Tag: شان شاہد

اداکار نور بخاری نے حال ہی میں ایک انٹرویو دیا ہے اس میں انہوں نے آڑھے ہاتھوں لیا ہے ماہرہ خان اور فواد خان کو.انہوں نے کہا کہ جو آج پنجابی فلموں میں کام کررہے ہیں گنڈاسہ ہاتھ میں پکڑ رہے ہیں‌یہی لوگ ہمیں باتیں کیا کرتے تھے ، کہا کرتے تھے کہ یہ لوگ تو کھیت اجاڑ دیتے ہیں اچھی فلموں میں‌کام نہیں‌کرتے ، اب خود بھی سب کچھ کررہے ہیں . میں نے ابھی تک دا لیجنڈ آف مولا جٹ اسی لئے نہیں‌دیکھی کیونکہ مجھے لگتا ہے کہ یہ دوغلی سی بات ہے کہ ایک طرف آپ لوگ جن کو باتیں‌کیا‌کرتے‌تھے‌آج انہی کی طرح کام بھی کررہے ہیں. نور نے کہا کہ میں

پاکستانی فلموں‌کو سپورٹ کرتی ہوں اچھی بات ہےکہ مولا جٹ نے بہت اچھا بزنس کیا ہے. لیکن مجھے بس یہ گلہ ہے کہ ہًمیں باتیں کرنے والے آج خود بھی وہی کچھ ہی کررہے ہیں. نور نے کہاکہ آج کل ندیم بیگ بہت اچھا کام کررہے ہیں‌انہوں نے ہمایوں سعید کی جتنی بھی فلمیں بنائی ہیں وہ مجھے بہت پسند ہیں. نور نے کہا کہ ابھی میری بیٹی چھوٹی ہیں جیسے ہی بڑی ہوئیں تو ایک ایسی فلم ضرور بنائوں گی جو ہمارے کلچر اور مذہب کی عکاسی کرتی ہو.لیکن ابھی وقت نہیں ہے کیونکہ میرے بچے مجھے بہت زیادہ مصروف رکھتے ہیں.

لالی وڈ‌کے سپر سٹار شان شاہد نے حال ہی میں‌ایک انٹرویو دیا ہے اس میں انہوں نے اپنی پسند نہ پسند کے حوالے سے بات کرتے ہوئے کہا ہے کہ ویسے تو میری زندگی کے بہت سارے یادگار واقعات ہیں لیکن میری بیٹی بہشت کی پیدائش میری زندگی کا یادگار ترین واقعہ ہے. انہوں نے کہا کہ بہشت کے بعد بھی جو بیٹیاں‌پیدا ہوئیں وہ وقت وہ لمحات میرے لئے یادگار ترین تھے. مایوس کن لمحات کے بارے میں‌بات کرتے ہوئے شان شاہد نے کہا کہ امی کا دنیا سے جانا مایوس کن تھا ، شان نے مزید کہا کہ جب میں مایوس ہوتا ہوں تو بہتر سوچتا ہوں ، ایسے وقت میں انسان پہاڑ کے نیچے

سے پہاڑ پر چڑھنے کی پلاننگ بہتر کر لیتا ہے . ایک سوال کے جواب میں شان شاہد نے کہا کہ ویسے تو بہت ساری جگہیں اور شہر میرے پسندیدہ ہیں لیکن میں‌ نے رہنے کےلئے لاہور کا اتنخاب کیا. میں جب بھی بولتا ہوں دل سے بولتا ہوں . اختلاف رائے پہ ناراض نہیں‌ہوتا کیونکہ میں سمجھتا ہوں کہ ہر کسی کو ہر کسی سے اختلاف کرنے کا حق ہے اس میں ناراض نہیں ہونا چاہیے. شان شاہد نے اس انٹرویو میں یہ بھی کہا کہ جب تک میرے چاہنے والے چاہیں گے میں‌کام کرتا رہوں گا مجھے خوشی ہے کہ مجھے آج بھی پسند کیاجاتا ہے.

اداکار ببرک شاہ جو کہ بہت ہی کھلے دل سے بات کر دیتے ہیں چاہے کسی کو بہت ہی زیادہ بری کیوں نہ لگے. ببرک شاہ نے حال ہی میں ایک انٹرویو دیا ہے اس میں انہوں نے کہا ہے کہ معمر رانا جنہوں نے کافی اچھی فلموں میں‌کام کیا وہ اچھے اداکار تھے لیکن انہوں نے ہمیشہ ان فلموں میں کام کیا جو پہلے ہی سپر ہٹ تھیں یعنی بننے سے پہلے ہی اندازہ ہو جاتا تھا کہ وہ سپر ہٹ ہیں. معمر رانا نے صرف اتنا کیا جتنا اسکو ڈائریکٹر نے کہا اس نے کبھی بھی اپنی طرف ایفرٹ کرنے کی کوشش نہیں‌کی. انہوں نے کہا کہ میں نے ہمیشہ کوشش کی کہ معیاری کام کروں ،

میں نے پنجابی فلموں میں کام کیا ، بے شک پنجابی بہت اچھی بولنی نہیں آتی تھی لیکن میں‌نے کام کیا لوگوں نے پسند بھی کیا. ببرک شاہ نے کہا کہ پنجابی بولنے میں‌پنجابی فلم میں کرنے میں‌کوئی برائی نہیں ہے لیکن اس زبان کو برا کہنے والوں پر مجھے حیرت ہوتی ہے . حالانکہ یہ زبان بہت میٹھی زبان ہے. ببرک شاہ نے کہا کہ کراچی والوں نے ہمیں‌کبھی کاسٹ نہیں کیا یا ان کے نصیب میں‌ہمارے ساتھ کام کرنا نہیں‌لکھا ہوا تھا یا ہے. تو کیا کیا جا سکتا ہے ، ہم نے بہت کام کیا ہے آج تو کوئی بھی ہیرو سو فلم نہیں کرسکتا جس رفتار سے فلمیں بن رہی ہیں.

لالی وڈ کے اداکار ببرک شاہ نے حال ہی میں ایک انٹرویو دیا ہے اس میں انہوں نے کہا کہ دا لیجنڈ آف مولا جٹ میں‌نے نہیں دیکھی ، کیونکہ میں‌پرانی مولاجٹ کا فین ہوں اور فواد خان اور حمزہ سلطان راہی اور مصطفی قریشی کا مقابلہ نہیں‌کر سکتے. فواد خان تو ویسے ہی فلموں کا بوجھ نہیں اٹھا سکتا اور ہمایوں جب فلموں میں آئے تھے انہوں‌نے ولن کے کرداروں سے شروعات کی اور ڈائریکٹرز ان کو ولن کے طور پر دیکھ رہے تھے. ان میں ہیروز والی کوئی بات نہیں تھی لیکن اب وہ ہیرو آرہے ہیں. ببرک شاہ نے کہا کہ شان نے بہت فلمیں کیں لیکن آڈینز کو بلٹ

نہیں کیا ، یہی گلہ میرے والد کو سلطان راہی سے رہا. شان نے دوسروں‌کا پیسہ لگوا کر ہمیشہ فلم بنائی اس لئے اس کے چلنے نہ چلنے پر توجہ نہیں دی ، اگر ان کا اپنا پیسہ لگتا تو یقینا وہ درد سر لیکر فلم کی تشہیر کرتے اور آڈینز کو بلٹ کرتے. ببرک شاہ نے کہا کہ ریما اچھی رقاصہ تھیں اداکارہ نہیں جبکہ وینا ملک کا چہرہ ہیروئین والا نہیں تھا . ہاں وینا ملک ایک اچھی پیروڈی کرنے والی ضرور تھیں اس میں ان کا آج تک کوئی ثانی نہیں‌ہے . میں انڈر ریٹٍڈ اداکار رہا ہوں. شان شاہد اور معمر رانا اور ریٹڈ اداکار رہے ہیں.

معروف فلم میکر سید نور نے کہا ہے کہ میں نے کبھی بھی شان شاہد کو منحوس نہیں‌کہا میرے انٹرویو کو غلط رنگ دیکر پیش کیا گیا ہے. میں‌نے بتایا تھا کہ جب شان کی فلمیں فلاپ ہونا شروع ہوئیں تو انہیں‌ان ڈائریکٹرز نے بھی منحوس کہنا شروع کر دیا جو ان کے بغیر کام نہیں کرتے تھے .سید نور نے کہا کہ شان ایک باصلاحیت اداکار ہے اس نے میری فلم بلندی سے کیرئیر کا آغاز کیا سپر ہٹ ہوا ، ہٹ‌ہونے کے بعد انڈسٹری نے ان پر کام کا بہت زیادہ بوجھ ڈال دیا جس کے بعد شان کی فلمیں فلاپ ہونا شروع ہو گئیں ، اور سب نے کہنا شروع کر دیا یہ تو منحوس ہے

لہذا شان کو اپنی فلم میں‌لینے کے لئے کوئی تیار نہ تھاوہ پڑھا لکھا تھا امریکہ چلا گیا تین سال تک وہاں رہا میں میڈم نیلو سے رابطے میں رہا ان کے زریعے شان سے امریکہ میں بات کی اور اسکو منا کر فلم گھونگھٹ اور سنگم کے لئے بلوایا ، جب شان کو لیکر سٹوڈیو گیا تو سب نے کہا کہ اسکو کیوں لےآئے ہو یہ تو منحوس ہے میں‌نے کہا کہ نہیں دیکھنا یہ بہت بڑا سٹار پھر سے بن کر ابھرے گا اور وہی ہوا شان کی قسمت کا ستارا ایک بار پھر چمکا اور سب نے دیکھا ، شان اچھا ڈائریکٹر اور ایکٹر ہے ہم نے ایک ساتھ بہت کام کیا اور عزتیں کمائی ہیں.

ایسا محسوس ہوتا ہے کہ شان شاہد آج کل کی بننے والی فلموں سے مطمئن نہیں ہیں نہ ہی ان میں کام کرنے والے آرٹسٹوں سے مطمئن ہیں. وہ کوئی بھی موقع ہاتھ سے نہیں‌جانے دیتے ، ان کو جہاں جب موقع ملتا ہے آج جو فلمیں بن رہی ہیں ان کے ڈائریکٹرز اور ایکٹرز کو کھری کھری سنا دیتے ہیں . حال ہی میں شان شاہد نے ایک انٹرویو دیا ہے اس میں انہوں نے کہا کہ ہر کام کو کرنے کا طریقہ سلیقہ ہوتا ہے. فلموں میں کام کرنے سے کسی کو کوئی بھی منع نہیں‌کرسکتا لیکن ضروری ہے کہ آپ کام سیکھ کر آئیں . اگر ٹی وی کے فنکار بھی فلموں‌میں کام کرنا چاہتے ہیں تو وہ بڑی سکرین کی ڈیمانڈ کو سمجھیں اور کام

سیکھیں. شان شاہد نے یہ بھی کہا کہ مولا جٹ میں‌حمزہ علی عباسی اور فواد خان نے اچھی پنجابی نہیں بولی ، لیکن اچھی بات ہے کہ فلمیں اچھا بزنس کر رہی ہیں . انہوں نے کہا کہ فلمی صعنت کی بحالی میں ہم سب کو اپنا اپنا کردار ادا کرنا ہو گا .یاد رہے کہ حال ہی میں شان کی فلم ضرار ریلیز ہوئی ہے فلم خاص بزنس تو نہیں‌کر سکی لیکن اس میں ان کی اداکاری اور ڈائریکشن کو کافی پسند کیا گیا ہے.

اداکار شان شاہد نے حال ہی میں طلاق کی بڑھتی ہوئی شرح پر تبصرہ کیا ہے، انہوں نے کہا کہ شادی ایک خوبصورت عمل ہے، جو لوگ سوچ سمجھ کر شادی نہیں کرتے بعد میں ان کے رشتوں میں خرابی پیدا ہوتی ہے. اور جو طلاقوں کی شرح بڑھ رہی ہے اس کی بنیادی وجہ یہ ہے کہ جلد بازی میں فیصلے کر لئے جاتے ہیں سوچا سمجھا نہیں جاتا ، تھوڑا ساتھ چل کر پتہ چلتا ہےکہ ہم ایک دوسرے کےلئے نہیں بنے اور ہم ایک دوسرے کے ساتھ نہیں چل سکتے . پھر ایسے شادی شدہ جوڑے کو طلاق کی صورت میں الگ ہونا پڑتا ہے. شادی کرنے کے پہلے یہ دیکھنا چاہیے کہ ہم

جس کا انتخاب کررہے ہیں اس کے ساتھ ہماری ذہنی ہم آہنگی ہے یا نہیں ہے. معاملات وہاں خراب ہوتے ہیں جہاں ذہنی ہم آہنگی نہیں ہوتی . انہوں نے کہا کہ اکثر لوگ عشق کے خیال سے پیار کرتے ہیں یہ ہوتا کیا ہے اسے سمجھنا نہیں چاہتے بس جو اچھا لگ گیا شادی کر لی جلد بازی میں بعد میں پتہ چلا کہ یہ تو وہ ہے ہی نہیں جس کے ساتھ زندگی کا سفر کٹ سکے تو بہتر ہے کہ سوچ سمجھ کر فیصلہ کریں .شان نے کہا کہ شادی ہو یا زندگی کے دیگر فیصلے سوچ سمجھ کر کریں.

اداکار شان شاہد جواردو کے ساتھ پنجابی فلمیں کرتے رہے ہیں اور خود بہت اچھی پنجابی بولتے ہیں ان کو شاید ہی کسی دوسرے کا پنجابی ایکسینٹ پسند آتا ہے. یہی وجہ ہے کہ انہوں نے فواد خان اور حمزہ علی عباسی کو لے لیا ہے آڑھے ہاتھوں. شان نے اپنے ایک حالیہ بیان میں کہا ہےکہ اداکار فواد خان اور حمزہ علی عباسی کو پنجابی بولنے کی پریکٹس کرنی چاہیے تھی. ان دونوں نے مولا جٹ اور نوری نت کے کردار تو کر لئے ہیں لیکن محسوس یہ ہوتا ہے کہ انہوں نے محنت نہیں کی اور کرداروں کے ساتھ انصاف نہیں کیا. شان شاہد کے اس بیان کے بعد انہیں لیا جا

رہا ہے آڑھے ہاتھوں کیونکہ فواد خان اور حمزہ علی عباسی ایک بڑی تعداد میں فین فالونگ رکھتے ہیں. فواد اور حمزہ کے مداحوں کا کہنا ہے کہ شان کو اس طرح کی گفتگو کرنی چاہیے اپنی نسبت نئے لوگوں کی حوصلہ افزائی کرنی چاہیے. شان شاہد جتنا مرضی ان کی اداکاری پر سوال اٹھا لیں پسند انہیں ہی کیا جا رہا ہے. یاد رہے کہ مولا جٹ کے بعد شان شاہد کی فلم ضرار آئی ہے جس نے باکس آفس پر تسلی بخش بزنس نہیں کیا. شائقین نے شان اور کرن ملک کی اداکاری کو ضرور پسند کیا ہے لیکن فلم کو یکسر رد کر دیا ہے.

شان شاہد جن کی حال ہی میں فلم ضرار ریلیز ہوئی ہے، انہوں نے اپنے انٹرویو میں کہا ہے کہ شعیب منصور ایک منجھے ہوئے ڈائریکٹر ہیں جب بھی کوئی فلم تیار کرتے ہیں وہ کمال کا ہی شاہکار ہوتا ہے ، انہیں چاہیے کہ وہ زیادہ سے زیادہ فلمیں بنایا کریں اور جلدی بنایا کریں زیادہ سال نہ لگایا کریں . دوسری طرف انہوں نے سید نور کے حوالے سے بھی کہا کہ سید نور ایک بہت اچھے ڈائریکٹر ہیں اور انہوں نے بہت اچھی اچھی فلمیں لکھی ہیں ان ی فلموں‌کو بہت پذیرائی بھی ملی ہے. لیکن انہیں چاہیے کہ وہ اب خود نہ لکھا کریں . انہوں نے کہا کہ خود لکھنے میں مسئلہ نہیں ہے لیکن وہ اچھے ڈائریکٹر ہیں بطور ڈائریکٹر وہ زیادہ سے زیادہ فلمیں ڈائریکٹ کریں تاکہ فلمی صنعت کو سنبھالا مل سکے. یاد رہے کہ شان

اور سید نور نے ایک ساتھ جس دور میں کام کیا وہ فلموں کے لئے ایک بہترین دور تھا.نوے کی دہائی میں سید نور نے شاہکار فلمیں بنائیں جبکہ شعیب منصور نے ٹی وی کے لئے بے تحاشا کام کیا اور خدا کے لئے اور بول جیسی فلمیں بنا کر شائقین کو اپنا گرویدہ بنا لیا . شان خود بھی ڈائریکٹر ہیں ان کی حال میں ہی ریلیز ہونے والی فلم ضرار انہوں نے ڈائریکٹ کی ہے.

حال ہی میں فلم ریلیز ہوئی ہے ضرار اور ضرار میں ہیں کرن ملک جو کہ معروف ماڈل ہیں ماڈلنگ کی دنیا میں‌کامیابیاں سمیٹنے کے بعد انہوں‌نے باقاعدہ طور پر فلم انڈسٹری کا رخ کر لیا ہے. انہوں نے اپنے حالیہ انٹرویو میں شان شاہد کے ساتھ اپنے کام کرنے کے تجربے کو شئیر کیا ہے. انہوں نے کہا ہے کہ شان شاہد نہ صرف اچھے ایکٹر ہیں بلکہ ڈائریکٹر بھی ہیں وہ سیٹ پر کافی سختی کرتے ہیں ایسا لگتا ہے کہ جیسے پتہ نہیں‌کتنے غصے والے ہیں لیکن ساتھ ہی ساتھ وہ بہت زیادہ ہنسی مذاق بھی کرتے ہیں. شان شاہد کے ساتھ کام کرنے کے بعد میں‌نے بہت کچھ

سیکھا ہے اور جو کچھ سیکھا ہے وہ آگے بہت کام آئیگا. انہوں نے تو اپنے انٹرویو میں شان شاہد کو کامیڈین ہی کہہ دیا انہوں نے کہا کہ شان بہت مذاق کرتے ہیں ان کی طبیعت ہنسی مذاق کرنے والی ہے وہ دوسروں کا بھی بہت خیال رکھتے ہیں . نہایت پروفیشنل ہونے کے ساتھ نئے لوگوں کی حوصلہ افزائی کرتے ہیں اور ہر وقت ان کی مدد کے لئے سیٹ پر تیار رہتے ہیں . انہوں نے کہا کہ مجھے اگر مزید بھی اچھے پراجیکٹ ملے تو میں‌اداکاری ضرور کروں‌گی .انہوں نے کہا کہ ہر کردار نبھانے کےلئے بہت ساری محنت کرنی پڑتی ہے.