پاکستان کرکٹ بورڈ (پی سی بی) نے وکٹ کیپر بیٹر محمد رضوان کو ون ڈے ٹیم کی کپتانی سے ہٹا کر فاسٹ باؤلر شاہین شاہ آفریدی کو نیا کپتان مقرر کر دیا۔
پی سی بی کے اعلان کے مطابق شاہین شاہ آفریدی جنوبی افریقہ کے خلاف تین ون ڈے میچوں کی سیریز میں ٹیم کی قیادت کریں گے، جو 4 سے 8 نومبر تک فیصل آباد کے اقبال اسٹیڈیم میں کھیلی جائے گی۔شاہین کی تقرری کا فیصلہ اسلام آباد میں ہونے والے اجلاس میں کیا گیا، جس میں ہیڈ کوچ مائیک ہیسن، ڈائریکٹر ہائی پرفارمنس عاقب جاوید اور سلیکشن کمیٹی کے ارکان شریک تھے۔
25 سالہ فاسٹ باؤلر اب تک پاکستان کی جانب سے 66 ون ڈے اور 92 ٹی 20 انٹرنیشنل میچ کھیل چکے ہیں، جن میں انہوں نے مجموعی طور پر 249 وکٹیں حاصل کیں، جبکہ 32 ٹیسٹ میچوں میں ان کے کھاتے میں 120 وکٹیں ہیں۔شاہین آفریدی اس سے قبل 2024 میں نیوزی لینڈ کے خلاف پانچ ٹی 20 میچوں کی سیریز میں بھی پاکستان کی قیادت کر چکے ہیں.
وفاقی وزیرداخلہ کی بلاول بھٹو سے ملاقات، ملکی و سیاسی صورتحال پر گفتگو
جوئے ایپ کی تشہیر کیس: عدالت نے ڈکی کی اہلیہ عروب جتوئی کو طلب کرلیا