اطلاعات پر متعدد کامیاب کارروائیوں کے دوران بھارتی سرپرستی میں سرگرم 9 دہشتگردوں کو جہنم واصل کر دیا، جبکہ وطن کے دو سپوت مادرِ وطن پر قربان ہو گئے۔
آئی ایس پی آر کے مطابق، لکی مروت میں خفیہ اطلاعات پر کی گئی کارروائی میں 5 دہشتگرد مارے گئے، جن کا تعلق بھارت کے حمایت یافتہ خارجی گروہوں سے تھا۔دوسری جانب، بنوں میں انٹیلی جنس بیسڈ آپریشن کے دوران مزید 2 دہشتگرد ہلاک کر دیے گئے۔شمالی وزیرستان کے علاقے میر علی میں سیکیورٹی فورسز کے قافلے پر حملے کی کوشش کو بروقت کارروائی سے ناکام بنا دیا گیا، جس میں 2 حملہ آور مارے گئے، تاہم افسوسناک طور پر پاک فوج کے دو جوان، سپاہی فرہاد علی طوری (ضلع کرم) اور لانس نائیک صابر آفریدی (ضلع کوہاٹ)، مادرِ وطن پر قربان ہو گئے۔
پاک فوج نے شہداء کو خراجِ عقیدت پیش کرتے ہوئے کہا ہے کہ ان کی قربانیاں قوم کا حوصلہ بلند کرتی ہیں اور دہشتگردی کے خلاف جنگ میں ہمارا عزم مزید مضبوط ہوتا ہے۔آئی ایس پی آر کے مطابق، متاثرہ علاقوں میں کلیئرنس آپریشنز جاری ہیں، اور ہر دہشتگرد کو انجام تک پہنچایا جائے گا۔ بیان میں مزید کہا گیا کہ ’’افواجِ پاکستان دہشتگردی کے مکمل خاتمے اور ملک میں امن و استحکام کے لیے پرعزم ہیں۔‘‘
سینیٹ اجلاس میں سیکیورٹی فورسز پر الزام لگانے پر اراکین میں تلخ کلامی
سینیٹ اجلاس میں سیکیورٹی فورسز پر الزام لگانے پر اراکین میں تلخ کلامی
روس کا یوکرین پر سب سے بڑا ڈرون حملہ، متعدد مکانات تباہ، خاتون ہلاک
سیالکوٹ: ٹیکس بار کے نئے سیکرٹری چوہدری شیراز اسلم کو مبارکباد، وکلا کا نیک خواہشات کا اظہار