سری لنکن کرکٹ ٹیم کی وطن واپسی کی درخواست کے معاملے پر پاکستان کرکٹ بورڈ (پی سی بی) کی جانب سے سیکیورٹی کی مکمل یقین دہانی کے بعد سری لنکا کرکٹ بورڈ نے اپنی ٹیم کو دورہ پاکستان جاری رکھنے کی ہدایت جاری کر دی۔
بدھ کو سری لنکا کرکٹ بورڈ کے جاری کردہ اعلامیے کے مطابق ٹیم کے چند کھلاڑیوں نے حفاظتی خدشات کے باعث وطن واپس جانے کی خواہش ظاہر کی تھی۔اعلامیے میں بتایا گیا کہ اس صورتحال پر بورڈ نے فوری طور پر کھلاڑیوں سے رابطہ کیا اور انہیں یقین دہانی کرائی کہ پی سی بی اور متعلقہ حکام کے ساتھ قریبی تعاون سے تمام سیکیورٹی معاملات حل کیے جا رہے ہیں تاکہ ٹیم کے ہر رکن کی مکمل حفاظت یقینی بنائی جا سکے۔
سری لنکا کرکٹ بورڈ نے تمام کھلاڑیوں، ٹیم مینجمنٹ اور سپورٹ اسٹاف کو ہدایت دی ہے کہ وہ شیڈول کے مطابق دورہ جاری رکھیں، جبکہ ہدایات کے برعکس وطن واپس جانے والے کھلاڑیوں کے معاملے کا باضابطہ جائزہ لیا جائے گا اور تحقیقات کے بعد مناسب کارروائی کی جائے گی
برطانیہ میں وزیراعظم سر کیئر اسٹارمر کی برطرفی کی قیاس آرائیاں
چار ماہ میں وفاقی ترقیاتی منصوبوں پر 75 ارب 96 کروڑ روپے خرچ