Tag: سی ٹی او لاہور

لاہور سمیت تمام بڑےشہروں میں لین اور لائن کی پابندی یقینی بنانے کا ہدف مقرر کیا گیا ہے۔

وزیراعلیٰ مریم نواز شریف کی زیر صدارت خصوصی اجلاس ہوا جس میں ٹریفک سے متعلق تفصیلی بریفنگ دی گئی، بریفنگ میں بتایا گیا کہ ٹریفک پولیس نے 6 ماہ میں 5 لاکھ سے زائد چالان کیے اور ایک لاکھ سے زائد گاڑیاں پکڑیں۔

مریم نواز شریف نے سی ٹی او لاہور کو شہر کی ٹریفک میں بہتری لانے کا ہدف دیتے ہوئے روڈز کی اطراف پر ناجائز پارکنگ کے سدباب کے لیے سخت اقدامات کی ہدایت کر دی،مریم نواز شریف نے لاہور میں غیر منظم ٹریفک ٹرینڈ پر اظہار اتشویش کرتے ہوئے لاہور کی ٹریفک میں بہتری کے لیے فوری اقدامات یقینی بنانے کا حکم دیامریم نواز کا کہنا تھا کہ قانون پر پابندی یقینی بنانے کے لیے چھوٹے بڑے روڈز پر کم عمر ڈرائیونگ کی روک تھام ضروری ہے۔

لاہور کی بڑی سڑکوں کو ٹریفک کے حوالے سے ماڈل بنانے کا فیصلہ کیا گیا ہے جس کے لیے ٹریفک پولیس کو موبائل گاڑیوں پر لگے کیمروں سے لین اور لائن کی پاپندی کی مانیٹرنگ کرنے کی ہدایت کر دی گئی ہے زگ زیگ میں چلانے پر موٹر سائیکل تھانے میں تین دن بند رہے گی لین، لائن ڈسپلن، روڈ سائیڈ پارکنگ اور ون وے کی خلاف ورزی پر زیرو ٹالرنس ہےوزیراعلیٰ مریم نواز شریف نے عوام کو لین اور لائن سے متعلق بھرپور آگاہی دینے کی ہدایت کر دی۔

لاہور میں ٹریفک وارڈنز کی وردیوں پر باڈی کیمرے لگانے کا آغاز کر دیا گیا ہے، پہلے مرحلے میں مال روڈ پر تعینات وارڈنز کو یہ کیمرے فراہم کیے گئے ہیں۔

باغی ٹی وی کے مطابق چیف ٹریفک آفیسر (سی ٹی او) لاہور ڈاکٹر اطہر وحید کے مطابق اس اقدام کا مقصد چالان کرتے وقت تمام تر کارروائی کا ویڈیو ثبوت محفوظ رکھنا ہے تاکہ کسی بھی قسم کے تنازعے کی صورت میں شفافیت قائم رہے۔سی ٹی او نے مزید کہا کہ ان باڈی کیمروں کی مدد سے نہ صرف ڈیوٹی کے دوران شہریوں کے رویے کی نگرانی ممکن ہوگی بلکہ کار سرکار میں مداخلت کرنے والوں کے خلاف قانونی کارروائی میں بھی یہ ویڈیوز ثبوت کے طور پر استعمال کی جا سکیں گی۔

ان کا کہنا تھا کہ کیمرے وردی سے منسلک ہوں گے اور ان کی مدد سے سڑکوں پر ہونے والے احتجاج، جلوس اور دیگر ہنگامی حالات کا جائزہ بھی مؤثر انداز میں لیا جا سکے گا۔ اس کے علاوہ یہ کیمرے جرائم کے خلاف شواہد اکٹھا کرنے میں بھی معاون ثابت ہوں گے۔

ڈاکٹر اطہر وحید نے امید ظاہر کی کہ جدید ٹیکنالوجی سے لیس یہ اقدام ٹریفک اسٹاف کی کارکردگی اور شہریوں کے رویے میں مثبت تبدیلی لانے کا باعث بنے گا۔

ورلڈ ٹیسٹ چیمپئن شپ ٹیم آف دی ٹورنامنٹ کا اعلان، پاکستان کے نعمان علی شامل

سعودی عرب میں شدید گرمی، عرفات کے دن عازمین کو خیموں میں رہنے کی ہدایت

غزہ، خان یونس اور جبالیہ پر اسرائیلی بمباری، امدادی مراکز پر حملے، 54 ہزار سے زائد شہداء

پاک امریکہ تعلقات نئے دور میں داخل، معاشی استحکام اور علاقائی امن اولین ترجیح ہے،وزیرِاعظم