Tag: شان شاہد

لالی وڈ کے سپر سٹار شان شاہد عمران خان کے بہت بڑے حمایتی ہیں وہ ہر صورت عمران خان کے ساتھ کھڑے رہنے کو ترجیح دیتے ہیں . شان ٹویٹر پر کافی متحرک ہیں اور عمران خان کے علاوہ دیگر سیاسی لیڈران کو شائستہ الفاظ میں سناتے بھی رہتے ہیں. شان شاہد نے حال ہی میں ایک ٹویٹ کیا ہے جس میں انہوں نے عمرا ن خان کی ایک تصویر لگائی اور کیپشن لکھا ” ایسٹ کا سچا شیر لیڈر جو اپنے عوام کے درمیان کھڑا ہوتا ہے عوام اسے کبھی نہیں بھولے گی” . شان کے اس ٹویٹ کے نیچے تحریک انصاف کے حامیوں نے تو کافی اچھے کمنٹس کئے لیکن دیگر سیاسی جماعتوں کے سپورٹرز نے اپنے غصہ نکالا، ایک صارف نے لکھا ”انسداد دہشت گردی کی عدالت میں ملزم ہے۔توہین عدالت کے کیس میں ملزم ہے۔فارن فنڈنگ کیس میں مجرم ہے۔ایسے شخص کو تم لوگ لیڈر بول کیسے لیتے ہو؟”

تحریک انصاف کے حامی نے لکھا ” قائد اعظم کے بعد برصغیر کے مسلمانوں کو اللہ تعالی نے عمران خان کی صورت میں ایک اصل لیڈر عطا فرمایا
مجھے خوشی اس چیز کی ہےکہ آپ جیسا اداکارجس کوموجودہ حکومت مالی نقصان پہنچا سکتی ہے لیکن پھر بھی آپ عمران خان کے ساتھ کھڑے ہیں.حق کے ساتھ کھڑے ہیں.اس کا اجر اللہ تعالی ہی دینے والا ہے” .
شان شاہد نے عمران خان سے ایک ٹویٹ میں یہ بھی اپیل کی کہ ”براہ کرم ایک اکاؤنٹ بنائیں جہاں لوگ سیلاب متاثرین کے لیے رقم عطیہ کر سکیں، ہم سب اپنے عطیات کے لئے آپ پر بھروسہ کرتے ہیں”.

اداکار شان شاہد کی پاکستان تحریک انصاف کے لئے سپورٹ کسی سے ڈھکی چھپی نہیں ہے۔وہ کھل کر عمران خان کی حمایت کرتے ہیں اور اس حمایت پر نازاں بھی ہیں۔ شان شاہد عمران خان کی سیاسی سپورٹ میں اس قدر آگے جا چکے ہیں کہ اب ان کے بارے میں خیال کیا جاتا ہے کہ وہ جیسے کوئی عمران خان کے سیاسی ورکر ہیں۔ڈر ہے کہ ان کا یہ نیا روپ ان کے اداکاری کے کیرئیر کو دھچکا نہ لگا دے۔ اب شان شاہد کی فلم ضررار بھی ریلیز کے قریب ہے

لیکن جس طرح سے اداکار نے خود سیاسی معاملات میں دھکیل لیا ہے شاید ان کے سیاسی نظریے سے اختلاف رکھنے والے ان کی فلم نہ دیکھنے جائیں۔ جشن آزادی کے موقع پر عمران خان نے ایک جلسہ کیا اور اس میں انہوں نے تقریرکی اس تقریر پر عمران خان کی حوصلہ افزائی کرتے ہوئے شان شاہد نے ایک ٹویٹ کیا اور لکھا کہ آپ نے جو بھی بولا ہے وہ ظاہر کرتا ہے کہ آپ اپنے ملک کے بہادر محافطوں سے کس قدر محبت کرتے ہیں۔ انہوں نے مزید یہ بھی لکھا کہ ملک کو عمران خان سے زیادہ اس فوج کی ضرورت ہے ، عمران خان آپ نے آج جو کچھ بھی بولا ہے وہ ایک محب وطن ہی بول سکتا ہے۔

کامن ویلتھ گیمز میں سونے کا تمغہ حاصل کرنے والے ارشد ندیم کی جہاں سارے پاکستان نے تعریف کی ہے وہیں اداکار شان شاہد بھی پیچھے نہ رہے. شان شاہد نے ٹویٹر پر ارشد ندیم کی تصویر لگا کر ایک کیپشن لکھا ” آپ ایک حقیقی ہیرو ہیں، آپ ایک ایسے نظام سے اٹھے ہیں جو ملک کے کھلاڑی کو کوئی سپورٹ فراہم نہیں کرتا، جہاں طاقتور کو آپ کی جدوجہد کی کوئی پرواہ نہیں آپ اکیلے ہیرو ہیں اورعزت کے حقدار ہیں” . شان شاہد نے ارشد ندیم کی خوبصورت لفظوں میں‌ حوصلہ افزائی کی. شان کے ساتھ ساتھ دیگر فنکاروں نے بھی ارشد ندیم کو اپنا اور اپنے ملک کا ہیرو قرار دیا سب کا کہنا ہےکہ اس کھلاڑی نے ملک کا نام روشن کرنے کے ساتھ

ساتھ پوری دنیا میں ہمارا سر فخر سے بلند کر دیا ہے اور ہمیں ایسے ہی ہیروز کی ضرورت ہے. یاد رہے کہ میاں چنوں سے تعلق رکھنے والے ارشد ندیم عالمی سطح پر ہونے والے ایسے مقابلوں میں کئی بار پاکستان کے لیے میڈلز جیتے ہیں.ارشد ندیم 5 بھائیوں میں تیسرے نمبر پر ہیں۔ ارشد نے پنجاب یوتھ فیسٹول میں کئی گولڈ میڈلز حاصل کئے۔ انھوں نے انٹربورڈ ایونٹ میں گولڈ میڈل حاصل کرنے کےبعد قومی سطح پر پاکستان کی نمائندگی کی۔پچھلے برس ٹوکیو اولمپکس میں جیولین تھرو ایونٹ میں گولڈ ميڈل کيلئے12 ايتھليٹس ميں مقابلہ تھا۔ اس ایونٹ میں ارشد نديم پاکستان کے ميڈل کی واحد اميد تھے۔

لالی وڈ کے سپر سٹار شان شاہد جو پچھلے کچھ عرصے سے فلموں‌سے زیادہ سیاست پر بات کرتے دکھائی دیتے ہیں. وہ تحریک انصاف کے سربراہ عمران خان کی حمایت میں ملک کے ہر دوسرے سیاستدان پر طنز و تنقید کرتے ہیں. عمران خان کو ملک کا نجات دہندہ سمجھتے ہیں. پرویز الہی کےوزیراعلی بننے کے سپریم کورٹ کی طرف سے احکامات جاری ہوئے تو شان شاہد نے خوشی کااظہار کیا اور پرویز الہی کو مبارکباد دی اور ان کے وزیر اعلی بننے کو تاریخی جیت قرار دیا. اس کے بعد شان شاہد

نے عمرا ن خان کی تصویر ٹویٹر پر پوسٹ کی. شان شاہد نے ایک ٹویٹ بھی کیا جس میں انہوں نے لکھا کہ شہباز شریف کو مبارکبادیں دینے والے کرکٹرز خاموش ہیں اور اتنے خاموش ہیں کہ ان کو روتے ہوئے سنا جا سکتا ہے. انہوں نے ٹویٹ میں شاہد آفریدی کا نام نہیں‌لیا لیکن انہوں نے ان ڈائریکٹ کرکٹر شاہد آفریدی پر ہی طنز کی ہے کیونکہ شاہد آفریدی نے عدم اعتماد کے بعد شہباز شریف کو مبارکباد دے کر کہا تھا کہ آپ سب کو مل کر پاکستان کے لئے کام کرنا چاہیے. شان شاہد نے بےشک کرکٹر شاہد آفریدی کا نام ٹویٹ میں نہیں‌لیا لیکن سمجھنے والے سمجھ گئے کہ شان نے شاہد آفریدی پر ہی طنز کی ہے.اُدھر شاہد آفریدی کا ٹویٹر ہینڈل تاحال پرویز الہی کے وزیراعلی بننے کے بعد خاموش ہے وہاں سے کسی قسم کی مبارکباد کا ٹویٹ جاری نہیں‌ہوا.

شان شاہد کی عمران خان کے لئے سپورٹ کسی سے بھی ڈھکی چھپی نہیں ہے وہ ضمنی انتخابات میں ووٹ کاسٹ نہ کر سکنے پر نہایت ہی سیخ پا تھے انہوں نے اس حوالے سے ٹویٹس بھی کئے. ہر دم ٹویٹر پر رہنے والے شان شاہد کل سے بالکل خاموش ہیں ان کے ٹویٹر اکائونٹ پر تاحال کل کے الیکشن کے حوالے سے کچھ لکھا نظر نہیں آرہا. اسی طرح سے پرڈیوسر و اداکار ہمایوں سعید بھی عمران خان کے بہت بڑے حامی ہیں ان کا ٹویٹر اکائونٹ بھی خاموش ہے. شان شاہد نے باقاعدہ جو ٹویٹ عمران خان کے حق میں کی وہ پانچ دن پہلے کی ہے جب عمران خان ضمنی انتخابات جیتے تھے اس وقت شان شاہد نے عمران

خان کی تصویر لگا کر ٹویٹ کیا تھا لوگوں نے آپ پر یقین کا اظہار پاکستان کی بہتری کے لئے کیا ہے. لیکن جب سے وزیراعلی پنجاب کا الیکشن پی ٹی آئی کے ہاتھوں سے نکلا ہے بے شک انہوں نے سپریم کورٹ کا رخ کر لیا ہے شان شاہد بالکل خاموش ہیں انہوں نے کل تمام دن جب الیکشن کی ہر طرف ہلچل تھی خاموشی اختیار کئے ہوئے ہیں.شان شاہد بھی کوئی ایسا موقع ہاتھ سے نہیں جانے دیتے جب وہ عمران خان کی تعریف نہ کریں اور دیگر جماعتوں کے حامیوں پر تنقید نہ کریں .

شان شاہد جنہوں نے حالیہ ضمنی انتخابات پر ووٹ کاسٹ نہ کر سکنے پر احتجاج کیا تھا ان کا کہنا ہے کہ اگر جمہوریت کی جڑیں مضبوط کرنی ہیں تو ہمیں انتخابی اصلاحات کرنی ہوں گی.شان شاہد نے ایک انٹرویو میں‌کہا کہ ہر کسی کا حق ہے کہ وہ ووٹ کاسٹ کرے وہ پاکستان کے جس کونے میں بھی رہتا ہے اس کو انتخابات کے دوران ووٹ‌ کاسٹ کرنے کا حق حاصل ہونا چاہیے یہ نہیں کہ آپ ووٹ کاسٹ‌ کرنے جائیں اور پتہ لگے کہ حلقہ ہی تبدیل ہو چکا ہے میرے ساتھ

بھی ضمنی انتخابات میں ایسا ہی ہوا.دنیا ترقی کر چکی ہے لہذا ہمیں مینوئل کی بجائے جدید ٹیکنالوجی کی طرف جانا چاہیے.شان نے مزید کہا کہ عجیب ہی مذاق ہے کہ لوگ پولنگ اسٹیشن پہنچتے ہیں تو پتہ چلتا ہے ان کا شمار تو ” مردہ“ ووٹرز میں ہوتا ہے یا آپ کا پولنگ اسٹیشن یہاں نہیں ہےیا آپ کا ووٹ دوسرے علاقے میں ہے . شان شاہد نے زور دیتے ہوئے کہا کہ جو جس جس کو ووٹ کاسٹ کرکے جاتا ہے وہ اسی کے ڈبے سے نکلنا چاہیے یہ کیا کہ ووٹ کسی کو کاسٹ کیا جاتا ہے وہ کسی اور کے کھاتے سے نکلتا ہے. یاد رہےکہ شان شاہد تحریک انصاف کے بڑے سپورٹر ہیں اور ایسا سمجھتے ہیں کہ ملک کو اگر کوئی ترقی کی راہوں پر لیجا سکتا ہے تو وہ صرف اور صرف عمران خان ہے.

سپر سٹار شان شاہد جو کہ عمرا ن خان کو اس ملک کی آخری امید قرار دیتے ہیں وہ عمران خان کی جیت پر جہاں بہت زیادہ خوش ہیں وہیں نالاں بھی ہیں کیوں کہ وہ اپنے پسندیدہ لیڈر عمران خان کے امیدواروں‌کو ووٹ نہیں‌کاسٹ کر سکے. رپورٹس کے مطابق شان شاہد اور ان کی اہلیہ آمنہ شان ووٹ ڈالنے کےلئے گئے لیکن انہیں‌پتہ چلا کہ ان کی اہلیہ کا تو ووٹ ہی اس حلقے میں‌نہیں‌ہے، شان کہتے ہیں‌کہ میں جب اپنی اہلیہ کو متعقلہ حلقے میں‌لیکر پہنچا تو صرف دس منٹ باقی تھے لیکن ان دس منٹوں میں بھی ہمیں باہر روک لیا گیا.شان شاہد کہتے ہیں کہ میں نے بہت ریکویسٹ کی لیکن ووٹ کاسٹ کرنے کی اجازت

نہیں دی گئی.پولیس والوں نے کہا کہ ہمیں جو آڈرز ملے ہوئے ہیں ہمیں ان کے مطابق چلنا ہے. شان کہتے ہیں کہ میں نے ان سے درخواست کی لیکن جب وہ مسلسل انکار کرتے رہے تومیں‌ نے سوچا کہ واپس ہی جانا پڑے گا کہیں کوئی بد مذہبگی ہی نہ ہوجائے.شان جہاں عمران خان کی جیت پر بہت خوش ہیں وہیں نالاں ہیں کہ وہ ووٹ کاسٹ نہیں کر سکے، شان کہتے ہیں کہ آئین مجھے ووٹ دینے کا حق دیتا ہے اور میں اس حق کو استعمال کرنے کے لئے آزاد ہوں، میرا حق ہے کہ میں جسکو مرضی ووٹ کروں یقینا میں اسی کو ووٹ‌کروں گا جو ملک کو ترقی کی راہوں پر لیجاناکے لئے سنجیدہ ہے.

لالی وڈ اداکار شان شاہد جو کہ پی ٹی آئی اور عمران خان کے بہت بڑے حمایتی ہیں ، ہر وقت ان کی سپورٹ میں نظر آتے ہیں انہوں نے عمرا ن خان کو ضمنی انتخابات میں واضح برتری حاصل کرنے پر مبارکباد دی ہے۔ اداکار نے اپنے ٹویٹر اکاﺅنٹ پر تحریک انصاف کے سربراہ عمران خان کی تصویر لگا کر لکھا ہے کہ ” قوم آپ پر یقین رکھتی ہے امید ہے کہ اب بہتر پاکستان بنے گا“ ۔ یاد رہے کہ جب عمران خان کے خلاف عدم اعتماد کی تحریک آئی اور عدم اعتماد کا ووٹ کاسٹ ہوا تھا شان شاہد تب سراپا احتجاج تھے کہ ایسا نہیں ہونا چاہیے۔ شان شاہدنے ہمیشہ اپنے مداحوں کو عمران خان کے حق میں کھڑا رہنے کی

تلقین کی ہے وہ تقریبا روزانہ کی بنیادوں پر عمران خان کے حق میں ٹویٹس کرتے ہیں۔شان شاہد نے کچھ عرصہ قبل عمران خان کاایک انٹرویو کیا تھا جو بہت وائرل ہوا تھا اُس وقت جب عمران خان نے کہا تھا شان کے انٹرویو کی لائٹنگ ٹھیک نہیں تھی۔شان شاہد عمران خان کی ضمنی انتخابات میں واضح برتری پر خاصے خوش ہیں۔شان شاہد کے ساتھ ساتھ عمران خان اور تحریک انصاف کے حامی اینکرزبھی ضمنی انتخابات میں کلین سویپ پر جشن منا رہے ہیں۔عمران خان جب سے ڈی سیٹ ہوئے تھے وہ تب سے عوام کا خون گرمانے کےلئے جلسے جلوس کررہے تھے وہ کسی حد تک اس میں کامیاب بھی دکھائی دے رہے ہیں۔

جمشید ظفر کے انتقال کی خبر پر شوبز انڈسٹری سے جڑے لوگ اور فلمی شائقین کافی رنجیدہ ہیں. جمشید کافی عرصے سے فلم انڈسٹری کی رونقوں سے دور تھے. انہوں نے چھ ماہ قبل جب اپنے بیٹے کی شادی کی تو فلم انڈسٹری کی تقریبا شخصیات کو مدعو کیا. حال ہی میں‌ وہ سرمد سلطان کھوسٹ کی فلم کملی کے پریمئیر پر بھی دکھائی دئیے. ان کے انتقال پر فلمسٹار شان شاہد کا کہنا ہے کہ میں نے ان کے ساتھ بہت زیادہ کام تو نہیں کیا لیکن ان کا کام دیکھا تو ہے بہت اچھا کام کیا انہوں نے.نوے کی دہائی میں ان کی فلموں کے حوالے سے بہت زیادہ کنٹریبیوشن رہی. انہوں نے نوے کی دہائی کے اوائل میں بہت زیادہ کام کیا بطور پرڈیوسر ان کے کریڈٹ پر ایسی شاندار فلمیں ہیں کہ جن کو آج بھی شائقین پسند کرتے ہیں.وہ ایک بڑے پرڈیوسر تھے میرا ان کے ساتھ بہت اچھا تعلق تھا.جمشید ظفر نوے کی دہائی کے آخر تک خاصے ایکٹیو رہے لیکن اس کے بعد انہوں نے تھوڑی دوری اختیار کر لی ان کا انتقال یقینا ہم سب کے لئے دکھ کی بات ہے. شان شاہد نے یہ بھی کہا کہ فلم پرڈیوسر ایسوسی ایشن کے جب صدر تھے تو فلم انڈسٹری کے لئے یقینا اچھے کام کئے.
یاد رہے کہ جمشید ظفر گردوں کے عارضے میں مبتلا تھے.

فلمسٹار شان شاہد جو سوشل میڈیا پر کافی متحرک رہتے ہیں خصوصی طور پر ٹویٹر پر۔شان عمران خان کے بہت بڑے حامی ہیں اور وہ اپنے پسندیدہ لیڈر کی تعریف کا کوئی بھی موقع ہاتھ سے نہیں جانے دیتے ۔حال ہی میں انہوں نے ایک ٹویٹ کیا اور برس پڑے حکمرانوں پر ۔ کہنے لگے ”پیٹرول مہنگا نہیں ہوا لوگ سستے ہوئے ہیں “ اور لوگ تب سستے ہوتے ہیں جب حکمرانوں کے دلوں میں ان پر ظلم کرنے کا درد اور احساس ختم ہوجائے لیکن پھر بھی قوم ہمت اور پاکستان کا ساتھ کبھی نہیں چھوڑے گی۔ یہی وہ شان شاہد ہیں جو عمران خان کے دور میں پیٹرول کی قیمتیں بڑھنے پر لوگوں کو تسلی دیا کرتے تھے

اور کہا کرتے تھے کہ عمران خان جو بھی کررہے ہیں وہ پاکستان کے مفاد میں کررہے ہیں لیکن ایکدم شان شاہد کو مہنگائی بھی محسوس ہونے لگی ہے اور حکمرانوں کی ذمہ داریاں بھی محسوس کرنے لگے ہیں ۔ شان شاہد کو بڑی تعداد میں لوگ ٹویٹر پر فالو کرتے ہیں یہی وجہ ہے کہ اِدھر وہ ٹویٹ کرتے ہیں اُدھر ان کی پوسٹ کے نیچے لوگوں کے کمنٹس آنا شروع ہوجاتے ہیںکچھ لوگ ان کا ساتھ دیتے ہیں ان کی ہاں میںہاں ملاتے ہیں اور کچھ لوگ ان پر برس پڑتے ہیں اور یوتھیا ہونے کے طعنے دیتے ہیں۔ یاد رہے کہ شان شاہد کی فلم ضرار کا ٹریلر ریلیز ہو چکا ہے اور فلم ریلیز کے لئے بھی تیار ہے لیکن ریلیز کی تاریخ تاحال سامنے نہیں آسکی اس فلم کو شان شاہد نے خود لکھا ہے ۔