ارجنٹائناس ماہ کے شروع میں جنوبی ارجنٹائن میں لاپتہ ہونے والے ایک شخص کی باقیات ایک شارک کے اندر سے ملی ہیں جسے مقامی ماہی گیروں نے پکڑ لیا تھا۔
باغی ٹی وی : قانون نافذ کرنے والے ادارے کی افسر ڈینیلا ملاتروز نے مقامی نیوز میڈیا کو بتایا کہ 32 سالہ ڈیاگو بیریا کے خاندان نے اس کی باقیات کو نظر آنے والے ٹیٹو کی وجہ سے پہچانا، باریا کو آخری بار 18 فروری کو جنوبی صوبہ چوبوت میں ساحل کے قریب اپنی آل ٹیرین گاڑی پر سوار ہوتے دیکھا گیا تھا۔
اتوار کی صبح، دو ماہی گیر یہ اطلاع دینے کے لیے کوسٹ گارڈ کے پاس گئے کہ انھوں نے تین شارک مچھلیاں پکڑی ہیں جہاں مسٹر باریا کی گاڑی ملی تھی اور جب وہ ان کی صفائی کر رہے تھے تو انھیں ان میں سے ایک میں انسانی باقیات ملیں-
انہوں نے مزید کہا کہ خاندان کے افراد نے بیریا کو "ایک ٹیٹو کی وجہ سے پہچانا اہلکار اس بات کی تحقیقات جاری رکھے ہوئے ہیں کہ باریا کے ساتھ اصل میں کیا ہوا تھا۔
انہوں نے کہا کہ ہمارا خیال ہے کہ ڈیاگو کو حادثہ ہوا ہےابھی یہ واضح نہیں ہے کہ کیا ہوا لیکن تحقیقات جاری ہیں مسٹر باریا کی تباہ شدہ گاڑی ان کے لاپتہ ہونے کے دو دن بعد روکاس کولوراڈاس کے قریب ایک ساحل پر پائی گئی۔
محکمہ پولیس کے سربراہ کرسٹیان انسالڈو نے مقامی میڈیا کے ساتھ ایک انٹرویو میں کہا کہ باقیات کو سرکاری طور پر اس بات کی تصدیق کرنے کے لیے ڈی این اے ٹیسٹ بھی کیا جائے گا شارک جس میں انسانی باقیات پائی گئی ہیں اس کی پیمائش تقریباً 1.5 میٹر (4.9 فٹ) ہے۔
سب سے زیادہ امکانی مفروضہ جس کے ساتھ تفتیش کار فی الحال کام کر رہے ہیں وہ یہ ہے کہ باریا کو "ایک حادثہ پیش آیا تھا اورشارک کا نوالہ بن گیا، ہفتے کے آخر میں جب وہ لاپتہ ہو گیا تھا تو زبردست سمندری طوفان آیا تھا۔
