سی ٹی ڈی اور حساس اداروں نے مشترکہ کارروائی کے دوران مچھر کالونی سے سندھ ریزستانس آرمی (ایس آر اے) کے دو انتہائی مطلوب دہشت گرد گرفتار کر لیے، جن کے قبضے سے ہینڈ گرنیڈ اور بارودی مواد برآمد ہوا۔
ایس ایس پی سی ٹی ڈی عرفان بہادر کے مطابق کارروائی خفیہ اطلاع پر ڈاکس مچھر کالونی میں کی گئی، گرفتار دہشت گردوں کی شناخت سرمد علی رضا اور غنی اللہ عرف غنی امان چانڈیو کے نام سے ہوئی۔سی ٹی ڈی حکام کے مطابق ملزمان ایس آر اے کے انتہائی مطلوب گروہ سے تعلق رکھتے ہیں اور قانون نافذ کرنے والے اداروں کو نشانہ بنانے کی منصوبہ بندی کر رہے تھے۔
حکام کا کہنا ہے کہ گرفتار دہشت گرد طلبہ کو ایس آر اے میں بھرتی کرنے اور دہشت گردی کی ترغیب دینے میں بھی ملوث تھے۔ملزمان کے خلاف مختلف تھانوں میں دہشت گردی، بارودی مواد اور حملوں کے مقدمات درج ہیں، جبکہ مزید انکشافات کے لیے انہیں متعلقہ شعبے کے حوالے کر دیا گیا ہے
ایران کا امریکا کو دوٹوک جواب، یورینیم افزودگی پر مذاکرات نہیں ہوسکتے
پاکستان میں تین نئی بندرگاہوں اور جدید میری ٹائم کمپلیکس کے قیام کا اعلان
پرواز میں بم کی جھوٹی اطلاع، طیارہ ممبئی ایئرپورٹ پر اتار لیا گیا