کراچی:شالیمار ٹرین کی جانب سے کراچی اور لاہور کے درمیان چلنے والی شالیمار ایکسپریس کے کرایوں میں کمی کا اعلان کیا گیا ہے-
باغی ٹی وی: تفصیلات کے مطابق شالیمار ایکسپریس نے کراچی سے لاہور تک کے مسافروں کے لئےکرائے میں 20 فیصد کی غیر معمولی کمی کا اعلان کردیا اور اس حوالے سے نوٹیفکیشن بھی جاری کردیا گیا ہے۔
کراچی ایکسپریس میں آگ لگنے سے 4 بچوں سمیت 7 افراد کی موت
ترجمان ریلوے کی جانب سے جاری نوٹیفکیشن کے مطابق یکم سے 15 مئی تک شالیمار ایکسپریس میں سفر کرنے والے افراد کیلئے کرائے میں 20 فیصد رعایت ہوگی، جب کہ 16 سے 31 مئی تک سفر کرنے والوں کو کرائے میں 10 فیصد رعایت دی جائے گی۔
یکم مئی سے شالیمار ایکسپریس کا شاندار آغاز
ایڈوانس بکنگ جاری pic.twitter.com/fZaMcch0wi
— Pakistan Railways (@PakrailPK) April 21, 2023
ترجمان ریلوے کے مطابق کرائے میں کمی کا اطلاق تمام کلاسز کی ٹکٹوں پر ہو گا، اور رعایت کا اطلاق ایڈوانس اور کرنٹ بکنگ پر بھی ہو گا، جب کہ پہلے سے ریزرو کرائی گئی ٹکٹس پر رعایتی کرایہ ریفنڈ کیا جائے گا۔