گلوکارہ شائے گل اسلام آباد میں ہونے والے ایک لائیو کنسرٹ کے دوران اسٹیج پر شدید زخمی ہوگئیں۔
تفصیلات کے مطابق پارک ویو سٹی اسلام آباد میں جاری پرفارمنس کے دوران ایک تیز رفتار اور بے قابو ڈرون اچانک شائے گل کے ہاتھ سے ٹکرا گیا،یہ ڈرون لائیو کنسرٹ میں شائے گل کی پرفارمنس کو ریکارڈ کر رہا تھا اور اس دوران گلوکارہ کے نہایت قریب آگیا۔
اسی دوران ڈرون آپریٹر کے قابو سے باہر ہوگیا اور تیز رفتاری کے باعث بری طرح شائے گل کے ہاتھ سے ٹکرا گیا،بعد ازاں شائے گل نے سوشل میڈیا پر وضاحت جاری کرتے ہوئے تسلی دی کہ وہ بالکل ٹھیک ہیں اور کسی سنگین چوٹ سے محفوظ رہیں، آپ سب کی دعاؤں اور خیریت پوچھنے کا بے حد شکریہ-
کنسرٹ میں پرفارمنس کے دوران شائے گل زخمی ہو گئیں
گلوکارہ نے اس واقعے کے بعد اپنی ویڈیو سوشل میڈیا پر اپ لوڈ کی جس میں دیکھا جا سکتا ہے کہ ان کی کلائی اور ہاتھوں پر جا بجا کٹ کے نشانات ہیں اور خون رس رہا ہے، دوسری جانب مداحوں نے بھی نیک تمناؤں کا اظہار کیا-
کنسرٹ کے منتظمین نے بتایا کہ یہ ڈرون ایک غیر پیشہ ور اور ناتجربہ کار آپریٹر کے زیرِ استعمال تھا جو کنٹرول سے باہر ہو گیا،سوشل میڈیا صارفین نے تشویش کا اظہار کیا کہا کہ اتنے بڑے کنسرٹ میں ناتجربہ کار ڈرون آپریٹر کسی بھی بڑے حادثے کا باعث بھی بن سکتے ہیں۔
